( الفصل الاول )
*1*
( رومانسى – دراما)
"جزيرة المفقودين"...
------
الابطال هما (بـــاسم , ورد )
المشتركين فى القصة:
ابراهيم والد ورد،، والدتها تدعى سما
والد باسم يدعى جمال,, والدته تدعى نهلة
****
الفصل الاول من قصة "جزيرة المفقودين"
----
ان للغرور مقدار وانتى ياصغيرتى غرورك ليس له مقدار
----
كانت تقود سيارتها الحمراء بسرعة حتى رن هاتفها فأبطأت السرعة ،، ثم أجابت للمتصل:
- مش وقتك ياروح بتتصلى ليه؟؟
- أسفة ياورد بس كنت بفكرك بحفلة النهاردة
قالت ورد بغرور:
- مش ورد ابراهيم الشناوى اللى تنسى حفلة ياروح
ثم أكملت ضيق:
- أقفلى دلوقتى لانى بسوق
ثم اقفلت الخط دون ان تعرف رد روح
------
قالت روح بضيق:
- ماشى ياورد انا وانتى والزمن طويل
قالت كامليا بتعجب:
- مدام انتى بتكرهيها كده ليه فاضلة لغاية دلوقتى صحبتها
- يابنتى انا صحبتها علشان حاجتين
- وايه هما؟؟
- الاولة: انى هشتهر على حسابها يعنى ماحدش يقدر يقولى كلمة
- والتانية؟؟
- انا بعد لما املى مركزى أدمرها علشان ميكونش فى حد أسمه ورد الشناوى تانى ...
قالت كامليا بعدم فهم:
- وانتى عايزة تدمريها ليه؟؟؟
- من واحنا صغيرين كانت شايفانى خدامتها وكانت علطول بتتعالا عليا لغاية دلوقتى فاكرة نفسها برنسيسة زمانها ومفيش حد زيها وانا بقى اللى هفهمها ان فى بنات احسن منها واحلى منها بكتتير
ثم أكملت قائلة:
- سيبك من الموضوع ده وتعالى اما اوريكى انا هلبس ايه فى الحفلة
- ماشى
--------
كان يسير وهو متأنقاً دخل الى فيلا"ابراهيم الشناوى" فطرق باب مكتبه فسمعه يأذن له بالدخول..وعندما دخل ابتسم ابراهيم قائلاً:
- ازيك ياباسم يابنى
- انا بخير ياابراهيم بيه
- ازاى والدتك واخوك انا مقدرتش اجى اشوفكوا بسبب مشاغلى
قال باسم:
- حضرتك احنا عارفين مشاغلك فمتقلقش كفاية ان حضرتك بتتصل تسأل..
ابتسم ابراهيم له ثم أكمل:
- طيب حضرتك كنت متصل بيا فى حاجة عايزها منى
- عايزك تشتغل معايا فى الشركة
- طيب ليه انا بذات
- بص ياباسم مفيش حد عايزلى الامان والناس كلها بتحاول تدمرنى وانا كنت عايزك تشتغل معايا لانى عارفك من وانت صغير بتحب تشتغل
- بس ياابراهيم بيه..
قاطعه قائلاً:
- مفيش حاجة اسمها بس انا خلاص هشغلك معايا،، ماشى؟؟
- ماشى
وعندما كانا يتحدثان قاطعهما دخول ورد الى المكتب ولكنها لم تكن تعلم ان مع ابيها احد
فنظرت اليهم قائلة:
- أسفة لو قاطعت حديثكم مع بعض..
قال ابراهيم:
- لاء،، ده انتى جيتى فى وقتك، تعالى لما اعرفك على حد مميز
قالت ورد بغرور:
- وفى حد غيرى مميز يا بابا
نظر ابراهيم الى ورد نظرة حادة ثم ابتسم الى باسم قائلاً لها:
- باسم جمال فاكره عمك جمال المنياوى
قالت ورد:
- اه قصدك عم جمال اللى كان بيزرع الورد فى الحديقة بتاعتنا
ابتسما لتذكرها ثم أكملت متعجبة:
- بس هو ميت بقالوا كتتير وايه علاقته بالاستاذ ده
كان قد غضب باسم من كلامها ولاحظ ايضاً ابراهيم كلامها البغيض،، فقال وهو يشير الى باسم:
- أعرفك بأبنه البكرى باسم جمال المنياوى
قالت ورد بملل:
- هاااه تشرفنا بيك
انزعج ابراهيم من طريقة كلامها فهى تتكلم بطريق لا تسمح لها ان تكلم الضيوف بهذا الشكل ولكنه نظر الى ملابسها وكانت ملابسها رياضية ،، فسألها:
- انتى كنتٍ فى الجيم؟؟
- اه دادى
- الساعة تمانية الصبح وانا عرفك مش بتصحى الصبح ابدًا
- انا اصلًا مانمتش
- وليه يعنى؟؟
- مجاليش نوم بس انا طالعة دلوقتى انام علشان بليل عندى حفلة اروحها باى بقى
ذهبت ورد الى غرفتها ثم نظر ابراهيم الى باسم متأسفًأ فقال:
- متأخذنيش يابنى اصلاً ورد اتغيرت اوى من كام سنة
- قصدك انها مش كده
- يعنى هى مغرورة شوية بس بعد لما بقت تسافر لوالدتها فى امريكا طبعاً انت عارف ان احنا اطلقنا
اومأ باسم بـ(نـعم) ثم أكمل ابراهيم:
- وبقت تتعلم عادات الامريكيين يعنى بتخرج لحفلات تقعد لغاية الصبح وبتيجى الساعة خامسة الصبح وهدومها اتغيرت اوى اى حد يشوف هدومها اللى بتسهر بيها يقول عليها متربتش
قال باسم مكملاً لكلام ابراهيم:
- وبقى لسنها طويل وبجحة
- يعنى فى دى عندك حق يابنى بس إن قلت أدبها معاك أضربها بالقلم
قال باسم بتعجب:
- أضربها بالقلم!!!
- اه لانى لو ضربتها بالقلم هنمشى وهتقعد عند والدتها فى امريكا وهتبطل تقعد معايا،، فأ انا كد مش هقدر أضربها فأنا بقولك ان قلت أدبها عليك يبقى اضربها بالقلم.. مفهوم كده الكلام..
- طبعاً مفهوم
---
الساعة الثامنة مساءًا
استيقظت ورد وذهبت الى الحمام للأغتسال وعندما انتهت ذهبت الى ناحية المرأة لتضع بعض الميك أب وعندما كانت تضع أحمر الشفاه ،،أخذت تكلم نفسها قائلة:
- مفيش حد احلى منى ومفيش حد مميز غيرى انا وبس وعمر حد هيبقى زى لان مفيش حد زى ورد ابراهيم الشناوى مفيش حد زيها أبدًا
انتهت ورد من تبديل ملابسها وايضأ من تزيين نفسها وعندما كادت ان تذهب من المنزل،، سمعت صوت ابيها قائلاً:
- انتى راحة فين دلوقتى الساعة بقت عشرة بليل
- وايه يعنى يابابا وعلشان متسألش كتيير انا خارجة فى حفلة
- ماشى مدام انتى خارجة فى الوقت ده ياريتك تكونى موجودة الساعة 12:00 بليل
ضحكت قائلة:
- مش ورد ابراهيم الشناوى اللى تقعد فى حفلة ساعتيين بس يادادى
قال لها متسائلاً:
- طيب فين الحفلة دى؟!
- فى بـار
انصدم ابراهيم من مكان الحفل، فقال لها:
- طيب وهو فين البار ده؟
- فى.....
ثم أكملت:
- طيب باى علشان متأخرش
ذهبت ورد وظل ابراهيم يفكر فى الشخص الذى من الممكن ان يساعده ،، فتصل بيه قائلاً:
- الو.. باسم عايزك تيجى دلوقتى
- فى حاجة مهمة حصلت
- تعالا الاول..
- حاضر يافندم..
----
ذهبت ورد الى الحفل والقت التحية على أصدقائها وعندما جلست جاءت اليها روح ومعاها كامليا..
أخذت ورد تنظر الى روح من الاسفل الى الاعلى وقالت بسخرية:
- مهما عملتى ياروح عمرك ماهتكونى زى واللى يشوفك يقول عليكى تقليد اوى س هقولك للمرة المليون عمرك ماهتكونى شبه ورد ابراهيم الشناوى مفهوم..
غضبت روح فذهبت وتابعتها كامليا ،فأخذت ورد تضحك عليها وعندما كانت تلتفت رأت صديقتها رؤي فألقت التحية عليها وظلا يتحدثان حتى سمعت شخص يقول:
- يالا نحتفل من دلوقتى
لم تفهم ورد هذه العبارة الى انها رأت الجميع يتجه نحو ساحة الرقص وفهمت ان الاحتفال يبدأ من الرقص
----
وصل باسم الى ابراهيم بسرعة،، فقال له:
- فى حاجة مهمة لدرجاتى ياابراهيم بيه
- ورد خرجت لحفلة
- ماشى مش هى متعودة تخرج حفلات على مااعتقد
- بس الحفلة فى بار
قال باسم بعد ان فهم:
- طيب قولى اعمل ايه وانا اعمله..
- عايزك تروحلها وتجبها..
ثم مد له ورقة قائلا له:
- وده عنوانه
- حاضر متقلقش انا هجبها..
- ماشى
---
اخذت تضحك ورد مع اصدقائها حتى امسكها شخص من ذراعها وعندما التفت لهذا الشخص وجدته انه....
---
انتهى الفصل..
****
