أنت قدري ❤
الحلقة الرابعة والعشـرون 🙈
كنت مقعمزه في دار المعيشة
سهي " فرحتلك لما عرفت انك حامل
انا" محمد كان يستنا في اليوم هذا
سهي" توا يقعد كويس
انا " يارب
ريم " غزل تعالي شويه
انا "صبيت
شن فيه
ريم " في وحده تبي تحكي معاك وطلعت في الصاله
لقيت فريده والاء
انا" شن جابك انتي هنا
فريدة " ممكن نحكي معاك شويه
انا " مانبيش نحكي معاك ياريت تطلعي بي كرامتك احسن
الاء" غزل انا ماكنتش نعرف بالموضوع صدقيني
انا" الاء احسن حاجه تاخذي اختك وتطلعيها من قدامي احسن
ريم " عيب ي غزل مش في حوشك هيا قاعده بيش تلزيها
انا "بحتت فيها
اطلعي من الموضوع احسن انتي
فريده " ممكن نحكي معاك بروحك بس
انا " شن تبي تحكي بعد خربتيلي حوشي تره قوليلي
ريم " رقتلها
غزل هيا جايه تعتذر منك يعني ماتستحقش انك تحكي معاها هكي
انا " بعد شنو جايه تره قوليلي بعد خربتلي حوشي بعد وصلتني للطلاق انا ومحمد لذلك اطلعي من الموضوع يكون احسن ي ريم مش شورك
الاء" انا جبتها بيش تعتذرلك ع دارته وهيا فطنت لي غلطتها معاك غلط في كل حاجه دارتها
انا " بحتت فيها وسكتت
جتنا ملاك
ملاك " غزل كنه صوتك عالي
انا "ولا حاجه
فريده " ارجوكي علشان محمد لازم تسمعيني
ريم " احسن حل اطلعن في الجنان هنا ناس تو يسمعوا
انا " بحتت فيها وطلعت بدون مانرد
وهيا لحقتني
فريده "عارفتك كارهتني
انا "كره شويه فيك
فريدة " ممكن الي درته علشان غيرتي ع محمد وعلشان نحبه ولعند توا مازال عندي له شعور ماننكرش الشي هذا
انا " رقتلي من كلامها عليه
انت فاطنه لي روحك انك تحكي ع راجلي
فريدة" وانا مش جايه نعتذر راه انا جايه نفهمك ليش درت هكي
انا " وقاحه هذي ولا كيف انتي بي تصرفك الغبي خربتي حياتي
فريده " غيرتي عمتني بكل اني ننحرم من محمد ونشوفه معاك وانا لعند توا مانحبكش ومانتمنش انتي الي تكوني جنب محمد في وقت هذا
انا" تعرفي انا الغبيه الي مصبيه ونسمع فيك تعرفي تطلعي من هنا يكون احسن
فريدة " انا الي خليت صحبتي تكلم محمد وادزلك التسجيلات بس الشي هذا مايمنعش انه محمد خانك وكلمها وانا حكيت مع الشاب الي كان يلحق فيك في الجامعة ع اساس انتـي
انا " حسبي الله ونعم الوكيل فيك بس هذا حنقوله
فريدة " بسببك انتي خسرت جامعتي وماما كرهتني
انا " مش بي سببي بسبب حقد الي في قلبك
فريده "انا نحب محمد اكثر منك انا غلطت لما تنازلت عليه لما درت حادث ولو انا كملت معاه عادي راه هو ماتعرفش عليك وتوا انا وياه مجوزين وحياتنا حلوه
انا" مريضه انتي نفسيا ننصحك امشي عالجي احسن لانك قبل ماأذيتني انا أذيتي روحك واجد
فريده مانبيش نشوفك قريبه مني ومن حياتي احسن والله نعرف نوقفك عند حدك كان مش قادره تلمي روحك وتوخري من حياتي وتسيبيني في حالي
فريدة " خلي في بالك اني مازالت نحب محمد
انا" ههههههههههههه مش حنرد عليك
وخشيت جوا لقيت الاء مقعمزه مع ريم
اول ماشفتني صبت
انا " الاء ياريت تنصحي اختك وتوخر من حياتي
الاء" هيا عرفت غلطتها
انا" مش باين والله انها عرفت من كلامها
وخشيت وسيبتهن
.....
