الحل الوحيد

البارت الثاني

دخلت وشفت الشي الي تعودت من 10 سنوات اجمل شي بحياتي مع انو كلشي ما اعرف عنهن  بس احبهم و احس بفرح من اشوفن لان اكو شخص هيج يهتم بية و الي جان هو

جانن على الجرباية شفت بطاقة و جان مكتوب بيهة[ادري بيج تحبين هاي الحلويات بس لتاكليهن كلهن عكيفج لان انتي مريضة اوك احبج♥️] بس اريد افهم شلون عرف راح اسوي هجوم عليهن😂.

دخلت ريم فجأة و كالت.
ريم:هاي شنو اليوم الحب داز حلويات ترة اكل وياج معلية.

شهد:انجبي هذني مالاتي ثانيا ياحب هو اني غير لو سامعة صوتة.

ريم:يميي كندر ارييد.

شهد:رييييييم هذني مالاتي روحي اشتري.

ريم:اي و شنو تطور بعلاقتكم.

شهد:ماكو تطور بس الي ديضايقني انو بدة يراسلني على الواتس و اني ما احب هيج ما اريد اضيع ثقة اخواني وبابا بية و انتي تدرين شكد احبهم.

ريم:ليش متكوليلة يخطبج اذا هوة هيج يحبج و أربعة وعشرين ساعه هداية.

شهد:ياا صدك تحجين بعدين يكول كاتلة نفسهة علية وهي حتى صوتي مسامعتة ثانيا اني ما احبة بس احب اهتمام بية لا أكثر ولا أقل اني احب شخص ثاني.

ريم[بصدمة]:عزة العزاني منوو.

شهد[تبتسم وهي تتذكر شكل حب طفولتها]:واحد.

ريم[بعصبية ]:لا اثنين يعني منو هلواحد و اقسم بالله ما اكول لاحد.

شهد[بحب]:دكتور قلبي فديتة الهبية ولا العيون ولا الريحة الي تسطر.

ريم[بفرح]:و شتحسين تجاهة احجيلي كلشي بالتفصيل لا لا انتضري[جريتهة عل ميز مال طعام و رحت جبت كهوة ثنين حجم كبير كعدت كبالهة و كلتلها احجي].

شهد[وهي ترسمة بخيالها]:ما ادري بس احس قلبي يريد يطلع من اشوفه بس اخاف.

ريم[بخوف]:من شنو.

شهد[دموعها صارت تنزل عشرة عشره]:يعني احسة يعتبرني بنتة ما فد يوم حسسني انو يحبني اخاف يجي يوم الي يحب وحدة صرت افكر اذا صار و حب وحدة و تزج شلون حاكدر اواجهة حتى و ان كان كمريضة يمكن بوقتهة حاموت صدك كاما افكر احس روحي تريد تطلع و اخاف من العادات والتقاليد الي دائما تجبر الشخص على أشياء ميريدهة و انتي تدرين حتى بابا علمود يتزوج امي انجبر يتزوج  بت عمة و احنة بنات عمي كلهم متزوجين ابناء عمي يعني مينطون للغريب وهذا ابن عمي الحقير احمد نهة علية يعني حابقى معلكة لان مستحيل اتزوجة وبابا من المستحيل ان يقبل و هو قافل ميقبل يعوفني اخر شي اجة و نهة علية و جدي ما حجة شي لان هو اصلا يريدني اتزوجة علمود اغير لبسي و اتحجب احس روحي اختنكت.