#أنت_قدرى ❤
الحلقه الثانية ✨
خشيت للصالة ضيفتهن
ماما " هذي بنتي غزل
فتحيه " مشاء الله ربي يخليها لكي
حنين " ياخيا صدق حمادي يعرف يختار
تامي " تعالي قعمزي
وقعمزت جنبهن ويهدرزن خواته وكان جوهن حلو بكل
مع اني كنت متوتره بس هديت
ملاك " البنت ترعش كنك مش حناكلوك راه
انا " هههه
حنين " مواليد الكم انتي
انا " 92
ملاك " عطيني رقمك نتعرفوا اكثرا
انا " تمام عطتني فونها وكتبته لها
حنين " كم لكي تعرفي حمادي
انا " اربع سنين
ملاك " وين تعرفتوا
انا " في الاردن وفي المستشفى اخره
ملاك " معناها ايام ما كان بابا مريض وسافر معاه
انا" اهاا
حنين " تبيلنا قعميزه نبو نعرفوا التفاصيل راه
نحب نعرف تفاصيل انا
انا " مايهمك شي عادي
تامي " هذي سكنان وتعبك راه
انا" ههههههه
حنين " كنك ي تامي تشوهي في صورتي
طول ما انا نحكي وامه كانت تبحت فيا وتهدرز وكان الوضع طبيعي شويه و فنصت فيا ماما وصبيت طلعت
فتحيه " والله احميده اصر عليا انه نجي اليوم مع اني قتله عيب لازم ناخذوا موعد قبل بس قالي انكم مسافرين بكره
ماما "لا عادي مايهمك شي
اها اصلا فتره هذي عايشين في الاردن نحن بسبب شغل عبدالله
فتحيه " اهااا
غزل بنتك الوحيدة
ماما " لا عندي بنت اخر وشابين
فتحيه "ربي يخليهم لكي
ماما" ويخليلك بناتك مشاء الله
مرر الوقت وهدرزن وتعرفن ع بعضهن وطلبتني لي محمد
وروحوا هله وكان الوضع طبيعي جدا
خالتي " شن رايك ي اسماء
ماما " امه كويس بس باين فيها انها واعره
مرات عمي مريم " بس عرب كويسين
ماما " توا نحكي مع باتها ونحكيله
مشكله نحن بكره العشية طيارتنا
فاطمه " كان هكي اجلوا سفرتكم ولا يسافر عبدالله لي شغله وخلي العيال يسالوا عليهم قبل
ماما " يصير خير موضوع كله في يد باتها
في السيارة
فتحيه " ان شاء الله تكون تريحت
محمد" المهم انتي شن رايك
فتحيه " يهمك راي توا
محمد " اكيد ي امي
تامي " تي ي حمادي عجبتها البنت مغير تكابر بس
ملاك" سمحه ي حمادي مش لك بكل
محمد " باهي ي معفنة باه
فتحيه" وشن قصدك ولدي شين مغير اطول هيا اصلا تاخد وليدي
حنين " كان جيتي لي الحق البنت سمحه
فتحيه " مش احلي من وليدي
محمد" ههههههههه باهي خلاص يعني راضيه
فتحيه " ربي يكتبلك الخير شن نبي غير راحتك انا
محمد" باهي ع شنو اتفقتوا
فتحيه " كنك مستعجل مازال يسالوا علينا ونسالوا عليهم وخذيت رقمها انا امها وتوا نتفقوا
محمد" ربي يخليك ليا
وصلهم للحوش
فتحيه " كيف ماتبيش تنزل انت
محمد " شباب يستنوا فيا في القهوه
فتحيه "رد بالك من روحك ماطولش
محمد" حاضر
جاء الليل وبابا وخوتي روحوا و ماما خشت تحكي لي بابا في الدار
اسامه " توا الهبله هذي تبو تجوزوها
انا " كنك شن تحق فيا
صهيب " انا مش موافق
انا " وعليش ان شاء الله
صهيب " تفضحي بينا كان نجوزوك من بيارتك
انا " هاهااها سامط
اسامة " باهي كنك مش متحشمة منه
غفران "هذي تحشم تحلم انت
صهيب " باهي وتيتوا الشناطي
غفران " انا حاجاتي واتيات
انا" مانبيش نسافر انا مازال ماشبعتش من بنغازي
مادهورناش
اسامة " وين تبي تدهوري
انا " شن رايكم نمشو للكورنيش توا
صهيب " حراره راقيه عندك
انا " بطلوا سماطه شن رايك نمشوا
غفران " هيا سامو انت الكبير
اسامة "تعبان نبي نرقد انا
بحتتت في صهيب
انا " هوبي حبيبي
صهيب " طيري تره جعان نبي ناكل
انا " نتعشوا ونمشوا عادي
صهيب " حي ع الباردة
غفران " هيا ي سامطين
صهيب " باهي ي سكنان
انا " نعليا
خشت علينا ماما
ماما " شن اديروا
انا "نبو نمشوا نتمشوا ع كورنيش
ماما" في هل الليل
غفران " نغيروا جوا شويه
ماما " باهي ردو بالكم من روحكم ماطولوش
غفران "تمشي معانا
ماما "لا نبي نرقد حتي باتكم رقد
ماطولوش
غفران "تمام
انا " نمشي نلبس
صهيب " تقعدي ساعه نفوتك
انا " تي باهي ي حصله
غيرنا دبشنا وميشت انا وصهيب وغفران
وصلنا ودرس السيارة ونزلنا انتمشوا
انا " كان بابا يوافق نقعدوا هنا ملينا من الغربة
صهيب " نقوللكن حاجه
غفران " شنو
صهيب " تطلع منك انتي ي فاره نهارك
انا" خزي من امتي نحكي انا
صهيب " لا انتى ع طول تمشي لي باتي وتحكي
غفران " احكي هيا
انا" معش نبي نسمع
صهيب " متاكدة
انا" اها
صهيب " توا نقولك بعدين ي ناني
انا " ماتبيش تحكي قدامي اخره
باهي باه نبي نروح
صهيب " تعالي ي هبله
نفكر نشتغل هنا
انا " شنو وشغلك غادي
صهيب " هنا رفاقتي كلهم وشغل كويس يعني
غفران " وين الشغل هذا
صهيب " في شركه امتاع برمجه
(صهيب متخرج من تقنيه المعلومات )
انا" كان خلاك بابا تعال قابلني
صهيب" ي واطيه تبي تبيعيني
انا" مش انا مانمسكش في كلام
توا نوريك
غفران " رقتلها
انا" عادي مرقتليش
كسدنا وتمشينا وبعدها برمنا بالسيارة وروحنا للحوش كانو كلهم راقدين
غفران "تعبانه نبي نغير ونرقد
انا " تعرفي ناسيه فوني هنا اكيد حمادي من بدري يرن
ركبت لي دار وشفت فوني مالقيتش ولا رنه منه استغربت لبست بجامتي ورقدت ع سرير ورنيت عليه ماردش استغربت فتحت الفيس وقعدت نستنا فيه يرن عليا ....
