و في فيلا الدالي علقت الانوار واضيىئت وانتهت الحنانه من رسم الحنه وباركت لهم وذهبت وظل البنات يرقصون مع صديقاتهم وكانو سعداء جدا وقليل انضم لهم الشباب وكل شخص رقص مع حبيبته وظل زين بجانب هاجر ينظر إليها بحب
مريم .. زين تعالي ارقص معايا
زينه .. وانتي كمان ياهاجر تعالي
هاجر بخجل .. لا مينفعش ارقص
مريم .. يازينه ياهبله والنقاب يعني
هاجر .. ههههه يله ارقصو
كانت زينه ومريم يرقصون بحركات مماثله تعلموها من الصغر ع اغنيه معينه ووقف هو في منتصف الحجره وع جانبيه مريم وزينه وظلو يرقصون بهذه الحركات في فرحه الجميع وضحكهم ع حركاتهم واشتعال نار الغيره ف قلب هاجر وظلو يرقصون ويمرحون حتي انتهي اليوم وصعد كا منهم الي غرفته ولم يغفل لها جفنا فنزلت الي الجنينه وجلست ع ارجوحه صغيره وبنفس الوقت كان زين يقف بالنافذه ورأها ونزل خلفها
زين .. احم
هاجر .. زين انت منمتش
زين بحنان .. مش عارف انام
هاجر ..ليه
زين بتردد .. ها لا عادى
هاجر بخجل .. بتفكر ف بنت صح
زين .. اممم عرفتي ازاى
هاجر .. عادى خمنت
زين .. يعني انت بتفكر ف ولد
هاجر بسرعه .. لا لا انا مش بحب
زين .. انا حببتي نفسي اقولها اني بحبها
هاجر .. قولها بدل اما تفقدها يمكن هي بتحبك ولو عايزني اكلمهالك انا موافقه
زين .. انا بعشقها اوى
هاجر بغيره .. مخلاص عرفت
زين بخبث .. بتغيري
هاجر .. لا طبعا
زبن .. اممم طيب عايزك تقولي لحببتي اني بحبها وبعشقها امته وازاي معرفش بس والله من اول مره لمحتها وانا بعشقها اوى اوى ومش عارف ليه حصلي كده بس انا وقعت ف سحر عيونها
هاجر بغيره .. امري لله قولي بس الاستاذه اسمها ايه وهتيجي بكره ولا لاء الفرح
زين وهو يقترب منها قليلا .. اسمهاااا جملتي ذات النقاب احم هاجر
هاجر بتصنع .. ع اسمي
زين بخبث .. لا انتي ياذات النقاب
وتركها ورحل وسط زهولها منه
ونام ابطالنا واشرقت شمس يوما جديد ع ابطالنا انه اليوم المنتظر الذي انتظره يزيد وسليم كثيرا وتعبو كثيرا من أجله كانو في اقصي درجات الفرحه فاليوم هو يوم عرسهم وع من يعشقونهم فما اجمل الحب حينما يجمع الحبيبين ببيت واحد بعد كل هذا العناء بعد الخطف والمشاكل والأعداء والأحداث الكثيره بينهم والاعتداء !!!!! فما هو رد فعل مريم اذا لمسها زوجها ؟!!!! اما سيحدث شيء آخر لم نتوقعه !؟
استيقظ يزيد وسليم وذهبو الي الشركه انهو بعض الأعمال ثم عادو الي صالون الحلاقه والتقو بمالك وزين
مالك .. مبروووووك الدخول ف القفص
سليم .. عقبالك
مالك .. يااااارب والنبي
زين .. مالك يايزيد
يزيد بقلق.. انا متأكد ان ايمن هيستغل الفرصه النهارده متأكد جدا
سليم .. متقلقش معتز مأمن المكان كويس
يزيد .. يارب يسترها
عند البنات
مريم .. يازينه الساعه ٣ قومي بقي الكوافير ع وصول
زينه بضيق .. مش هتجوز انا سيبيني تمام
جني بمكر .. تعالي صحيها انت ياسليم
قفزت زينه من الفراش وركضت الي الحمام
زينه .. خلاص خلاص
مريم .. عيله رخمه
هاجر .. مريم انا لازم انزل اشتري نقاب وطرحه
مريم .. لا استني هكلم مالك يجي يروح معاكي
هاجر .. ياستي هروح انا عادى
مريم بحذر .. لا
وأخرجت هاتفها ودق لمالك
مالك .. الو يامرمر
مريم .. لوكا حبيبي معلش تعالي روح مع هاجر المول تشتري حاجه
مالك.. هاجر عايزه ايه وانا هجيبهولها
مريم .. لا مش هتعرف دا
قطع كلامها تدخل زين واخد الهاتف من مالك
زين.. قوليلها تجهز وانا جاي معاها سلام عشان اخلص
مريم بدهشه .. سلام
هاجر .. ايه مالك
مريم .. ها لا ابدا زين جاي يوديكي
ابتسمت هاجر قرأتها مريم
مريم .. هو ايه الحكايه
هاجر بتوتر وخجل .. احم اصل زين قالي انه بيحبني
مريم بدهشه .. هاا زين بيحب لا حول الله يارب زين اخويا اللي جبتلو عرايس مصر كلها ورفض بيحب وهاجر اللي جننت امي وهي بترفض كل الناس بتحب لا لا لا كده كتير
هاجر .. ههههههه هتفضحينا خلاص
مريم بغمز .. عيب عليكي
في المستشفي
دخل مروان غرفة نيره وجدها تأكل الشكولاته وتقرأ احدي الروايات
مروان .. احم ادخل
نيره .. اه طبعا تعالي
مروان بحب.. يبخت اللي هيتجوزك
نيره بدهشه .. ليه
مروان بوله.. انتي ملاك وانتي قاعده وملاك وانتي نايمه وملاك ف كلامك
قاطعته نيره.. انا مش ملاك انا شريره جدا
وبكت نيره بشده لم يتحمل مروان ان يراها هكذا فجلس بجانبها وجذبها الي احضانه وظل يهدئها حتي سكنت في احضانه
مروان .. انتي ياروحي مش شريرة نيره طيبه اوى بس الانتقام كان عاميها نونو يا قلبي متفتكريش الماضي احنا ف الحاضر نيره دلوقتي واحده تانيه خالص تعرفي اني بحبك اوى واني اتبرعتلك بدمي
نيره بدهشه وبكاء .. امته
مروان .. اول يوم جيتي فيه كنتي بتنزفي جامد وكنتي محتاجه دم وفصلتك مكنتش موجوده لو كنا استنينا كنت هتموتي فأنا نفس الفصيله اتبرعتلك بدمي ومعرفش ليه مقدرتش اخلي ممرضين يقفو معايا وخرجتهم وجبت طقم ممرضات وانا بعملك العمليه وقفت النزيف ولقيت دكتور محمد جاي يجبس دراعك قلتله لا مش هتدخل وخليت حنان جبست دراعك
نيره .. مروان
مروان .. ياعقل مروان اؤمري
نيره .. هتيجي معايا الفرح صح
دق هاتف مروان فقال .. استاذه مريم
مروان .. الو
مريم .. دكتور مروان اسفه ع الازعاج بس برن ع نيره مغلق
مروان .. اتفضلي اهي معاكي
نيره بفرحه.. عروستنا
مريم بخجل.. ههه حببتي انتي مش هتيجي ولا ايه
نيره .. لا طبعا هاجي
مريم.. طيب قومي يله أجهزي وتعالي
نيره .. حاضر
مريم .. يله سلام
نيره بسرعه .. مريم البسي واقي رصاص
مريم بقلق .. ايمن ممكن يقتلني ؟
نيره .. لا بس احتياطي
وأغلقت معها
مروان .. واقي ليه
نيره .. ايمن مش هيسكت وهيحاول يقتل مريم تاني معتز مأمن المكان بس ايمن ده عقرب
مروان .. طب قومي البسي ع فكره الدكتور كتبلك ع خروج يعني هنروح الفرح واروحك ع الفيلا
نيره بفرحه.. بجد
اومأ راسه إيجابا ثم أعطاها صندوق صغير به مكياج وابتسم وخرج
عند ايمن المنياوى
ايمن .. ها اي الأخبار
الرجل .. كله تمام يا باشا
ايمن.. مش عايز ولا غلطه النهاردة
الرجل.. القناص مبيهزرش سلام بقي الحق اجهز القناصه
اما في فيلا يزيد الدالي
زين.. معلش ياطنط حنان ممكن تندهي هاجر
حنان ..حاضر ياابني
سماح بمكر .. احم احم منور يازين ها
زين ببسمه .. ههه مشكلتك انك فهماني
سماح .. هاجر بنت كويسه محترمه ربنا يصلحلك الحال
هاجر بتوتر وخجل.. معلش يازين هتعبك معايا
زين بنظره عاشق .. تعبك راحه
سماح .. متتاخروش
انطلق زين بالسيارة مع هاجر فتوترت من تواجدها معه بمفردهم
هاجر بخجل.. ممكن تفتح الازاز
زين .. حاضر
وفتح لها شبابيك السياره وصمت لاحظت هي سكوته وأدركت انه غاضب
هاجر .. زين
زين .. امممم
هاجر .. اسفه والله مش قصدي حاجه بس بتوتر لما اكون مع حد لوحدي
زين بهدوء .. وانا مش هأكلك ياهاجر انااا انا بحبك فهحميكي من نفسي ومن الناس كلها
هاجر بخجل .. المول اهو هتيجي معايا ولا هتستني
زين .. اللي يريحك
هاجر بدون وعي.. اللي يريحني وجودك بحس بأمان وانت موجود
نزل زين من السياره وقف أمامها وهو يقول .. قولي تاني كده
هاجر بخجل .. زين اتفضل قدامي
زين ببسمه.. لا ياحلوة قدامي انتي الدور الكام ؟
هاجر .. الرابع ع ما اتذكر
زين .. اوك ياسمو الملكه اتفضلي ادخلي تحبي اطلع ف الأسانسير اللي جنبك عشان مبقاش لوحدنا
هاجر .. لا خليك هنا انا اصلا بخاف من البتاع ده وكنت ببقي مرعوبه لما اركب لوحدي
صعدو الي الدور الرابع ووجدو محل المحجبات ودخلو معا
الفتاه.. اؤمري
هاجر .. احم ثانيه واحده ..زين ممكن تساعدني
زين.. نعم
هاجر .. الفستان لونه اسود ساده اجيب النقاب لونه ايه
زين بتفكير .. اممم روز او نبيتي
هاجر .. طب ممكن توريني الروز والنبيتي
الفتاه .. حاضر
واحضرت الفتاه اللونين واتت
الفتاه .. اتفضلي
هاجر بتفكير .. انا هاخد
قاطعها زين.. احنا هناخد الاتنين وعايز حجاببن نفس الألوان وميكونش خفيف
الفتاه .. حاضر
هاجر .. زين انا عايزه واحد بس
زين .. جربيهم ف البيت واللي يعجبك البسيه وشيلي التاني
الفتاه .. اتفضل
هاجر .. الحساب كام
الفتاه .. ٣٥٠
هاجر ..اوك
زين بغضب .. انتي ماشيه مع سوسن ولا ايه
