حمزه .. نور اتأخرتي ليه
تدخل مالك .. اسف حضرتك انا اللي وقفتها
حمزه وهو ينظر لمالك .. مين انت
مالك .. انا مالك محمد الراوى مع بنت حضرتك ف الكليه اسف جدا اننا واقفين ف الشارع بس اتقابلنا صدفه
حمزه بتفهم .. انا مش بشك ف بنتي انا عارف تربيتي كويس وان نور مش هتخذلني ابدا
مالك ببسمه .. فرصه سعيده اني اتعرفت ع حضرتك
حمزه .. تعالي نورنا بيتنا قريب
مالك .. متشكر انا بس كنت ف شغل
حمزه بإعجاب .. برافو مكافح وشغال من الكليه
مالك ببسمه هادئه.. من اعداديه
حمزه .. والله والدك جدع انه علمك تتحمل مسؤليه
لمعت اعين مالك وظهرت الدموع بأعينه فأشفق حمزه ع حاله
نور بقلق .. مالك
مالك ببسمه حزينه .. مفيش كويس
حمزه .. انا اسف يامالك مكنتش متخيل
مالك بسرعه .. بتعتذر ليه بس يااونكل دي اعمار وبأيد ربنا وطبعا احنا مؤمنين مينفعش نكفر ثم نظر الي نور واكمل زى اما في حاجات كتير اوى الناس عارفه انها حرام وبتتعمل
حمزه بمكر .. اه تقريبا كده الكلام ده مش لنور خالص
مالك .. لا خاااالص
نور.. مهو بابي كمان رأيه زيك فبطل تسخين بقي
حمزه .. اه عرفت اكيد ع اللبس والله يامالك تعبت معاها بس دماغها ناشفه
مالك بجديه .. الدماغ دى ممكن تتكسر لكن المبادئ مبتتجزأش
حمزه .. تسلم اللي ربيتك وعلمتك
مالك بفخر .. ربنا يخليك استأذن انا عشان اتأخرت ع ولدتي واختي
حمزه .. خليني اشوفك يامالك
مالك .. حاضر يااونكل
ورحل مالك الي بيته وكانت مريم وسماح يتحدثون ثم احضرو الطعام واكلو وذهبو الي النوم
مر شهر ع هذه الاحداث واتفق فيه يزيد مع سماح ان يكون كتب الكتاب والخطبه يوم الخميس القادم
انتشر الفرح في بيت مريم ويزيد وازداد تقارب مالك من نور واهلها وكانت ترتدي ثياب محتشمه عن ذي قبل ارضاء لمالك واتفق سليم ان يكون كتب كتابه مع يزيد ومريم لتصبح الفرحه فرحتين وملئ الفرح البيوت والقلوب وتبقي يومين فقط ع يوم الخميس
اخذت مريم وزينه اجازه من العمل وذهبو الي مول كبير برفقه جني ونور
في المول وبالتحديد في محل فساتين سواريه
جني.. اه هو ده المحل تعالي هشوفها جوه ولا فين
دخلت جني وسألت عن قريبتها زهرة ثم ندهت لمريم وزينه
جني ببسمه .. زهرة بنت عمي بس من بعيد شويه
مريم .. اهلا بيكي ياقمر
زهره بمرح .. انتي الله يكون ف عونك اخدتي مجنون عيله الدالي
مريم .. ههههههههه للاسف
زهره .. انا أكبر من يزيد ب ٣ شهور بس واخته ف الرضاعه
رن هاتف مريم فأبتسمت .. المجنون اهو
زهره بمرح .. طب هاتي ارخم عليه
مريم .. خدي
زهرة .. الو يابيه ياللي مش بتسأل يابيئه ياواطي مهو انت لو عدل كنت جيت معاهم بس اعمل ايه قليل الادب بقي
يزيد بضحك.. بقي كده يازهرة طب استني عليا دقيقه
اغلق يزيد الخط وماهي الا ثواني وكان يقف أمامهم ركضت زهرة خلف مريم
يزيد .. بتستخبي زى الأطفال صح
زهرة.. اه
يزيد .. طب تعالي ياهبله
حضنها يزيد وهتف .. الكبيره بس هبله
مريم .. احم احم الحضن ده مطول ولا ايه
يزيد بمكر ... تعالي جربي حلو ولا وحش
مريم .. لا لا احضن زهرة احسن وجني
زهرة .. يزيد الفستان جاهز
زينه .. فستان ايه
زهرة.. فساتينكم جاهزه بصراحه سليم ويزيد كانو هنا امبارح واختارو ليكم فساتين
جني بزعل مصتنع.. عايزه عريس عشان يجيبلي مليش دعوه
يزيد بحنان .. وانا اقدر انسي جانو قلبي طب دا انا وسليم جالنا شلل واحنا بنختارلك
جني .. بجد يايزيد ربنا يخليك ليا يارب
سليم من خلفها.. وانا ابن كاب صح ماشي
وذهب الي زهرة احتضنها وهو يقول .. الباشا الكبير
زهرة .. يابني جوزة هو اللي ظابط مش انا
زينه.. انت هنا انت كمان اممم دا اتفاق بقي
سليم .. لا كنا ف مشوار احنا ومالك ولسه جايين عرفين انكم هنا فقلنا نرخم
نور .. مالك هو فين
زهرة .. قلب امك قاعده ساكته من الصبح اخيرا نطقتي
احمرت وجنتيها وخجلت فهمس مالك من خلفها .. وحضنك صح
جني .. طب يله نقيس الفساتين وتعالي يانور اختاري واحد ليكي
نور .. احم لا اصل انا
قاطعها مالك .. احم نور ادخلي معاهم واختاري دريس ليكي
مريم بدلع .. دريس اممم الله يرحمه مشفش الموكوس وهو بيقول دريس
مالك .. رخمه
دخلو الي مكان داخل المحل به الفساتين والبروفات
ودخلت كل واحده ترتدى فستانها ووقفت نور تبحث بين الفساتين ورأت أمامها مرآه كبيره تشاهد بها مالك الذي ابتسم لها اخرجت اول فستان ووضعته عليها فهز مالك رأسه بالنفي فأختارت الثاني والثالث والرابع ولم يعجبه أيضا فنظرت له بغضب فأشار ع اكتافه اي انه كان عاري الصدر والايد ظلت تتجول واختفت عن انظاره تماما
خرجت مريم وزينه وجني وانبهرو بهم كثيرا فقد كانت فسانين انيقه ورائعه جدا
بحثت جني عن نور ثم هتفت .. هي نور فين
تصلب مالك مكانه وعيناه عليها وتلمع بحب فنظرو خلفهم جميعا وجدو نور التي كانت ترتدي فستان ذهبي يلمع بأكمله كفتافيت السكر وبأكمام طويله ويصل الفستان الي آخر قدمها وبه فتحه صغيره عند الرقبه تبرز عظمتين الرقبه التي تبرز جمالها وينقلب اللون الذهبي ع عينيها ليعطيها لونا عسليا رائع وشعرها منسدل ع ظهرها يصل الي منتصف ظهرها
جني بدهشه .. يخربيتك اي القمر ده
نور بخجل .. ميرسي
اطلق مالك صافره عاليه وتنهد وهو ينظر لها بهيام
مالك .. لو سمحتي ياانسه ممكن تتجوزيني
توردت وجنتيها وتوترت نور وصفر يزيد وسليم من حولهما والتفت حولها البنات ف دائره يغنون
البنات.. غنو وبلو الشربات وافرحو دا العمر ساعات هيصو وارقصو يله وعقبال عندكو يابنات
ذهبت نور بجانب مالك وهمست.. هو مفتوح من عند الرقبه بس هقفلو حاضر
مالك بعشق .. ورحمه ابويا يانور لو مبعتيش عني دلوقتي لاحضنك قدامهم وممكن اتهور اكتر
ركضت نور ووقفت بجوار جني وهتفت ..يله نغير عشان نمشي اتأخرت بابي هيقتلني
في مكتب ايمن المنياوى
ايمن .. هيتجوز البت اللي خطفتها دى ولا ايه
الرجل .. اه ياباشا
ايمن .. حلو نروح نباركله ونقول للناس انه هيتجوز واحده كانت مخطوفه والله اعلم اي اللي حصلها
هههههههههههه
الرجل .. انت شيطان ياباشا هههههههههه
في فيلا يزيد تجلس حنان وسماح وماجده وسحر معا
ماجده .. ياربي انا اتهديت النهارده
سحر .. يالهوى فعلا بس كويس اشترينا كل حاجه
حنان .. اه كويس الحمد لله
سماح .. يارب تكمل ع خير
حنان .. قومو نعمل اكل واخليهم كلهم يجو هنا ويجيبو نور بالمره
سماح .. نور مين
سحر.. نور صاحبت جني بنت عسل وف هندسه
شوفتها واقفه مع مالك امبارح هي ووالدها
سماح.. اممم اتاري الواد بقي يحب الكليه فجأه
ضحكو عليها فقالت حنان .. دى حتت سكره هتحبيها اوى ياسماح
وتحدثت حنان مع يزيد وأخبرته أن يأتو جميعهم وان يستأذن والد نور ان تظل معهم حتي المساء
وأخبرهم يزيد فقالت جني .. طيب هكلم عمو حمزه واقوله
مالك .. وسلميلي عليه
ركبو جميعا سياراتهم ركبت مريم ويزيد وجني في سياره يزيد وركب سليم وزينه معا وركبت نور مع مالك
وفي الطريق رن هاتف نور توترت لان المكالمة من والدها
نور .. الو
حمزه .. انتي فين حضرتك
نور .. انا رايحه عند طنط حنان بعد ازنك يعني
حمزه بغضب مصتنع .. وانتي فين دلوقتي
نور بتوتر .. ف العربيه مع مالك
حمزه.. اديهولي الأستاذ ده
نور .. يابابا انا
قاطعها .. قلت ادهولي
مالك .. السلام عليكم
حمزه.. وعليكم السلام يابشمهندس
مالك.. يارب ابقي اللقب ده قريبا
حمزه .. انت طموح وهتبقي حاجه
مالك .. شهاده أعتز بيها
حمزه .. اممم وانت رايح معاهم عند يزيد
مالك .. هههه انا اخو مريم عروسه يزيد
حمزه .. ياراجل
مالك .. وصديق العائله والمسؤل عن قسم الديكور
حمزه.. ديكووور كويس اوى عندي مكتب عايز اقسمه واصممه ليا عشان هنقل المكتب القديم
مالك .. حاضر هعدى ع حضرتك بعد كتب كتاب مريم
نور .. مالك هو بيقولك ايه
مالك .. اهدي
نور .. طب هاتو
مالك .. قلت استني
حمزه .. اضربها احسن
مالك بحرج.. اسف اصلها متوتره ووترتني معاها
حمزه .. ههههههه اصل انا عملت فيها اب صعب وقلت لها انتي مع مالك ليه
مالك .. متقلقش بنتك ف امانتي
حمزه .. اصيل وباين عليك الاصل
اما في سياره سليم
زينه .. حبيبي تسلملي يارب الفستان جميل اوى
سليم بحب .. هو انا ممكن احضنك
زينه.. سليم هضربك
سليم بضحك .. حضن برىء والله لحد بكره بس وموعدكيش يبقي برىء
زينه .. قليل الادب
وفي سياره يزيد
جني.. معلش مقطعه عليكم
يزيد بمكر .. اممم دانتي جايه مخصوص تقطعي علينا
مريم .. ههههه لا ياقلبي انا عن نفسي مش عايزه اقول حاجه
يزيد .. وحيات سماح طب ماشي ماشي
وفي فيلا يزيد الدالي
سماح .. يالهوى هما اتأخرو ليه
حنان ..اهو صوت عربية يزيد بره يبقي جم
دخل يزيد وهو يقول .. سامع اسمي ياحنونتي
حنان .. ياواد انت مش هتعقل أبدا
يزيد .. لا لا مستحيل
سماح بضحك .. يالهوى هجوز بنتي لمجنون ياحببتي يابنتي
مريم .. لا متخافيش دانا اجن منه يامامتي ياعثل
زينه .. اي ده اي ريحه الأكل الجباره دى لا لا انا جعانه اوى
سليم بهيام.. الاكل كله تحت امرك ياجميل
ماجده .. الله انت ياعم انت متتلم
سليم .. احم خلاص ماشي متزقيش بكره محدش هيعرف يتكلم معايا مراتي بقاااااا
ماجده .. مراتك بقااااااااا طب مفيش جواز
سليم .. لا لالاء طب ينفع كده طب يرضيكو كده
يزيد .. ايه يابني الاغاني دى احفظها لبكره
مالك .. اه بكره هنهيص ونشهيص براحتنا
جني بضحك .. هههههه الحقي يانور الشهيصه دى ايه اللغه التحفه دى
توترت نور بسبب وجود والدت مالك وكبار عائله الدالي وخاصتا وجود نادر الدالي
نادر ببسمه.. اهلا اهلا نور عندنا
نور .. ازي حضرتك ياعمو
نادر.. بخيريابنتي وانتي
نور .. الحمد لله
مالك .. تعالي معايا ثواني
اخذها من يدها وذهب الي الصالون حيث توجد امه
مالك .. ماما
سماح .. نعم يالوكا
مالك .. دى نور زميلتي ف الكليه وصاحبت البنات مريم وزينه وجني
سماح بمرح .. هما قالو نور جايه بس مش عندهم حق كانو المفروض قالو القمر جاي
ابتسمت نور ابتسامه واسعه أظهرت غمزاتها ..ميرسي ياطنط حضرتك اللي جميله انا عرفت هما شبه مين
سماح .. تسلمي ياغمازه
نور بخجل .. اتفضليهم ياطنط هههه هيعملو شغل مع عيونك اللي مش عارفه هي لونها ايه دى
سماح .. ههههههه رمادى ف عسلي
نور .. ربنا يحميكي بقي عشان بحسدك
حنان .. بسكوته بتعملي ايه
نور .. ابدا ياطنط بتعرف ع والدت مريم ومالك
زينه .. يوووه انا جوعت
سحر .. تعالي يله نأكل
يزيد .. مرمر حببتي تعالي هنا
مريم .. حاضر جايه . يله ياجانو
سليم .. جانو بتجيب السلطه
جني .. جانو جانو انا مهمه اوى كده
نادر .. يله ياجماعه سمو واتفضلو
جلسويأكلون ويضحكون تاره يضحكون ع مريم ويزيد واخري ع زينه وهي تأكل بشراهه واخري ع نور الخجوله وع نظرات مالك لها واستمتعو كثيرا في هذا اليوم وذهب كل منهم الي بيته بعد نهايه هذا اليوم وظل يزيد يتحدث مع مريم قليلا ونامو واوصل مالك نور الي منزلها وذهب الي بيته وغفل سليم سريعا بالنوم ونام كل الأبطال ليظل الاشرار مستيقظون يخططون الأفكار الشريره فهل سينجح ايمن ونيره في تخريب الحفل وإيقاف عقد القران !!!!!!!!!!!
استيقظت سماح فجرا وتوضأت وجدت مريم تدعو الي الله ان يحفظ لها أمها وزوجها المستقبلي واهلها وتتوسل الي الله ان لا يحدث لهم مكروه اخذت تصلي وتدعي وتستغفرحتي طلع عليها النهار ونامت اما سماح فصلت الفجر ونامت
استيقظت مريم ف العاشره صباحا اخذت هاتفها ودقت لهاتف يزيد اجاب يزيد بنعاس
يزيد .. الو
مريم بحب .. صباح الخير ياخيري ف الدنيا
يزيد .. صباح الورد يااحلي زوجة ف حياتي
مريم .. خلتني زوجة خلاص
يزيد.. زوجة الا سبع ساعات
مريم .. طب يله قوم بقي عشان تخلص اللي وراك
يزيد .. حاضر
مريم .. يله سلام
يزيد .. سلام ياهبلتي
وعند سليم في غرفته كان يجلس ع فراشه
سليم.. زينه كفايه نوم
زينه بنوم .. يوووه سليم اقفل وخليني انام شويه
سليم .. يارخمه قومي وحشاني
زينه .. كلها كام ساعه وهشوفك
سليم.. اتخمدي جتك الارف هروح اتجوز غيرك
زينه .. نعم نعم ياعين خالتك
سليم.. ههههههههههه بس قلبك ابيض قومي يله عشان انا جعان مش هفطر غير لما تفطري الأول
زينه بحب.. حاضر ياقلبي قومت اهو
وعند مالك كان يجلس بجانب مريم يساكسها
مالك.. انتي هتبقي مدام النهارده حسبي الله وتتنطط عليا بقي وكل اما اكلمها تقولي هطردك من شركه جوزى
مريم .. ههههه اه اصلي شريره وهطردك
مالك .. يله يااوزعه من هنا
مريم .. انا مش ازعه انت اللي نخله
مالك .. انا مش طويل اوى ياختي
سماح .. نبطل هبل ونعقل
مريم .. لا طبعا اعقل دا ايه يزيد عايزني مجنونه اصلا
دق هاتف مالك فابتسم ورد سريعا.. صباح الفل
نور .. صباح الخير ياحبيبي
مالك.. يالهوى يالهوى لا براحه انا قلبي لا يتحمل
نور .. هههههههه
مالك .. بس يابت احسن حد يشوف غمازاتك غيري
نور بخجل .. هي فين مريم
مالك .. جوه ليه
نور .. معلش اديهالي عشان اعرف هتروح امته الكوافير
مالك.. لا مفيش مرواح يزيد هيجيب واحده الفيلا
ولو حطيتي ميكاب اوفر هخلي ليلتك طين كفايه شعرك اللي باين ده للناس
ضحكت نور بخبث وهي تقول .. شعري غايظك مش عارفه ليه
مالك .. والله رخمه
نور .. هههههه شكرا
مالك.. نور مفيش ضحك ف الفرح مفيش رقص ومفيش دلع ومياصه لو كلمتي حد غريب هنفخك
نور بهدوء.. حاضر اقفل بقي عشان هاخد شاور واجهز الساعه بقيت ٢
مالك بمكر .. اجي اساعدك طيب
نور بخجل .. قليل الادب
مالك .. ظلماني قصدي اسرحلك شعرك بس
نور .. ههههه اقفل يارخم
مالك .. سلام اشوفك بعد ساعتين
ذهب مالك والي يزيد وسليم واتممو أوراق العمل ثم ذهبو الي صالون الحلاقه
يزيد.. لوكا انا بعت الكوافير لمريم البيت والبنات هيروحو عندها ونخلص ونروح نجيبهم ونطلع ع الفيلا
مالك .. الله مش كانو هيتنيلو ف الفيلا
سليم .. زينه ومريم قالو احنا هننزل من بيتنا عشان الناس كلها تعرف ان النهارده كتب الكتاب
في بيت مريم تجلس هي وزينه وجني ونور واصدقاء مريم وزينه ف الجامعه كانت مريم تجلس أمام الكوافيرة والبنات يرقصون ع اغنيه العب يلا
زينه .. هتجوز هاتجوز انا خلاص هتجوز وهبطل اعاكس الشباب ااااه
مريم .. ههههههههه لو سليم سمعك هيعلقك
نور .. احم حد يشغل الاغنيه دى
جني .. اووووو نور هترقص بقاااااا
نور .. اصل مالك قالي مش هرقص باليل
مريم .. سيبك من اخويا انا هقنعه
اشتغلت الاغنيه وكانت اغنيه شيك شاك شوك 😂
وبدأت نور بالرقص عليها وتحرك جسدها كراقصه الباليه المحترفه ع موسيقيتها انبهر برقصها الجميع
وارتفع صوت التصفير والتصفيق انتهت الفتاه من تزيين البنات وباركت لهما ورحلت
كانت مريم ترتدى فستان من طبقتان الطبقه ستان وتغطيها طبقه شيفون لونه كشمير وبه بعض النقشات بأحد اجنابه وعند الصدر وطويل حتي القدم وبه اكمام تصل الي قبل معصم اليد بقليل وحجاب صغير وتاج باللون الفضي يزين حجابها الرقيق ومكياج هادىء مزيج من اللونين الكشمير والموف
اما زينه فكانت ترتدى فستان احمر طبقه واحده يأخذ شكل جسدها حتي منتصف الخصر وينسدل بوسع وحجاب اسود يظهر بعض خصلات شعرها وكام الفستان طويل الي آخر القدم واكمام طويله ضيقه وبه نقوش من الرقبه وحتي منتصف بطنها وينسدل بدون نقوشات ووضعت مزيج من اللون الأحمر والأبيض ع وجهها بطريقه خاصه اضافه لها سحر خاص
وبعد وقت ليس طويل اتي يزيد وسليم ومالك إليهما
يزيد بحب .. ايه ده لا الناس هتحسدك
مريم .. يزيييد
يزيد بوهن .. عيونه
زينه.. احم احم احنا هنا
يزيد .. متحوش البت دى ياسلوم
سليم ......
يزيد .. واد ياسليم
سليم بهيام .. هااا
يزيد .. بقولك سكتها
سليم.. ها بتقول حاجه تؤ بقول ايه هو مينفعش اخدها ونروح بيتنا ونتجوز من غير فرح
جني .. انت ياعم الولهان
سليم .. طيب احم هسكت اهو
مالك .. فين نور
جني.. مشيت هتسبقنا
مالك .. ليه
جني .. احم اصل عمو حمزه كلمها
مالك .. امممم طب يله
يزيد .. بص احنا معانا عربيتي بعربيتك صح
مالك .. اه
يزيد .. انا وسليم هناخد مريم وزينه معانا وانت وجني ف عربيتك ومعتز تحت هيركب معاكم
جني .. معتز مين
زينه .. حضرت الظابط صح ؟
سليم .. ايوه هو
يله بقي ماما سماح وماما ماجده نزلو السواق هيوصلهم بعربيتي
مريم .. اوك يله
همس يزيد.. مسمعش صوت غير بعد كتب الكتاب عشان ممكن افقد أعصابي
مريم بخجل .. يزيد
يزيد.. يالهوى ياربي صبرني
ونزلو بالفعل الي سياراتهم وبارك لهم اهل المنطقه ثم ذهبو
في سياره مالك كان يجلس يسوق وبجانبه معتز وخلفهم جني التي كانت ترتدى فستان موف منحوت ع جسدها وبه خطوط بيضاء كأنها فروع أشجار تنزل منه ومن الخلف قماشه حريريه تزينه بعض الخيوط المندمجة كل واحده عكس الاخري وصففت شعرها وأطلقته ع ظهرها مفرودا كالحرير بلونه الاسود الفحمي وادمجت مكياج بالون الموف الفاتح والغامق
معتز ف نفسه .. اي يا جدعان ده اووف هو في كده ايه المزه دى يالهوى دانا دوخت من جمالها
جني .. مالك كلم نور عشان تيجي الفيلا
مالك .. كلمتها
جني ببسمه ساحره .. اوكي ياسوسه
مالك .. ههههه سوسه ليه
جني .. هههه عشان مش عايزها ترقص ف الفرح
مالك .. احم احم وبعدين منور يامعتز
معتز .. ها بنوركم
جني لنفسها.. جتك الارف ف حلاوتك اي ده
مالك وهو ينظر لجني السرحانة .. جانو انتي كويسه
جني.. ها اه اه
معتز .. لو في حاجه نقف طيب
جني.. لا لا ميرسي يا حضرت الظابط
معتز .. ههههه انا رايح فرح اسمي معتز بلاش ظابط دى عشان قربت اولع ف نفسي
جني .. هههه ايه ده هي ظابط بتعض
مالك .. يابت دا تواضع
همس معتز بصوت واطي .. هي قمر كده ازاى
مالك وقد أستمع إليه.. هههههه معلش
معتز .. احم هحبسك لو مسكتش
جني .. هو في ايه
مالك .. لا ولا حاجه ههههه
في سياره يزيد
زينه .. سليم انا جعانه
سليم .. ههههه ياجدعان هي دى طبيعيه
مريم .. لا ياعم دى من كوكب الجوع
يزيد بهمس .. دى هتطلع عين امك
سليم .. سامعك يابارد
يزيد بنصف عين.. يا ايه
سليم .. ياباشا
يزيد.. اه اتلم احسن اخليك تندم هنا
زينه.. براحه ع جوزى ياشاطر
يزيد .. الشاطر ف المدرسه ياختي جتك الارف انتي وهو
مريم .. هههههههههه
يزيد بغمز.. صايع انا صح
مريم .. اه
سليم .. طول عمرك صايع فاكر ياض يايزيد لما كنا ف المانيه البت جوليا كانت بتعمل ايه عشانك
يزيد .. ابو اللي جايبينك ياسليم اسكت
مريم بغيظ .. لا كمل كمل
سليم بضحك .. هههههه لا كفايه كده احسن اموت
زينه .. وانت ملكش مغامرات يااستاذ سليم
سليم .. دانا غلبااااان
وصلو الي الفيلا ودخلو من الباب الخلفي حتي لا يراهم الضيوف قبل وصول المأذون وصعدت وجلسو جميعا ف الطابق السفلي وكان الجميع مشغول بالضيوف فمن عادات عائله الدالي انهم يقيمون حفل صغير في عقود القران بحضور المقربين والاصدقاء
ويقدمون لهم المشروبات والفواكه
وبعد مرور نصف ساعه جاء المأذون وجلس ع الطاوله المخصصة له التي كانت تتزين بالورود
وبدأ بعقد قران يزيد ومريم اولا ثم سليم وزينه وبعد ذلك امسك الميكروفون
المأذون.. قولو ورايا والأهالي يقولو امين
اومأ له الحضور
المأذون.. بارك الله لكما وبارك عليكم وجمع بينكم ف خير
كرر هذه الجمله ثلاث مرات ثم ارتفع التصفيق والتصفير من اصحاب يزيد وسليم ومريم وزينه وجني
وكانت نور تفق بجانب مالك وجني
كانت مريم تنظر الي يزيد بحب ودت لو تتوقف هذه اللحظات التي تمر بسعاده يضرب قلبها بشده وسعاده ادمعت أعينها فرحا فنظر لها وامسك يدها وقبلها بهدوء
اما سليم فلم يستطع أن يتمالك نفسه ومع آخر حرف من فم المأذون كان سليم يحتضن زوجته و يا له من حضن فهي أصبحت زوجته وحلاله ودنيته ادمعت عين زينه ودفنت وجهها بصدره ثم بعدت عنه
ذهب مالك وحضن مريم وزينه وبارك لهما فهو يعتبر زينه مثل مريم منذ الصغر وهما معا وذهبت نور وجني إليهما وباركو لهما ثم ارتفعت أصوات الاغاني بدايتها مع اغنيه(كتبو كتابك يا ناقوت عيني )
وبعدها دخلو البنات الي الفيلا يرقصون أشار يزيد الي جني واتفق معاها ان تقول لمريم تكلم حنان فوق
ذهبت جني واخبرتها ان والدتها تنتظرها ف غرفة جني
وصعدت مريم ودخلت الغرفه
مريم .. ماما حنان
يزيد من خلفها .. ابن ماما حنان اللي هنا
مريم بتوتر .. يزيد ا اا انت هناا
يزيد بمكر .. اممم انا اللي عايزك
مريم .. انا هنزل البنات تحت
في حركه مفاجأه اغلق يزيد الباب بالمفتاح ووضع المفتاح بجيبه توترت مريم وظلت ترجع للخلف حتي سندت ع حائط وعلمت أنها لن تفلت منه حاوطها بيديه وهو يقول بهيام وحب وشوق.. مريم انتي بقيتي مراتي بجد اللي كان تحت ده مأذون وبقيت مدام يزيد الدالي
مريم بخجل .. اه
يزيد بهيام وهو يمرر أصابعه ع وجهها .. بحبك
ازدادت ضربات قلبها وهتفت .. بحبك اوى يايزيد
يزيد .. ايه
مريم بخجل وتوردت وجنتيها .. بح..
قاطعها يزيد ولكن هذه المره لم يوقفها الا شفتيه الذي انقضت ع شفتيها وكأنه يشكي لها شوقه إليها قبله طويله انتظرها كثيرا حتي تكون مع زوجته وحلاله
ظل صدرها يعلو ويهبط ثم نزلت دمعه ع وجهها لا يعرف لماذا ابتعد عنها سريعا
يزيد بقلق .. مريم مالك انا اسف انك خوفتي والله مش قصدى اخوفك
مريم بعتاب .. يزيد مين البت الالمانيه دى عملتو ايه سوا
تنهد يزيد براحه وهتف .. يامجنونه هحكيلك
البت دى كانت مقضياها مع اي حد يعجبها ولما كنت هناك كانت هتموت عليا وجتلي السويت وخرجت سليم وشربت كأس وكانت عايزاني اشرب معاها قلتلها لا مش بشرب وهي عشان كانت صاروخ فعلا فكانت اي حد بيجي يركع عندها بس انا كنت مش عايز ادخل ف علاقات وكمان مش بحب الحرام المهم انها كانت لابسه تقريبا كل جسمها باين ويهز الحجر فضلت تغويني وكنت هسرح معاها بس جني رنت عليا ف الوقت المناسب وقالتلي أنها مستنياني تحت البنت فضلت مستنيه جني لما تمشي بس انا خليت جني معايا ورجعنا سوا مصر وملمستش جوليا ولا حتي حضن ولا بوسه
مريم بفرحه .. انا بحبك اوى بعشقك بجد
يزيد بخبث .. دى اول بوسه لأول بنت وآخر بنت وحلالي ها حلااااال تعالي بقي اقولك
مريم .. بس بقي مانت بوستني
لم يهتم لها وقبلها قبله اخري
(عالم مهزقين مش مراعيين اني سنجل عاااا )
اما في الطابق السفلي كانت نور ترقص وبالصدفة كان مالك ذاهب الي المطبخ ولكنه انتبه الي نور التي ترقص وقف دقايق ينظر لها ثم خرج وارسل لها انه ينتظرها امام المنزل الخلفي خرجت له ببسمه فنظر لها
بعشق ولكنه تحول الي غضب
نور .. نعم يا بابا
مالك .. بعد بابا دى ابوسك ولا اضربك
نور .. ليه
مالك بغضب.. انا مش قلت مفيش رقص طب انا شوفتك والله اعلم مين تاني شاف مراتي وهي بترقص
فرحت نور كثيرا من غيرته واحتضنته
نور .. ربنا يخليك ليا يااحلي ما ف حياتي
مالك ببسمه هادئه.. والله لو مبعدتيش عني حالا هبوسك
نور .. احم اهو اسفه
مالك بهيام .. امشي بقي بدل اما انهار
نور بحب .. مانا كنت ف حضنك حتي محضنتنيش
مالك .. تؤتؤ مش عايز احضنك
نور بخجل .. طيب انا هروح للبنات
مالك .. مش هتسالي ليه
نور .. لا انا عارفه الاجابه
ذهبت نور من أمامه وهي ف غايه السعاده فهي لم تكن تريده ان يحضنها وفرحت كثيرا انه يحافظ عليها
وظل مالك يتحدث ف سره
مالك .. هيجي اليوم اللي هحضنك فيه وانتي مراتي يانور ولحد اليوم ده هفضل محافظ عليكي لحد اما تبقي ف حضني اوعدك يانور عمري مهخليكي تندمي وحتي النهارده هعترف ل ابوكي بحبك يانور
ولكن تأتي الرياح لما لا تشتهي السفن اتت هذه الملعونه والعقرب ليخربو فرحتهم
نيره.. الف مبروك يايزيد بيه بس يعني مش تناسب ناس عدله بدل المخطوفه اللي الله اعلم حصل فيها ايه دى
كانت تتحدث بصوت عالي لفتت انتباه الحضور وظلو يهمسون
يزيد بغضب .. نيره احترمي نفسك
نيره .. تؤتؤ تؤ ملكش حق انا غلطانه اني جايه ابارك
وقفت مريم تبكي بحرقه فقالت نيره .. تؤتؤ متعيطيش ثم همست اصل يزيد اهبل فاكرك شريفه
رفعت مريم يدها وصفعتها بقوه حتي وقعت من قوه الصفعه
مريم .. انا اشرف منك ولما اتخطفت اتخطفت من الحقير اللي واقف معاكي ده وملمسش مني شعره عشان يزيد انقذني
نيره .. طب ايه رأيك يا يزيد لو نكشف عليها وتتأكد أنها كويسه وبنت
لم تجد غير كف قوى من مالك الذي امسك رقبتها وهتفت .. والله والله لو نطقتي حرف تاني ليكون آخر يوم ف عمرك
نيره .. اااه اا و عي ه همو ت
مالك بغضب وتحولت عينه الي الأحمر.. الا اختي ياجربوعه انتي دى ستك وست البنات كلهم وتاج راس اي حد ف حياتها وربي لو متلميتي للمك انا والشرف اللي بتقولي عليه شوفي نفسك الأول
يزيد بصوت عالي .. بره يانيره بره
انتبه معتز ان جني مختفيه فسال سليم وذهبو يبحثو عنها سريعا دخل سليم يبحث بالغرف وذهب معتز يراها بالجزء المظلم الذي شاهده بعيدا عن أعين الحضور وبالفعل رأها ولكنه اتصدم كانت تقف خائفه تهتف ليزيد ولكن دون جدوى فهو لا يسمعها ويقف أمامها ذلك العقرب ايمن يمسك يدها بقوه وتحاول أن تبعده عنها واليد الاخري يمسك شعرها بقوه
ايمن بقذاره .. يزيد ده محظوظ مراته قمر بس فلتت مني واخته بقي مزه خلينا نجرب
جني .. عاااااااا ابعد عني
معتز بصوت رجولي .. لو راجل قرب سنتيمتر تاني منها
ايمن .. حلو طلع لينا معجبين ياجني هانم
اقترب ايمن نصف خطوه من جني وما سمع غير صوت طلقه تحترق رجله
جني .. عاااااااااااااا
وركضت تختبيء خلف معتز واتي سليم ويزيد يركضون من صوت الرصاصه
ايمن.. ااااااه رجلي اااااه
معتز.. عشان تقرب حلو
ركضت جني الي يزيد وهتفت .. يزيد اوعي تسيبني
يزيد بغل.. ثواني وراجعلك
لا تعرف لماذا ولكنه اختبئت مره اخري خلف معتز ع الرغم من وجود سليم ذهب يزيد الي ايمن ومسكه من ملابسه وهتف .. المره اللي فاتت سيبتك عشان مريم تعبت لكن المره دى اختي كويسه ومحدش هيرحمك مني
وظل يزيد يضربه ويلكمه حتي ان الدماء كانت تسيل منه امسك معتز يده وأبعده عنه
معتز .. اهدى بس خلاص هيموت كفايه
يزيد.. سيبني بقي الحقير ده زودها اوى
وفي ثواني اتت الشرطه
الظابط .. معتز باشا تؤمرني
معتز .. اتهجم عليها وضربته بالرصاصه عشان يبعد
الظابط .. مين ضربه كده
معتز.. انا
الظابط .. طيب تمام
ثم أشار للعساكر.. هاتوه
وذهبت الشرطه وشكر يزيد معتز وبدأت جني تهدأ
زينه بمرح .. سليم انا جعانه
سليم .. هو المأذون مشي
مالك .. لا
سليم .. اشطه انا عيل بقي وهرجع ف كلامي مش عايز اتجوز
ضحك الجميع عليهما ونظرت مريم ليزيد فحاوطها بزراعه وهتف .. انا كويس ياحببتي
مريم .. يزيد
يزيد .. عيونه
مريم بتوتر .. والله مفيش حاجه حصلت بيني وبين الحقير ده خالص
يزيد ببسمه .. حببتي احلي واجمل وأشرف بنوته ف الدنيا مريم انتي مراااااتي مراتي يا مريم يعني حياتي ودنيتي أميرتي
مالك .. مالك ياعم متتهد شويه
يزيد بضحك .. صحيح ايه القلب ده ياض انت ازاى خنقتها كده
مالك وهو يحضن مريم .. الا مريم الا اختي انا ضهرها وسندها محدش يقرب منها ولا يزعلها الا لما اموت
مريم .. بعد الشر ياحبيبي
يزيد .. ابعد بس عن مراتي كده عشان بغير
حنان.. يله عشان انا وزينه جوعنا
معتز .. استأذن انا بقي لو في حاجه كلموني
يزيد.. لا هنتعشي كلنا الأول
معتز.. يابني لا حببتي عملالي الأكل مستنياني
يزيد .. اذا كان كده ماشي عشان خاطرها بس
دخلو جميعا الي الفيلا وذهبت جني خلف معتز
جني .. حضرت الظابط
معتز ببسمه .. نعم اؤمريني
جني بتوتر .. كنت عايزه اش
قاطعها صوت هاتفه
معتز .. الو ياحببتي . لا يانور عيني جاي . حاضر مش هتأخر عليكي . هههههه طيب ع مهلك وانتي بتحضري باي
اغلق الخط ونظر إليها وجدها غاضبه وترفع حاجبها
معتز .. اسف كنتي بتقولي ايه
جني بضيق .. كنت بشكرك يله روح هتتأخر ع مراتك
معتز بخبث .. مراتي لا مش متجوز دى حببتي
جني .. عقبال فرحك وشكرا انك انقذتني
معتز .. جني
جني .. نعم
نظر إليها نظره طويله ثم قال بحب .. دى امي انا معنديش حبيبه بس شكلي هحب
خجلت جني وقالت.. وانا مالي متحب عن اذنك
ودخلت جني وهي طائره بفرحتها
اما مالك فذهب مع نور الي والدها وأخذه وخرجو الجنينه يتحدثون عن الديكورات
حمزه.. عايزك تشوف محتاج ايه بقي وتخليه حاجه كده محترمه
مالك .. حاضر
حمزه.. كده الشغل خلص قول بقي الكلام اللي محشور ف زورك
مالك بدهشه .. هو باين اوى كده عليا
حمزه .. اوى اوى اتكلم بقي
مالك.. مش هتطلع تجرى ورايا يعني
حمزه .. مش هقدر أجرى للاسف هههه
مالك .. بحبها ياعمو بنتك قلبت كياني وشقلبت حالي وجننتني بخاف بخاف تروح لغيري عمال اجمع فلوس عشان اقدر أعيشها ف مكان زى ده انا بجد خايف يجيلها حد وحضرتك توافق ممكن اموت وعارف انك هتقولي محدش بيموت من الحب بس انا انهرت مره واحده ف حياتي لما بابا مات ومش قادر انهار تاني
نور لو حد بصلها ببقي هقتلو كنت هموت لما شوفت الواد بيعاكسها عمو حمزه هو الحب حرام ؟
حمزه براحه .. هات ايدك دا وعد ان بنتي طول اما هي عايزاك هتكون ليك الحب مش حرام انا ومامت نور بنحب بعض ٦ سنين قبل الجواز
مالك.. بنتك بتعرف تحافظ ع نفسها كويس جدا رغم تواجدنا ف وسط آلاف ف الكليه بس محدش بيعدي حدوده
حمزه.. بس انت خليت بنتي تلبس محترم مع اننا حاولنا كتييير اوى
مالك .. الحمد لله
حمزه.. ع فكره انا مش لازم بنتي تعيش ف قصر ولا لازم تاكل كل يوم اكل عالي اهم حاجه تكون ف امان راجل يحترمها
مالك.. لو مش هقدر أعيشها عيشه كويسه يبقي حرام اخدها انيمها يوم وقلبها موجوع بس اوعدك مش هسيبها لحد غيري
مر شهر ع هذه اليوم كالمعتاد بين الشغل والبيت والخروجات واقتربت جني من معتز كثيرا وأصبحوا مقربين جدا سليم وزينه بيعيشو اجمل أوقاتهم ومالك ونور بيستعدو للشغل ف مكتب ابوها الجديد (هيصممو الديكورر) ومريم ويزيد دايما مع بعض وحنان وماجده وسحر وسماح بقو اصحاب جدا وعرفو ان سماح مريضه بس بدأت تستجيب للعلاج وبقيت ع طول
وفي يوم من الأيام ذهب مالم الي الجامعه صباحا وجلس بجانب نور واصدقائهما يضحكون اتي إليهم شاب الي مالك وقال .. لو سمحت عايزك يا مالك
مالك .. خير يا فارس
فارس ..بصراحه انا عرفت انك اقرب حد هنا لنور وانا اصل يعني
مالك بعصبيه .. مالها نور متنطق
فارس .. بصراحه عايز اخطبها
مالك بضيق.. بقولك ايه يا فارس نور خطيبتي وغور من وشي احسنلك
فارس بحرج .. انا اسف عن اذنك
ذهب مالك الي نور وجذبها من يدها وقال .. يله
نور .. براحه ااااه ايدي
ساره.. رايح فين
مالك .. هششششش ملكمش دعوه
نور .. اااه مالك سيب ايدي وجعاني بجد
مالك بزعيق .. نور اخرسي مسمعش صوتك لحد اما نركب العربيه
نور بضيق .. مالك انت اتجننت اوعي بقي
مالك .. اسكتي قلت
خرج مالك من بوابه الكليه واتجه الي سيارته وركبو السياره ولم تتحدث او تنظر إليه
مالك .. انتي ساكته ليه
نور بعصبيه.. وبعدين بقي اتكلم تقولي اخرسي متكلمش تقولي ساكته ليه انا زهقت جرجرتني قدامهم ومنطقتش ولا حرف زعقت ف الكليه والكل بيتفرج وسكت سيبتني وروحت وقفت مع البنات وسكت مش مراعي وجودي وبتتكلم مع المدرج كله وسكت ومن يومين الميصه اللي اسمها شهد كانت شويه وهتبوسك وسكت عايز ايه تاني هاااا اولع ف نفسي
اتصدم مالك لم يتوقع أنها تكتم كل هذا الزعل بداخلها فهتف بهدوء .. اولا انا لو مكنتش مشيت من الكليه كنت هقتل فارس دا جاي يخطبك مني ثانيا صوتك وحشني فقلتلك اتكلمي ثالثا بقي انا ميهمنيش حد غيرك وبكلمهم كلهم انهم اخواتي وبس وشهد جت تتحداني انها هتأخدني منك قريب وانا قبلت التحدي توريني هتخليني اكرهك
مسك ايدها وتنهد وباسها ثم اكمل.. نور انتي روحي انتي النفس اللي بتنفسه وبدل اما تكتمي ف قلبك تعالي لوميني وزعقي واتعصبي هسمعك وهفهمك لكن متوجعيش قلبك كده تاني انا وعدتك اني هبقي سبب ضحكتك مش وجعك انا عايش بس ليكي ولماما ومريم معنديش غيركم
تأثرت نور بكلامه كثيرا فبكت
نور.. يامالك انا بحبك اوى ومش هقدر استحمل اشوفك مع حد غيري
مالك بمكر .. وربنا لو مش بطلتي عياط هبوسك وانتي حره
نور .. تبكي
مالك .. اممم طيب شكلك عايزه تجربي
نور.. لا لا خلاص سكت
مالك ببسمه هادئه... ياروح قلبي انتي حقك عليا يابنوتي وادي راسك ابوسها اوعي تزعلي مني أبدا اوعي تستسلمي
نور.. حاضر
مالك لنفسه .. حقك عليا ياقلبي انا هفرحك فرحه تنسيكي الفكره اللي ف دماغك دى انا ليكي انتي وبس
نور .. بحبك يامالك
مالك .. اللهم طولك ياروح يابت اسكتي والله انا ماسك نفسي بالعافيه
نور .. هههههههههههههه حاضر
مالك بوهن.. طب وحيات امك متضحكيش الضحكه دى غير واحنا لوحدنا
نور .. حاضر ياحبيبي
عارف يامالك انا بحب خوفك عليا اوى عارفه انك كنت عايز تحضني وانا بعيط بس خوفت ربنا يبعدني عنك طب تعرف اني بقيت بصلي كل الفروض
مالك بفرحه.. بجد يانورى دا احلي خبر عقبال الحجاب يارب
نور بحب.. نورك !!!!
مالك بنبره هادئه .. طبعا نورى وطبعا تاج راسي وطبعا حياتي واوعدك هفضل طول عمرى ادعي ف كل سجده انك تكوني مراتي وحلالي
نور .......
نظر مالك وجدها تبكي وتبتسم
مالك.. تؤ تؤ حببتي عشان خاطري متعيطيش
نور.. مالك انت ازاى كده
مالك .. بحبك
نور .. هنروح فين
مالك .. هنروح لباباك المكتب عايز اكلمه ف الشغل
اما عند يزيد ومريم ف مطعم فخم
مريم .. حبيبي انت مرهق اوى بقالك شهر مسحول
يزيد .. حببتي انا كويس طول مانت معايا
مريم بحب .. ياروحي ربنا يخليك ليا انا معاك ع طول كلها كام شهر وهبقي ف بينك ومعاك ف كل وقت
يزيد بتنهيد.. انا يا مريم بعد الأيام مش هتطمن غير وانتي ف حضني وف بيتي
مريم .. بحبك بحبك بحبااااااك
يزيد .. ههههههه الناس ياهبله
مريم .. يولعو كلهم
يزيد.. اخبار الكليه ايه
مريم .. كويسه بروح زى مانت شايف كل كام يوم عشان انقل المحاضرات بس
يزيد.. حببتي الجميله شاطره هتخلص سنه تالته واخطفها ع طول
مريم .. طب ورابعه يايزيد
يزيد .. هتكمليها ف بيتنا يامريومتي
مريم بخجل .. بس يعني افرض جالنا بيبي هعمل ايه
يزيد .. متسبقيش الاحداث وبعدين انا عايز كل سنه بيبي
مريم بصدمه .. نععععععم
يزيد .. ايوه عايز بنات كتييير شبهك وولاد شبهك
مريم بحب .. وانا عايزه حته منك انت وشبهك انت
يزيد .. احم طب ع فكره انتي مراتي تعالي نجيبهم
مريم بخجل .. يزيد انت قليل الادب وربنا
يزيد .. هههههههه خلاص خلاص متقلبيش الرجل الاحمر كده
مريم .. اتلم يايزيد
يزيد بنظره عاشق مشتاق .. حاضر هتلم ياقلب يزيد مولاتي تؤمر وانا انفذ
مريم .. دانت اللي ملك قلبي وحياتي وانا تحت امرك وتحت رجلك كمان
يزيد .. اوعي تقولي كده تاني انتي فوق رأسي جوهرتي
مريم .. دوق طيب انا بحب الاستيك جدا
اكل يزيد من ايديها وهتف .. حلو اوى طب دوقي فاهيتا بقي كده
مريم .. الله جميله اوى
وفي بيت زينه كان يجلس سليم مع امها ويتحدثون
ماجده .. نايمه من الصبح ومش راضيه تصحي زعقتلي عشان بصحيها
سليم بحرج .. ممكن ادخل اصحيها
ماجده .. ادخل دى مراتك وعارفه انك مش هتأذيها
دخل سليم الي غرفتها واغلق الباب خلفه وجلس ع ركبتيه امام فراشها يتأملها كانت كالطفله وهي نائمه بمنامتها التي تشبه افلام الكرتون
سليم وهو يلعب بشعرها .. زينه حببتي اصحي
زينه بنوم .. اممم
سليم .. حببتي قومي عايز اشوفك قبل اما اسافر
زينه بصدمه .. سليم بتعمل ايه هنا
سليم .. اهدى اهدى انا مسافر المانيا ضرورى فجيت اقولك
زينه .. ايه ليه
سليم .. حببتي لازم اقابل حد ف الشركه اللي بنتعامل معاهم ضرورى وفي حاجه لازم اجيبها ليزيد وانا جاي
زينه.. هتفضل كتير
سليم .. يومين اتنين تخلي بالك من نفسك ها
زينه .. حاضر وانت كمان
سليم .. يله نامي باي
ولف وجهه الي جهت الباب ولكنه تفاجأ بها تحتضنه من ظهره لف لها مره اخري وحضنها والتقت أعينهم وهبط الي مستوى شفتيها طبع قبله هادئه عليهما وودعها وخرج سلم ع ماجده وذهب
اما في مكتب حمزه النجار
حمزه .. كفايه يامالك انا دماغي لفت منك
مالك .. ههههه طيب تمام كفايه شغل نتكلم ف المهم بقي
حمزه.. وايه المهم
مالك .. جوزني بنتك
نور بدهشه .. هااااا
مالك .. اقفلي بوقك يانور ههههه
حمزه.. مش قلنا بعد السنه دى ولا ايه بقي
مالك .. لا بنتك واحد جه خطبها مني النهارده وانا كده هقضي العمر ف السجن
حمزه .. هههههه طب معلش هاودني كلها كام شهر وتخلصو سنه تانيه
مالك .. حاضر بس اعمل حسابك لو حد اتكلم هقتلو
حمزه .. ههههههه طيب
نور .. هو انا مليش رأي ولا ايه
حمزه .. قولي ياروحي
نور .. انا عايزه اتجوز بعد الدراسه
مالك .. والله
نور .. اه عشان ابقي مش مشغوله بكذه حاجه
مالك بضيق .. اللي يريحك هعملو يانور بس الخطوبه تبقي بعد السنه دى والفرح لما تقرري ابقي قوليلي
حمزه.. طيب انا هروح عشان تعبان
مالك .. معلش خد نور معاك انا هروح مشوار
نور .. مشوار ايه
مالك .. مشوار ميخصكيش
حمزه .. يله يانور
