شرقي

٣٠ والاخيره

#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
~ ■ ﺷﺮﻗﮯ ■ ~
ﺍﻟﺤﻠﻘﻬﻪ ﺍﻟﺜﻼﺛﻮﻥ ﻭ ﺍﻷﺧﻴﺮﻫﮧ ~
ﺭﻭﺣﻨﺎ ﻛﻠﻨﺎ ﻟﻠﺤﻮﺵ ﻭ ﺍﻟﻌﻴﻠﻪ ﻛﻠﻬﺎ ﻓﺮﺣﺎﻧﻪ ﻭ ﺟﻮﻱ ﻣﺶ ﻟﻀﻲ
ﺧﺶ ﺃﺣﻤﺪ ﻣﻌﺎﻧﺎ ﻟﻠﻤﺮﺑﻮﻋﻪ ﻭ ﺍﻧﺎ ﺧﺸﻴﺖ ﻟﻠﻜﻮﺟﻴﻨﻪ ﻧﺒﻲ ﻧﺸﺮﺏ ﺍﻣﻴﻪ
ﺳﻤﻌﺖ ﺻﻮﺕ ﺳﺎﺭﻩ ﺗﺒﻜﻲ ﻭ ﺗﺤﻜﻲ ﻣﻊ ﻣﺮﻭﻩ
ﻣﺮﻭﻩ : ﺗﻲ ﺧﻼﺹ ﺍﺳﻜﺘﻲ ﺍﻟﻠﻪ ﻏﺎﻟﺐ ﺷﻦ ﺗﺒﻲ ﺍﺩﻳﺮﻱ
ﺳﺎﺭﻩ : ﺗﻲ ﺧﻄﺐ ﺭﺳﻤﻲ ﻭ ﻗﺮﺃ ﻓﺎﺗﺤﻪ ﻳﺎ ﺭﻳﻮﻱ
ﻣﺮﻭﻩ : ﻣﺎ ﻋﻨﺪﻙ ﻣﺎ ﺍﺩﻳﺮﻱ ﻭ ﻣﺎ ﺗﻨﺴﻴﺶ ﺍﻧﻪ ﺣﺐ ﻃﻔﻮﻟﻪ ﻫﺬﺍ
ﺳﺎﺭﻩ : ﻣﺶ ﻗﺎﺩﺭﻩ ﻧﺼﺪﻕ
ﻣﺮﻭﻩ : ﺍﺱ ﺧﻼﺹ ﻭ ﺍﻟﻠﻪ ﻗﺮﻳﺐ ﻧﺒﻜﻲ ﺣﺘﻲ ﺍﻧﺎ
ﺳﺎﺭﻩ : ﺗﺮﻳﺤﺖ ﻣﻦ ﻓﺎﻃﻤﻪ ﺑﻌﺪ ﺗﺰﻭﺟﺖ ﻭ ﻳﻮﻡ ﺍﻟﻠﻲ ﻗﺮﺭ ﻳﺨﻄﺐ ﺧﻄﺐ ﻭﺣﺪﻩ ﻏﻴﺮﻱ
ﻣﺮﻭﻩ : ﺍﻧﺘﻲ ﻋﺎﺭﻓﻪ ﺍﻧﻪ ﻣﻌﺘﺰ ﻳﺸﻮﻑ ﻓﻴﻨﺎ ﻛﻴﻒ ﺧﻮﺍﺗﻪ ﻭ ﻋﻤﺮﻩ ﻣﺎ ﺑﻴﻨﻠﻚ ﺍﻧﻪ ﻳﺤﺒﻚ ﻭ ﻻ ﻳﺒﻴﻚ
ﺳﺎﺭﻩ : ﺣﺎﺳﻪ ﺭﻭﺣﻲ ﺑﺘﻄﻠﻊ
ﻫﻨﺎﺩﻱ : ﻣﻌﺘﺰ ﻛﻨﻚ ﻣﺼﺒﻲ ﻫﻨﺎ
ﺍﻧﺎ : ﻻ ﻛﻨﺖ ﻧﺒﻲ ﻧﺸﺮﺏ ﺍﻣﻴﻪ ﺑﺲ
ﻣﺮﻭﻩ : ﺍﺣﻤﻤﻢ ﺍﻟﻒ ﻣﺒﺮﻭﻙ ﻳﺎ ﻣﻌﺘﺰ
ﺍﻧﺎ : ﻳﺒﺎﺭﻙ ﻓﻴﻚ ﻭ ﻋﻘﺒﺎﻟﻚ
ﻣﺮﻭﻩ : ﺗﺴﻠﻢ
ﺍﻧﺎ : ﺳﺎﺭﻩ ﻛﻨﻚ
ﺳﺎﺭﻩ : ﻣﺎ ﻛﻨﻲ ﺷﻲ ﻏﻴﺮ ﻣﺮﻳﻀﻪ
ﺍﻧﺎ : ﻻﺑﺄﺱ ﻋﻠﻴﻚ
ﻣﺮﻭﻩ : ﺳﺮﻭ ﻫﻴﺎ
ﺍﻧﺎ : ﻣﺮﻭﻩ ﺍﻃﻠﻌﻲ ﺍﻧﺘﻲ ﻭ ﺧﻠﻲ ﺳﺎﺭﻩ
ﻣﺮﻭﻩ : ﻟﻴﺶ ؟
ﺍﻧﺎ : ﻧﺒﻴﻬﺎ ﻓﻲ ﺣﺎﺟﻪ
ﺳﺎﺭﻩ : ﻧﺒﻲ ﻧﻤﺸﻲ ﻧﺪﻳﺮ ﺍﻟﺸﺎﻫﻲ ﻭ ﻧﺴﺨﻦ ﺍﻟﻤﻮﺍﻟﺢ
ﺍﻧﺎ : ﺑﺎﻫﻲ ﺍﻟﻴﻮﻡ ﺑﺎﻳﺘﻪ !!
ﺳﺎﺭﻩ : ﻻﻻ
ﺍﻧﺎ : ﺧﻠﻴﻚ ﺑﺎﻳﺘﻪ
ﺳﺎﺭﻩ : ﻳﺴﺘﺮ ﺍﻟﻠﻪ
ﺧﺬﻳﺖ ﻃﺎﺳﺔ ﺍﻣﻴﻪ ﻭ ﻃﻠﻌﺖ ﻭ ﻣﺘﻠﺨﺒﻂ ﺑﻜﻞ ، ﻣﺶ ﻉ ﺣﺎﺟﻪ ﺑﺲ ﺳﺎﺭﻩ ﻫﺬﻩ ﻧﺼﻲ ﻭ ﻛﻴﻒ ﺧﻴﺘﻲ ﻏﺮﻳﺒﻪ ﻣﺎ ﻻﺣﻈﺘﺶ ﺃﻧﻬﺎ ﺗﺒﻴﻨﻲ
ﻋﺎﺭﻓﻬﺎ ﺗﺤﺒﻨﻲ ﺑﺲ ﻷﻧﻪ ﻣﺎ ﻋﻨﺪﻫﺶ ﺧﻮﺕ ﻭ ﻣﺘﻌﻮﺩﻩ ﻋﻠﻴﻨﺎ ﻣﻦ ﻭ ﻧﺤﻦ ﺻﻐﺎﺭ
" ﺳﺎﺭﻩ & ﻣﺮﻭﻩ "
ﺳﺎﺭﻩ : ﺣﻲ ﻋﻠﻴﺎ ﺍﻛﻴﺪﻩ ﺳﻤﻌﻨﻲ
ﻣﺮﻭﻩ : ﺗﺴﺘﺎﻫﻠﻲ ﻳﺎ ﻣﻬﺰﺑﻪ
ﺳﺎﺭﻩ : ﺷﻦ ﻧﺪﻳﺮ ﺗﻮﺍ
ﻣﺮﻭﻩ : ﺧﻠﻴﻚ ﻋﺂﺩﻳﻪ ﻭ ﻛﺎﻥ ﺳﺄﻟﻚ ﻗﻮﻟﻴﻠﻪ ﻣﺶ ﺷﻮﺭﻙ
ﺳﺎﺭﻩ : ﻭ ﻛﺎﻥ ﻗﺎﻟﻲ ﺳﻤﻌﺘﻚ ﻭ ﺍﻧﺘﻲ ﺗﺤﻜﻲ
ﻣﺮﻭﻩ : ﻗﻮﻟﻴﻠﻪ ﻧﺤﻜﻲ ﻉ ﻭﺍﺣﺪ ﺁﺧﺮ
ﺳﺎﺭﻩ : ﺗﻲ ﻫﺬﺍ ﻭﻳﻦ ﻛﺮﻫﻨﻲ
ﻣﺮﻭﻩ : ﺳﺎﺭﻩ ﺭﺁﻩ ﻛﻒ
ﺳﺎﺭﻩ : ﺑﺎﻫﻲ ﺗﻮ ﻧﻘﻮﻟﻪ ﻣﺶ ﺷﻮﺭﻙ
ﻣﺮﻭﻩ : ﻭ ﺩﻳﺮﻱ ﺭﻭﺣﻚ ﻓﺮﺣﺎﻧﻪ ﻋﺸﺎﻥ ﺧﻄﺐ
ﺳﺎﺭﻩ : ﻭ ﺣﻖ ﺭﺑﻲ ﻓﺮﺣﺎﻧﻪ ﺍﺻﻼ ﻋﺸﺎﻥ ﺧﻼﺹ ﺗﺮﻳﺢ ﻣﻦ ﻓﺎﻃﻤﻪ ﻭ ﺩﺍﺭ ﺧﻄﻮﻩ
ﻣﺮﻭﻩ : ﺣﺘﻲ ﺍﻧﺎ ﻭ ﺍﻟﻠﻪ ﻣﺶ ﻣﺼﺪﻗﻪ ﺑﺲ ﺭﺑﻲ ﻋﻮﺿﻪ
ﺳﺎﺭﻩ : ﺭﺑﻲ ﻳﺘﻤﻤﻠﻪ ﻉ ﺧﻴﺮ
ﻣﺮﻭﻩ : ﺁﻣﻴﻦ ﻳﺎ ﺭﺏ
ﺳﺎﺭﻩ : ﻫﻴﺎ ﺑﺎﻩ ﻧﺪﻳﺮﻭ ﺍﻟﺸﺎﻫﻲ
ﻣﺮﻭﻩ : ﻫﻴﺎ ﻧﻜﻠﻢ ﺇﺳﺮﺍﺀ ﺑﺲ
~
~
~
ﻗﻌﻤﺰﺕ ﻓﻲ ﺍﻟﻤﺮﺑﻮﻋﻪ ﻭ ﺻﻮﺕ ﺳﺎﺭﻩ ﻓﻲ ﻭﺫﻧﻲ ﻭ ﻫﻴﺎ ﺗﺒﻜﻲ
ﺃﺣﻤﺪ : ﺍﻭﻭﻱ ﺍﻟﻌﺮﻳﺲ ﻭﻳﻦ ﺳﺎﺭﺡ
ﺍﻧﺎ : ﻻﻻ ﺷﻲ
ﺃﺣﻤﺪ : ﻛﻨﻚ ﺗﻔﺘﺮﺵ
ﺍﻧﺎ : ﺷﻦ ﻛﻨﺖ ﺗﺤﻜﻲ ﺍﻧﺖ ﺍﺻﻼ
ﺃﺣﻤﺪ : ﻣﺶ ﻣﻌﺎﻳﺎ ﺭﺳﻤﻲ
ﺍﻧﺎ : ﻣﻌﺎﻙ ﻣﻌﺎﻙ
ﺃﺣﻤﺪ : ﻛﻠﻤﻠﻲ ﻫﻨﺎﺩﻱ ﺑﺎﻩ ﻭﻗﺖ ﺧﻼﺹ
ﺍﻧﺎ : ﺭﺍﺟﻲ ﺍﻟﺸﺎﻫﻲ
ﻳﻮﺳﻒ : ﻧﺎﺻﺮ ﺻﺒﻲ ﺟﻴﺐ ﺍﻟﺴﻔﺮﻩ
ﻧﺎﺻﺮ : ﺑﺎﻩ
ﻋﻤﻲ : ﻛﻴﻒ ﺣﺎﻟﻚ ﻳﺎ ﺃﺣﻤﺪ
ﺃﺣﻤﺪ : ﺍﻟﺤﻤﺪ ﻟﻠﻪ ﻳﺎ ﻋﻤﻲ ﻛﻴﻒ ﺣﺎﻟﻚ ﺍﻧﺖ
ﻋﻤﻲ : ﺍﻟﺤﻤﺪ ﻟﻠﻪ ، ﻛﻨﻚ ﻣﺎ ﺗﺠﻲ ﺍﻧﺖ ﻭ ﻣﺮﺍﺗﻚ ﻋﻨﺪﻧﺎ
ﺃﺣﻤﺪ : ﺃﻥ ﺷﺎﺀ ﺍﻟﻠﻪ ﺍﻷﻳﺎﻡ ﺍﻟﺠﺎﻳﻪ
ﻋﻤﻲ : ﺿﺮﻭﺭﻱ ﻧﺸﺤﺘﻮﻫﺎ ﻣﻨﻚ ﻳﻌﻨﻲ
ﺃﺣﻤﺪ : ﻭ ﺍﻟﻠﻪ ﻣﻦ ﺍﻟﻌﻤﻞ ﻟﻠﺤﻮﺵ ﻭ ﻣﻦ ﺍﻟﺤﻮﺵ ﻟﺠﺎﻣﻌﻪ
ﻋﻤﻲ : ﺭﺑﻲ ﻣﻌﺎﻙ
~
~
~
ﻧﺎﺻﺮ : ﻫﻨﺎﺩﻱ ﻭﻳﻦ ﺍﻟﺸﺎﻫﻲ
ﻫﻨﺎﺩﻱ : ﻫﻴﺎ ﻟﺤﻈﻪ ﺑﺲ
ﺇﺳﺮﺍﺀ : ﻋﻄﻴﻨﻲ ﺗﺒﺴﻲ ﻧﺤﻂ ﻓﻴﻪ ﺍﻟﺒﻴﺘﺰﺍ
ﻧﺎﺻﺮ : ﺗﻮ ﻧﻌﻄﻴﻚ ﺍﻧﺎ ♡_♡
ﻫﻨﺎﺩﻱ : ﻻ ﺻﺤﻴﺖ ﺭﻳﺢ ﺭﻭﺣﻚ ﺍﻧﺖ
ﺇﺳﺮﺍﺀ : ﻫﻬﻬﻪ ﺻﺤﻴﺘﻲ ﻳﺎ ﻫﻨﻮ
ﺳﺎﺭﻩ : ﻫﺎﻙ ﺍﻟﺸﺎﻫﻲ
ﻧﺎﺻﺮ : ﺭﺍﺟﻲ ﺇﺳﺮﺍﺀ ﺗﺤﻂ ﺍﻟﺘﺒﺴﻲ ﻗﺒﻞ ♡_♡
ﺳﺎﺭﻩ : ﺃﺛﻘﻞ ﻳﺎ ﻫﺒﻞ
ﻧﺎﺻﺮ : ﻗﺼﺪﻙ ﺑﺎﻳﻦ ﻋﻠﻴﺎ
ﺳﺎﺭﻩ : ﺗﻲ ﻣﺶ ﻏﻴﺮ
ﺇﺳﺮﺍﺀ : ﻫﺎﻙ ﻫﻲ
ﻧﺎﺻﺮ : ﺻﺤﻴﺘﻲ ﻭ ﻣﻌﺶ ﺍﺗﻌﺒﻮﻫﺎ
ﻫﻨﺎﺩﻱ : ﻣﺎ ﻋﻠﻴﻚ ﻓﻴﻬﺎ
ﺇﺳﺮﺍﺀ : ﻫﻬﻬﻬﻪ ﻧﺠﻚ
ﻃﻠﻊ ﻧﺎﺻﺮ ﻭ ﺍﻟﻀﺤﻜﻪ ﻉ ﻭﺟﻪ ﻭ ﻓﻬﻤﺖ ﺍﻧﻪ ﺷﺎﻑ ﺇﺳﺮﺍﺀ ﺟﻮ " ﻱ ﻋﻠﻴﻚ ﻋﻴﻠﻪ "
ﻣﺸﻰ ﺍﻟﺠﻮ ﺗﻤﺎﻡ ﻭ ﺑﻌﺪﻫﺎ ﻛﻞ ﺣﺪ ﺭﻭﺡ ﻭ ﺣﺘﻲ ﺳﺎﺭﻩ ﺟﺖ ﺗﺒﻲ ﺗﻄﻠﻊ ﺑﺲ ﻗﻠﺖ ﻝ ﺍﻣﻲ ﺗﻤﺴﻜﻬﺎ
ﻭ ﻗﻌﺪﺕ ﺑﺲ ﻛﺎﻥ ﺑﺎﻳﻦ ﻋﻠﻴﻬﺎ ﺍﻟﺨﻮﻑ
ﺭﻛﺐ ﺧﻠﻴﻞ ﻣﻊ ﻣﺮﺍﺗﻪ ﻭ ﺧﺶ ﻳﻮﺳﻒ ﻟﺪﺍﺭﻩ ﻫﻮﺍ ﻭ ﺭﺣﻤﻪ ﻭ ﺍﻣﻲ ﺧﺸﺖ ﺭﻗﺪﺕ
ﺳﺎﺭﻩ : ﻧﺒﻲ ﻧﺨﺶ ﻧﺮﻗﺪ ﺣﺘﻲ ﺍﻧﺎ
ﻧﺎﺻﺮ : ﺣﺘﻲ ﺍﻧﺎ ﻣﻌﺶ ﻧﺸﻮﻑ ﻓﻲ ﺷﻲ ﻗﺪﺍﻣﻲ
ﺍﻧﺎ : ﺧﺶ ﻳﺎ ﻧﺎﺻﺮ ، ﺳﺎﺭﻩ ﻧﺒﻴﻚ ﺷﻮﻳﻪ
ﺳﺎﺭﻩ : ﺷﻦ ﻓﻲ ؟
ﻧﺎﺻﺮ : ﺣﺎﺳﺲ ﺍﻧﻪ ﺳﺎﺭﻩ ﻣﺘﻐﻴﺮﻩ ﻣﻦ ﻓﺘﺮﻩ
ﺍﻧﺎ : ﺧﺶ ﺍﺭﻗﺪ ﻭ ﺍﻧﺖ ﺳﺎﻛﺖ
ﻃﻔﻴﺖ ﺍﻟﺴﺒﺴﻲ ﻭ ﻗﺘﻠﻬﺎ ﻧﺒﻴﻚ ﻓﻲ ﺍﻟﻤﺮﺑﻮﻋﻪ ﻋﺸﺎﻥ ﻣﺎ ﺣﺪ ﻳﺴﻤﻌﻨﺎ
ﺳﺎﺭﻩ : ﻣﻌﺘﺰ ﺷﻦ ﻓﻲ ﺗﻲ ﺧﻮﻓﺘﻨﻲ
ﺍﻧﺎ : ﻛﻨﻚ ﻣﺎ ﻗﻠﺘﻴﻠﻲ ؟
ﺳﺎﺭﻩ : ﺷﻦ ﻧﻘﻮﻟﻚ ؟
ﺍﻧﺎ : ﺍﻧﻚ ﺗﺤﺒﻴﻨﻲ
ﺳﺎﺭﻩ : ﻫﻬﻬﻬﻪ ﻣﻦ ﻗﺒﻞ ﻗﺘﻠﻚ ﺗﻲ ﻧﺎﻗﺼﻨﻲ ﻏﻴﺮ ﺯﻭﻟﻚ
ﺍﻧﺎ : ﺳﺎﺭﻩ ﺑﻄﻠﻲ ﺿﺤﻚ ﻭ ﺍﻧﺎ ﺳﻤﻌﺖ ﻛﻞ ﺣﺎﺟﻪ
ﺳﺎﺭﻩ : ﻛﺎﻥ ﺗﻘﺼﺪ ﻉ ﻛﻼﻣﻲ ﺍﻟﻠﻲ ﻣﻊ ﻣﺮﻭﻩ ﻣﺶ ﺷﻮﺭﻙ ﺭﺁﻩ ﻧﺤﻜﻲ ﻉ ﻭﺍﺣﺪ ﺁﺧﺮ
ﺍﻧﺎ : ﻭ ﺍﻟﻮﺍﺣﺪ ﺍﻵﺧﺮ ﻛﺎﻥ ﻳﺤﺐ ﻭﺣﺪﻩ ﺍﺳﻤﻬﺎ ﻓﺎﻃﻤﻪ !!
ﺳﺎﺭﻩ : ﺗﻲ
ﺍﻧﺎ : ﺍﺣﻜﻲ ﺑﺼﺮﺍﺣﻪ
ﺳﺎﺭﻩ : ﺗﻢ ، ﺃﻧﺎ ﻧﺤﺒﻚ ﺑﺲ ﻣﺶ ﻧﻔﺲ ﺣﺒﻚ ﺍﻧﺖ ﻭ ﻓﺎﻃﻤﻪ
ﺍﻧﺎ : ﻛﻴﻒ !!
ﺳﺎﺭﻩ : ﻳﻌﻨﻲ ﻣﺶ ﺣﺐ ﺍﻣﺘﻼﻙ ﻭ ﺿﺮﻭﺭﻱ ﺗﻜﻮﻥ ﻟﻴﺎ ، ﺻﺎﺡ ﺣﺒﻴﺘﻚ ﻭ ﻳﻤﻜﻦ ﺃﻛﺜﺮ ﻣﻦ ﺣﺐ ﻣﻼﻙ ﻟﻚ ﺑﺲ ﺍﻟﺤﺐ ﺗﻀﺤﻴﻪ
ﺍﻧﺎ : ﺩﻭﺧﺘﻴﻨﻲ ﻳﺎ ﺑﻨﺖ
ﺳﺎﺭﻩ : ﺍﻟﻔﺮﺣﻪ ﺍﻟﻠﻲ ﺷﻔﺘﻬﺎ ﻓﻲ ﻋﻴﻮﻧﻚ ﺍﻟﻴﻮﻡ ﺗﻜﻔﻲ ﻭ ﺗﺨﻠﻴﻨﻲ ﻓﺮﺣﺎﻧﻪ ﺣﺘﻲ ﺍﻧﺎ
ﺍﻧﺎ : ﺗﺤﺒﻴﻨﻲ ﺑﺲ ﻣﺎ ﺗﺒﻨﻴﺶ ﻟﻜﻲ ! ﻭ ﻓﺮﺣﺘﻲ ﻋﺸﺎﻥ ﺧﻄﺒﺖ
ﺳﺎﺭﻩ : ﻣﺶ ﻋﺸﺎﻥ ﺧﻄﺒﺖ ، ﻻﻻ ﻋﺸﺎﻥ ﺧﻼﺹ ﺭﺑﻲ ﻋﻮﺿﻚ ﻭ ﻋﻄﺎﻙ ﻉ ﻗﺪ ﻧﻴﺘﻚ
ﺍﻧﺎ : ﻳﺎ ﻧﺠﻚ ﻟﻴﺎ ﻭ ﺧﻼﺹ
ﺳﺎﺭﻩ : ﻭ ﻧﺠﻚ ﻳﺎ ﻫﺒﻞ ﺗﻲ ﻋﺴﻞ ﺍﻟﻌﻴﻠﻪ ﺍﻧﺖ ﻛﻠﻨﺎ ﻧﺒﻮ ﻓﺮﺣﺘﻚ
ﺍﻧﺎ : ﺑﺎﻩ ﻧﺒﻲ ﻧﻔﺘﺢ ﻣﻌﺎﻙ ﻣﻮﺿﻮﻉ
ﺳﺎﺭﻩ : ﺷﻦ ﻓﻲ
ﺍﻧﺎ : ﻓﻲ ﻭﺍﺣﺪ ﺣﺎﻁ ﻋﻴﻨﻪ ﻋﻠﻴﻚ
ﺳﺎﺭﻩ : ﻫﻬﻬﻬﻪ ﻣﻦ ﺍﻟﻠﻲ ﺃﻣﻪ ﺩﺍﻋﻴﻪ ﻋﻠﻴﻪ
ﺍﻧﺎ : ﻧﺤﻜﻲ ﺟﺪ ﻳﺎ ﻓﺮﺧﻪ
ﺳﺎﺭﻩ : ﺗﻲ ﻓﻜﻨﻲ ﻣﺶ ﻣﻘﺘﻨﻌﻪ ﺑﺎﻟﺠﻮ ﻫﺬﺍ
ﺍﻧﺎ : ﻣﺎ ﻗﺘﻠﻜﺶ ﻋﻼﻗﻪ ﻳﺒﻲ ﺣﺎﺟﻪ ﺭﺳﻤﻴﻪ
ﺳﺎﺭﻩ : ﺗﺆﺗﺆ ﻧﺒﻴﺶ
ﺍﻧﺎ : ﻏﻴﺮ ﺍﻋﺮﻓﻲ ﻣﻦ ﻗﺒﻞ
ﺳﺎﺭﻩ : ﺳﺎﺩ ﻓﺎﺭﺱ ﺃﺣﻼﻣﻲ ﻧﺸﻮﻓﻪ ﻣﺘﻬﻨﻲ
ﺍﻧﺎ : ﺷﻦ ﻗﺼﺔ ﺍﻟﻔﺮﺳﺎﻥ ؟؟ ﻓﻲ ﻣﺴﻠﺴﻞ ﻫﻜﻲ ﻭ ﻻ ﺷﻦ ﺗﻲ ﺣﺘﻲ ﺍﻟﻬﺒﻠﻪ ﺍﻻﺧﺮﻩ ﻣﺎﺳﻜﻪ ﻗﺼﺔ ﻓﺎﺭﺱ ﻭ ﺑﻄﻞ ﺷﻦ ﻣﻮﺿﻮﻋﻜﻦ
ﺳﺎﺭﻩ : ﻫﻬﻬﻬﻬﻬﻪ ﻋﺪﻱ ﺍﺳﺎﻟﻬﺎ
ﺍﻧﺎ : ﺳﺮﺳﻮﺭﻩ ﺟﻮﻙ ﺗﻤﺎﻡ !! ﻣﺶ ﺯﻋﻼﻧﻪ ﻣﻨﻲ ﻣﺎﻩ !
ﺳﺎﺭﻩ : ﺗﻲ ﻭ ﺣﻖ ﺭﺑﻲ ﺟﻮﻱ ﻋﺴﻞ ﺑﻜﻞ ﺗﻲ ﻋﻨﺠﺪ ﻧﺰﻋﻞ ﻣﻨﻚ
ﺍﻧﺎ : ﻃﻤﻨﺘﻴﻨﻲ ﻫﻜﻲ
ﺳﺎﺭﻩ : ﺗﺼﺒﺢ ﻉ ﺧﻴﺮ ﺑﺎﻩ
ﺍﻧﺎ : ﻛﺎﻥ ﻣﺶ ﺧﺎﻃﺐ ﺭﺍ ﻗﺘﻠﻚ ﻭ ﺍﻧﺘﻲ ﻣﻦ ﺃﻫﻠﻲ
ﺳﺎﺭﻩ : ﻋﺪﻱ ﻳﺎ ﻗﻠﻴﻞ ﺍﻷﺩﺏ
ﺍﻧﺎ : ﺑﺎﻩ
~
~
ﺗﺮﻳﺤﺖ ﻋﺸﺎﻥ ﺣﻜﻴﺖ ﻣﻌﺎﻫﺎ ﻭ ﻓﻬﻤﺘﻬﺎ ، ﻣﺸﻴﺖ ﻟﺪﺍﺭ ﻭ ﻟﻘﻴﺖ ﻣﻼﻙ ﺭﺍﻧﻪ ﺃﻛﺜﺮ ﻣﻦ ﻣﺮﻩ ﺧﺬﻳﺖ ﻣﺨﺪﺗﻲ ﻭ ﻃﻠﻌﺖ ﻟﻠﻤﺮﺑﻮﻋﻪ ﻭ ﺭﻧﻴﺖ ﻋﻠﻴﻬﺎ
ﺍﻧﺎ : ﺧﺨﺨﻴﺮ ﻳﺎ ﺳﻤﺤﺘﻲ
ﻣﻼﻙ : ﺍﻫﻠﻴﻦ ﻳﺎ ﺑﻴﺒﻲ
ﺍﻧﺎ : ﺷﻦ ﺟﻮﻙ ﻳﺎ ﻣﺮﺍﺗﻲ
ﻣﻼﻙ : ﺭﺁﻩ ﺗﺼﺪﻕ ﺭﻭﺣﻚ ﺑﺲ
ﺍﻧﺎ : ﺗﻲ ﻗﺮﻳﺖ ﻓﺎﺗﺤﻪ ﻓﻴﻚ ﻋﺪﻱ ﺩﺍ
ﻣﻼﻙ : ﻣﻦ ﺃﻭﻟﻬﺎ ﺩﺍ
ﺍﻧﺎ : ﺗﻲ ﺩﺍ ﻳﺸﻴﻠﻨﻲ ﺍﻧﺎ
ﻣﻼﻙ : ﺑﻌﻴﺪ ﺍﻟﺴﻮ ﻉ ﺭﻭﺣﻲ
ﺍﻧﺎ : ﻧﻌﻠﻴﺎ ﻣﻨﻚ
ﻣﻼﻙ : ﻭ ﻣﻨﻚ
ﺍﻧﺎ : ﺗﻲ ﻭﻳﻦ ﻉ ﺍﻟﺴﻤﺎﺣﻪ ﺍﻟﻴﻮﻡ
ﻣﻼﻙ : ﻫﻬﻬﻬﻪ ﻭ ﺃﺧﻴﺮﺍ ﻛﻤﻞ ﺍﻟﻴﻮﻡ
ﺍﻧﺎ : ﺗﻲ ﻭ ﺍﻟﻠﻪ ﻣﺶ ﻣﺼﺪﻕ
ﻣﻼﻙ : ﻭ ﻻ ﺍﻧﺎ
ﺍﻧﺎ : ﺃﻣﺘﻲ ﻧﺠﻴﺒﻚ ﻋﻨﺪﻱ ﺑﺲ
ﻣﻼﻙ : ﺧﻼﺹ ﻫﺎﻧﺖ
ﺍﻧﺎ : ﺗﻲ ﺷﻬﺮﻳﻦ ﺍﺯﺡ ﻭﺍﺟﺪ
ﻣﻼﻙ : ﺗﻮ ﻳﻤﺸﻦ ﺑﺴﺮﻋﻪ
ﺍﻧﺎ : ﺑﺎﻩ ﻧﺒﻲ ﻧﻘﻮﻟﻚ ﺣﺎﺟﻪ v:
ﻣﻼﻙ : ﻣﻌﺘﺰ ﻭ ﺣﻖ ﺭﺑﻲ ﻧﻔﺼﻞ -_-
ﺍﻧﺎ : ﺗﻲ ﺗﻮﺍ ﻗﻠﺖ ﺣﺎﺟﻪ ﺍﻧﺎ D:
ﻣﻼﻙ : ﻋﺎﺭﻓﺘﻚ ﻭ ﺣﺎﻓﻈﺘﻚ
ﺍﻧﺎ : ﺑﺎﻩ ﻓﺶ ﻭﺣﺪﻩ ﻉ ﺍﻟﺴﺮﻳﻊ ﻫﻜﻲ v:
ﻣﻼﻙ : ﺗﺼﺒﺢ ﻉ ﺧﻴﺮ ﻫﻲ
ﺍﻧﺎ : ﺗﻲ ﻋﺸﺎﻥ ﺑﻮﺳﻪ ﺍﻣﺎﻻ ﺑﻌﺪ ﺍﻟﻌﺮﺱ D:
ﻣﻼﻙ : ﺳﺨﻴﻒ ﻭ ﺣﻖ ﺭﺑﻲ
ﺍﻧﺎ : ﻣﺮﺍﺗﻲ ﺃﺯﻓﺖ D:
ﻣﻼﻙ : ﻟﻤﺎ ﻧﺪﻳﺮﻭ ﻋﺮﺱ ﻫﺬﻙ ﺍﻟﻮﻗﺖ ﻣﺮﺍﺗﻚ
ﺍﻧﺎ : ﻭ ﺑﺎﻩ ﻳﺎ ﻃﺸﺘﻲ v:
ﻗﻌﺪﻧﺎ ﻧﻬﺪﺭﺯﻭ ﻭ ﺟﻮﻧﺎ ﻟﻮﺯ ﺍﻟﻠﻮﺯ ﻭ ﻣﺸﺖ ﺣﻴﺎﺗﻲ ﻋﺂﺩﻳﻪ ﺑﻴﻦ ﺍﻟﺠﺎﻣﻌﻪ ﻭ ﺍﻟﻤﺤﻞ ﻭ ﻳﻮﻣﻴﺎ ﻣﻊ ﻣﻼﻙ ﻉ ﺍﻟﻔﻮﻥ ﻉ ﻗﻮﻟﻬﺎ D:
ﻣﺸﻰ ﺃﺳﺒﻮﻉ ﻫﻜﻲ ﻭ ﺑﺪﺃ ﻳﻮﺳﻒ ﻳﻔﺮﺵ ﻓﻲ ﺷﻘﺘﻪ ﻭ ﺳﻜﻦ ﻓﻴﻬﺎ ﺭﺳﻤﻲ ﻭ ﻃﻠﻌﺖ ﺍﻟﻤﺪﺍﻡ ﺣﺎﻣﻞ v:
ﻛﻤﻞ ﺍﻭﻝ ﺷﻬﺮ ﻭ ﺍﻧﺎ ﻣﺎ ﺩﺭﺗﺶ ﺷﻲ
ﺑﺪﻳﺖ ﻧﻔﻄﻦ ﻟﺮﻭﺣﻲ ﻭ ﻣﺸﻴﺖ ﺣﺠﺰﺕ ﻣﻦ ﺻﺎﺣﺐ ﺣﻤﺪ ﺍﻟﻠﻲ ﻓﻲ ﺗﺮﻛﻴﺎ ﻭ ﻭﺻﻴﺘﻪ ﻉ ﺩﺍﺭ ﻧﻮﻡ
ﻃﺒﻌﺎ ﻩ ﻧﺮﺩ ﻟﺪﺍﺭ ﺍﻟﻘﺪﻳﻤﻪ ﻭ ﺩﺭﺗﻠﻬﺎ ﺑﺮﻣﻪ ﻭ ﺟﻮ ﺯﻭﺍﻕ ﻭ ﺻﻴﺎﻧﻪ ﻟﻠﺤﻤﺎﻣﺎﺕ ﻭ ﺍﻟﻜﻮﺟﻴﻨﻪ ﻭ ﻏﻴﺮﺕ ﺻﺎﻟﻮﻥ ﺩﺍﺭ ﺍﻟﻤﻌﻴﺸﻪ ﺍﻟﻠﻲ ﺑﻴﻦ ﺩﺍﺭﻱ ﻭ ﺩﺍﺭ ﻧﺎﺻﺮ
ﺍﻟﺸﻬﺮ ﺍﻟﺜﺎﻧﻲ ﻗﻌﺪﺕ ﻛﻞ ﻳﻮﻡ ﻣﻦ ﺍﻟﺼﺒﺢ ﻋﻨﺪ ﺍﻟﻠﻴﻞ ﻳﺎ ﺍﻣﺎ ﻣﻊ ﺍﻟﻌﻤﺎﻝ ﻳﺎ ﺃﻣﺎ ﻧﺸﺮﻱ ﻓﻲ ﺣﺎﺟﺎﺕ
ﻣﺸﻰ ﺃﺣﻤﺪ ﻭ ﻫﻨﺎﺩﻱ ﺣﺠﺰﻭ ﻓﻲ ﺍﻟﻘﺎﻋﻪ ﻭ ﻛﺎﻧﺖ ﺍﻟﻬﺪﻳﻪ ﻣﺘﺎﻋﻬﻢ
ﻭ ﻳﻮﺳﻒ ﺷﻮﺭﻩ ﺍﻟﻔﺮﻗﻪ v: ﻭ ﻛﺎﻥ ﺑﻮﻓﺎ ﺍﻟﺴﻼﻙ ﻭ ﺣﻨﺎﻥ ﺍﻟﻌﺮﻳﺒﻲ " ﻧﻌﺮﻓﻬﻢ ﻭ ﺭﻏﻢ ﺃﻧﻪ ﺑﻮﻓﺎ ﺃﻏﺎﻧﻴﻪ ﺟﻮ ﻓﺮﻗﻪ ﺑﺲ ﻧﺴﻤﻌﻠﻪ v: "
ﺧﻠﻴﻞ : ﺗﻘﺮﻳﺒﺎ ﻛﻞ ﺣﺎﺟﻪ ﻭﺍﺗﻴﻪ
ﺍﻧﺎ : ﺃﻥ ﺷﺎﺀ ﺍﻟﻠﻪ
ﺍﻣﻲ : ﻣﺎﺯﺍﻝ ﺑﺎﻗﻲ ﺍﻟﺬﻫﺐ ﺑﺲ
ﺧﻠﻴﻞ : ﻫﺬﻳﻦ ﺍﻟﻔﻴﻦ ﻣﻨﻲ ﻟﺬﻫﺐ
ﺍﻣﻲ : ﻣﺎ ﺷﺎﺀ ﺍﻟﻠﻪ ﻣﺎ ﺷﺎﺀ ﺍﻟﻠﻪ
ﺍﻧﺎ : ﺻﺤﻴﺖ ﻭ ﻧﺮﺩﻫﺎ ﻟﻚ ﻓﻲ ﻋﺮﺱ ﺟﻮﺭﻱ v:
ﻧﺎﺻﺮ : ﻭ ﺍﻧﺎ ﺷﻦ ﻧﻌﻄﻴﻚ ﻫﺪﻳﻪ -_-
ﺍﻧﺎ : ﺗﻲ ﻧﻌﻠﻴﺎ ﻣﻨﻚ ﺍﻧﺖ ﻏﻴﺮ ﻃﻠﺘﻚ ﻋﻠﻴﺎ ﻫﺪﻳﻪ ﻳﺎ ﻓﺮﺥ D:
ﻧﺎﺻﺮ : ﻛﻴﻔﻲ ﻛﻴﻔﻬﻢ ﻣﺎ ﺩﺧﻠﻨﻴﺶ 3:
ﺍﻧﺎ : ﺷﻦ ﻋﻨﺪﻙ ﺑﺎﻩ D:
ﻧﺎﺻﺮ : ﻋﻨﺪ 500 ﺟﻨﻴﻪ
ﺍﻧﺎ : ﺗﻮ ﻧﺤﺠﺰ ﺑﻴﻬﻦ ﻓﻲ ﺍﻟﻘﺮﻳﻪ
ﻧﺎﺻﺮ : ﺗﻤﺎﻡ ﺑﻜﻞ
ﺍﻣﻲ : ﻣﺎﺯﺍﻝ ﺍﻟﺴﻴﺎﻕ ﻭ ﺍﻟﻌﺠﻞ
ﻳﻮﺳﻒ : ﻛﻠﻤﻨﻲ ﻋﻤﻲ ﻭ ﻗﺎﻝ ﺷﻮﺭﻱ
ﺭﺣﻤﻪ : ﻣﺎ ﺷﺎﺀ ﺍﻟﻠﻪ ﻛﻞ ﺣﺎﺟﻪ ﺟﺎﺗﻪ ﺳﻤﺤﻪ ﻭ ﻫﺪﻳﻪ
ﺍﻧﺎ : ﻉ ﻗﺪ ﻧﻴﺘﻲ D:
ﺍﻣﻲ : ﺭﺑﻲ ﻳﻜﻤﻞ ﻋﻠﻴﻚ ﺑﺨﻴﺮ
ﺍﻧﺎ : ﺁﻣﻴﻦ ﻳﺎ ﺭﺏ
~
~
~
ﺟﺖ ﺩﺍﺭ ﺍﻟﻨﻮﻡ ﻭ ﺭﻛﺒﻨﺎﻫﺎ ﻭ ﺩﺯﻳﺖ ﺻﻮﺭﻫﺎ ﻝ ﻣﻼﻙ ﻣﻊ ﺭﺣﻤﻪ v:
ﻗﺎﻟﻮ ﻃﺎﻟﻘﻪ ﺍﻟﺸﻴﺎﻧﻪ ﻭ ﻣﺎ ﺗﺒﻴﺶ ﺗﺸﻮﻓﻨﻲ D:
ﺍﻧﺎ : ﻓﺮﺧﻪ ﻛﻨﻚ ﻣﺎ ﺗﺮﺩﻱ ﻉ ﻃﻮﻝ
ﻣﻼﻙ : ﺗﻲ ﺑﺎﺑﺎ ﻛﺎﻥ ﻗﺎﻋﺪ ﻣﻌﺎﻧﺎ
ﺍﻧﺎ : ﺑﺎﻩ ﻣﺮﺍﻳﻒ ﻋﻠﻴﻚ
ﻣﻼﻙ : ﺣﺘﻲ ﺍﻧﺎ ﻭ ﺍﻟﻠﻪ
ﺍﻧﺎ : ﻧﺒﻲ ﻧﺸﻮﻓﻚ ﺑﺎﻩ ﺑﻜﺮﺍ
ﻣﻼﻙ : ﺗﻲ ﻣﺎﺯﺍﻝ ﺃﺳﺒﻮﻋﻴﻦ ﺃﺻﺒﺮ
ﺍﻧﺎ : ﻻﻻ ﻣﺶ ﺷﻮﺭﻱ
ﻣﻼﻙ : ﺑﻴﺒﻲ ﻋﺎﺩ : ‏(
ﺍﻧﺎ : ﺗﻲ ﻧﻀﻌﻒ ﻣﻦ ﺑﻴﺒﻲ ﻫﺬﻩ v:
ﻣﻼﻙ : ﻫﻬﻬﻬﻪ ﺑﺎﻩ ﺍﺣﻜﻴﻠﻲ ﺷﻦ ﺩﺭﺕ
ﺍﻧﺎ : ﺧﻼﺹ ﻛﻤﻠﺖ ﻛﻞ ﺣﺎﺟﻪ ﻣﺎﺯﺍﻝ ﻧﺤﻂ ﺃﺩﺑﺸﻲ ﻓﻲ ﺍﻟﺪﻭﻻﺏ ﺑﺲ
ﻣﻼﻙ : ﻻﻻ ﻣﺎ ﺗﺤﻄﺎﺵ
ﺍﻧﺎ : ﻋﻠﻴﺶ ؟
ﻣﻼﻙ : ﺍﻧﺎ ﻧﺒﻲ ﻧﺤﻄﻪ : ‏(
ﺍﻧﺎ : ﻧﻘﺘﻞ ﺭﻭﺣﻲ ﻭﻻ ﻛﻴﻒ ﺑﺲ D:
ﻣﻼﻙ : ﺑﻌﻴﺪ ﺍﻟﺴﻮ D:
ﺍﻧﺎ : ﺳﻤﺎﺣﻪ ﻭ ﺩﻟﻊ ﻭﺍﺟﺪ ﺗﻲ ﻭ ﺍﻟﻠﻪ ﻭﺍﺟﺪ v:
ﻣﻼﻙ : ﺑﺎﻩ ﻛﻴﻒ ﻣﺎ ﻗﺘﻠﻚ ﺧﻠﻴﻪ ﻓﻲ ﺩﺍﺭ ﻧﺎﺻﺮ ﻭ ﺑﻌﺪﻫﺎ ﺃﻧﻈﻤﻪ ﺍﻧﺎ
ﺍﻧﺎ : ﻣﻦ ﻋﻴﻮﻧﻲ ﻳﺎ ﻃﺸﺘﻲ
ﻣﻼﻙ : ﻧﺠﻚ ﺍﻧﺖ ﻭ ﻋﻴﻮﻧﻚ
ﺍﻧﺎ : ﺑﻌﺪ ﺧﻄﺮﻫﺎ ﺭﺍ ﻳﻮﻡ ﺍﻟﻌﺮﺱ ﻩ ﻧﻄﻠﻌﻮ ﻉ ﺍﻟﻘﺮﻳﻪ ﻉ ﻃﻮﻝ
ﻣﻼﻙ : ﺗﻤﺎﻡ
ﺍﻧﺎ : ﻭﺗﻲ ﺩﺑﺶ ﻓﻲ ﺷﻨﻄﻪ ﻭ ﺧﻤﺎﺭ
ﻣﻼﻙ : ﺧﻤﺎﺭ ﺷﻨﻮ O: !
ﺃﻧﺎ : ﺗﻘﺮﻳﺒﺎ ﻧﺤﻜﻲ ﻋﺮﺑﻲ
ﻣﻼﻙ : ﺳﻤﻌﺘﻚ ﺑﺲ ﺧﻤﺎﺭ ﺷﻦ ﻗﺼﺘﻪ
ﺍﻧﺎ : ﻩ ﺗﻘﻌﺪﻱ ﺗﻄﻠﻌﻲ ﺑﻴﻪ
ﻣﻼﻙ : ﺣﺘﻲ ﻓﻲ ﺍﻟﺠﺎﻣﻌﻪ ﻳﻌﻨﻲ ؟
ﺍﻧﺎ : ﻫﺎﺑﺎ ﻳﺎ ﺣﻠﻮﻩ
ﻣﻼﻙ : ﺗﻲ ﻓﻬﻤﻨﻲ ﺑﺲ
ﺍﻧﺎ : ﺳﺎﻫﻞ ﺳﺎﻫﻞ ﺑﻌﺪﻳﻦ
ﻣﻼﻙ : ﺑﺎﻩ
ﺍﻧﺎ : ﺃﻫﺎ ﺍﺫﻛﺮﺕ ﺭﺍ ﺟﺒﺘﻠﻚ ﺩﺑﺶ ﻣﻦ ﺗﺮﻛﻴﺎ ﻣﺎ ﺗﻜﺜﺮﻳﺶ ﻣﻌﺎﻙ
ﻣﻼﻙ : ﺣﻲ ﻛﺎﻥ ﺗﺸﻮﻑ ﻣﺎﻣﺎ ﻋﻠﻴﻚ ﺣﺎﺟﺎﺕ ﺟﺎﺑﺘﻬﻦ
ﺍﻧﺎ : ﺧﻠﻴﻬﻦ ﻻﺧﺘﻚ v:
ﻣﻼﻙ : ﻫﻬﻬﻬﻬﻪ ﺗﻲ ﻓﻲ ﻋﻴﻨﻬﺎ D:
ﺍﻧﺎ : ﺗﻮ ﻧﺸﺮﻳﻠﻬﺎ ﺍﻧﺎ ﻣﻌﻨﺎﻫﺎ
ﻣﻼﻙ : ﺑﻴﺒﻲ -_-
ﺍﻧﺎ : ﻳﺎ ﺧﻴﺎ D:
ﻣﻼﻙ : ﺑﻄﻞ ﺍﺳﺘﻔﺰﺍﺯ ﺧﻴﺮﻟﻚ
ﺍﻧﺎ : ﺑﺎﻩ ﺑﻄﻠﺖ D:
ﻛﻤﻠﺖ ﻫﺪﺭﺯﻩ ﻣﻌﺎﻫﺎ ﻭ ﺭﻗﺪﺕ ﻭ ﺍﻧﺎ ﻧﺮﺍﺟﻲ ﻓﻲ ﻳﻮﻡ ﺍﻟﻌﺮﺱ ♡_♡
ﻣﺸﻰ ﺍﻟﻮﻗﺖ ﻭ ﺍﻧﺎ ﺑﺪﺍﻝ ﻣﺎ ﻧﻨﻘﺺ ﺑﺎﻟﻌﻜﺲ ﺯﺍﻳﺪ ﻭ ﻋﻀﻼﺕ ﺁﺧﺮﻩ D: ﻣﺶ ﻣﺘﻮﺗﺮ ﺑﻜﻞ v:
ﺟﺎ ﺃﺳﺒﻮﻉ ﺍﻟﻌﺮﺱ ﻭ ﺍﻟﺤﻮﺵ ﻣﻠﻴﺎﻥ ﻭ ﺍﻟﻌﻴﻠﻪ ﻣﻠﺘﻤﻪ ﻭ ﻓﺮﺣﺎﻧﻴﻦ
ﻣﺸﻰ ﻳﻮﻡ ﺍﻟﺴﻴﺎﻕ ﻉ ﺧﻴﺮ ﻭ ﻋﻤﻲ ﺟﺎﺏ ﻋﺠﻞ ﺧﻴﺮﻩ ﻭ ﺣﻀﺮﻩ ﻣﺎ ﺷﺎﺀ ﺍﻟﻠﻪ
ﺳﺎﺭﻩ : ﻭ ﻫﺬﺍ ﻋﺮﺱ ﻋﺴﻞ ﺍﻟﻌﻴﻠﻪ ﻭ ﺍﻟﻌﻘﺒﻪ ﻟﺒﺎﻗﻲ ﺍﻟﻌﻮﻳﻠﻪ ﺣﻲ ﺣﻲ
ﺍﻧﺎ : ﺗﻲ ﺯﻣﺮﻱ D:
ﺳﺎﺭﻩ : ﺭﻭﺭﻭﺭﻭﻭﺭﻭﺭﻳﺶ
ﻫﻨﺎﺩﻱ : ﺣﻲ ﺣﻲ ﻫﺬﺍ ﺍﻟﺼﺢ
ﺇﺳﺮﺍﺀ : ﻫﺬﺍ ﺍﻟﺠﻮ ﺍﻟﻠﻲ ﻧﺒﻮﻩ
ﺍﻧﺎ : ﻭﺣﺪﻩ ﻓﻴﻜﻦ ﺗﺨﺶ ﺗﺠﻴﺒﻠﻲ ﻟﺒﺴﻪ ﺑﺪﺍﻝ ﺍﻟﺼﺪﺍﻉ ﺍﻟﻠﻲ ﺩﺍﻳﺮﺍﺗﻪ
ﺭﺣﻤﻪ : ﻣﺎ ﺷﺎﺀ ﺍﻟﻠﻪ ﻓﺮﺣﺎﻧﺎﺕ
ﺍﻧﺎ : ﻫﺒﺎﻝ ﻫﺬﺍ ﻣﺶ ﻓﺮﺡ D:
ﻣﺮﻭﻩ : ﺍﻟﻠﻲ ﻃﻮﻟﻪ ﻣﻦ ﻃﻮﻝ ﺍﻟﺒﺎﺏ ﻳﺎ ﻣﻮﻻﻱ ﻋﻠﻴﻪ ﺣﺠﺎﺏ
ﺍﻧﺎ : ﺍﻭﻭﻭﺑﺎ ﺟﺖ ﺍﻟﻬﺒﻠﻪ ﺍﻻﺧﺮﻩ D:
ﺇﺳﺮﺍﺀ : ﺃﺳﻤﺮ ﺑﻮ ﻟﺤﻴﻪ ﺧﻔﺎﻓﻲ ﻋﻨﺪﻙ ﺣﻖ ﻋﻠﻴﻪ ﺗﺨﺎﻓﻲ
ﺍﻧﺎ : ﻛﻨﻬﻦ ﻫﺬﻳﻦ 3:
ﻫﻨﺎﺩﻱ : ﺳﻤﺢ ﺍﻟﺼﻮﺏ ﺍﺧﺘﺎﺭ ﻣﻜﺎﻧﻪ ﺷﺮﻗﺎﻭﻱ ﻗﺎﻫﺮ ﻋﺪﻭﺍﻧﻪ ﻟﻮﻟﻮﻟﻮﻟﻮﻟﻲ
ﺍﻧﺎ : ﺗﻲ ﺟﻮﺍ ﻓﻲ ﺻﺒﺎﻳﺎ ﻛﺎﻥ ﻫﺬﺍ ﺭﺍ ﺧﺸﻴﺖ /:
ﺭﺣﻤﻪ : ﺗﻮ ﻧﺠﻴﺒﻠﻚ ﺍﻧﺎ ﺷﻦ ﺗﺒﻲ
ﺍﻧﺎ : ﺃﻱ ﺳﺮﻭﺍﻝ ﻭ ﺍﻟﺴﻮﺭﻳﻪ ﺍﻟﺴﻮﺩﻩ
ﺭﺣﻤﻪ : ﺑﺎﻩ
ﺳﺎﺭﻩ : ﺳﻤﺢ ﺍﻟﺰﻭﻝ ﻭ ﺳﻤﺢ ﺍﻟﻄﻠﻪ ﻳﺎ ﻋﺰﻭ ﻳﺎ ﻋﻤﺮﻱ ﻛﻠﻪ D:
ﺍﻧﺎ : ﻳﺎ ﺃﻣﻲ D:
ﻣﺮﻭﻩ : ﺃﻥ ﺷﺎﺀ ﺍﻟﻠﻪ ﻣﺎ ﺍﻃﺮﻳﺶ ﺣﻨﺘﻬﺎ ﻟﻴﻦ ﺍﺳﺮﻳﻮﻩ ﻓﻲ ﺟﺮﺗﻬﺎ
ﺍﻧﺎ : ﺿﺎﻗﺖ ﺍﻟﺪﻧﻴﺎ ﺗﻐﻨﻦ ﻋﻨﺪ ﻭﺟﻲ D:
ﺇﺳﺮﺍﺀ : ﻟﻮﻟﻮﻟﻮﻟﻮﻟﻲ
ﺍﻧﺎ : ﺍﻟﻌﻘﺒﻪ ﻟﻠﻔﺮﺧﻪ ﻫﺬﻩ ﺑﺲ D:
ﻟﻴﻠﻲ : ﻣﻌﺘﺰ ﻋﺰﻣﺖ ﺗﺎﻣﻲ ؟
ﺭﺣﻤﻪ : ﻫﺎﻙ ﺍﻟﺪﺑﺶ
ﺍﻧﺎ : ﺻﺤﻴﺘﻲ ﻳﺎ ﺭﺣﻤﻪ
ﺳﺎﺭﻩ : ﻟﻴﻠﻲ ﻓﻴﺶ ﺗﺤﺴﻲ ﺍﻧﺘﻲ
ﻣﺮﻭﻩ : ﺿﺮﻭﺭﻱ ﺗﺘﻬﺰﺏ ﻫﺬﻩ ﺧﺰﻱ
ﺳﺎﺭﻩ : ﻧﻌﻦ ﻣﺮﺽ ﺧﺰﻱ ﺷﻠﺘﻮﺗﻪ ﻫﺬﻩ
ﺭﺣﻤﻪ : ﺑﻨﺎﺕ ﺧﻼﺹ
ﻃﺒﻌﺎ ﻣﺎ ﺭﺩﻳﺘﺶ ﺑﺤﺮﻑ ﺗﻲ ﻧﻌﻠﻴﺎ ﻋﻨﺪﻱ ﻓﺮﺧﺎﺕ ﻳﺎﺧﺬﻥ ﺣﻘﻲ v:
ﻃﻠﻌﺖ ﻏﻴﺮﺕ ﺃﺩﺑﺸﻲ ﻋﻨﺪ ﻳﻮﺳﻒ ﻭ ﻧﺰﻟﺖ ﻣﻊ ﺍﻟﺸﺒﺎﺏ ﻭ ﻛﺎﻥ ﺗﺎﻧﻲ ﻳﻮﻡ ﺍﻟﻌﺸﺎﺀ ﻣﺘﺎﻉ ﺍﻟﺮﺟﺎﻟﻪ
ﻋﺰﻣﺖ ﺍﻟﺸﺒﺎﺏ ﻛﻠﻬﻢ ﻭ ﺷﺒﺎﺏ ﺍﻟﻌﻴﻠﻪ ﻋﺎﺩ ﻭ ﺗﺎﻧﻲ ﻳﻮﻡ ﺭﻛﺒﻮ ﺍﻟﺨﻴﻤﻪ ﻭ ﺍﻟﺠﻮ ﻣﺶ ﻃﺒﻴﻌﻲ v:
" ﺑﺎﻟﻨﺴﺒﻪ ﻝ ﺗﺎﻣﻲ !! ﻣﺎ ﺣﺒﻴﺘﺶ ﻧﻘﻮﻟﻠﻬﺂ ﻣﻬﻤﺎ ﻛﺎﻥ ﻣﺎﺯﻟﺖ ﻧﺮﺍﻋﻲ ﻓﻲ ﻣﺸﺎﻋﺮﻫﺎ ﻭ ﺧﺎﻳﻒ ﻧﺠﺮﺣﻬﺎ ﻳﻌﻨﻲ ﻣﻦ ﻧﺎﺣﻴﻪ ﺑﺎﺗﻬﺎ ﻭ ﻣﻦ ﻧﺎﺣﻴﻪ ﺍﻧﺎ ﻭﺍﺟﺪ ﻋﻠﻴﻬﺎ
ﻣﺎ ﺧﺬﻳﺘﺶ ﺗﺎﻣﻲ ﻟﻴﺶ ﺑﻌﺪ ﻣﺎ ﺭﺍﺟﻠﻬﺎ ﻣﺎﺕ !! ﺍﻭﻛﻲ ﻧﺤﺒﻬﺎ ﻭ ﺃﻭﻝ ﺣﺐ ﻟﻴﺎ ﺑﺲ ﺭﺟﻮﻟﺘﻲ ﻣﺎ ﺗﺴﻤﺤﺶ ﺍﻧﻲ ﻧﺄﺧﺬﻫﺎ " ﺏ ﺍﻟﻠﻴﺒﻲ ﻣﺎ ﻧﺎﺧﺬﻫﺶ ﺑﻌﺪ ﻣﺎ ﺭﻗﺪ ﻣﻌﺎﻫﺎ ﺭﺍﺟﻞ ﺁﺧﺮ "
ﻋﺎﺭﻑ ﺍﻧﻪ ﺑﺎﻟﺤﻼﻝ ﻳﻌﻨﻲ ﻧﺼﻴﺒﻬﺎ ﻫﺬﺍ ﻭ ﻣﺎ ﺩﺍﺭﺗﺶ ﺣﺎﺟﻪ ﻏﻠﻂ ﻭ ﻻ ﺣﺮﺍﻡ
ﺑﺲ ﺷﺮﻗﻲ ﺍﻧﺎ ﻭ ﻣﺎ ﻧﻘﺪﺭﺵ ﻧﺘﺤﻤﻠﻬﺎ ﻉ ﺭﻭﺣﻲ ﻛﻞ ﻣﺎ ﻧﻘﺮﺏ ﻋﻠﻴﻬﺎ ﻳﺨﻄﺮﻟﻴﻲ ﺭﺍﺟﻠﻬﺎ ﻭﻗﺘﻬﺎ "
ﻣﺸﻰ ﺟﻮ ﺍﻟﻌﺸﺎﺀ ﺗﻤﺎﻡ ﻭ ﺟﺎ ﺣﻤﺪ ﺇﺳﻤﺎﻋﻴﻞ ﻭ ﻣﻮﺳﻰ ﻭ ﻣﻨﺬﺭ ﻭ ﺷﻠﺔ ﺍﻟﺠﺎﻣﻌﻪ ﻭ ﺟﻤﺎﻋﺔ ﺍﻟﻤﺤﻼﺕ
ﺧﻼﺹ ﻋﺮﺳﻲ ﺑﻜﺮﺍ ﺭﺳﻤﻲ O.o
ﻫﺬﻙ ﺍﻟﻴﻮﻡ ﻗﻌﺪ ﺃﺣﻤﺪ ﻣﻌﺎﻧﺎ ﻭ ﺑﺘﺖ ﺍﻧﺎ ﻭ ﻳﺎﻩ ﻭ ﺧﻮﺗﻲ ﻓﻲ ﺷﻘﺔ ﻳﻮﺳﻒ ﻭ ﺭﺣﻤﻪ ﻣﻊ ﺍﻟﺒﻨﺎﺕ ﻟﻮﻃﻪ
ﺃﺣﻤﺪ : ﺑﻜﺮﺍ ﻟﻴﻠﺘﻚ ﻳﺎ ﻋﺮﻳﺲ D:
ﺍﻧﺎ : ﻫﻴﻴﻲ ﺗﻲ ﻣﺘﺤﻤﺲ ﻳﺎ ﺭﺍ D:
ﺍﺣﻤﺪ : ﺧﺰﻱ ﺗﻲ ﻳﻮﻡ ﻋﺮﺳﻲ ﻛﻨﺖ ﻗﺮﻳﺐ ﻧﻄﺮﺑﻖ ﻭ ﺍﻧﺎ ﻣﺘﻮﺗﺮ D:
ﺍﻧﺎ : ﻫﺬﻙ ﺍﻧﺖ ﻣﺶ ﺍﻧﺎ D:
ﻳﻮﺳﻒ : ﺗﻮ ﻧﺸﻮﻓﻮ D:
ﺍﻧﺎ : ﻧﻌﻠﻴﺎ ﺃﻣﺘﻲ ﻳﺠﻲ ﺑﻜﺮﺍ ﺑﺲ D:
ﻧﺎﺻﺮ : ﺗﺤﺸﻢ ﺑﺎﻩ D:
ﺍﻧﺎ : ﺑﺎﻩ D:
ﻳﻮﺳﻒ : ﺑﺎﻟﻚ ﺗﺮﻗﺪ ﺑﺎﻩ
ﺃﺣﻤﺪ : ﺻﺎﺡ ﻋﺸﺎﻥ ﺗﺘﺮﻳﺢ
ﺍﻧﺎ : ﻧﺮﻥ ﻉ ﺍﻟﺤﺐ ﻗﺒﻞ v:
ﺃﺣﻤﺪ : ﺗﻲ ﺑﻜﺮﺍ ﺗﻮ ﺗﻘﻌﺪ ﻣﻌﺎﻫﺎ D:
ﺍﻧﺎ : ﺧﻄﺎﻧﻲ ﻛﺬﺍ D:
~
~
ﺻﺒﻴﺖ ﻟﺪﺍﺭ ﺍﻻﺧﺮﻩ ﻭ ﺭﻧﻴﺖ ﻋﻠﻴﻬﺎ ﺗﻲ ﻧﻌﻠﻴﺎ ﻭ ﺧﻼﺹ ﻭ ﺻﻮﺗﻬﺎ ﻣﺘﻮﺗﺮﻩ ﻭ ﺗﺮﺟﻒ v:
ﺍﻧﺎ : ﻣﻮﻛﺘﻲ ﺗﻲ ﻛﻨﻚ D:
ﻣﻼﻙ : ﻣﻌﺶ ﻧﺒﻲ ﺧﻼﺹ
ﺍﻧﺎ : ﻫﺒﻠﻪ ﺷﻦ ﻓﻲ
ﻣﻼﻙ : ﻣﺎ ﻧﺒﻴﺶ ﻧﺘﺰﻭﺝ
ﺍﻧﺎ : ﻟﻴﺶ ﺑﺲ
ﻣﻼﻙ : ﻛﻨﺖ ﻧﺤﻜﻲ ﻣﻊ ﻣﺎﻣﺎ ﻭ ﺧﻔﺖ ﺑﻜﻞ
ﺍﻧﺎ : ﻣﺎ ﺗﺨﺎﻓﻴﺶ ﺗﻲ ﻭ ﺍﻟﻠﻪ ﻓﻲ ﻋﻴﻮﻧﻲ ﻧﺤﻄﻚ
ﻣﻼﻙ : ﻣﻀﺎﻳﻘﻪ ﺑﻜﻞ
ﺍﻧﺎ : ﻣﻦ ﺷﻦ ؟
ﻣﻼﻙ : ﻣﻦ ﺑﻨﺔ ﺍﻟﺤﻨﻪ -_-
ﺍﻧﺎ : ﻧﻌﻠﻴﺎ ﺣﻨﻴﺘﻲ ♡_♡
ﻣﻼﻙ : ﻣﺎﻣﺎ ﺳﻜﻨﺘﻠﻲ ﻋﻠﻴﻬﺎ
ﺍﻧﺎ : ﻗﺼﺪﻙ ﻣﺎﺗﺤﺒﻴﻬﺶ 3:
ﻣﻼﻙ : ﺃﻫﺎ ﺍﻋﻲ
ﺍﻧﺎ : ﺗﻲ ﻛﻞ ﻣﺎ ﺗﺤﻮﻝ ﺗﺤﻨﻲ ﺃﺧﺮﻩ D:
ﻣﻼﻙ : ﺃﺣﻠﻢ ﻫﻨﺎ ﻋﻨﺪﻙ D:
ﺍﻧﺎ : ﺑﺎﻩ ﺗﻮ ﻧﺸﻮﻓﻮ D:
ﻣﻼﻙ : ﺑﻴﺒﻲ
ﺍﻧﺎ : ﻋﻴﻮﻧﻪ ﻭ ﺭﻭﺣﻪ
ﻣﻼﻙ : ﺗﺤﺒﻨﻲ ﺍﻧﺖ ﺻﺎﺡ ؟
ﺍﻧﺎ : ﺷﻦ ﺭﺃﻳﻚ ﺍﻧﺘﻲ
ﻣﻼﻙ : ﻣﺶ ﻋﺎﺭﻓﻪ
ﺍﻧﺎ : ﺟﺎﻳﻪ ﺍﻟﻴﻮﻡ ﺗﻘﻮﻟﻲ ﻣﺶ ﻋﺎﺭﻓﻪ
ﻣﻼﻙ : ﻣﺨﻨﻮﻗﻪ ﻭ ﻧﺒﻲ ﻧﺒﻜﻲ
ﺍﻧﺎ : ﻣﻮﻛﺘﻲ ﻛﺎﻥ ﻉ ﺍﻟﻤﻮﺿﻮﻉ ﻫﺬﻙ ﻣﺎ ﺗﺨﺎﻓﻴﺶ ﻭ ﺍﻟﻠﻲ ﺗﺒﻴﻪ ﻳﺼﻴﺮ
ﻣﻼﻙ : ﻳﻌﻨﻲ ﻓﻬﻤﺘﻨﻲ !
ﺃﻧﺎ : ﺃﻫﺎ ﻳﺎ ﻓﺮﺧﺘﻲ
ﻣﻼﻙ : ﺍﻧﺎ ﻭ ﺍﻟﻠﻪ ﻧﺤﺒﻚ ﺑﺲ ﻣﺘﻮﺗﺮﻩ ﺑﻜﻞ ﻭ ﻣﺶ ﻋﺎﺭﻓﻪ ﻛﻨﻲ
ﺍﻧﺎ : ﺣﺎﺳﺲ ﺑﻴﻚ ﺧﻼﺹ ﺗﻮﺍ ﻋﺪﻱ ﺍﺭﻗﺪﻱ
ﻣﻼﻙ : ﻧﺠﻚ ﻟﻴﺎ ﻭ ﺗﺼﺒﺢ ﻉ ﺧﻴﺮ
ﺍﻧﺎ : ﺗﻲ ﻩ ﺗﺼﺒﺤﻲ ﻣﻦ ﺃﻫﻠﻲ ﺃﻥ ﺷﺎﺀ ﺍﻟﻠﻪ
ﻣﻼﻙ : ﻧﺤﺒﻚ
ﺍﻧﺎ : ﻧﻤﻮﺕ ﻓﻴﻚ
~
~
~
ﻛﻤﻠﺖ ﻣﻌﺎﻫﺎ ﻭ ﺭﻗﺪﺕ ﺭﻗﺪﻩ ﺗﻘﻮﻝ ﻟﻴﺎ ﺳﻨﻪ ﻣﺶ ﺭﺍﻗﺪ ﻭ ﻧﻀﺖ ﻉ ﺍﻟﻐﺪﺍﺀ
ﺃﺣﻤﺪ : ﻳﺎ ﺭﺍ ﻧﻮﺽ ﻫﻴﺎ
ﺍﻧﺎ : ﺍﻟﺴﺎﻋﻪ ﻛﻢ
ﺃﺣﻤﺪ : ﺍﻟﺴﺎﻋﻪ 1 ﺍﺯﺡ
ﺍﻧﺎ : ﺑﺎﻩ ﻣﺎﺯﺍﻝ ﺑﺪﺭﻱ
ﺃﺣﻤﺪ : ﺗﻲ ﻧﻮﺽ ﻋﺸﺎﻥ ﻧﺘﻐﺪﻭ ﻭ ﺗﻤﺸﻲ ﻟﻠﺤﻼﻕ
ﺍﻧﺎ : ﺗﻲ ﺗﺒﻴﻨﻲ ﻧﺤﻠﻖ ﻟﺤﻴﺘﻲ ﻣﻠﺢ ﺩﺍ -_-
ﺃﺣﻤﺪ : ﺧﻔﻒ ﻣﻨﻬﺎ ﺑﺲ
ﺍﻧﺎ : ﻣﺘﻔﻖ ﻣﻊ ﺣﻼﻗﻲ ﻳﺒﻲ ﻳﺮﺳﻤﻬﺎ ﻟﻴﺎ ﻭ ﻳﺨﻔﻔﻠﻲ ﺷﻌﺮﻱ ﻣﻦ ﺍﻟﺠﻮﺍﻧﺐ ﺑﺲ
ﺃﺣﻤﺪ : ﺑﺎﻫﻲ ﺻﺒﻲ ﻭﺭﺍﻙ 100 ﺣﺎﺟﻪ
ﺍﻧﺎ : ﺑﺎﻩ ﻳﺎ ﺍﻣﻲ v:
ﺻﺒﻴﺖ ﻏﺴﻠﺖ ﻭﺟﻲ ﻭ ﺻﻠﻴﺖ ﻭ ﻭﺗﻴﺖ ﺭﻭﺣﻲ
ﺗﻐﺪﻳﺖ ﻣﻊ ﺍﻟﺸﺒﺎﺏ ﻟﻮﻃﻪ ﻭ ﻃﻠﻌﺖ ﺍﻧﺎ ﻭ ﺃﺣﻤﺪ ﺷﻮﺭ ﺍﻟﺤﻼﻕ
ﻗﻌﺪﺕ ﻗﺮﻳﺐ ﺳﺎﻋﺘﻴﻦ ﻋﻨﺪﻩ ﺣﺘﻲ ﻧﺤﻦ ﻳﺪﻳﺮﻭﻟﻨﺎ ﻓﻲ ﺟﻮ ﻣﺶ ﻋﻴﺖ ﺣﻨﻪ ﺑﺲ v:
ﻛﻤﻠﺖ ﺍﻣﻮﺭﻱ ﻭ ﺟﻮﻱ ﺗﻤﺎﻡ ﻭ ﺭﻭﺣﺖ ﻉ ﺣﻮﺵ ﺃﺣﻤﺪ ﻋﺸﺎﻥ ﻧﻠﺒﺲ ﻏﺎﺩﻱ
ﻃﺒﻌﺎ ﻛﻞ ﺷﻮﻳﻪ ﻧﺮﻥ ﻉ ﻫﻠﻲ ﻋﺸﺎﻥ ﻧﻘﻌﺪ ﻣﻌﺎﻫﻢ ﺍﻭﻝ ﺏ ﺍﻭﻝ
ﻛﻤﻠﻮ ﻛﻞ ﺣﺎﺟﻪ ﻭ ﺭﻧﺖ ﻋﻠﻴﺎ ﻫﻨﺎﺩﻱ ﻭ ﻗﺎﻟﺘﻠﻲ ﻣﻼﻙ ﻭﺻﻠﺖ ﻭ ﻃﺎﻟﻌﻪ ﺗﻬﺒﻞ ♡_♡
ﻛﻤﻠﺖ ﻟﺒﺲ ﺍﻟﺒﺪﻟﻪ ﻭ ﻛﻞ ﺣﺎﺟﺘﻲ ﺗﻤﺎﻡ ﻭ ﻃﻠﻌﺖ ﻣﻊ ﺃﺣﻤﺪ ﻭ ﺣﻤﺪ ﻭ ﻧﺎﺻﺮ
ﻭﺻﻠﻨﺎ ﻟﻠﻘﺎﻋﻪ ﻭ ﻛﺎﻥ ﻳﻮﺳﻒ ﻭ ﺧﻠﻴﻞ ﺑﺮﺍ ، ﺳﻠﻤﺖ ﻋﻠﻴﻬﻢ ﻭ ﻳﻮﺳﻒ ﻣﻦ ﺍﻟﻔﺮﺣﻪ ﻋﻴﻮﻧﻪ ﻣﺪﻣﻌﺎﺕ /:
ﺧﺸﻴﺖ ﺍﻧﺎ ﻭ ﻳﻮﺳﻒ ﻭ ﺍﻟﻨﺎﺱ ﻛﻠﻬﺎ ﺗﺒﺤﺖ ﻓﻴﻨﺎ ﻭ ﺍﻧﺎ ﻋﺎﻳﺶ ﺍﻟﺪﻭﺭ ﻭ ﺧﺎﺵ ﺭﺍﻓﻊ ﺧﺸﻤﻲ D:
ﻧﻤﺸﻲ ﺑﺴﺮﻋﻪ ﻋﺸﺎﻥ ﻧﻮﺻﻞ ﻟﻠﻤﺴﺮﺡ ♡_♡
ﺭﻛﺒﺖ ﻉ ﺍﻟﻤﺴﺮﺡ ﻭ ﺭﻓﻌﺘﻠﻬﺎ ﺍﻟﻄﺮﺣﻪ ﻭ ﻛﺎﻧﺖ ﻣﻼﻙ ﺑﻤﻌﻨﻰ ﺍﻟﻜﻠﻤﺔ _
ﺳﻠﻤﺖ ﻋﻠﻴﻬﺎ ﻭ ﺑﺴﺖ ﻳﺪﻫﺎ v: ﺍﻟﺒﻨﺖ ﻛﺎﻧﺖ ﺗﺮﺟﻒ ﺑﺸﻜﻞ ﻏﺮﻳﺐ
ﺍﻧﺎ : ﻣﻮﻛﺎ ﻳﺪﻙ ﻛﻨﻬﺎ ؟
ﻣﻼﻙ : ﻣﻌﺘﺰ ﺣﺎﺳﻪ ﺭﻭﺣﻲ ﻧﺒﻲ ﻧﻄﻴﺢ
ﺍﻧﺎ : ﺷﻦ ﻓﻲ ﺑﺲ
ﻣﻼﻙ : ﻣﺶ ﻭﺍﻛﻠﻪ ﺷﻲ ﻣﻦ ﺍﻟﺼﺒﺢ ﻭ ﺭﺍﺳﻲ ﻳﺒﺮﻡ
ﺍﻧﺎ : ﺍﻣﺴﻜﻲ ﺭﻭﺣﻚ ﺑﺲ ﺷﻮﻳﻪ ﻭ ﻧﻄﻠﻌﻮ
ﻣﻼﻙ : ﻧﺒﻲ ﻣﺎﻣﺎ
ﺍﻧﺎ : ﻛﻨﻚ ﺑﺲ ﻧﺴﺎﻋﺪﻙ ﻓﻲ ﺣﺎﺟﻪ
ﻭ ﺍﻧﺎ ﻧﺤﻜﻲ ﻣﻌﺎﻫﺎ ﻛﺎﻧﺖ ﺧﺎﻧﻘﺘﻬﺎ ﺍﻟﻌﺒﺮﻩ ﻭ ﻣﺶ ﻗﺎﺩﺭﻩ ﺗﺼﺒﻲ
ﻗﻌﻤﺰﺕ ﺍﻧﺎ ﻭ ﻳﺎﻫﺎ ﻭ ﻛﺎﻧﺖ ﺳﺎﺭﻩ ﻉ ﺍﻟﻤﺴﺮﺡ ﻭ ﻏﻤﺰﺗﻠﻬﺎ ﻋﺸﺎﻥ ﺗﺠﻲ
ﺳﺎﺭﻩ : ﻧﻌﻢ
ﺃﻧﺎ : ﻛﺬﺍ ﺟﻴﺒﻲ ﺣﺎﺟﻪ ﺣﻠﻮﻩ
ﺳﺎﺭﻩ : ﻣﻦ ﺟﺪﻙ ﺗﺒﻲ ﺗﺄﻛﻞ
ﺍﻧﺎ : ﺗﻲ ﻋﺸﺎﻥ ﻣﻼﻙ ﺷﻜﻠﻬﺎ ﻋﻨﺪﻫﺎ ﻫﺒﻮﻁ
ﺳﺎﺭﻩ : ﺣﻲ ﺗﻮ ﻧﺠﻴﺒﻠﻬﺎ ﻋﺼﻴﺮ
ﺟﺎﺑﺖ ﺳﺎﺭﻩ ﺍﻟﻌﺼﻴﺮ ﻭ ﻗﻌﺪﺕ ﻧﺸﺮﺏ ﻓﻴﻬﺎ ﻭ ﺍﻟﻨﺎﺱ ﺗﻌﻴﻂ ﻭ ﻳﺤﺴﺎﺑﻮﻧﻲ ﻧﺪﻳﺮ ﻓﻲ ﺟﻮ ﺭﻭﻣﺎﻧﺴﻴﻪ 3:
ﻭ ﺣﻨﺎﻥ ﺍﻟﻌﺮﻳﺒﻲ ﺩﺍﻳﺮﻩ ﺟﻮ ﻭ ﻏﻴﺮ ﺗﻐﻨﻲ ﻋﻠﻴﺎ v:
ﻭ ﺍﻧﺎ ﻣﺎﺯﻟﺖ ﻧﺸﺮﺏ ﻓﻴﻬﺎ ﺟﺖ ﻭﺣﺪﻩ ﻗﺪﺍﻣﻲ ﻭ ﻣﺪﺕ ﻳﺪﻫﺎ ﺗﺒﺎﺭﻙ
ﺭﻓﻌﺖ ﺭﺍﺳﻲ ﻭ ﻟﻘﻴﺘﻬﺎ ﺗﺎﻣﻲ O.o
ﻓﺎﻃﻤﻪ : ﺍﻟﻒ ﻣﺒﺮﻭﻙ
ﺍﻧﺎ : ﺍﻟﻠﻪ ﻳﺴﻠﻤﻚ
ﻓﺎﻃﻤﻪ : ﻫﻪ ﻗﺘﻠﻚ ﻣﺒﺮﻭﻙ
ﺍﻧﺎ : ﻗﺼﺪﻱ ﻳﺒﺎﺭﻙ ﻓﻴﻚ
ﻓﺎﻃﻤﻪ : ﺍﻟﻒ ﻣﺒﺮﻭﻙ ﻳﺎ ﻣﻼﻙ
ﻣﻼﻙ : ﻋﻘﺒﺎﻟﻚ
ﺍﻧﺎ : ﻣﻮﻛﺎ ﻫﺬﻩ ﻓﺎﻃﻤﻪ
ﻣﻼﻙ : ﺃﻫﺎ ﺍﺫﻛﺮﺗﻬﺎ
ﻓﺎﻃﻤﻪ : ﻣﻌﻘﻮﻟﻪ ﻛﺎﻥ ﻣﺎ ﻛﻠﻤﺘﻨﻲ ﻟﻴﻠﻲ ﺭﺁﻩ ﻣﺎ ﻋﻨﺪﻳﺶ ﻋﻠﻢ
ﺍﻧﺎ : ﻧﺤﺴﺎﺏ ﻫﻨﺎﺩﻱ ﻗﺎﻟﺘﻠﻚ
ﻓﺎﻃﻤﻪ : ﻉ ﺍﻟﻌﻤﻮﻡ ﻣﺒﺮﻭﻙ ﻭ ﺃﻥ ﺷﺎﺀ ﺍﻟﻠﻪ ﺑﺎﻟﺬﺭﻳﻪ ﺍﻟﺼﺎﻟﺤﻪ
ﻣﻼﻙ : ﺁﻣﻴﻦ : ‏)
ﺍﻧﺎ : ﺗﺴﻠﻤﻲ
ﻧﺰﻟﺖ ﺗﺎﻣﻲ ﻭ ﺍﻧﺎ ﻏﻤﺘﻠﻲ ﺑﻜﻞ ﻣﺶ ﻋﺎﺭﻑ ﻟﻴﺶ ﺑﺲ ﺑﺤﺘﺖ ﻓﻲ ﻣﻼﻙ ﻭ ﻗﺘﻠﻬﺎ ﻧﺒﻲ ﻧﺮﻭﺡ ﻫﻴﺎ
ﻣﻼﻙ ﻻﺣﻈﺖ ﺍﻧﻪ ﻣﻦ ﻓﺎﻃﻤﻪ ﻭ ﺗﻐﻴﺮﺕ ﻓﺠﺄﻩ ﻭ ﻗﻠﺒﺖ ﻭﺟﻬﺎ ﺣﺘﻲ ﻫﻴﺎ
ﻃﻠﻌﺖ ﺍﻧﺎ ﻭ ﻳﺎﻫﺎ ﻉ ﺍﻟﺴﺮﻳﻊ ﻭ ﻭﺻﻠﻨﺎ ﻳﻮﺳﻒ ﻟﻠﻘﺮﻳﻪ
ﺧﺸﺖ ﻫﻴﺎ ﻟﺪﺍﺭ ﻭ ﺑﺪﺕ ﺗﺒﻜﻲ
ﺍﻧﺎ : ﺷﻦ ﻓﻲ ﻋﻠﻴﺶ ﺍﻟﺒﻜﺎﺀ
ﻣﻼﻙ : ﻣﺎﺯﻟﺖ ﺗﺤﺒﻬﺎ ﻋﻨﺪ ﺗﻮﺍ )':
ﺍﻧﺎ : ﻣﻦ ﻗﺎﻟﻬﺎ ﺑﺲ
ﻣﻼﻙ : ﻋﻴﻮﻧﻚ ﻳﺎ ﻣﻌﺘﺰ )':
ﺍﻧﺎ : ﻳﺎ ﺑﻨﺖ ﺍﻟﻨﺎﺱ ﻛﻨﻚ ﺗﻲ ﺍﻟﻴﻮﻡ ﻋﺮﺳﻨﺎ ﻭ ﺍﻧﺘﻲ ﺗﺒﻜﻲ
ﻣﻼﻙ : ﻛﻨﺖ ﺗﺒﻴﻬﺎ ﻫﻴﺎ ﻣﻜﺎﻧﻲ ﺻﺎﺡ )':
ﺍﻧﺎ : ﺍﺳﺘﻬﺪﻱ ﺑﺎﻟﻠﻪ ﺑﺲ
ﻣﻼﻙ : ﻋﻴﻮﻧﻚ ﻗﺮﻳﺐ ﻃﻠﻌﻦ ﻋﻠﻴﻬﺎ )':
ﺍﻧﺎ : ﺍﺳﺴﺴﺴﺲ ﺧﻼﺹ " ﻭ ﻗﺮﺑﺖ ﻣﻨﻬﺎ "
ﻣﻼﻙ : ﻣﺎ ﺗﻠﻤﺴﻨﻴﺶ ﻟﻮ ﺳﻤﺤﺖ
ﺍﻧﺎ : ﻣﺎ ﺩﺧﻠﻜﺶ ﺑﻴﺎ v:
ﻣﻼﻙ : ﺗﻲ ﺣﻮﻝ
ﺍﻧﺎ : ﺍﺳﺴﺴﺴﺲ ﺳﻠﻢ ﺷﻄﻮﺭﺗﻲ ♡_♡
~
~
~
~
" ﺑﻌﺪ ﻣﺮﻭﺭ ﺷﻬﺮﻳﻦ "
ﻣﻼﻙ ﻟﺒﺴﺖ ﺍﻟﺨﻤﺎﺭ ﻛﻴﻒ ﻣﺎ ﻧﺒﻲ ﻭ ﺑﻄﻠﺘﻬﺎ ﻣﻦ ﺍﻟﺠﺎﻣﻌﻪ ﺑﺲ ﺑﻌﺪ ﻣﺸﻜﻠﻪ ﻛﺒﻴﺮﻩ ﻭ ﺟﻮﻧﺎ ﻧﺴﺒﻴﺎً ﻛﻮﻳﺲ
ﻣﻼﻙ : ﺑﻴﺒﻲ ﻧﻮﺽ ﻫﻴﺎ
ﺍﻧﺎ : ﺗﺎﻣﻲ ﻭﺗﻴﻠﻲ ﺃﺩﺑﺸﻲ
ﻣﻼﻙ : ﺣﺤﺤﺤﺎﺍﺍﺍﺿﺮﺭﺭ )':
ﺍﻧﺎ : ﻃﺸﺘﻲ ﻛﻨﻚ ﺗﺒﻜﻲ
ﻣﻼﻙ : ﺍﺳﻤﻲ ﻣﻼﻙ ﻣﺶ ﺗﺎﻣﻲ )':
ﺍﻧﺎ : ﻭ ﺍﻟﻠﻪ ﻣﺶ ﻣﺮﻛﺰ ﻳﺎ ﺭﻭﺣﻲ ﺭﺍﻗﺪ
ﻣﻼﻙ : ﻣﺶ ﺍﻭﻝ ﻣﺮﻩ ﻫﺬﻩ )':
ﺍﻧﺎ : ﺁﺧﺮ ﻣﺮﻩ ﻭﻋﺪ *:
° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° • ° •
'" ﺗﻌﻠﻢ ﺑﺄﻥ ﻗﻠﺒﻲ ﻣﻊ ﺁﺧﺮﻩ ﻭ ﻟﻜﻨﻬﺎ ﺗﺼﺮ ﻋﻠﻰ ﺇﻗﻨﺎﻉ ﻧﻔﺴﻬﺎ ﺑﺄﻧﻬﺎ ﺍﻟﻮﺣﻴﺪﻩ ﻓﻲ ﺣﻴﺎﺗﻲ '"
'' ﻭﺍﻓﻘﺖ ﺃﻥ ﺗﺘﺰﻭﺟﻨﻲ ﻟﻜﻲ ﺗﻈﻬﺮ ﻟﺠﻤﻴﻊ ﺃﻧﻬﺎ ﺧﻄﻔﺖ ﻗﻠﺒﻲ ﻭ ﻟﻜﻨﻬﺎ ﻣﺘﺄﻛﺪﻩ ﺑﺄﻧﻬﺎ ﺗﺨﺪﻉ ﻓﻲ ﻧﻔﺴﻬﺎ "
' ﻭﻟﺪﺕ ﻫﻜﺬﺍ ﻭ ﺳﺄﻇﻞ ﻫﻜﺬﺍ " ﺷﺮﻗﮯ " ﻗﻠﺒﻲ ﻭ ﻋﻘﻠﻲ ﻣﻊ ﺍﻣﺮﺃﻩ ﻭ ﺟﺴﺪﻱ ﻣﻊ ﺁﺧﺮﻩ '
ﺍﻟﻨﻬﺎﻳﻬﮧ

#روآيات أنثى شرقيةه 💚