شرقي

١٢

#روآيات أنثى شرقيةه 💚
~ ■ ﺷﺮﻗﮯ ■ ~
ﺍﻟﺤﻠﻘﻬﻪ ﺍﻟﺘﺎﻧﻴﻬﻪ ﻋﺸﺮ ~
ﺃﺣﻤﺪ : ﻛﻨﻚ ﻭﻗﻔﺖ
ﺍﻧﺎ : ﺃﺻﺒﺮ ﺑﺲ
ﺃﺣﻤﺪ : ﺷﻦ ﻓﻲ
ﺍﻧﺎ : ﺣﺴﻴﺘﻬﺎ ﻓﺎﺍﺍﻃﻄﻄﻤﻤﻪ
ﺃﺣﻤﺪ : ﺗﻲ ﻓﺎﻃﻤﻪ ﻣﺴﻴﺒﻪ ﺍﻟﺠﺎﻣﻌﻪ ﻣﻦ ﻓﻮﻕ ﺳﻨﺘﻴﻦ
ﺍﻧﺎ : ﺭﺍﺟﻲ ﺑﺲ
ﻗﻌﺪﺕ ﻧﺒﺤﺖ ﻧﺒﻲ ﺍﻟﺒﻨﺖ ﺗﺒﺮﻡ ، ﺣﺎﻭﻟﺖ ﻧﺒﺤﺖ ﻓﻴﻬﺎ ﺑﺪﻭﻥ ﻣﺎ ﺗﻔﻄﻦ ﺑﺲ ﻣﺎ ﺻﺎﺭ ﺷﻲ
ﻭ ﻭﺣﺪﻩ ﺗﻘﻮﻟﻬﺎ ﻳﺎ ﻓﻄﻮﻣﻪ ﻟﻜﻲ ﻭﺣﺸﻪ
ﺍﻧﺎ : ﺗﻲ ﻗﺘﻠﻚ ﺗﺎﻣﻲ ﻫﺬﻩ
ﺃﺣﻤﺪ : ﺗﺄﻛﺪ ﻗﺒﻞ ﺑﺎﻩ
ﻭ ﺳﻤﻌﺖ ﻭﺣﺪﻩ ﺗﻘﻮﻝ " ﻋﺰﻭﻭﻭﻭﻭ "
ﺑﺮﻣﺖ ﻭﺟﻲ ﺑﺴﺮﻋﻪ ﻭ ﺑﺪﻳﺖ ﻧﻤﺸﻲ ﻭ ﺃﺣﻤﺪ ﻳﺒﺤﺖ ﻓﻴﻬﺎ ﻣﻦ ﺑﻌﻴﺪ
ﺃﺣﻤﺪ : ﺑﺤﺖ
ﺍﻧﺎ : ﻻﻻ
ﺃﺣﻤﺪ : ﻭﻟﺪﻫﺎ ﻣﻌﺎﻫﺎ
ﺍﻧﺎ : ﻭﻭﻭﻭﻭﻭﻭﻟﺪﻫﺎ
ﻋﺎﺭﻑ ﺍﻧﻪ ﻓﺎﻃﻤﻪ ﻋﻨﺪﻫﺎ ﻋﻴﻞ ﺑﺲ ﻣﺎ ﻛﻨﺘﺶ ﻣﺘﻮﻗﻊ ﺍﻧﻪ ﺍﺳﻤﻪ ﻣﻌﺘﺰ ﻉ ﺍﺳﻤﻲ
ﺍﻧﺼﺪﻣﺖ ﻭ ﻓﻲ ﻧﻔﺲ ﺍﻟﻮﻗﺖ ﺣﺴﻴﺖ ﺑﻔﺮﺣﻪ ﻏﺮﻳﺒﻪ
ﺑﺤﺘﺖ ﻓﻲ ﻭﻟﺪﻫﺎ ﻭ ﻛﺎﻥ ﻳﻬﺒﻞ ﻭ ﻳﺎ ﺩﻭﺏ ﻳﻤﺸﻲ
ﻭ ﻳﺘﻤﺎﻳﻞ ﻳﻤﻴﻦ ﻭ ﻳﺴﺎﺭ ، ﻛﺎﻥ ﺧﺎﻃﺮﻱ ﻧﻤﺸﻲ ﻧﺸﻴﻠﻪ ﻭ ﻧﻠﻌﺐ ﻣﻌﺎﻩ
ﺣﺴﻴﺖ ﺑﻐﺼﻪ ﻓﻲ ﻗﻠﺒﻲ ، ﻟﻮ ﻓﺎﻃﻤﻪ ﻣﺮﺍﺗﻲ ﺭﺍ ﻫﺬﺍ ﺍﻭﻟﺪﻱ ﺍﻧﺎ
ﻛﻨﺖ ﻧﺒﻲ ﻧﻤﺸﻲ ﻧﺴﻠﻢ ﻋﻠﻴﻬﺎ ﻭ ﻧﺤﻜﻲ ﻣﻌﺎﻫﺎ ﺑﺲ ﻣﺎ ﻗﺪﺭﺗﺶ
ﺃﻫﺎ ﻣﺎ ﻗﺪﺭﺗﺶ ﻣﺎ ﻧﺒﻴﻬﺎﺵ ﺗﻌﺮﻑ ﻣﻦ ﻋﻴﻮﻧﻲ ﺍﻧﻲ ﻣﺎﺯﻟﺖ ﻣﺎ ﻧﺴﻴﺘﻬﺎ
ﻟﻴﺶ ﻳﺎ ﺭﺏ ﺑﻌﺪ ﺍﻟﻮﻗﺖ ﻫﺬﺍ ﻧﺸﻮﻓﻬﺎ ، ﺿﺮﻭﺭﻱ ﻧﻨﺴﺎﻫﺎ
ﺃﺣﻤﺪ : ﻛﻨﻚ ﺳﺮﺣﺎﻥ
ﺍﻧﺎ : ﻧﺒﻲ ﻧﺮﺩ ﻟﻶﺩﺍﺏ
ﺍﺣﻤﺪ : ﻟﻴﺶ ؟
ﺍﻧﺎ : ﺗﻌﺎﻝ ﺑﺲ
ﺑﺮﻣﺖ ﺍﻧﺎ ﻭ ﺃﺣﻤﺪ ﻭ ﻣﺸﻴﻨﺎ ﻭ ﺣﺎﺱ ﺍﻧﻪ ﻓﺎﻃﻤﻪ ﻓﻄﻨﺘﻠﻲ
ﻣﻌﺶ ﻗﺪﺭﺕ ﻧﺮﻛﺰ ﻭ ﺷﻜﻠﻬﺎ ﺑﻴﻦ ﻋﻴﻮﻧﻲ ، ﻛﺎﻧﺖ ﻓﻲ ﻗﻤﺔ ﺍﻟﺠﻤﺎﻝ ﻭﺍﻷﻧﺎﻗﺔ
ﺑﺲ ﻛﺎﺑﺮﺕ ﻉ ﻗﻠﺒﻲ ﻭ ﺭﺩﻳﺖ ﻟﻶﺩﺍﺏ ﻭ ﺭﻧﻴﺖ ﻉ ﺁﻣﺎﻝ ﻭ ﻗﺘﻠﻬﺎ ﻧﺒﻴﻚ ﺗﺤﺖ ﺍﻟﺠﺴﺮ ﻭ ﺟﻴﺒﻲ ﻣﻌﺎﻙ ﻣﻼﻙ
ﻭ ﺑﻌﺪ ﻋﺸﺮ ﺩﻗﺎﺋﻖ ﺟﺖ ﺁﻣﺎﻝ ﻭ ﻣﻌﺎﻫﺎ ﻣﻼﻙ
ﺁﻣﺎﻝ : ﺷﻦ ﻓﻲ ﺷﻐﻠﺘﻨﺎ
ﺍﻧﺎ : ﻧﺒﻲ ﻣﻼﻙ
ﻣﻼﻙ : ﻣﺶ ﻗﻠﺖ ﺧﻼﺹ
ﺍﻧﺎ : ﻻﻻ ﻛﻨﺖ ﻧﺒﻲ ﻧﻮﺭﻳﻚ ﺑﺲ ﻛﻴﻒ ﻣﺎ ﺍﻧﺖ ﻓﺘﻴﻨﻲ ﻓﻲ ﺍﻟﺒﺪﺍﻳﻪ
ﻣﻼﻙ : ﻳﻌﻨﻲ ﻭﺣﺪﻩ ﺏ ﻭﺣﺪﻩ
ﺍﻧﺎ : ﺣﺎﺟﻪ ﻛﻴﻒ ﻫﻚ
ﻣﻼﻙ : ﺗﻮﺍ ﺷﻦ ﺍﻟﻤﻄﻠﻮﺏ ﻣﻨﻲ
ﺍﻧﺎ : ﻧﺒﻲ ﻧﺘﻌﺮﻑ ﻋﻠﻴﻚ ﺃﻛﺜﺮ
ﺁﻣﺎﻝ : ﻭ ﻣﻮﻛﺎ ﻣﻮﺍﻓﻘﻪ
ﻣﻼﻙ : ﻋﻨﺪﻙ ﻋﻠﻢ ﺍﻧﺎ ﻗﺮﻳﺒﺔ ﺭﻭﺭﻭ
ﺍﻧﺎ : ﺃﻫﺎ ﻋﺎﺭﻑ ﻭ ﺍﻷﻳﺎﻡ ﺍﻟﺠﺎﻳﻪ ﻧﺒﻮ ﻧﺨﻄﺒﻮﻫﺎ ﻟﺨﻮﻳﺎ
ﺁﻣﺎﻝ : ﺭﺑﻲ ﻳﺘﻤﻤﻠﻬﻢ ﻉ ﺧﻴﺮ
ﺍﻧﺎ : ﺃﻥ ﺷﺎﺀ ﺍﻟﻠﻪ
ﻣﻼﻙ : ﺭﻭﺭﻭ ﻣﺸﺎﺀ ﺍﻟﻠﻪ ﻋﻠﻴﻬﺎ
ﺍﻧﺎ : ﺣﺘﻲ ﺍﻧﺘﻲ ﻣﺎ ﺷﺎﺀ ﺍﻟﻠﻪ ﻋﻠﻴﻚ
ﻣﻼﻙ : ﺛﺎﻧﻜﻴﻮ
ﺍﻧﺎ : ﺍﻟﻌﻔﻮ
ﺁﻣﺎﻝ : ﺧﻼﺹ ﻋﻄﻴﻪ ﺭﻗﻤﻚ
ﻣﻼﻙ : ﻣﻌﺘﺰ ﺗﻮﻋﺪﻧﻲ ﺑﺎﻩ ﻣﺎ ﺗﺠﺮﺣﻨﻴﺶ
ﺍﺳﺘﻜﻴﺖ ﻣﻦ ﻛﻠﻤﺘﻬﺎ " ﺗﻮﻋﺪﻧﻲ " ﻣﺎ ﻋﻤﺮﻳﺶ ﻭﻋﺪﺕ ﺑﻨﺖ ﻏﻴﺮ ﻓﺎﻃﻤﻪ ﻭ ﻣﺎ ﻗﺪﺭﺗﺶ ﻧﻮﻓﻲ ﺑﻮﻋﺪﻱ ﻣﻌﺎﻫﺎ ، ﺧﻔﺖ ﺗﺼﻴﺮ ﻧﻔﺲ ﺍﻟﻠﻘﻄﻪ
ﺍﻧﺎ : ﺃﻥ ﺷﺎﺀ ﺍﻟﻠﻪ ﻳﺎ ﻣﻮﻛﺎ
ﻣﻼﻙ : ﻫﻬﻬﻬﻪ ﺗﻤﺎﻡ
ﺍﻧﺎ : ﻫﻴﺎ ﻫﺎﺗﻲ ﺍﻟﺮﻗﻢ
ﻣﻼﻙ : ﺍﻣﻤﻢ ﻫﺎﺕ ﻓﻮﻧﻚ ﻧﻜﺘﺒﻪ ﻟﻚ
ﻋﻄﻴﺘﻬﺎ ﻧﻘﺎﻟﻲ ﻭ ﻛﺘﺒﺖ ﺍﻟﺮﻗﻢ ﻭ ﺩﺍﺭﺗﻠﻪ ﺣﻔﻆ ﺑﺎﺳﻢ ﻣﻮﻛﺎ
ﻭ ﺩﺭﺗﻠﻬﺎ ﺭﻧﻪ ﻋﺸﺎﻥ ﺗﻌﺮﻑ ﺍﻟﺮﻗﻢ ﻭ ﺑﻌﺪﻫﺎ ﺭﻭﺣﺖ
ﻃﺒﻌﺎ ﺃﺣﻤﺪ ﻣﺼﺪﻭﻡ ﻓﻴﺎ ﻭ ﻋﺎﺭﻑ ﺍﻧﻲ ﻣﻘﻬﻮﺭ ﻭ ﻧﺒﻲ ﺃﻱ ﺣﺎﺟﻪ ﺗﻐﻴﺮﻟﻲ ﺟﻮﻱ
ﺭﻭﺣﺖ ﻟﻠﺤﻮﺵ ﻭ ﺍﻧﺎ ﻣﺴﺘﻚ ﺗﻲ ﻟﻴﺶ ﺑﺪﻳﺖ ﻗﺼﻪ ﺁﺧﺮﻩ ﻭ ﺍﻧﺎ ﻣﺶ ﻗﺎﺩﺭ ﻧﻨﺴﻰ ﺍﻭﻝ ﻭﺣﺪﻩ
ﻟﻴﺶ ﺭﺩﻳﺖ ﺁﺧﺮﻩ ﻧﻈﻠﻢ ﻓﻲ ﺑﻨﺎﺕ ﺍﻟﻨﺎﺱ ﻳﺎ ﺭﺏ ﺍﺭﺣﻤﻨﻲ
ﻳﻮﺳﻒ : ﻣﻌﺘﺰ ﻛﻨﻚ ﺳﺎﺭﺡ
ﺍﻧﺎ : ﻻ ﺷﻲ
ﻳﻮﺳﻒ : ﺗﻲ ﻓﻲ ﺣﺎﺟﻪ
ﺍﻧﺎ : ﻻﻻ ﻏﻴﺮ ﺍﻻﻣﺘﺤﺎﻧﺎﺕ ﻗﺮﺑﻦ
ﻳﻮﺳﻒ : ﻣﻦ ﺃﻣﺘﻲ ﺗﻔﻜﺮ ﻓﻲ ﺍﻟﻘﺮﺍﻳﻪ ﺍﻧﺖ ﺍﻛﻴﺪﻩ ﻓﻲ ﺣﺎﺟﻪ
ﺍﻧﺎ : ﺃﻫﺎ ﺣﻜﻴﺖ ﻣﻊ ﻣﻼﻙ ﻭ ﻋﻄﺘﻨﻲ ﺭﻗﻤﻬﺎ
ﻳﻮﺳﻒ : ﺑﺎﻩ ﺗﻤﺎﻡ ﻭ ﺃﻥ ﺷﺎﺀ ﺍﻟﻠﻪ ﻳﺼﻴﺮ ﻣﻨﻪ ﻣﻮﺿﻮﻋﻜﻢ
ﺍﻧﺎ : ﻳﺴﺘﺮ ﺍﻟﻠﻪ
ﻳﻮﺳﻒ : ﺑﻜﺮﺍ ﻣﻮﻋﺪﻧﺎ ﻣﻊ ﻋﻤﻲ ﺣﺴﻦ
ﺍﻧﺎ : ﻛﻞ ﺷﻲ ﻉ ﺑﺮﻛﺔ ﺍﻟﻠﻪ
ﻳﻮﺳﻒ : ﻣﺶ ﻣﺼﺪﻕ ﻳﺎ ﺭﺍ
ﺍﻧﺎ : ﻫﻬﻬﻪ ﺍﺭﺯﻥ
ﻳﻮﺳﻒ : ﺗﻮ ﻧﻘﻮﻟﻠﻮﻫﻢ ﺍﻟﻌﺮﺱ ﻣﻊ ﻣﻮﻋﺪ ﻫﻨﺎﺩﻱ ﻭ ﺃﺣﻤﺪ
ﺍﻧﺎ : ﻓﻜﺮﻩ ﻭ ﺍﻟﻠﻪ
ﻳﻮﺳﻒ : ﻋﺸﺎﻥ ﺗﻘﻌﺪ ﺣﻮﺳﻪ ﻭﺣﺪﻩ
ﺍﻧﺎ : ﺑﺎﻩ ﺃﻣﺘﻲ ﺗﺒﻲ ﺗﺒﻨﻲ
ﻳﻮﺳﻒ : ﺍﻟﻴﻮﻡ ﺍﺗﻔﻘﺖ ﻣﻊ ﻣﻘﺎﻭﻝ ﻭ ﻳﺒﺪﺃ ﺑﻜﺮﺍ ﻭ ﻛﺎﻥ ﻣﺎ ﻛﻤﻠﺶ ﻗﺒﻞ ﺍﻟﻤﻮﻋﺪ ﺗﻮ ﻧﺄﺧﺬ ﺷﻘﻪ ﺇﻳﺠﺎﺭ
ﺍﻧﺎ : ﻟﻴﺶ ﺍﻹﻳﺠﺎﺭ ﺃﺳﻜﻦ ﻣﻌﺎﻧﺎ ﺣﺘﻲ ﻫﻨﺎ
ﻳﻮﺳﻒ : ﻣﺮﺍﺕ ﻣﺎ ﺗﻮﺍﻓﻘﺶ ﺭﺣﻤﻪ ﻉ ﺩﺍﺭ
ﺍﻧﺎ : ﺧﺰﻱ ﺗﺒﻲ ﺗﻤﺸﻲ ﻣﻦ ﺗﻮﺍ ﻉ ﻛﻼﻡ ﻋﻴﺖ ﺣﻨﻪ
ﻳﻮﺳﻒ : ﺗﻲ ﻳﺎ ﺣﻴﻮﺍﻥ ﺍﻟﺒﻨﺖ ﻭﺣﻴﺪﺓ ﻫﻠﻬﺎ ﻣﺮﺍﺕ ﺑﺎﺗﻬﺎ ﻳﻘﻮﻝ ﻻ
ﺍﻧﺎ : ﻳﺴﺘﺮ ﺍﻟﻠﻪ
ﺧﺸﻴﺖ ﻟﺪﺍﺭﻱ ﻭ ﻋﺰﻗﺖ ﺭﻭﺣﻲ ﻉ ﺍﻟﺴﺮﻳﺮ ﻭ ﻧﺒﺤﺖ ﻓﻲ ﺍﻟﺴﻘﻒ
ﺯﻋﻤﻚ ﺗﺎﻣﻲ ﻣﺎﺯﺍﻟﺖ ﻣﺬﻛﺮﺗﻨﻲ ﻭ ﻻ ﺧﻼﺹ ، ﻟﻴﺶ ﺳﻤﺖ ﻭﻟﺪﻫﺎ ﻉ ﺍﺳﻤﻲ ، ﻻ ﻭ ﺁﺧﺮﻩ ﺗﻘﻮﻟﻪ ﻳﺎ ﻋﺰﻭ ، ﻣﺘﺮﻳﺤﻪ ﻣﻊ ﺭﺍﺟﻠﻬﺎ ﻭ ﻻ ﻻ ، ﻧﻌﻠﻴﺎ ﻳﺎ ﻗﻠﺒﻲ
ﻭ ﻗﻄﻌﺖ ﻛﻼﻣﻲ ﻫﻨﺎﺩﻱ ﻭ ﺗﺒﺤﺖ ﻭ ﻣﺴﺘﻐﺮﺑﻪ ﻓﻴﺎ
ﻫﻨﺎﺩﻱ : ﻣﻌﺘﺰ ﻳﺎ ﻫﺒﻞ ﻛﻨﻚ ﻣﺎ ﺗﺮﺩ
ﺍﻧﺎ : ﻛﻨﻚ ﻫﺎ
ﻫﻨﺎﺩﻱ : ﺗﻌﺎﻝ ﻟﻠﻐﺪﺍﺀ
ﺍﻧﺎ : ﻣﺎ ﻧﺒﻴﺶ
ﻫﻨﺎﺩﻱ : ﻛﻨﻚ ﺷﻦ ﻓﻲ
ﺍﻧﺎ : ﻣﺎ ﻓﻲ ﺷﻲ
ﻫﻨﺎﺩﻱ : ﺑﺎﻩ ﺑﺠﻮﻙ
ﺍﻧﺎ : ﻫﻨﻮﺩﺍ
ﻫﻨﺎﺩﻱ : ﻧﻌﻢ
ﺃﻧﺎ : ﻣﺎﺯﻟﺘﻲ ﺗﺤﻜﻲ ﻣﻊ ﻓﺎﻃﻤﻪ ؟
ﻫﻨﺎﺩﻱ : ﺍﺍﺍﺍ ﻻ ﻻ
ﺍﻧﺎ : ﺗﻤﺎﻡ ﺑﺎﻩ
ﻫﻨﺎﺩﻱ : ﻟﻴﺶ ﺗﺴﺄﻝ
ﺍﻧﺎ : ﻻ ﻋﺎﺩﻱ
ﻃﻠﻌﺖ ﻫﻨﺎﺩﻱ ﻭ ﺣﺴﻴﺘﻬﺎ ﻣﺘﻮﺗﺮﻩ ﺑﺲ ﻣﺎ ﻓﻬﻤﺘﺶ ﻟﻴﺶ
ﻣﺪﻳﺖ ﻭﺟﻲ ﻉ ﺍﻟﺘﻠﻔﺰﻳﻮﻥ ﻋﻨﺪ ﺭﻗﺪﺕ ﻭ ﻧﻀﺖ ﻉ ﺻﻮﺕ ﻧﻘﺎﻟﻲ ﻭ ﻟﻘﻴﺘﻬﺎ ﻣﻼﻙ
ﺍﻧﺎ : ﺍﻟﻮ " ﺑﺼﻮﺕ ﻭﺍﺣﺪ ﺭﺍﻗﺪ "
ﻣﻼﻙ : ﻧﻮﺽ ﻳﺎ ﺗﻨﺒﺎﻝ
ﺍﻧﺎ : ﻫﻬﻬﻬﻪ ﺍﻭﻭ ﻣﻮﻛﺎ
ﻣﻼﻙ : ﺍﻣﺎﻻ ﺗﺤﺴﺎﺑﻨﻲ ﻣﻦ ﺷﻜﻠﻬﻦ ﻭﺍﺟﺪ
ﺍﻧﺎ : ﻛﺎﻧﻦ ﻭﺍﺟﺪ ﺑﺲ ﺣﺎﻟﻴﺎ ﻣﺎ ﻧﺤﻜﻲ ﻣﻊ ﺣﺪ
ﻣﻼﻙ : ﻋﻠﻴﻚ ﺻﺮﺍﺣﻪ
ﺍﻧﺎ : ﺁﻫﻢ ﺣﺎﺟﻪ ﺍﻟﺼﺮﺍﺣﻪ ﺭﺍ
ﻣﻼﻙ : ﺗﻤﺎﻡ ﺣﺘﻲ ﺍﻧﺎ ﻧﺤﺐ ﺍﻟﺼﺮﺍﺣﻪ
ﺍﻧﺎ : ﺑﺎﻫﻲ ﻧﻌﺮﻓﻚ ﻉ ﺭﻭﺣﻲ
ﻣﻼﻙ : ﺗﻔﻀﻞ ﻫﻲ ﺍﻟﻤﺎﻳﻚ ﻋﻨﺪﻙ
ﺍﻧﺎ : ﻧﻌﻠﻴﺎ ﺣﺎﻧﻄﻪ ، ﺍﺳﻤﻲ ﻣﻌﺘﺰ ﻃﺒﻌﺎ ﻭ ﻣﻮﺍﻟﻴﺪ ﺍﻝ 89 ﻭ ﻧﻘﺮﺃ ﻓﻲ ﻛﻠﻴﺔ ﺍﻟﻌﻠﻮﻡ
ﻣﻼﻙ : ﻋﺎﺷﺖ ﺍﻻﺳﺎﻣﻲ ﻭ ﺍﻟﻌﻤﺮ ﻛﻠﻪ ﻭ ﻣﻮﻓﻖ
ﺍﻧﺎ : ﺗﻮﺍ ﺩﻭﺭﻙ ﻋﺎﺩ
ﻣﻼﻙ : ﻫﻬﻬﻬﻪ ﺍﺳﻤﻲ ﻣﻼﻙ ﻭ ﻣﻮﺍﻟﻴﺪ 94 ﻭ ﻧﻘﺮﺃ ﻓﻲ ﻛﻠﻴﺔ ﺍﻵﺩﺍﺏ
ﺍﻧﺎ : ﻋﺎﺭﻓﻬﻦ ﺍﻟﺤﺎﺟﺎﺕ ﻫﺬﻳﻦ ﻧﺒﻲ ﺣﺎﺟﻪ ﺟﺪﻳﺪﻩ
ﻣﻼﻙ : ﺍﻣﻤﻤﻤﻢ ﻧﺤﻦ ﺑﻨﺘﻴﻦ ﺑﺲ ﻭ ﺍﻧﺎ ﺍﻟﻜﺒﻴﺮﻩ
ﺍﻧﺎ : ﺍﺧﺘﻚ ﻣﻮﺍﻟﻴﺪ ﺍﻟﻜﻢ
ﻣﻼﻙ : ﺍﻝ 2000
ﺍﻧﺎ : ﺭﺑﻲ ﻳﺤﻔﻈﻬﺎ ﻟﻜﻢ
ﻣﻼﻙ : ﻛﻨﺎ 10 ﺳﻨﻮﺍﺕ ﺑﺮﺍ ﻟﻴﺒﻴﺎ
ﺍﻧﺎ : ﻭ ﻟﻴﺶ ﺭﺩﻳﺘﻮ
ﻣﻼﻙ : ﺁﻫﻮ ﻧﺼﻴﺐ
ﺍﻧﺎ : ﻧﺼﻴﺐ ﻋﺸﺎﻥ ﻧﺘﻌﺮﻓﻮ ﻉ ﺑﻌﻀﻨﺎ
ﻣﻼﻙ : ﻫﻬﻬﻬﻪ ﻳﻤﻜﻦ
ﺍﻧﺎ : ﺑﺎﻫﻲ ﻧﺒﻲ ﻧﺴﺄﻟﻚ
ﻣﻼﻙ : ﺗﻔﻀﻞ
ﺍﻧﺎ : ﻟﻴﺶ ﻛﻨﺘﻲ ﺗﻔﺸﻜﻲ ﻓﻲ ﺍﻷﻭﻝ
ﻣﻼﻙ : ﺗﺒﻲ ﺍﻟﺤﻖ
ﺍﻧﺎ : ﻳﺎ ﺭﻳﺖ
ﻣﻼﻙ : ﻣﻦ ﺃﻭﻝ ﻣﺎ ﺟﻴﻨﺎ ﻝ ﺑﻨﻐﺎﺯﻱ ﻭ ﺑﺎﺑﺎ ﻓﻬﻤﻨﻲ ﺍﻧﻪ ﺍﻟﺸﺒﺎﺏ ﻫﻨﺎ ﻣﺶ ﻛﻴﻒ ﺑﺮﺍ ﻳﻌﻨﻲ ﻣﺎ ﻳﻌﺮﻓﻮﺵ ﺍﻟﺼﺪﺍﻗﻪ ﻭ ﻛﻞ ﺣﺪ ﻳﺒﻲ ﻣﺼﻠﺤﻪ ﻣﻦ ﺑﻨﺖ ﻭ ﻳﻔﻮﺗﻬﺎ ﻫﺬﺍ ﻟﻴﺶ ﻛﻨﺖ ﺧﺎﻳﻔﻪ ﻭ ﻣﺎ ﻋﻄﻴﺘﺶ ﻣﺠﺎﻝ ﻷﻱ ﺣﺪ
ﺍﻧﺎ : ﻣﻌﺎﻩ ﺣﻖ ﻋﻤﻲ ، ﺷﻦ ﺍﺳﻤﻪ ﺑﺎﺗﻚ
ﻣﻼﻙ : ﻋﺒﺪﺍﻟﻠﻪ
ﺍﻧﺎ : ﺭﺑﻲ ﻳﺤﻔﻈﻪ ﻟﻜﻲ ﻭ ﺻﺪﻕ ﺭﺍ
ﻣﻼﻙ : ﺧﻼﺹ ﻫﺬﺍ ﻟﻴﺶ ﺍﻭﻝ ﻣﺎ ﺍﻧﺖ ﺑﺪﻳﺖ ﺍﺩﻳﺮ ﻓﻲ ﺟﻮ ﻗﻠﺖ ﺍﻛﻴﺪﻩ ﻛﻴﻔﻪ ﻛﻴﻒ ﺍﻟﺒﺎﻗﻲ
ﺍﻧﺎ : ﻭ ﺷﻦ ﺇﻻ ﻏﻴﺮﻟﻚ ﺭﺃﻳﻚ
ﻣﻼﻙ : ﻓﻲ ﺍﻷﻭﻝ ﻗﻌﺪﺕ ﺗﻘﻨﻊ ﻓﻴﺎ ﺁﻣﺎﻝ ، ﻗﺎﻟﺖ ﺳﻤﺢ ﻭ ﺻﺎﺣﺒﺘﻨﺎ ﺑﻌﺪ ﻋﺮﻓﻦ ﺍﻧﻚ ﺗﻨﺎﺑﺶ ﻓﻴﺎ ﻗﻌﺪﻥ ﻳﻤﻠﻦ ﻓﻲ ﺭﺍﺳﻲ ﻣﺎ ﺗﻔﻮﺗﻴﺶ ﻭ ﻃﺮﻑ
ﺍﻧﺎ : ﻫﻬﻬﻬﻬﻬﻬﻬﻪ
ﻣﻼﻙ : ﺑﺲ ﻣﺎ ﺗﺮﻳﺤﺖ ﺇﻻ ﺑﻌﺪ ﺣﻜﺘﻠﻲ ﺭﻭﺭﻭ ﻗﺼﺔ ﺧﻮﻙ
ﺍﻧﺎ : ﺃﻫﺎ ﺷﻦ ﻗﺎﻟﺖ
ﻣﻼﻙ : ﻗﺎﻟﺖ ﺇﻧﻪ ﺑﻌﺪ ﺷﺎﻓﻬﺎ ﻭ ﻋﺠﺒﺎﺗﻬﺎ ﺟﺎﺏ ﺧﻮﻩ ﻭ ﻗﺎﻝ ﺗﺒﻴﻬﺎ ﻭ ﻫﻜﻲ ﻭ ﺑﻌﺪﻫﺎ ﺧﺬﻳﺖ ﺭﻗﻢ ﺑﺎﺗﻬﺎ
ﺍﻧﺎ : ﺃﻫﺎ ﻳﻮﺳﻒ ﺷﺎﻳﻔﻬﺎ ﻭ ﻣﺶ ﻣﺼﺪﻕ
ﻣﻼﻙ : ﻳﻮﺳﻒ ﻭ ﻣﻌﺘﺰ ﺣﻠﻮﺍﺕ ﺍﻻﺳﺎﻣﻲ
ﺍﻧﺎ : ﻫﻬﻬﻪ ﻭ ﺧﻠﻴﻞ ﻭ ﻧﺎﺻﺮ
ﻣﻼﻙ : ﻣﺎ ﺷﺎﺀ ﺍﻟﻠﻪ ، ﻣﺎ ﻋﻨﺪﻛﻤﺶ ﺑﻨﺖ
ﺍﻧﺎ : ﺃﺻﻐﺮ ﻭﺣﺪﻩ ﻫﻨﺎﺩﻱ ﻭ ﻣﺨﻄﻮﺑﺔ
ﻣﻼﻙ : ﺃﻫﺎ ﺭﺑﻲ ﻳﺘﻤﻠﻠﻬﺎ ﻉ ﺧﻴﺮ
ﺍﻧﺎ : ﺗﺴﻠﻤﻲ ﻭ ﻋﻘﺒﺎﻟﻚ
ﻣﻼﻙ : ﺛﺎﻧﻜﻴﻮ
ﺍﻧﺎ : ﻫﺪﺭﺯﻧﺎ ﻭﺍﺟﺪ ﺧﻼﺹ ﺭﺻﻴﺪﻙ ﻗﺮﻳﺐ ﻳﻜﻤﻞ
ﻣﻼﻙ : ﻻ ﻋﺎﺩﻱ
ﺍﻧﺎ : ﺳﻜﺮﻱ ﻭ ﺗﻮ ﻧﻌﺎﻭﺩ ﻋﻠﻴﻚ
ﻣﻼﻙ : ﺷﻦ ﺍﻟﺠﻮ ﻫﺬﺍ
ﺍﻧﺎ : ﻫﺬﺍ ﺟﻮﻱ ﻳﺎ ﺣﻠﻮﻩ
ﻣﻼﻙ : ﺍﻭﻛﻲ ﺯﻱ ﻣﺎ ﺗﺒﻲ
ﺳﻜﺮﺕ ﻭ ﻋﺎﻭﺩﺗﻠﻬﺎ ﻭ ﻗﻌﺪﻧﺎ ﻧﻬﺪﺭﺯﻭ ﻭ ﻧﻘﺎﻧﻬﺎ ﺑﻨﺖ ﻋﺴﻞ ﻭ ﻓﻴﻬﺎ ﺟﻮ
ﺗﻲ ﻛﻠﻪ ﻛﻮﻡ ﻭ ﺍﻟﺪﻟﻊ ﻣﺘﺎﻋﻬﺎ ﻛﻮﻡ
ﺑﻌﺪ ﻛﻤﻠﺖ ﻫﺪﺭﺯﻩ ﻗﺎﻟﺖ ﺗﺒﻲ ﺗﻘﺮﺃ ﻋﺸﺎﻥ ﻋﻨﺪﻫﺎ ﺍﻣﺘﺤﺎﻥ ﻭ ﺍﻧﺎ ﻗﻌﺪﺕ ﻧﺪﻭﺭ ﻓﻲ ﺍﻟﺸﻴﺘﺎﺕ ﺑﺘﺎﻋﻲ
ﺍﻧﺎ : ﻫﻨﺎﺩﻱ ﻭﻳﻦ ﺍﻟﺒﻼﻭﺍﺕ
ﻫﻨﺎﺩﻱ : ﺷﻨﻮ
ﺍﻧﺎ : ﺍﻟﺸﻴﺘﺎﺕ ﺑﺘﺎﻋﻲ
ﻫﻨﺎﺩﻱ : ﻗﺼﺪﻙ ﺗﺒﻲ ﺗﻘﺮﺃ
ﺍﻧﺎ : ﺃﻫﺎ
ﻫﻨﺎﺩﻱ : ﻧﺠﻴﻪ ﻳﺎ ﺭﺑﻲ
ﺍﻧﺎ : ﺃﺣﻤﺪ ﺣﻂ ﺍﻟﻘﺼﻪ ﻓﻲ ﺭﺍﺳﻲ ﺑﺲ
ﻫﻨﺎﺩﻱ : ﺭﺑﻲ ﻳﺘﻤﻢ ﻋﻠﻴﻜﻢ
ﺍﻧﺎ : ﺗﺒﻲ ﺍﺩﻭﺭﻱ ﻣﻌﺎﻳﺎ ﻭ ﻻ ﺗﻘﻠﺒﻲ ﻭﺟﻚ -.-
ﻫﻨﺎﺩﻱ : ﺭﺍﺟﻲ ﻧﺸﻮﻓﻬﻦ ﻟﻚ ﻓﻲ ﺍﻟﺪﻭﻻﺏ
ﺍﻧﺎ : ﺩﻭﻻﺏ ﺷﻦ
ﻫﻨﺎﺩﻱ : ﻟﻴﻠﻲ ﺑﻌﺪ ﻇﻤﺖ ﺣﻄﺘﻬﻦ ﻓﻲ ﺍﻟﺪﻭﻻﺏ
ﺍﻧﺎ : ﻭ ﻣﻦ ﻗﺎﻟﻠﻬﺎ ﺗﻘﺮﺏ ﺣﺎﺟﺎﺗﻲ ﺍﻟﺒﻬﻴﻤﻪ ﻫﺬﻩ
ﻫﻨﺎﺩﻱ : ﺗﺴﺎﻋﺪ ﻓﻲ ﻣﺎﻣﺎ ﻛﺎﻧﺖ
ﺍﻧﺎ : ﺗﻲ ﻝ ﺷﻦ ﺗﺒﻲ ﺗﻮﺻﻞ ﻫﺬﻩ ﻭ ﺍﻟﻠﻪ ﺷﻲ ﻳﻮﻡ ﻛﺎﺳﺮﻟﻬﺎ ﻳﺪﻫﺎ ﻋﺸﺎﻥ ﻣﺎ ﺗﻠﻤﺴﺶ ﺷﻲ ﻣﻦ ﺩﺍﺭﻱ
ﻫﻨﺎﺩﻱ : ﻛﺒﺮ ﻋﻘﻠﻚ ﻭ ﻓﻮﺕ
ﺍﻧﺎ : ﺑﺎﻩ ﻃﻠﻌﻴﻬﻦ ﻭ ﺩﻳﺮﻟﻲ ﻗﻬﻮﻩ ﻭ ﺟﻴﺒﻴﻬﻦ ﻓﻲ ﺍﻟﻤﺮﺑﻮﻋﻪ
ﻫﻨﺎﺩﻱ : ﺣﺎﺿﺮ
ﻭ ﺍﻧﺎ ﻃﺎﻟﻊ ﺷﻔﺖ ﻧﺎﺻﺮ ﻳﻘﺮﺃ ﺗﻲ ﺧﺎﻃﺮﻱ ﻧﻘﻌﺪ ﻧﻔﺴﻪ ﺃﺯﻓﺖ
ﻭ ﺑﺪﻳﺖ ﻧﻘﺮﺃ ﻋﻨﺪ ﺍﻟﻠﻴﻞ ﻭﻭﻭﻩ ﻣﺶ ﻣﺼﺪﻕ
ﺑﺲ ﻃﺒﻌﺎ ﺍﻟﻤﻮﺍﺩ ﻛﻠﻬﻦ ﺷﺎﻳﻠﻬﻦ ﻣﻦ ﺍﻟﺴﻤﺴﺘﺮ ﺇﻻ ﻓﺎﺕ ﻭ ﺇﻻ ﻗﺒﻠﻪ ﻭ ﻣﺴﻴﺐ ﻧﻘﺎﻟﻲ ﻓﻲ ﺍﻟﺪﺍﺭ ﻋﺸﺎﻥ ﻧﻘﻌﺪ ﻣﺮﻛﺰ ‏)
ﻣﻌﺶ ﻋﺮﻓﺖ ﺷﻦ ﻭﺍﺧﺬﻳﻦ ﻭ ﺷﻦ ﺇﻻ ﻣﻠﻐﻲ ﻭ ﺭﻧﻴﺖ ﻉ ﺃﺣﻤﺪ ﺣﺎﺟﻪ ﻋﺎﺭﻓﻬﺎ ﻭ ﺣﺎﺟﻪ ﻻ
ﺧﻄﺮﺗﻠﻲ ﺭﺍﻧﻴﺎ ﺑﺲ ﻗﻠﺖ ﺗﻮ ﺗﺤﺴﺎﺑﻨﻲ ﻧﺪﺣﻨﺲ ﻋﺸﺎﻥ ﻧﺮﺩﻭ -.-
ﻗﻌﺪﺕ ﻧﻘﻠﺐ ﻓﻲ ﺍﻟﻨﻘﺎﻝ ﻋﻨﺪ ﻃﺤﺖ ﻓﻲ ﺍﺳﻢ ﻭﺍﺣﺪ ﺷﺎﻃﺮ ﻣﺶ ﻋﺎﺭﻑ ﻛﻴﻒ ﻣﺼﺎﺣﺒﻪ ﺍﻟﺬﻛﻲ ﻫﺬﺍ
ﻉ ﺍﻟﻌﻤﻮﻡ ﺭﻧﻴﺖ ﻋﻠﻴﻪ ﻭ ﺧﺬﻳﺖ ﺍﻟﻤﻬﻢ ﺑﺘﺎﻉ ﺍﻭﻝ ﻣﺎﺩﻩ ﻭ ﻛﺎﻥ ﺍﻣﺘﺤﺎﻧﻬﺎ ﺑﻌﺪ 5 ﺃﻳﺎﻡ
ﻗﻌﺪﺕ ﻧﻘﺮﺃ ﻭ ﻧﺤﻔﻆ ﻋﻨﺪ ﻣﺎ ﺭﻭﺡ ﻳﻮﺳﻒ ﻭ ﻛﺎﻥ ﺟﺎﻳﺐ ﺣﺎﺟﺎﺕ ﻋﺸﺎﻥ ﺗﺎﻧﻲ ﻳﻮﻡ ﻣﺎﺷﻴﻴﻦ ﻟﻌﻴﺖ ﺭﺣﻤﻪ
ﻛﻤﻠﺖ ﻫﻜﻲ ﻣﻊ ﺇﺫﻥ ﺍﻟﻌﺸﺎﺀ ﻭ ﺍﻧﺎ ﻣﻘﻌﻤﺰ ﻣﻊ ﻫﻠﻲ ﺟﺎﻧﻲ ﻣﺴﺞ ﻣﻦ ﻣﻼﻙ " ﺗﺼﺒﺢ ﻉ ﺧﻴﺮ ﻭ ﺗﻮ ﻧﺪﻋﻴﻠﻚ ﻓﻲ ﺻﻼﺓ ﺍﻟﻌﺸﺎﺀ "
ﺯﺭﺗﻨﻲ ﺍﻟﻀﺤﻜﻪ ﻭ ﻓﻲ ﻧﻔﺲ ﺍﻟﻮﻗﺖ ﺗﻲ ﻧﻌﻠﻴﺎ ﻭ ﺧﻼﺹ ﺍﻭﻝ ﻣﺮﻩ ﻧﺘﻌﺮﻑ ﻉ ﺑﻨﺖ ﺗﺮﻗﺪ ﺑﻌﺪ ﺍﻟﻌﺸﺎﺀ ♡_♡
ﻳﻮﺳﻒ : ﺷﻦ ﺟﺎﺩ ﻋﻠﻴﻚ ﻳﺎ ﻓﺎﺷﻞ
ﺍﻧﺎ : ﻫﻬﻬﻪ ﺧﻠﻴﻨﻲ ﻓﻲ ﺣﺎﻟﻲ
ﺍﻣﻲ : ﺭﺑﻲ ﻳﺤﻔﻈﻪ ﻗﺮﺍﻳﺎ ﻭ ﺻﻼﻩ ﻣﺎﺯﺍﻟﺖ ﺑﻨﺖ ﺍﻟﺤﻼﻝ ﺑﺲ
ﻧﺎﺻﺮ : ﺗﻲ ﺑﻌﺪ ﺷﻔﺘﻪ ﻳﻘﺮﺃ ﺍﻧﺼﺪﻣﺖ
ﻫﻨﺎﺩﻱ : ﺣﺘﻲ ﺍﻧﺎ ﺍﻧﻔﺠﻌﺖ
ﺧﻠﻴﻞ : ﻋﻠﻴﻚ ﻗﺼﻪ ﺭﺍ ﺍﻃﺮﺷﻘﻮﻩ ﺑﻌﻴﻦ
ﺍﻧﺎ : ﻣﻘﻬﻮﺭﻳﻦ ‏)
ﺍﻣﻲ : ﺧﻠﻚ ﻣﻨﻬﻢ
ﺍﻧﺎ : ﺗﻲ ﺍﻧﺘﻲ ﻧﺠﻚ ﻟﻲ ﻭ ﺧﻼﺹ
ﻳﻮﺳﻒ : ﻫﻬﻬﻬﻪ ﺷﻜﻠﻚ ﺗﺒﻲ ﺣﺎﺟﻪ ﻣﻨﻬﺎ
ﻧﺎﺻﺮ : ﻳﺒﻲ ﻳﻔﻠﻮﺱ ﺍﻛﻴﺪﻩ
ﻫﻨﺎﺩﻱ : ﻟﻠﻤﺤﻞ ﻃﺒﻌﺎ
ﺍﻧﺎ : ﻧﺼﺒﻲ ﻧﺼﻠﻲ ﻭ ﻧﺮﻗﺪ
ﺧﻠﻴﻞ : ﻣﻌﺘﺰ ﻛﻨﻚ ﻣﺮﻳﺾ ﻭ ﻻ ﺷﻦ ؟
ﺍﻧﺎ : ﻻﻻ ﻛﻮﻳﺲ ﺑﻜﻞ
ﺍﻣﻲ : ﻫﻨﺎﺩﻱ ﻫﺎﺗﻲ ﺍﻟﺒﺨﻮﺭ
ﺍﻧﺎ : ﻛﻨﻚ
ﺍﻣﻲ : ﺭﺍﻳﺢ ﻋﺎﻗﻞ ﻣﺶ ﻣﺼﺪﻗﻪ
ﻧﺎﺻﺮ : ﺭﺳﻤﻲ ﺑﺨﺮﻳﻪ ﻭﻟﺪ ﺃﻣﻪ
ﺍﻧﺎ : ﻭﻟﺪ ﺣﻨﻚ ﻳﺎ ﻣﻌﻔﻦ ﺍﻗﻠﺐ ﻭﺟﻚ
ﻳﻮﺳﻒ : ﻫﻮﺍ ﺩﻩ ﻳﺎ ﻣﻌﻠﻢ
ﺍﻣﻲ : ﺧﻠﻮﻩ ﻓﻲ ﺣﺎﻟﻪ
ﻫﻨﺎﺩﻱ : ﺧﻠﻴﻞ ﻭﻳﻦ ﻟﻴﻠﻰ ﻭ ﺟﻮﺭﻱ
ﺧﻠﻴﻞ : ﻋﻨﺪ ﻫﻠﻬﺎ
ﺍﻣﻲ : ﺃﻥ ﺷﺎﺀ ﺍﻟﻠﻪ ﺧﻴﺮ ﺑﺲ
ﺧﻠﻴﻞ : ﻗﺎﻟﺖ ﻧﺒﻲ ﻫﻠﻲ ﺷﻠﺘﻬﺎ
ﺍﻧﺎ : ﻃﺮﻳﻖ ﺟﺪﻱ
ﺧﻠﻴﻞ : ﺻﺎﺭ ﻣﺘﻐﻴﺮ ﺃﻫﺎ
ﺍﻧﺎ : ﺇﻻ ﻣﻊ ﻣﺮﺍﺗﻚ ﻣﺴﺘﺤﻴﻠﻪ
ﻭ ﺻﺒﻴﺖ ﺩﺯﻳﺖ ﻣﺴﺞ ﻝ ﻣﻼﻙ " ﻭ ﺍﻧﺘﻲ ﻣﻦ ﺃﻫﻠﻲ ﻳﺎ ﻋﺴﻞ ﻭ ﺣﺘﻲ ﺍﻧﺎ ﺗﻮ ﻧﺪﻋﻴﻠﻚ "
ﺧﺸﻴﺖ ﺗﻮﺿﻴﺖ ﻭ ﺻﻠﻴﺖ ﻭ ﺩﻋﻴﺖ ﻟﺮﻭﺣﻲ ﻭ ﻣﻼﻙ ﺍﻧﻪ ﺭﺑﻲ ﻳﻮﻓﻘﻬﺎ ﺭﻏﻢ ﺃﻧﻬﺎ ﺑﺎﻳﻦ ﻋﻠﻴﻬﺎ ﺍﻟﺸﻄﺎﺭﻩ
ﻭ ﺗﺎﻧﻲ ﻳﻮﻡ ﻧﻀﺖ ﻉ ﺻﻮﺕ ﻳﻮﺳﻒ ﻭ ﻣﺘﻮﺗﺮ ﻭ ﻳﻬﺰﺏ ﻭ ﻣﺶ ﻣﺘﺤﻤﻞ ﺷﻲ
ﻭ ﻻ ﻓﻄﺮ ﻭ ﻻ ﺗﻐﺬﺍ ﻭ ﺍﻧﺎ ﻏﻴﺮ ﻣﻘﻌﻤﺰ ﻧﻘﺮﺃ
ﻭ ﻣﻊ ﺍﻟﻌﺼﺮ ﺟﺎ ﺃﺣﻤﺪ ﻭ ﻣﻌﺎﻩ ﻋﻤﺘﻲ ﻣﺴﻌﻮﺩﻩ ﻋﺸﺎﻥ ﺗﻤﺸﻲ ﻣﻊ ﺍﻣﻲ ﻭ ﻫﻨﺎﺩﻱ ﻭ ﻃﺒﻌﺎ ﻟﻴﻠﻲ ﺩﺍﻛﻪ ﺧﺸﻤﻬﺎ -.-
ﻃﻠﻌﻨﺎ ﻛﻠﻨﺎ ﻭ ﻣﻌﺎﻧﺎ ﻋﻤﻲ ﺧﻮ ﺑﺎﺗﻲ ﻫﻮﺍ ﺍﻟﻮﺣﻴﺪ ﻛﻠﻤﻨﺎﻩ
ﻭ ﻉ ﺃﺳﺎﺱ ﻳﺒﻮ ﻳﻌﻄﻮ ﻛﻠﻤﻪ ﺑﺲ ﻋﻤﻲ ﺑﻌﺪ ﺍﺗﻔﻖ ﻣﻊ ﻋﻤﻲ ﺣﺴﻦ ﻃﻠﻊ ﻭ ﺟﺎﺏ ﻣﻦ ﺳﻴﺎﺭﺗﻪ ﺣﻖ ﺍﻟﺪﻓﻊ ﻷﻧﻪ ﻳﻮﺳﻒ ﻣﺘﺮﺑﻲ ﻋﻨﺪﻩ ﻭ ﻫﻮﺍ ﺻﻐﻴﺮ
ﻭ ﻗﺎﻟﻪ ﺧﻠﻴﻞ ﻉ ﺳﺎﺱ ﻳﻮﺳﻒ ﻳﺒﻲ ﻳﺒﻨﻲ ﻓﻮﻕ ﺑﺲ ﻳﺒﻲ ﺍﻟﻔﺮﺡ ﺍﻟﻔﺘﺮﻩ ﺍﻟﺠﺎﻳﻪ ﻭ ﺍﺣﺘﻤﺎﻝ ﻳﻌﻴﺸﻮ ﻟﻮﻃﺎ ﻛﻢ ﺷﻬﺮ ﻭ ﻋﻤﻲ ﺣﺴﻦ ﻭﺍﻓﻖ ﻭ ﻗﺎﻝ ﻣﺎ ﻓﺶ ﻣﺸﻜﻠﻪ
ﻃﺒﻌﺎ ﻳﻮﺳﻒ ﻛﺎﻥ ﻓﻲ ﺍﻟﺤﻮﺵ ﻭ ﻛﻞ ﺷﻮﻳﻪ ﻳﺮﻥ ﻋﻠﻴﺎ
ﺑﻌﺪ ﻭﺻﻠﻨﺎ ﻟﻠﺤﻮﺵ ﻟﻘﻴﺘﻪ ﻗﺎﻋﺪ ﻓﻲ ﺍﻟﻤﺮﺑﻮﻋﻪ
ﻳﻮﺳﻒ : ﻫﺎ ﺷﻦ ﺻﺎﺭ ﺃﺣﻜﻲ
ﺍﻧﺎ : ﺍﻭﺳﻴﻔﺎ ﻛﻞ ﺷﻲ ﻧﺼﻴﺐ
ﻳﻮﺳﻒ : ﻗﺼﺪﻙ ﺭﻓﺾ
ﺍﻧﺎ : ﺃﻫﺎ
ﻳﻮﺳﻒ : ﻟﻴﺶ ﺑﺲ
ﺍﻧﺎ : ﻋﺸﺎﻥ ﻗﺼﺔ ﺗﺴﻜﻦ ﻣﻌﺎﻧﺎ
ﻳﻮﺳﻒ : ﺑﺎﻫﻲ ﻧﺸﺮﻱ ﺷﻘﻪ ﺑﺮﺍ
ﺍﻧﺎ : ﺗﺒﻴﻊ ﻫﻠﻚ ﻳﺎ ﻗﺮﺩ D:
ﻳﻮﺳﻒ : ﺧﻼﺹ ﻓﻮﺕ
ﺍﻧﺎ : ﻣﺒﺮﻭﻙ ﻳﺎ ﻣﻌﻔﻦ D:
ﻳﻮﺳﻒ : ﺗﻲ ﻛﻴﻒ ﺻﺎﺭ
ﺍﻧﺎ : ﻭﺍﻓﻘﻮ ﻭ ﻋﻤﻚ ﺩﻓﻊ ﻓﻴﻬﺎ ﺁﺧﺮﻩ D:
ﻳﻮﺳﻒ : ﺍﺣﻠﻒ !
ﺃﻧﺎ : ﻭ ﺣﻖ ﺭﺑﻲ ﻫﻲ D:
ﻳﻮﺳﻒ : ﻗﺼﺪﻙ ﺧﻼﺹ ﺭﺣﻤﻪ ﻟﻴﺎ
ﺍﻧﺎ : ﺃﻥ ﺷﺎﺀ ﺍﻟﻠﻪ
ﻳﻮﺳﻒ : ﻋﻘﺒﺎﻟﻚ ﻳﺎ ﻋﺰﻭ " ﻭ ﺍﺿﺒﻄﻨﻲ "
ﺍﻧﺎ : ﺗﺘﺰﻭﺝ ﺍﻧﺖ ﻛﺄﻧﻲ ﺍﻧﺎ ﻳﺎ ﻫﺒﻞ
ﻳﻮﺳﻒ : ﻣﺶ ﻣﺼﺪﻕ
ﺍﻧﺎ : ﻧﺸﻠﻔﻄﻚ ﻛﻒ ﻋﺸﺎﻥ ﺗﺼﺪﻕ D:
ﻭ ﺧﺶ ﺧﻠﻴﻞ ﻭ ﺑﺎﺭﻙ ﻝ ﻳﻮﺳﻒ ﻭ ﺍﻣﻲ ﺗﺰﻏﺮﺕ ﻭ ﻫﻨﺎﺩﻱ ﻣﻨﻬﺒﻠﻪ ﻓﻲ ﺭﺣﻤﻪ ﻭ ﺗﻘﻮﻝ ﺳﻤﺎﺣﻪ ﻭ ﺍﺩﺏ ﻭ ﺧﻔﺔ ﺩﻡ
ﻭ ﻣﺸﻰ ﻳﻮﻡ ﻭ ﺟﺎ ﻳﻮﻡ ﻭ ﺑﺪﻳﺖ ﻓﻲ ﺍﻻﻣﺘﺤﺎﻧﺎﺕ ﻭ ﻗﻌﺪﺕ ﺑﻴﻦ ﺍﻟﻘﺮﺍﻳﻪ ﻭ ﺍﻟﺤﻮﺵ ﻭ ﻣﺮﻩ ﻧﺪﻳﺮ ﻓﻲ ﻃﻠﻪ ﻉ ﺍﻟﻤﺤﻞ
ﺧﻼﺹ ﻗﻌﺪ ﻭﺍﺗﻲ ﻭ ﺟﺖ ﺍﻟﺒﻀﺎﻋﻪ ﻭ ﺑﺪﻳﺖ ﻓﻴﻪ ﺍﻧﺎ ﻭ ﺃﺣﻤﺪ ﻭ ﺩﺭﻧﺎ ﺍﻻﻓﺘﺘﺎﺡ ﻭ ﻋﺰﻣﻨﺎ ﺃﺻﺤﺎﺑﻨﺎ ﻭ ﺃﺻﺤﺎﺏ ﺧﻮﺗﻲ ﻭ ﺩﺭﻧﺎ ﺟﻮ
ﻗﻌﺪﺕ ﺣﺎﻁ ﻭﺍﺣﺪ ﻓﻲ ﺍﻟﺼﺒﺢ ﻋﺸﺎﻥ ﻧﻜﻮﻥ ﻓﻲ ﺍﻟﺠﺎﻣﻌﻪ ﻭ ﻓﻲ ﺍﻟﻌﺸﻴﻪ ﺍﻧﺎ
ﻭ ﻓﻲ ﻳﻮﻡ ﻛﻨﺖ ﻣﺼﺒﻲ ﺑﺮﺍ ﺍﻟﻤﺤﻞ ﻣﻊ ﺃﺣﻤﺪ ﻭ ﺣﻤﺪ
ﻭ ﺷﻔﻨﺎ ﻋﻴﻞ ﺻﻐﻴﺮ ﻳﻤﺸﻲ ﺷﻮﺭ ﺍﻟﻄﺮﻳﻖ
ﻣﺸﻴﺖ ﻧﺠﺮﻱ ﻭ ﻓﻲ ﺁﺧﺮ ﻟﺤﻈﺔ ﺟﺮﻳﺖ ﻭ ﻣﺴﻜﺘﻪ
ﺍﻭﻝ ﻣﺎ ﺑﺤﺘﺖ ﻓﻲ ﻭﺟﻪ ﺣﺴﻴﺘﻪ ﻣﺎﺭ ﻋﻠﻴﺎ
ﻋﻴﻞ ﺻﻐﻴﺮ ﻳﻬﺒﻞ ﻭ ﺭﻛﺰﺕ ﻓﻴﻪ ﻭ ﻃﻠﻊ ﻣﻌﺘﺰ ﻭﻟﺪ ﻓﺎﻃﻤﻪ
ﻳﺘﺒﻊ . . .
#ﺷﺮﻗﻴﺔﻩ
#روآيات أنثى شرقيةه 💚