انفجر زينه باكيه فأخذها نادر
نادر .. تعالي يازينه نروح المكتب التاني
يزيد .. تعالي يامريم ننزل نشتريلها عصير وهدوم مينفعش تروح كده
معتز .. انا همشي وابقي عدى عليا ياسليم
سليم .. حاضر شكرا يامعتز
دخل سليم الي مكتب نادر وجدها تبكي بين احضان نادر فصرخ بوجهها
سليم بغضب .. عشان تبقي تسمعي كلام اهلي لما اقولك حاجه وبعدين ايه اللي يقعدك ف الزفته لوحدك
نادر .. اهدى ياسليم سيبها
سليم .. افرض مكنتش معاها ع الزفت التليفون كان زمانه عمل ايه معاها كان مين هينقذها
زينه ببكاء .. بس بس خلاص كفايه بقي
سليم وهو يمسك زراعها بقوه .. كفايه ايه انتي مش شايفه انك غلطانه خالص
لاحظت زينه جرح بيده ورأسه ينزفان فصرخت .. دم
دم سليم
سليم بصريخ .. ملكيش دعوه بيا اسكتي خالص
زينه ولم تهتم سحبت شريطه كانت كزينه لفستانها وظلت تمسح له دمائه ابتسم لها نادر بحنان ثم هتف .. هكلم ماما اطمنها ياسليم وخرج
ظلت تبكي زينه وهي تمسح له دمائه
فهتف بحنان .. هششش انا كويس
نفت زينه .. لا مش كويس والله انا اسفه ياسليم انا غبيه والحقير ده معرفش رجع ليه و
قاطعها سليم .. هشششش خلاص
ثم هتف بقلق عندما وجد خدش برقبتها .. لمسك يازينه
نفت زينه .. لا دا لما كان
وسكتت فعلم هو انه كان يريد تقبيلها جذبها الي صدره
وهتف.. انا اسف ياقلبي زعقتلك جامد بس غصب عني مش متخيل انه اممكن يجرالك حاجه بسببي
نادر بخبث .. قوم ياواد من هنا يزيد جه خليها تغير ونمشي
سليم .. حاضر
نادر بحنان .. قولي لماما ان احنا جايين يوم الجمعه
زينه بصدمه.. عندنا ليه
نادر.. عشان هخطبك ايه رأيك انا عثول وف عز شبابي
سليم.. ايه ايه انا واقف
زينه .. وانا موافقه ياعمو
دخلت مريم وخرج نادر وسليم
مريم .. زوزو انتي كويسه
زينه .. اه
مريم .. الحمد لله انه سليم لحق ف الوقت المناسبه
يله ادخلي البسي ولو امك سألت قوللها اي حاجه وقعت ع هدومك وبقعت فغيرتي عشان متقلقش بس
زينه بتفهم .. حاضر
اما في قسم الشرطه
معتز .. بقي عاملي فيها سبع وبتتحرش بالبنت طيب وريني هتعمل ايه ف الحجز
محمود .. هي اللي شمال
سليم من خلفه .. اخرس خطيبتي اشرف من الشرف
معتز . . اهدي ياسليم
ثم هتف .. ياشويش خدو ع الحجز ووصي عليه
الشويش.. قدامي ياخويا
سليم .. متشكر يامعتز
معتز .. ياراجل احنا اخوات عيب عليك
سليم.. حبيبي يازيزو
اما في بيت زينه
ماجده .. ايه ده فين هدومك
زينه بهدوء .. وقع عليها ايس كريم فجبت دول وبدلتها
ماجده.. طيب
زينه.. عمو نادر بيقولك هو جاي يوم الجمعه يشرب شاي عندك
ماجده.. شاي ولا شربات
زينه بخجل .. مش عارفه
ماجده بمكر .. طيب يعني مش موافقه براحتك
زينه بسرعه .. لا لا موافقه
ماجده بحنان.. كبرتي وبقيتي عروسه
زينه بمرح.. لا لا لسه بيبي
مرت الأيام سريعه في هذا الاسبوع واتي يوم الجمعه
اليوم الذي سعي سليم إليه كثيرا وأخيرا بدأ يتحقق
استيقظت زينه من نومها ومسكت هاتفها وتحدثت إليه
سليم بنعاس ..الو صباح الفل يازوزو
زينه .. انت ليه نايم ياسليم دا الساعه واحده وانت بتفضل ساعتين تلبس
سليم بدلع.. هنام شويه واصحي
زينه بغضب .. اتخمد ياسليم ومتجيش
سليم بضحك ... طب ماشي مش جايلك دانا جاي لحماتي اشرب شاي
زينه ..معندناش شاي هتطفح شربات
ضحك سليم بشده حتي ادمعت عيناه فقال .. احلي شربات هطفحه ده ولا ايه
زينه . طب غور ياسليم عشان انا جعانه
سليم .. هههههه نتقابل الساعه ٥ ياعروستي
اغلق سليم الهاتف وظل يضحك بشده عليها حتي دخلت امه
سحر .. سليم انت بتضحك ع ايه
سليم وهو مازال يضحك .. ع المجنونه اللي بحبها ياماما تخيلي قفلت ف وشي عشان جعانه وتقولي هتطفح شربات مش شاي
ضحكت سحر ع ابنها وزينه ثم قالت .. والله لايقين ع بعض موت مجانين زى بعض
اما عند يزيد دخل الي غرفه جني فوجدها تبكي
ركض إليها وقال .. جانو مالك
جني بحزن .. مش عارفه البس ايه يايزيد زهقت بقالي ساعه بدور الفساتين اللي هنا مفتوحه هتكسف البسها وانا كبرت خلاص
يزيد بتفكير .. اممم طب يله بسرعه تعالي معايا بسرعه هنروح مشوار
اخدها معه بسيارته ووقف امام احدي المولات الكبري
يزيد .. يله ياجانو الساعه ٢ يله بسرعه
جني بدهشه.. هنعمل ايه هنا
لم يجبهاوسحبها معه وصعد الي محل خاص بالفساتين وقال .. اختاري اللي يعجبك بقي
جني بفرحه .. بجد
يزيد بحنان .. طبعا بقي اخت يزيد الدالي تعيط ليه موت انا ولا موت
جني .. ربنا يخليك ليا استني هدور
ظلت تبحث بأعينها بين الفساتين ثم اخدت أحدهم وذهبت تقيسه وخرجت الي يزيد
جني .. ايه رأيك ف ده
يزيد .. وبالنسبه لضهرك ده ايه هيتدارى ازاى
ثم أخذ يبحث بعينيه بين الفساتين واخد أحدهم
يزيد .. ممكن تجربي ده
جني .. اوك
ارتدته جني وخرجت وهي تنظر الي يزيد بفرحه
جني .. تحفه
نظر يزيد إليها بحنان كان عباره عن فستان شيفون زهري اللون مجسم بهيئه جسدها وطويل ذو أكمام طويله وبه رسمات باللون الابيض ع احدي جانبيه وبه شريط ستان اسود من الخصر
يزيد بإعجاب .. دانا طلعت بفهم تحفه فعلا يله بقي بسرعه حطي ميكاب عشان مش هنلحق نروح وتلبسي فأجهزى بالمره
جني .. طيب خمسه وهجهز
يزيد بتفكير .. هجيب حاجه شوفتها هنا عجبتني قريب وهاجي
جني.. اوك
اما عند زينه كانت مريم تقف أمام الباب وهي تقول .. ازيك ياطنط ماجده امال فين زوزو
ماجده .. زوزو جوه بتلبس عشان عمامها زمانهم جاين
مريم .. اه الساعه ٣ ونص طب انا هدخلها
سماح .. الف مبروك ياماجده سليم ابن حلال انا بحبه اوى محترم كده وبيحب البت بجد
ماجده بمكر .. بقي كده ياسماح كنتي عارفه ومقلتليش مااااشي ياسمسم
سماح ... يوه ياختي مانتي كنتي هتخربي بيتي انا و زوزو
اما في غرفه زينه تقف مريم تضع لزينه بعض اللمسات التجميليه ثم هتفت .. خلصت يازوزو
زينه وهي تدور حول نفسها .. حلو كده
كانت مريم تنظر الي زينه بفرحه واضحه بأعينها
كانت زينه ترتدي فستان شيفون باللون الفيروزي وبه بعض النقوشات بالزيل والصدر وضيق من الصدر حتي منتصف البطن ثم منسدل بوسع حتي كاحليها ووضعت لها مريم كحل اسود وملمع شفاه الذي أظهر شفتيها الكريزتين وحجابها الصغير
زينه .. بت انتي سرحانه ف ايه
مريم .. فيكي زى القمر بجد بعيون امك الزرقا دى
زينه .. هههههه طب مانتي طالعه مزه بردو
مريم.. تسلميلي
وفي هذا الوقت دق جرس الباب
مريم .. اكيد عمامك
زينه بضيق .. هوووف بقي
مريم.. فكي وطنشيلهم
امام الباب
ماجده.. اهلا وسهلا اتفضلو
رباب (عمت زينه ).. اهلا ياماجده ازيك
عزت .. ازيك ياام زينه
ماجده .. الحمد لله ياعزت بخير
عزت بإستهزاء .. هو فين المحروس
ماجده بضيق .. بقولكو ايه ياريت بلاش المعامله دى قدامهم دول ناس راقيه
رباب .. جرا ايه ياماجده مش لازم نتطمن ع بنت اخويا
زينه من خلفها .. فيكي الخير ياعمتي
عزت .. وهو احسن من ابن عمك ف ايه يعني
زينه .. ف حاجات كتييير عن اذنكم مريم مستنياني جوه وبلبس
سماح .. الساعه بقيت ٤ ونص قومي البسي ياماجده
ماجده .. طيب
وبعد نص ساعه من هذا الجو المشحون بالعصبيه والغضب دق الباب معلنا وصولهم فتحت ماجده الباب
ماجده ببسمه.. اهلا اهلا باللي مغلبني
سليم ببرائة مصطنعه.. دا غلبان
نادر ببسمه .. ازيك ياام زينه
ودخلو عائله سليم ويزيد
جني .. طنط هي مريم فين
ماجده .. تعالي ياحببتي هدخلك عندهم
واخذتها الي الغرفه
جني .. وااااااااااو ياابن المحظوظه ياسليم انت ويزيد
مريم بخجل .. الله ياجانو انتو جيتو
زينه .. اهلا اهلا ياست ايه الشياكه دى
جني .. دا زوق يزيييد
وغمزت لمريم فتوردت خدودها
زينه .. واو تحفه
اما في الخارج
نادر .. انا يشرفني طبعا اني اطلب ايد بنتكم لابني سليم
عزت .. الشرف لينا بس احنا منعرفش عنكم حاجه
نادر بهدوء .. تمام. انا نادر الدالي وده سليم ابني وده يزيد ابني الكبير ودى المدام
اندهش عزت من اسمه فالبلد كلها تعلم من هي عائله الدالي
عزت .. نادر الدالي
رباب .. وايه يعني بردو حق بنتنا لازم نضمنه ونعرف هتعيش ازاى
ماجده.. رباب لو سمحتي بلاش كلام فاضي
سليم بمرح يلطف الجو .. حماتي احنا مش هنقرأ الفاتحه ولا ايه
ماجده .. هههههه اسال اسال عمها
عزت بضيق .. نقرا الفاتحه
كانت زينه في قمه فرحتها ومريم كذالك وبدأو بقرأت الفاتحه حتي انتهت ودوت زغروده تعرفها سماح وماجده جيدا
حنان .. ماشاء الله مين اللي بتزغرط
ماجده وسامح ف آن واحد .. مريم
قامت حنان الي مصدر الصوت بغرفت زينه
حنان .. تعالو يله وانتي بقي هتزغرطي بره
زينه بخجل .. حاضر جايين
مريم.. لا ياطنط مش هعرف بره
حنان.. تعالي بس
خرجو الي العائله وبارك الجميع لزينه وسليم وهتفت سماح .. يله يا مريم زغرطي
مريم بخجل .. بس ياماما
يزيد وهو يمسك يدها .. زغرطي لصاحبتك يامرمر
مريم بخجل .. طب اوعي
سحبت يدها ووقفت بعيده عن أعين يزيد امام الممر الي المطبخ وزغردت مرتين ثم تبعتها ماجده وحنان
وقدمت سحر وحنان ونادر الهدايه لزينه ومر اليوم بسلام وسعاده وذهبو اهل يزيد وسليم وظل يزيد وسليم فقط مع مريم وزينه
سليم .. بعد ازنك ياطنط يعني انا شوفت بتاع عصير قدام شارعكو ممكن ننزل
ماجده .. يووه ياسليم ابتدينا
سماح .. سيبيهم ياماجده
سليم .. والله انتي عثل ياسمسمتنا
وسحب زينه من يدها ويزيد أخذ مريم وذهب خلفه
الي الشارع
زينه بفرحه .. مريم تعالي نسلم ع عمو محمد ف المحل
مريم .. يارب نلاقيه دا وحشني اوى
يزيد.. نعم يااختي اتعدلي
مريم بضحك .. هههههه مجنون
وقفو امام مكتبه صغيره وهتفت زينه .. ياعمو محمد
محمد بحنان .. اهلا اهلا بزينة البنات
زينه وهي تدخل إليه .. وحشتني ياعم محمد
مريم من خلفها .. وحشني اكتر منك يارخمه
محمد بضحك .. هههه ياولاد لسه بتتخانقو زى اما انتو
مبروك ع الخطوبه ياحبيبي سمعت ان اتقرأ فتحتكم
زينه ومريم .. الله يبارك فيك
سليم بهدوء .. السلام عليكم
محمد .. وعليكم السلام يابني
زينه .. ما سليم خطيبي ياعمو محمد
محمد بفرحه .. اهلا وسهلا يابني
يزيد .. ماشاء الله عندك كتب جميله هنا
محمد .. انت خطيب مريم صح
يزيد ببسمه .. ايوه يزيد
محمد .. انا فرحان جدا بيكم يابناتي والله
مريم بحب .. يخليك لينا يارب
زينه .. اعرفكو بقي دا عمو محمد اللي بنطلع عينه معانا من واحنا عيال
محمد .. كانو بيجو يخدو الكتب ويطلعو يجرو ويلففوني وراهم
مريم .. ويشلنا ويلعب معانا
زينه .. ويجيبلنا اكل
ضحك الجميع عليها فهي لا تعرف شيء اهم من الأكل
يزيد هامسا .. هتاكلك قريب
زينه بمكر .. سمعتك يابيه
سليم بحب .. بس يايزيد تاكل براحتها انت رخم ليه
محمد .. ربنا يبارك فيكم يارب شكلكم بتحبوهم اوى
ابتسم يزيد وسليم وصمتو
مريم .. طب يله بقي نروح يازينه
يزيد .. هنوصلكم يامرمر يله
زينه .. سلام ياعمو محمد هبقي اجيلك تاني
مريم .. خلي بالك من صحتك ها
محمد.. تسلمولي يارب
وفي الطريق الي البيت لمحت مريم سمير أمامها فأنكمشت خلف يزيد
يزيد بقلق .. مالك ياحببتي
مريم بخوف .. سمير هناك اهو
يزيد .. انتي خايفه ليه تعالي
جذبها بجانبه ومسك يدها وهو يطمئنها
زينه .. يابنتي مش هيعمل حاجه
سليم .. متخافوش
سمير.. انت ماسك ايديها ليه
وقف يزيد امام منزل زينه ثم تحدث إليها.. حببتي خدي زينه واطلعو عشان الوقت اتأخر
سمير وهو غاضب .. بكلمك انا
سليم .. اهدي ع نفسك
مريم .. لا امشي الأول وانا هطلع
يزيد بغضب.. مريم اللي اقوله يتسمع ع فوق يله
مريم ببكاء.. يله يازينه
صعدت مريم الي شقتها وأكملت زينه الي شقتها
وظلت مريم تبكي وحكت لسماح ما حدث
اما عند يزيد
يزيد .. يله ياسليم
سمير .. انت عبيط انت ماسك ايديها ليه
يزيد بتهديد .. انت مش قدي ومش عايز اذيك عشانها بس لكن لو متلمتش هدفنك
سليم.. يله
وذهبو الي السياره فتحدث سليم .. يزيد انت زعقت لمريم جامد ع فكره وعيطتت
يزيد بحزن .. عارف بس لو مكنتش طلعت كنت ضربت الزفت ده
سليم .. ابقي صالحها
يزيد .. مقدرش انيمها معيطه ياسليم هروح اكلمها واصالحها
سليم .. ربنا يخليكو لبعض
يزيد .. زينه ومريم مجانين اوى زى بعض
بحس اني بحب طفله والله كل حركاتها طفله بس بعشقها
سليم .. انا كمان بقيت حافظ كل تفاصيل زينه يارب ميبعدناش عن بعض أبدا
يزيد .. يارب
اما عند نيره
نيره .. ههههههههههههه كلها يومين بس وشوف هتعمل ايه انت وهما يايزيد
الرجل .. شريره اوى انتي يانيره
نيره وهي تحتضنه .. طبعا تلميذتك ياباشا
الرجل .. طيب شاطره
في فيلا يزيد الدالي
حنان .. مالك يايزيد
يزيد بحزن.. سمير ابن عم مريم خنقني ياماما حاسس اني هقتلو قريب مش بس بيهددني انا وهي لا دا النهارده كانت ف عيونه نظره قذره لمريم ومش عارف مريم خايف منه ليه
حنان .. معلش يايزيد استحمل لحد كتب الكتاب وبعد كده هيتلم
يزيد.. حاضر هطلع اكلمها وانام
حنان.. ماشي ياحبيبي
اما عند سليم
كان يجلس ع الفراش ويتحدث إليها
سليم.. زوزو انتي كويسه ياقلبي
زينه .. انا مش لسه كنت معاك
سليم بأستغراب.. انتي بتعملي ايه
زينه .. بأكل جوعت اوى
ضحك سليم بشده عليها فهي لم تكمل الساعه دون اكل
سليم .. بالهنا يارب
زينه .. يله نام عندنا شغل بكره
سليم .. حاضر بحبك
زينه .. تصبح ع خير
سليم بحب .. وانتي من اهلي
زينه بدلع .. بحبك
سليم.. باي ياقلبي
اما عند يزيد
يزيد .. خلاص يامريومه انا اسف
مريم ببكاء .. لا انا معملتش حاجه عشان تزعقلي انا كنت خايفه عليك
يزيد بحزن .. طب تعدميني لو فضلتي زعلانه
مريم.. لا خلاص مش زعلانه بعد الشر
يزيد .. حقك عليا يااحلي بنوته ف قلبي
مريم بحب .. بحبك يايزيد
يزيد بحنان .. بحبك ياعيوني
مريم.. يله نام عندنا شغل تصبح ع جنه
يزيد .. وانت من اهلي ومن اهل الجنه يارب
مريم .. باي
ونام كل منهما وبداخله فرحه وخاصتا سليم الذي حقق ثاني احلامه بعد ان شارك يزيد بشركته
اما سماح فكانت مجهده ومتعبه للغايه وتأخذ ادويتها وتخبأها حتي لا يعرف أحد بمرضها
ومر يومين ع هذه الاحداث بلا جديد ولا شيء يحدث سوا الشغل بعض الترفيه ولكن هذااليوم يختلف كثيرا فاليوم يوم المناقصه
وفي شركه الدالي كان يصرخ بصوت اجش
نادر .. ازاى خسرت الثفقه يايزيد ازاى عرضنا اتسرق مين عرف اننا هندفع اعلي رقم وزود
يزيد بقلق .. يانادر بيه احنا
قاطعه .. انتو فاشلين يايزيد معتمد ع عيال وانت ياسليم انيل منه غورو من وشي
ولكن فجأه انتبه لوجودها تراقب الاحداث
نادر بغضب .. بتعملي ايه هنا
نيره ضاحكه .. جايه اشوف ولاد عمي وهما خسرانين
نادر .. ومين قالك
نيره .. ههههههه تؤتؤ هو انت متعرفش مش انا اللي اخدت الشركه منك
نادر بغضب .. جيهان يا جيهان
جيهان .. اؤمر ٢
نادر.. خرجيها بره
مريم من خلفها .. نادر بيه اهدى بس وهتتحل
نيره بقرف .. انتي يابتاعه انتي هتيلي ميه
مش انتي شغاله هنا
يزيد .. لا ياقطه دى هتبقي مراتي يعني اهدي عشان مخليهاش تمسح بكرامتك الشركه هنا
نيره وهي تشير باصبعها ..دى تهيني انا
تركها نادر وخرج من المكتب فاكملت نيره .. دى بيئه
مريم بدلع .. يزييييد
يزيد ببسمه .. عيونه
مريم بحب .. انا بيئه ياحبيبي
يزيد .. ههههههه يانهار اسود هو في بيئه بالدلع ده
مريم .. قلبي انا
نيره بغيظ .. قرف اشكال بلدى اوى
مريم وهي تخرج لها لسانها .. عجباه هو
خرجت نيره من المكتب فنظر يزيد الي مريم بمكر واغلق الباب خلفه
مريم بتوتر .. يزيد افتح الباب
يزيد بمكر .. تؤتؤ مش عايز افتحه
ثم جذبها من خصرها اليه فتوترت مريم بشده وكانت تتنفس بصعوبه وصدرها يعلو ويهبط
يزيد وهو يكتم ضحكته .. بقينا نعرف نتدلع بقي ونعيظ الناس كمان
مريم .. ا ااصل اانا يز يزيد سيبني
يزيد بحب .. ملكة قلبي بقيت قطه بتخربش اي حد يقرب مني ولا ايه
مريم بخجل .. ايوه محدش يكلمك غيري
يزيد .. امممم
ثم في حركه مفاجأه اخذها بين احضانه فشهقت من فعلته
مريم .. يزيييد احنا ف الشركه
يزيد بخبث .. يعني لو بره الشركه عادى
مريم بخجل .. لا سبني بقي اخرج عمو نادر لو جه هيقول ايه
يزيد .. ماشي هسيبك بس عشان احضر الصفقه الجديده
مريم .. طيب
اما عند سليم بمكتب
سليم .. انا مش عارف نيره هتجيبها البر امته بابا لو حطها ف دماغه هنقرالها الفاتحه
زينه .. متقلقش ياحبيبي كل حاجه هتتحل
سليم .. يارب
زينه .. بتبصلي كده ليه
سليم بنظره عشق .. هاين عليا اخدك ف حضني اخبيكي عن كل العيون
زينه بخجل .. بس ياسليم
سليم .. هو انتي هتجيبلي عيال شبهك كده ازاى اخبيكو فين بس
زينه بدهشه .. عيااال هههه لسه بدرى وممكن مكونش مراتك ف المستقبل و
قاطعها سليم .. زينه مسمعش الكلام ده تاني انتي حببتي وبنتي ومراتي بأذن الله
زينه بحب .. وانا بحلم باليوم ده
سليم بتفكير .. انا هروح عند يزيد عشان ممكن اقوم ارتكب جنايه وابوسك بقي
زينه بخجل .. سليم انت قليل الادب
سليم بضحك .. ههههه عارف عارف
اما في مكتب يزيد كان يجلس يتحدث بالهاتف
يزيد .. طيب شوفلي هي عرفت ازاى وكلمني
الرجل .. تمام
يزيد .. سلام
دخل اليه سليم
سليم .. بتخون مريم هقولها
يزيد .. اه كنت بكلم زفت بشوف هي عرفت ارقام الصفقه منين
سليم .. اه كويس
يزيد .. انا عايز اكتب كتابي ع مريم خايف عليها نيره مش هتسيبها
سليم .. طب متكلم سمسمه
يزيد بحزن .. هكلمها
سليم بشك.. كل اما نجيب سيره سمسمه تعمل كده مالك
يزيد .. هحكيلك عشان مخنوق اوى
سليم بقلق .. احكي
يزيد بحزن .. حماتي عندها كانسر ف مرحله متأخره
والعلاج مش بيقدم حاجه ليها وعرفنا من بدرى كنت انا وهي بنتكلم اغمي عليها خدتها وروحنا وعملنا التحاليل واشعه وطلع عندها كانسر
اتهم صوت باكي من خلفهم .. ايه مستحيل لاء
سليم بصدمه .. زينه
يزيد بسرعه .. زينه اوعي مريم تعرف دلوقتي
زينه .. مريم لازم تعرف
يزيد بصدق .. هقولها بس مش دلوقتي بعد كتب كتابنا لو عرفت دلوقتي هتنهار
زينه ببكاء .. طيب
سليم .. بطلي عياط بقي بالله عليكي
زينه .. لا ياسليم انا مش مصدقه انا بحبها اكتر من امي والله
اخدها سليم بأحضانه ..اهدي يازينه كل حاجه هتبقي كويسه بالعلاج
زينه وهي تبتعد عنه .. يارب انا راحه عند عمو نادر المكتب
سليم .. ماشي
يزيد .. زينه محدش يعرف غيرنا ابوس ايدك متعكيش الدنيا
زينه بألم .. حاضر
اما في الجامعه كان مالك يمشي مع صديقه وفجأه اتصدمت به فتاه
البنت .. ا اا انا اا سفه
مالك .. مش تفتحي
البنت بحرج .. والله انا بس كنت باصه ع صاحبتي وخبط فيك اسفه
انقذت الوضع عندما قالت .. نور انتي كويسه
ثم نظرت الي مالك قائله .. مالك ازيك
مالك بدهشه .. ازيك ياجني اخبارك ايه
جني .. الحمد لله معلش بقي اصل نور اول سنه وبتتوه وكده
مالك ببسمه .. ولا يهمك ياجني
نور .. جني هتأخر ع المحاضره
جني .. مالك معلش انت هندسه صح في محاضره ف مدرج ٢ دلوقتي وهي مش عارفه هو فين
مالك بتعجب .. شهرين ومعرفتش الاماكن
جني .. مكنتش بتيجي
مالك .. طب ياانسه نور انا رايح اصل المحاضره اتفضلي هوديكي
جني .. تسلم اطير انا احسن عندي محاضره دكتور ابن بارده اوى هيسقطني
ركضت جني وتركتهم وسط ضحكات مالك عليها
نور .. احم اتاخرنا
مالك .. الدكتور ده مدلعنا وبيدخل متاخر والله
نور .. تمام
مالك بفضول .. ممنتيش بتيجي ليه
نور .. كنت عامله حادثه
مالك .. الف سلامه
نور .. الله يسلمك
مالك .. ادخلي اهو المدرج
دخل مالك اولا وخلفه نور ظن مالك انها جلست وذهب الي رفاقه سلم عليهم ثم نظر امامه وجدها امام الباب لا تتحرك ضحك عاليا ع هذا المنظر وذهب اليها
مالك .. نور واقفه ليه
نور .. كل اما الاقي مكان يطلع محجوز
مالك وهو يضحك .. مدرج ابوهم هو تعالي طيب
اخدها خلفه الي مكان اصدقائه
مالك .. ساره ممكن تخلي بالك منها عشان لسه بتحضر لاول مره
ساره ببسمه .. طبعا من عنيا
مالك .. دى ساره يانور زميلتنا هنا
نور ببسمه ساحره اوضحت نغزاتها .. اهلا بيكي
مازن .. يالهوي دى بغمزات لا لا لن اتحمل
مالك .. اتلم
ودخل الدكتور فصمتو
اما عند نيره كانت تتحدث مع امها
نيره .. انا هوريها الحيوانه
نرمين .. اتهدي بقي
نيره بغضب .. لا محدش ياخد حاجه عجباني
نرمين .. هو فستان ولا شوز دا يزيد الدالي
نيره .. وانا نيره وهيشوف هعمل ايه
نرمين .. انتي حره انا زهقت
وفي مكتب يزيد كان يجلس يفكر بمرض سماح ولم يستمع الي طرقات باب المكتب فتحت مريم المكتب بهدوء ودخلت بدهشه فوجدته يستدير بكرسيه الي الخلف بنظر ناحيه النافذه فهتفت
مريم .. يزيد
لم يجيبها فنظرت بحيره اليه ثم كررت بصوت عالي .. يزيييييد انت سرحان ف ايه
يزيد بفزع .. ايه حصل ايه
مريم .. مالك انا كويسه
يزيد بهدوء .. الحمد لله ياحببتي انا كويس بفكر ف شويه حاجات بس
مريم ببسمه .. طيب انا مروحه
يزيد .. الساعه ٤ لسه
مريم .. اصل استأذنت عشان ماما كانت تعبانه شويه
يزيد بفزع .. ايه مالها
مريم بدهشه .. مفيش قالتلي شويه برد بس قلقانه عليها وكمان وحشتني فهروح بقي
يزيد ف نفسه .. ياريتهم شويه برد ياربي اشفيها مريم ممكن يجرالها حاجه لو عرفت يارب ساعدني اعمل ايه بس
مريم .. يزيييد سرحت تاني
يزيد .. لا ياحببتي بس ببص ع ضحكتك الحلوه دى
مريم بخجل .. طيب يله انا ماشيه
يزيد .. لا هوصلك
مريم .. لا عشان منبقاش بره احنا الاتنين وعمو مش هنا سليم وزينه بس
يزيد .. طيب بس خلي فونك مفتوح
مريم .. حاضر ياحبيبي
اما في كليه هندسه كان مالك يستمع الي المحاضره بعنايه حتي اخترق اذنه صوت شاب من خلفه وهو يتمتم ..يالهوى ع الجمال
لايعرف مالك لماذا ركز مع هذه الجمله وشك انها تقال علي نور الذي تتمتع بكل معاني الجمال وظل يثور بداخله بركان من الغيره ولكنه نفض هذه الأفكار من رأسه سريعا وانتبه للشرح مره اخري وبعد ان انتهي الدكتور وخرج من المدرج وقف احد الشباب امام نور
الشاب ببسمه .. مككن نتعرف
نور .....
الشاب .. انا خالد وانتي
نور بخوف .. اسفه مش بتعرف ع ولاد
انتبه مالك الي خالد الذي يقف معها فترك صديقه وتقدم اليها
مالك بنبره حاده .. خير ياخالد
وما ان سمعت نور صوته حتي تشبثت بيده فنظر لها بدهشه واضطربت دقات قلبه وضغط ع يدها يطمئنها
خالد .. اوبا ايه ده مش بتتعرفي ع ولاد اممم وبالنسبه للي ماسكه ايده ده ايه
مالك .. خالد دى نور قريبتي بلاش تفاهه الله يباركلك بقولك ايه كنزى بتدور عليك
خالد بتأفف .. انت دايما ناطتلي ف اي واحده اجي اكلمها دانت بارد
مالك .. معلش
تركهم خالد ونظر مالك لنور وهي مازالت تتشبث به
نور بتوتر .. انا هكلم جني عشان نروح
مالك .. طب تعالي هنقعد ف الكافتريا لحد اما تجيلك
نور .. طيب يله
ذهبت نور معه وجلست نور بجانب ساره وهو بجانبها
واخرجت نور هاتفها لتكلم جني
نور .. الو انتي فين
جني .. نور انا مشيت حازم ابن خالتي جه من السفر وعدي عليا
نور بحزن .. هروح لوحدي يعني ياجني طيب سلام
واغلقت معها
مالك .. هي فين
نور بحزن .. روحت
تأمل مالك ملامحها الحزينه ثم ابتسم بداخله
مالك .. طيب انتي ساكنه فين
نور .. في ............
مالك .. طيب هنروح سوا متخافيش
نور بتوتر .. لا خليك هروح انا عادى
مالك باصرار .. هنروح سوا وهنفطر سوا انتي مكلتيش حاجه
نور بفرحه داخلها.. حاضر
خالد من خلفها .. انا اسف ياانسه نور مكنتش اعرف انك قريبه مالك
نور ببسمه .. ولا يهمك حصل خير
مالك .. ياستار يارب حتي هنا ورايا
خالد .. معلش بقي استحمل
مالك .. اعدادى وثانوى وكليه اوووف دا مرار ده
نور .. اي ده اصحاب من زمان
مالك .. مكناش اصحاب بس اهو اتنازلت واتصاحبنا من سنتين كده
خالد.. متواضع اوى انت
ضحكت نور عاليا فنظر لها مالك بغضب غير ظاهر
مالك بغيظ .. نوطي الصوت شويه
نور .. سورى
خالد.. اطير انا بقي
مالك بضحك .. ف داهيه قصدي مع السلامه
وذهب خالد وخرج مالك ومعه نور من الجامعه ليوصلها الي بيتها وفي الطريق نظر مالك اليها حتي لاحظت
نور .. بتبصلي كده ليه
مالك بضيق .. ايه لا ابدا سرحت شويه بس
نور بخبث .. ف حببتك
مالك بدهشه .. حببتي مين ؟
نور بفرحه داخلها .. انت مش بتحب
مالك بسرعه .. لا
اما في مكتب سليم وزينه
يزيد .. انتو باردين ليه بقول لو عرفت هتموت من الخضه
زينه .. يزيد هو مفيش علاج
يزيد .. للاسف مش متقبله العلاج بتخدو بس مش عامل حاجه
سليم .. طب وايه وبعدين
يزيد بحزن شديد .. مش عارف خايف ع طنط اوى وخايف ع مريم اكتر تعبت مش عارف اعمل ايه
سليم وهو يطبطب ع اكتافه .. خير يايزيد ان شاء الله خير
يزيد . .يارب يارب
انتهي اليوم وذهبت مريم الي بيتها وجهزت الغداء واوصل مالك نور الي بيتها وشكرته وذهب اماسليم فقرر ان يتناول العشاء مع زينه بأحد المطاعم ويزيد ذهب الي الفيلا
وظلت نور تفكر بمالك الذي جذب انتباهها بشهامته ولكن قررت انها لا تتعلق به حتي لا تنجرح مره اخري !!
اما مالك فظل بتأمل ملامحها الهادئه حتي ذهب في النوم ومريم تحدثت مع يزيد اما سماح فكانت تفكر بأولادها ومن سيهتم بهما اذا حدث لها شيء وبعد انتهاء العشاء اوصل سليم زينه الي بيتها وسلم ع ماجده ورحل الي بيته وانتهي اليوم بنومهم
ومر اسبوع ع هذه الاحداث بدون تغير ما بين الشركه والبيت ومالك يزداد تعلقا بمحبوبته الجديده وفي يوم
كانت نائمه تحلم بأمها وتتحدث بصوت عالي في حلمها
مريم .. بابا وحشتني اوى
ابومريم .. وانتي كمان امال فين ماما هاتيها عايز اشوفها
سماح .. انا اهو ازيك
ابو مريم .. ازيك ياحببتي وحشاني تعالي اقعدي معايا
سماح .. يله هاجي معاك
مريم ببكاء .. لا انا عايزاها معايا
ابو مريم .. خلاص خليها معاكي
قامت مريم من نومها مفزوعه وتبكي وتهتف .. ماما
سماح بقلق .. بسم الله مالك يامريم
مريم برعب .. ماما انتي كويسه
سماح .. ايوه في ايه
مريم بهدوء .. مفيش كابوس بس
سماح في نفسها .. حاسه بيا يابنتي
سماح .. نامي ياحببتي متخافيش
مريم .. طيب ياامي الساعه كام
سماح .. نامي لسه الساعه ٥
مريم .. ماشي
ظلت مريم مستيقظه وهرب منها النوم حتي الساعه السابعه قامت وتجهزت لتذهب الي عملها
خرجت مريم واحضرت الفطار لهما ثم ايقظت مالك وسماح وجلسو يفطرون
مالك .. اه دماغي طول الليل اذاكر عشان الميدتيرم شغاله حاسس اني هموت
مريم .. انا عندى امتحان بعد ٣ ايام
مالك .. اه شوف الجدول بتاعك
سماح .. ربنا يوفقكم
مالك ومريم .. يارب
مالك .. انا بشوف جني كتير
مريم بدهشه .. ف هندسه ليه
مالك .. كانت بتوصل صاحبتها عشان متعرفش المكان لسه اول محاضره
مريم .. صاحبتها مين
مالك ببسمه .. نور
مريم بخبث .. هي نور ولا ضحكه عشان نفهم بس
مالك بتوتر .. ضحكه ااي د دي
مريم بضحك .. انت وقعت ومتبهدل ع الاخر ابنك بيحب ياسماح
سماح .. هههههه مترخميش عليه يامرمر
مريم .. اشطه اطير انا بقي عشان نادر بيه ميعلقنيش
مالك انت جاي ولا
مالك .. جاي بعد المحاضرات هخلص حاجات مع يزيد ونادر بيه
مريم .. اوك سلام ماما متنسيش علاجك
سماح .. حاضر
ونزلت مريم ويليها مالك الذي ذهب ليري جنيته الضغيره فهو أشتاق لها حتي وان كانت بنفس عمره الا ان جسد مالك وهيئته بالنسبه لحجمها وعقلها ضخم جدا فهي طفله عقلا وجسدا وليس سنا
ذهب الي الجامعه وبحث عنها فوجدها تجلس بجانب ساره ومروان صديقه اشتعلت النار بداخله حينما وجد مروان جالس جانبها واشتعل اكتر عندما لاحظ ماكانت ترتديه فهي كانت ترتدي بنطال جينس وبلوزه قصيره نص كم وترفع شعرها زيل حصان ذهب اليهم وسلم ع اصدقائه في المدرج ثم توجه الي نور ومروان
مالك .. ازيكم
ساره بتعجب .. مالك يابني انت تعبان ولا ايه
مروان .. لوكا انت كويس
مالك بصوت عالي .. ايه ياجدعان في ايه
نور .. شكلك متعصب في ايه
تجاهلها ولم يرد عليها مما ازعجها ولكنها علمت انه غاضبا منها
ساره وقد شكت بمالك .. طب تعالي يالوكا هنجيب حاجه ونيجي
مالك .. هوووف يله ياساره
نور .. اجي معاكو ؟
ساره .. خليكي هنيجي ع طول
خرجت ساره ومعها مالك وتحدثت معه
ساره .. مالك انت متعصب ليه
مالك .. مفيش ياساره
ساره .. امممم طيب لما انت متغاظ اوى كده مقومتش مروان من جنبها ليه ومعترضتش ع لبسها ليييه
مالك بنفاذ صبر .. بصفتي ايه ياساره
ساره .. بص يالوكا نور بتحبك بردو والدليل انها سالت عليك ميت مره ومن الصبح بتتكلم عنك وعن جدعنتك
مالك .. بردو مليش حق اتدخل ف حياتها
ساره .. طيب دلوقتي ندخل واقعد جنبها وبعد كده نشوف موضوع اللبس ده
مالك .. طيب ياساره
ودخلت ساره ومالك الي المدرج فنظرت نور له بغضب
مالك .. معلش يامروان اتنقل جنب ساره انا بحب اقعد ف الاول
مروان .. اشطه تعالي
جلس مالك بجانب نور فتجاهلته وظلت ترسم في اوراقها انتبه مالك لرسمتها فكانت رسمة لفتاه حزينه وتبكي
مالك بصدق .. الله دى جميله اوى
نور ببسمه مصطنعه .. ميرسي
مالك .. بس هي ليه حزينه
نور .. معرفش بس لما برسم بحس اني برسم حالتي
مالك بحيره .. وانتي زعلانه ليه
نور .. ابدا مفيش حاجه ركز بقي عشان الدكتور دخل
في شركه الدالي كانت تقف ف وسط مكتب نادر الدالي وتهتف
نيره .. يعني ايه تحرقلي المخزن هو تهديد
نادر ببرود .. انا حرقتلك المخزن الفاضي مع اني عارف المليان فيين بس المره الجايه هحرقك انتي والمخازن كلها واه تهديد
نيره بغل .. دانا بنت اخوك ياظالم
نادر .. اخويا الله يرحمه اللي مان ف عز شبابه بسبب امك وعمايلها لا انتي بنت نرمين مش بنت كامل
نيره .. ماشي يانادر بيه خلينا نشوف اخرتها معاك ايه
وبلغ سلامي ليزيد قوله هيتردله قريب اوى
نادر بغضب .. بره يانيره بره
خرجت نيره من مكتبها وجدت مريم ويزيد امامها يضحكون فغضبت كثيرا واشتعلت نار غيرتها
يزيد .. الله نيره هانم هنا اهلا
نيره بسخريه .. كنت عارفه انك عارف بس دورك جاي متقلقش
مريم .. اتكلمي عدل يابت انتي واحترمي نفسك بدل اما اعملك زعافه هنا
ضحك يزيد بشده ع صغيرته فهي تحولت الي قطه تخربش كل من اقترب من صاحبها
نيره .. بيئه اوى
وخرجت من الشركه فحاوط يزيد مريم من خصرها وهو يقول .. يله ياقطتي
مريم بضحك .. قطتك هتأكل اي حد يقرب منك والله
يزيد بحب .. يحفظك ربنا ليا ياقلبي وميحرمني من عيونك دول ابدا
مريم .. احم احم ع المكتب بقي عشان عندى شغل ونادر بيه جوه
اما في الجامعه انتهت المحاضره وخرجت نور الي الكافتيريا وتركت مالك وساره في المدرج
مالك .. فين نور
ساره بهمس .. زعلانه منك عشان تجاهلتها وراحت الكافتيريا
مالك بضيق .. هروحلها طيب وتعالي ورايا
ساره .. انا هاخد مروان ونخلع وانت براحه معاها
مالك بضحك.. ههههه طيب هحاول
ذهب مالك الي الكافتريا ووقف خلفها وجدها ترسم كعادتها عندما تغضب انخفض الي مستوي رأسها وهمس بصوت حنون.. قلقت عليكي
نور بخضه .. خضتني يا مالك
جلس مالك امامها ع الكرسي ..وانا قلقت
نور .. وتقلق ليه انا اهمك اصلا
مالك .. اه طبعا تهميني
نور بدموع مكتومه .. اه واضح حتي بالأماره تجاهلتني وانا بسالك مالك واول اما دخلت من المدرج بصيتلي بقرف دانت حتي مقلتليش ازيك
مالك .. اقولك ايه طيب
نور بأصرار.. مش احنا اصحاب يامالك احكيلي مالك
مالك .......
نور بغضب .. اوكي مش عايزه اعرف
لمت ادواتها ووضعتهم بحقيبتها وعدلت ثيابها لتذهب ووقفت وكادت ان تبتعد عنه ولكنه هتف .. بغيير
نور بدهشه ..نعمم
مالك برجاء .. ممكن تقعدي
نور .. اهو اتفضل
مالك .. عايزه تعرفي مالي حاضر المشكله اني بغير يانور ع اللي بحبهم لو حد قعد جنب مريم او مريم لبست كده انا ممكن اقتلها انا بغير ع اهلي وع حببتي
صدمت نور من كلماته وصدمت اكثر من كلمت حبيبته
الديه حبيبه!!! هل يحب غيرها ؟هل ما تتمناه سيصبح وهم !!!! ياالهي ما هذا ليتني ما وقعت بالحب كيف احببته من لحظه واحده
مالك .. نور بكلمك
نور بهدوء .. يعني انا بالنسبه ليك زى اختك
هز راسه سريعا بالنفي .. لا مش اختي
نور بفرحه داخلها ..........
مالك .. هوووف بقي يانور انا بحبك
بكت نور هذه اللحظه فظن مالك انها لا تحبه اسند رأسه بين يديه ثم مسح بيده وجهه وهتف
مالك .. يانور بتعيطي ليه خلاص انا اسفه حقك ليا بس متعيطيش
نور من بين دموعها .. مالك انا كمان بحبك
نظر لها بدهشه وصدمه وفرحه وصمت طويلا حتي هدأت ثم قال .. انتي قلتي ايه من شويه وانتي بتعيطي
نور ببسمه .. اللي قلته اللي سمعته صح معرفش امته ولا ليه ولا ازاى ولا دا من حقي ولا لاء بس بحبك اسبوع واحد اه اللي عرفتك فيه بس بعدك عني بقي يخنقني بصتك ليا النهارده خنقتني معرفش سببها
لما بتهزر مع البنات بتعصب لما روحت مع ساره وسبتني كنت هقوم اضربك
مالك ببسمه هادئه .. بصتي ليكي اكيد مش من فراغ
نور .. بس انامعملتش حاجه غلط
مالك بصوت عالي نسبيا .. لا عملتي يانور لما اجي الاقي مروان لازق فيكي وانتي فرحانه انه مقرب منك كده وقاعده عادى يبقي عملتي حاجه غلط
ولما اشوف عيون ميت واحد بيبصو ع دراعك اللي باين يبقي غلط ولما تلبسي كده وانتي عارفه انه حرام يبقي غلط
نور بصدمه من اتهاماته .. انا كنت عايش في اوروبا و
قاطعها .. مش هيشفعلك بلاش حجج المبادئ مبتتجزأش
نور .. بلييز يامالك متتدخلش ف خصوصياتي
مالك ... حاضر اللي تشوفيه يله هوصلك
نور بضيق .. اوك
ع الجانب الاخر في مخازن المنياوى كان ايمن يجلس ع مكتب صغير وأمامه احد رجاله
الرجل .. باشا انا من رايي انك تبعد عنه نادر ده مش سهل خالص
ايمن بسخريه .. انا عرفت ان بنت اخوه بتنافسه ممكن نستفاد منها
الرجل .. ياباشا بنت اخوه دى بتنافسه عشان يزيد
ايمن .. مانا كمان عايز يزيد مش عمه
وفي احدي المطاعم الفخمه كان يجلس يزيد وسليم ومريم وزينه معا
يزيد .. انا طلبتلك معايا وانتي ف التواليت
مريم .. ميرسي ياحبيبي
زينه .. الله يرحم كان يجي يشوف اللي كانت بتردح لنيره
يزيد .. بس ياخفه ملكيش دعوه بالملكه بتعتي
مريم .. شكلك وحش يازوزو ههههه
سليم .. شكلها وحش ياكدابه دى كفايه عيونها
زينه .. دا مريم عايزه تقص شعرها تخيلو
مريم .. انتي رخمه ليه يابت
زينه .. معلش معزورين مهما مشافوش اللي هيتقص ده عامل ازاى
ضحك سليم بشده لأنه رأها من قبل فرمقه يزيد نظره ناريه فصمت توترت مريم من نظراته ولكن جاء النادل وضع الطعام امامهم
زينه بفرحه .. هاكل هييييه
سليم بحب .. كلي ياحببتي
مريم بهمس .. محن اوى
زينه .. اسم الله هو مش قاعد يتنحنح من الصبح وماسك ايدك كانك هتتخطفي
يزيد .. سليم انا ممكن اقتلكو واخلص منكو انت والزفته دى صح
سليم .. تؤتؤ استني طيب لما ادخل دنيا دانا لسه ف عز شبابي
يزيد .. بعينك ولا هتشوف دنيا غير لما اتجوز انا الاول
سليم .. انت بارد ليه هو شهر حزين بيني وبينك
يزيد وهو يمسك ياقه قميصه .. بارد مين
سليم .. انا ياعم اللي بارد اعصابك بس ههههه
زينه .. يزيد سيب هدومه عشان ياكل
يزيد .. عملي الاسود انتو
ثم نظر الي مريم بعشق وامسك شوكته وظل يطعمها من طعامه
مريم.. حبيبي انا باكل كل بقي عشاني
يزيد بهيام .. عشان اموت والله انتي دنيتي كلها
زينه وسليم .. تي را را اجيب جيتار والحنلك ياحنين
يزيد بأشمأزاز .. جتكو الارف انا جيت معاكو ليه طب والله لاعاكسها بقي
اما في فيلا يزيد الدالي كانت تجلس جني ونور بحديقه الفيلا وحكت لها نور ما حدث
جني بغضب .. نور انتي متخلفه صح هو في حد بيتكلم كده هو يعني عمل ايه دا خايف عليكي
نور .. يووه مانا اعترفت اني غلطانه اعمل ايه تاني
جني.. اعترفتي ليا انا مش ليه هو
نور .. مانتي بتلبسي كده
جني .. لبسي كله بكم هو قصير شويه بس بحاول اطوله واغير منه عشان حرام ويزيد وسليم بيزعقولي عليه
نور .. هوووف اهو اللي حصل يله هقوم اروح عشان اتاخرت
جني .. دا خطوتين وهتبقي ف البيت بيتكم
نور .. معلش بقي عشان بابي
جني .. طيب ياقلبي باي
نور .. باي
خرجت نور من فيلا يزيد وكانت تفكر في كلام مالك مرت من امام فيلا نادر الدالي ووقفت حينما وجدته امامها يتحدث مع نادر تباطئت ف مشيها حتي انتهي مالك حديثه ودخل نادر فيلاته فنظر اليها بفرحه تحولت ف ثواني الي حزن وكاد ان يتركها ويرحل لولا انها اوقفته
نور بحزن .. مالك
مالك .. نعم
نور .. انت بتعمل ايه هنا
مالك بضيق .. شغل هيكون ايه يعني
نور .. انت كويس
مالك .. اه وانتي
نور .. وحشتني
مالك ببرود .. شكرا اتفضلي روحي سلام
ولاها ظهره وتقدم خطوتين نحو الشارع احس انها مازالت واقفه خلفه فنظر اليها وجدها مكانها تبكي رجع اليها سريعا ومسح دموعها بأصابعه
مالك .. بتعيطي ليه يانور
نور .. عشان انت زعلان مني
مالك .. طب خلاص متعيطيش مش زعلان
نور ببكاء وهي تشهق .. لا لا ا انت زعلاان وا اا انا مش عايزاك تزعل
مالك بحب .. انا مش هزعل من حببتي ابدا بعاقبها بس
احمرت وجنتيها حينما نادها حبيبتي
مالك بهيام .. كمان قلبتي طماطم يخربيت عسل امك ياشيخه
نور .. بس بقي يامالك
ثم اتي صوت من خلفها رجولي وقوى
حمزه .. نور
نظرت نور اليه بتوتر
