شرقي

١٤

#روآيات أنثى شرقيةه 💚
~ ■ ﺷﺮﻗﮯ ■ ~
ﺍﻟﺤﻠﻘﻬﻪ ﺍﻟﺮﺍﺑﻌﻬﻪ ﻋﺸﺮ ~
ﻧﺒﻲ ﻧﺨﺶ ﻟﻠﻜﻮﺟﻴﻨﻪ ﻭ ﻧﺴﻤﻊ ﻓﻲ ﻫﻨﺎﺩﻱ ﺗﺤﻜﻲ ﻣﻊ ﺍﻣﻲ
ﺍﻣﻲ : ﺗﻌﺎﻟﻲ ﺳﺎﻋﺪﻳﻨﻲ ﺑﺪﺍﻝ ﻣﺎﻧﻚ ﻗﺎﻋﺪﻩ ﺗﺤﻜﻲ ﻉ ﺍﻟﻨﻘﺎﻝ
ﻫﻨﺎﺩﻱ : ﻛﻨﺖ ﻧﺤﻜﻲ ﻣﻊ ﻓﺎﻃﻤﻪ
ﺍﻣﻲ : ﻓﺎﻃﻤﻪ ﻫﺬﻙ
ﻫﻨﺎﺩﻱ : ﺃﻫﺎ
ﺍﻣﻲ : ﻛﻴﻒ ﺣﺎﻟﻬﺎ
ﻫﻨﺎﺩﻱ : ﺭﺍﺟﻠﻬﺎ ﻣﺘﻮﻓﻲ ﻣﻦ ﺷﻬﻮﺭ
ﺍﻣﻲ : ﻭ ﻛﻨﻚ ﻣﺎ ﻗﻠﺘﻴﻬﺎ
ﻫﻨﺎﺩﻱ : ﻣﻦ ﻫﺬﻙ ﺍﻟﻴﻮﻡ ﻗﺎﻟﺘﻬﺎ ﻟﻴﺎ
ﺍﻣﻲ : ﻣﺎﺯﺍﻟﺖ ﺻﻐﻴﺮﻩ ﻋﻠﻴﻚ ﺑﺨﺖ
ﻫﻨﺎﺩﻱ : ﺗﻔﻜﺖ ﻣﻨﻪ ﺍﺻﻼ ﻣﺎﺗﺤﺒﺎﺵ
ﺍﻣﻲ : ﺭﺩ ﺑﺎﻟﻚ ﺗﺤﻜﻲ ﺣﺎﺟﻪ ﻗﺪﺍﻡ ﻣﻌﺘﺰ
ﻫﻨﺎﺩﻱ : ﻋﺎﺭﻓﻪ ﻋﻨﺪ ﺗﻮﺍ ﺗﺴﺄﻝ ﻋﻠﻴﻪ
ﺍﻣﻲ : ﻧﺼﻴﺒﻬﻢ ﻫﻜﻲ ﺍﻟﻠﻪ ﻏﺎﻟﺐ
~
~
ﻃﻠﻌﺖ ﻣﻦ ﺍﻟﻜﻮﺟﻴﻨﻪ ﻭ ﻣﺶ ﻋﺎﺭﻑ ﺷﻦ ﺻﺎﺭ ، ﺗﻲ ﺭﺍﺟﻠﻬﺎ ﻣﺎﺕ ، ﺧﻼﺹ ﻳﻌﻨﻲ ﻧﻘﺪﺭ ﻧﺄﺧﺬﻫﺎ ، ﺑﺲ ﻛﻴﻒ ﻧﺄﺧﺬﻫﺎ ﻭ ﻫﻴﺎ ﻋﻨﺪﻫﺎ ﻣﻨﻪ ﻋﻴﻞ ، ﺑﺲ ﻫﻨﺎﺩﻱ ﻗﺎﻟﺖ ﺗﺴﺄﻝ ﻋﻠﻴﺎ ﻭ ﻣﺎ ﺗﺤﺒﺶ ﺭﺍﺟﻠﻬﺎ
ﻳﻮﺳﻒ : ﻛﻨﻚ ﻣﺼﺪﻭﻡ
ﺍﻧﺎ : ﻻﻻ ﻏﻴﺮ ﻧﺴﻴﺖ ﺣﺎﺟﻪ ﻓﻲ ﺍﻟﺴﻴﺎﺭﻩ
ﻳﻮﺳﻒ : ﺳﻤﻌﺖ ﺻﻮﺕ ﻧﻘﺎﻟﻚ ﺍﻧﻈﻨﻲ ﺟﺎﺗﻚ ﺭﺳﺎﻟﻪ
ﻭ ﺧﺬﻳﺖ ﻧﻘﺎﻟﻲ ﻭ ﻟﻘﻴﺘﻪ ﺗﻘﺮﻳﺮ ﺗﺴﻠﻴﻢ ﺭﺳﺎﻟﻪ ، ﻭ ﺍﻧﺎ ﺟﺎﻱ ﻓﻲ ﺍﻟﻄﺮﻳﻖ ﺩﺯﻳﺖ ﺭﺳﺎﻟﻪ ﻝ ﻣﻼﻙ
" ﻋﺮﻓﻨﺎ ﺣﻮﺷﻜﻢ ﻳﺎ ﺍﻟﺤﺐ ﻭ ﺣﺪﺩﻳﻠﻲ ﻣﻮﻋﺪ ﻣﻊ ﻫﻠﻚ ﻋﺸﺎﻥ ﻧﺠﻮ ﺭﺳﻤﻲ "
ﺗﻲ ﻛﻴﻒ ﻧﺪﻳﺮ ﺗﻮﺍ ﻳﻌﻨﻲ ﺑﻌﺪ ﻋﻄﻴﺖ ﻛﻠﻤﻪ ﻟﻠﺒﻨﺖ ، ﺗﺎﻣﻲ ﻗﻌﺪﺕ ﻓﺎﺿﻴﻪ ، ﻋﺎﺭﻑ ﺍﻧﻪ ﺗﺎﻣﻲ ﻗﻬﺮﺗﻨﻲ ﺑﺲ ﻣﺶ ﺏ ﻳﺪﻫﺎ ﻳﻌﻨﻲ ﻫﻠﻬﺎ ﻏﺼﺒﻮﻫﺎ ، ﺑﺲ ﺇﻻ ﻭﺟﻌﺘﻨﻲ ﺃﻛﺜﺮ ﻣﻨﻬﺎ ﻣﺎ ﻋﻄﺘﻨﻴﺶ ﻓﺮﺻﻪ ﻧﺸﺮﺣﻠﻬﺎ ﻭ ﻻ ﻧﻔﻬﻤﻬﺎ ﺍﻧﻪ ﻛﻞ ﺍﻻ ﺻﺎﺭ ﻛﺬﺏ
~
~
ﻳﻮﺳﻒ : ﻣﻦ ﻣﻨﻮ ﺍﻟﺮﺳﺎﻟﻪ !
ﺃﻧﺎ : ﻻﻻ ﺗﻘﺮﻳﺮ ﺍﻟﺘﺴﻠﻴﻢ
ﻳﻮﺳﻒ : ﺃﻫﺎ ﺗﻤﺎﻡ
ﺍﻧﺎ : ﻧﺎﺻﺮ ﻣﺎﺯﺍﻝ ﺑﺮﺍ
ﻳﻮﺳﻒ : ﻻﻻ ﺟﺎ ﻭ ﻗﺎﻋﺪ ﻓﻲ ﺩﺍﺭﻩ
ﺍﻧﺎ : ﺃﻫﺎ ﺑﺎﻩ ﺍﻧﺎ ﻧﻤﺸﻲ ﻧﻘﺮﺃ ﺷﻮﻳﻪ
ﻳﻮﺳﻒ : ﻣﻮﻓﻖ ﻳﺎ ﺑﺮﻭ
ﻣﺸﻴﺖ ﻟﻠﻤﺮﺑﻮﻋﻪ ﻭ ﺩﺍﻳﺮ ﺭﻭﺣﻲ ﻧﺒﻲ ﻧﻘﺮﺃ ﺑﺲ ﻣﺎ ﺻﺎﺭ ﺷﻲ ، ﻧﻔﻜﺮ ﻓﻲ ﺗﺎﻣﻲ ﺗﻲ ﻋﺎﺭﻓﻬﺎ ﻣﺎﺯﺍﻟﺖ ﺗﺒﻴﻨﻲ ، ﺑﺲ ﻣﻼﻙ ﻛﻴﻒ ﻧﺪﻳﺮ ﻣﻌﺎﻫﺎ ، ﻳﻌﻨﻲ ﺍﻟﺒﻨﺖ ﺣﻄﺖ ﻓﻴﺎ ﺛﻘﻪ ﻣﺎﻧﺒﻴﺶ ﻧﻄﻠﻊ ﻋﻴﻞ ﻗﺪﺍﻣﻬﺎ ﻭ ﻫﻴﺎ ﺑﻨﺖ ﻛﻮﻳﺴﻪ
ﻋﻠﻴﻚ ﻣﻮﺿﻮﻉ ﺣﻄﻴﺖ ﺭﻭﺣﻲ ﻓﻴﻪ ﻭ ﺭﻥ ﺍﺣﻤﺪ ﺭﻏﻢ ﺃﻧﻲ ﻣﺶ ﻃﺎﻳﻘﻪ ﺑﺲ ﺭﺩﻳﺖ ﻋﻠﻴﻪ
ﺃﺣﻤﺪ : ﻭ ﺃﺧﻴﺮﺍ ﻋﺒﺮﺗﻨﻲ
ﺍﻧﺎ : ﻣﺎ ﻛﻨﺘﺶ ﻓﺎﺿﻲ ﺑﺲ
ﺃﺣﻤﺪ : ﻋﻠﻴﺎ ﺍﻧﺎ ﺍﻟﺠﻮ ﻫﺬﺍ
ﺍﻧﺎ : ﺷﻦ ﺗﺒﻲ ﺑﺎﻩ
ﺃﺣﻤﺪ : ﻣﺎﺯﻟﺖ ﻣﻀﺎﻳﻖ ﻣﻨﻲ
ﺍﻧﺎ : ﻣﺎ ﺻﺎﺭ ﺷﻲ ﻓﻮﺕ
ﺍﺣﻤﺪ : ﺑﺎﻩ ﺑﻌﺪﻳﻦ ﻧﺘﻼﻗﻮ ﻓﻲ ﺍﻟﻤﺤﻞ
ﺍﻧﺎ : ﺗﻢ ﻭ ﺍﻧﺖ ﻃﻴﺐ
ﺃﺣﻤﺪ : ﺳﻼﻡ ﻫﻲ
~
~
~
ﺑﻌﺪ ﺳﻜﺮﺕ ﻣﻦ ﺃﺣﻤﺪ ﻗﻌﺪﺕ ﻧﻠﻌﺐ ﺏ ﺍﻷﻭﺭﺍﻕ ﻭ ﺟﺖ ﻫﻨﺎﺩﻱ ﻭ ﻗﺎﻟﺖ ﺣﻄﻴﻨﺎ ﺍﻟﻐﺪﺍﺀ ﻭ ﻧﺰﻝ ﺧﻠﻴﻞ ﻭ ﺍﻟﻤﺪﺍﻡ ﻭ ﺟﻮﺭﻱ
ﺑﻌﺪ ﻛﻤﻠﻨﺎ ﺍﻟﻐﺪﺍﺀ ﺟﻴﺖ ﻧﺒﻲ ﻧﺼﺒﻲ ﻭ ﻣﺴﻜﻨﻲ ﻳﻮﺳﻒ
ﺍﻧﺎ : ﻛﻨﻚ
ﻳﻮﺳﻒ : ﻣﺶ ﺗﺒﻲ ﺗﻔﺘﺢ ﺍﻟﻤﻮﺿﻮﻉ ﻣﻊ ﻫﻠﻚ
ﺍﻣﻲ : ﻣﻮﺿﻮﻉ ﺷﻦ
ﺍﻧﺎ : ﺃﻫﺎ ﺍﺫﻛﺮﺕ ﻧﺒﻲ ﻧﻄﻠﻊ ﺑﺮﺃ ﻣﻦ ﻟﻴﺒﻴﺎ
ﻳﻮﺳﻒ : ﻛﻴﻒ ﺻﺎﺭ
ﺍﻧﺎ : ﺗﻮ ﺑﻌﺪﻳﻦ ﻧﺤﻜﻴﻠﻚ
ﺍﻣﻲ : ﻭ ﺷﻦ ﺧﻄﺮﻟﻚ ﺗﻮﺍ
ﺃﻧﺎ : ﻧﺒﻲ ﻧﺠﻴﺐ ﺑﻀﺎﻋﻪ ﻣﻦ ﺗﺮﻛﻴﺎ
ﺧﻠﻴﻞ : ﺗﺒﻲ ﺳﻴﻮﻟﻪ
ﺍﻧﺎ : ﻻﻻ ﻋﻨﺪﻱ
ﻫﻨﺎﺩﻱ : ﺟﻴﺒﻴﻠﻲ ﺣﺎﺟﺎﺕ ﻣﻦ ﻏﺎﺩﻱ
ﺍﻧﺎ : ﺍﻛﺘﺒﻴﻠﻲ ﺷﻦ ﺗﺒﻲ ﻓﻲ ﻭﺭﻗﻪ
ﻧﺎﺻﺮ : ﻭ ﻣﻦ ﻳﻤﺴﻚ ﺍﻟﻤﺤﻞ
ﺍﻧﺎ : ﺗﻮ ﻳﻘﻌﺪ ﻓﻴﻪ ﺃﺣﻤﺪ
ﺍﻣﻲ : ﺗﻤﺸﻲ ﻭ ﺗﺠﻲ ﻃﻴﺐ
ﺍﻧﺎ : ﺃﻥ ﺷﺎﺀ ﺍﻟﻠﻪ
ﻳﻮﺳﻒ : ﺍﺯﺡ ﻣﻌﺶ ﻓﻬﻤﺘﻠﻚ ﺭﺃﻱ
ﺍﻧﺎ : ﻃﺎﻟﻊ ﺷﻮﺭ ﺍﻟﻤﺤﻞ ﻭ ﺑﻌﺪﻳﻦ ﺩﻳﺮ ﻃﻠﻪ ﻭ ﺗﻮ ﻧﺤﻜﻮ
ﻳﻮﺳﻒ : ﺑﺠﻮﻙ ﻳﺎ ﻣﻌﺘﺰ
ﻭ ﺻﺒﻴﺖ ﻏﻴﺮﺕ ﺩﺑﺸﻲ ﻭ ﻃﻠﻌﺖ ﺷﻮﺭ ﺍﻟﻤﺤﻞ ﻭ ﺑﻌﺪ ﻭﺻﻠﺖ ﺭﻧﻴﺖ ﻉ ﺃﺣﻤﺪ
ﻭﻟﻌﺖ ﺍﻟﻤﻨﻈﻮﻣﺔ ﻭ ﻗﻌﺪﺕ ﻧﻠﻌﺐ ﻓﻲ ﺍﻟﻨﻘﺎﻝ ﻋﻨﺪ ﺟﺎ ﺃﺣﻤﺪ
ﺃﺣﻤﺪ : ﺍﻟﺴﻼﻡ ﻋﻠﻴﻜﻢ
ﺍﻧﺎ : ﻭ ﻋﻠﻴﻜﻢ ﺍﻟﺴﻼﻡ
ﺃﺣﻤﺪ : ﺷﻦ ﺟﻮﻙ
ﺍﻧﺎ : ﻟﻮﺯ ﺍﻟﻠﻮﺯ
ﺃﺣﻤﺪ : ﺩﺍﻳﻤﺎ ﻳﺎ ﻃﻴﺮ
ﺍﻧﺎ : ﻋﻠﻴﻨﺎ ﻭ ﻋﻠﻴﻚ
ﺃﺣﻤﺪ : ﻏﺮﻳﺒﻪ ﺟﺎﻱ ﺑﺪﺭﻱ
ﺍﻧﺎ : ﺁﻫﻮ ﻗﻠﺖ ﻧﻤﺸﻲ ﺍﻟﻮﻗﺖ
ﺃﺣﻤﺪ : ﻗﺮﻳﺖ ﻓﻲ ﺍﻣﺘﺤﺎﻥ ﺑﻜﺮﺍ
ﺍﻧﺎ : ﻳﻌﻨﻲ ﻧﺺ ﻭ ﻧﺺ
ﺃﺣﻤﺪ : ﺣﺘﻲ ﺍﻧﺎ
ﺍﻧﺎ : ﻗﺘﻠﻚ ﺑﻌﺪ ﺑﻜﺮﺍ ﺑﺎﻟﻚ ﺷﻮﺭ ﺗﺮﻛﻴﺎ ، ﺗﻤﺴﻚ ﺍﻟﻤﺤﻞ ؟
ﺃﺣﻤﺪ : ﻋﻨﺪﻛﺶ ﻣﺸﻜﻠﻪ ﺑﺲ ﻟﻴﺶ ﻣﺎﺷﻲ
ﺍﻧﺎ : ﻧﺒﻲ ﻛﻢ ﺣﺎﺟﻪ ﻭ ﻧﺒﻲ ﻧﻐﻴﺮ ﺟﻮ
ﺃﺣﻤﺪ : ﺻﺎﻳﺮ ﻣﻌﺎﻙ ﺷﻲ ﺣﺎﺟﻪ !
ﺃﻧﺎ : ﻧﺤﻜﻴﻠﻚ ﺑﻌﺪﻫﺎ ﺗﻤﺸﻲ ﺗﻮﺻﻠﻬﺎ ﻟﻴﻮﺳﻒ
ﺃﺣﻤﺪ : ﻫﻬﻬﻬﻬﻪ ﻣﺎﺯﻟﺖ ﺷﺎﻳﻞ ﻣﻨﻲ -.-
ﺍﻧﺎ : ﺣﺎﺟﻪ ﻛﻴﻒ ﻫﻚ
ﺃﺣﻤﺪ : ﺑﺎﻩ ﺍﺣﻜﻲ ﻭ ﻓﻜﻨﺎ ﻣﻦ ﺍﻟﺠﻮ
ﺍﻧﺎ : ﺗﺎﻣﻲ ﺭﺍﺟﻠﻬﺎ ﻣﺎﺕ
ﺃﺣﻤﺪ : ﺟﺪﻳﺎﺕ ؟
ﺍﻧﺎ : ﺃﻫﺎ ﺳﻤﻌﺖ ﻫﻨﺎﺩﻱ ﺗﺤﻜﻲ ﻓﻴﻬﺎ ﻝ ﺍﻣﻲ
ﺃﺣﻤﺪ : ﻣﺎ ﺗﻘﻮﻟﺶ ﺗﻔﻜﺮ ﺍﻧﻚ ﺗﺨﻄﺒﻬﺎ
ﺍﻧﺎ : ﻣﺶ ﻋﺎﺭﻑ ﻣﻦ ﺑﺪﺭﻱ ﻣﺘﻠﺨﺒﻂ
ﺃﺣﻤﺪ : ﻣﻦ ﺟﺪﻙ ﺍﻧﺖ !
ﺃﻧﺎ : ﺃﺣﻤﺪ ﻋﺎﺭﻓﻨﻲ ﻣﺎﺯﻟﺖ ﻧﺤﺒﻬﺎ
ﺃﺣﻤﺪ : ﺑﺲ ﻫﻴﺎ ﻓﺎﺗﺎﺗﻚ ﻭ ﺗﺰﻭﺟﺖ ﻭ ﻋﻨﺪﻫﺎ ﻋﻴﻞ ﺍﺯﺡ
ﺍﻧﺎ : ﻗﺼﺔ ﺍﻟﻌﻴﻞ ﺳﺎﻫﻠﻪ
ﺃﺣﻤﺪ : ﻋﻨﺠﺪ ﺳﺎﻫﻠﻪ ﺗﻲ ﺑﺪﺍﻝ ﻣﺎ ﺍﻭﻝ ﻋﻴﻞ ﻳﻜﻮﻥ ﻣﻨﻚ ، ﺧﻠﻴﻨﻲ ﺳﺎﻛﺖ ﺧﻴﺮ
ﺍﻧﺎ : ﻣﺎ ﺗﺰﻳﺪﻫﺎﺵ ﻋﻠﻴﺎ ﻛﺬﺍ - ، -
ﺃﺣﻤﺪ : ﻣﻌﺘﺰ ﻓﻜﺮ ﺑﻌﻘﻠﻚ ﻣﺶ ﺑﻘﻠﺒﻚ ﺗﻲ ﻭ ﺣﻖ ﺭﺑﻲ ﻛﺎﻥ ﺭﺍ ﻧﺎﺳﻴﻬﺎ ﻣﻦ ﻗﺒﻞ
ﺍﻧﺎ : ﻟﻮ ﺃﻧﻬﺎ ﺧﺎﻧﺘﻨﻲ ﺭﺍ ﻓﺘﺘﻬﺎ ﻭ ﻧﺴﻴﺘﻬﺎ ﺑﺲ ﺣﺘﻲ ﻫﻴﺎ ﻣﻈﻠﻮﻣﻪ
ﺃﺣﻤﺪ : ﺃﻗﻞ ﺣﺎﺟﻪ ﺭﺍ ﺟﺖ ﻭ ﻓﻬﻤﺖ ﻣﻨﻚ
ﺍﻧﺎ : ﺧﻼﺹ ﺑﺎﻩ ﺳﻜﺮ ﻓﻤﻚ
ﺃﺣﻤﺪ : ﺍﻣﺸﻲ ﻛﻢ ﻳﻮﻡ ﻝ ﺗﺮﻛﻴﺎ ﻭ ﻓﻜﺮ ﺑﻬﺪﻭﺀ
ﺍﻧﺎ : ﺣﺘﻲ ﺍﻧﺎ ﻧﺒﻲ ﻧﺪﻳﺮ ﻫﻜﻲ
ﻭ ﺭﻥ ﻧﻘﺎﻟﻲ ﻭ ﻛﺎﻧﺖ ﻣﻼﻙ ﻭ ﻃﻠﻌﺖ ﺑﺮﺍ ﺍﻟﻤﺤﻞ ، ﻃﺒﻌﺎ ﻋﻄﻴﺘﻬﺎ ﻣﺸﻐﻮﻝ ﻭ ﻋﺎﻭﺩﺗﻠﻬﺎ
ﻣﻼﻙ : ﻫﻠﻮ
ﺍﻧﺎ : ﻫﻠﻮﺍﺕ ﻳﺎ ﻋﺴﻞ
ﻣﻼﻙ : ﻛﻴﻒ ﺣﺎﻟﻚ
ﺍﻧﺎ : ﻟﻮﺯ ﺍﻟﻠﻮﺯ ﻭ ﺍﻧﺘﻲ
ﻣﻼﻙ : ﻫﻬﻬﻪ ﺣﺘﻲ ﺍﻧﺎ ﻟﻮﺯ
ﺍﻧﺎ : ﻫﻬﻬﻬﻪ ﻧﻌﻠﻴﺎ
ﻣﻼﻙ : ﺭﺁﻩ ﻟﻤﺎ ﺑﻌﺘﺘﻠﻲ ﺍﻟﻤﺴﺞ ﺍﻟﻔﻮﻥ ﻛﺎﻥ ﻓﻲ ﺍﻟﺸﺤﻦ ﻭ ﺗﻮﺍ ﻛﻴﻒ ﻓﻄﻨﺖ
ﺍﻧﺎ : ﺃﻫﺎ ﻻ ﻋﺎﺩﻱ
ﻣﻼﻙ : ﺑﺎﻩ ﻣﺎ ﻓﻬﻤﺘﺶ ﺭﺁﻩ
ﺍﻧﺎ : ﺷﻦ ﺇﻻ ﻣﺎ ﻓﻬﻤﺘﻴﺶ
ﻣﻼﻙ : ﺟﺪﻳﺎﺕ ﺗﺒﻲ ﺗﺠﻴﺐ ﻫﻠﻚ !
ﺃﻧﺎ : ﻛﻴﻒ ﻣﺎ ﺗﺒﻴﺶ !
ﻣﻼﻙ : ﻻ ﻣﺶ ﻫﻜﻲ ﺑﺲ
ﺍﻧﺎ : ﺑﺲ ﺷﻨﻮ ؟
ﻣﻼﻙ : ﻳﻌﻨﻲ ﻣﺎﻟﻴﻨﺎﺵ ﻭﺍﺟﺪ ﻧﺤﻜﻮ ﻣﻊ ﺑﻌﻀﻨﺎ ﻭ ﺗﺒﻲ ﺗﺨﻄﺐ
ﺍﻧﺎ : ﺍﻭﻛﻲ ﻧﺨﻠﻴﻚ ﺑﺮﺍﺣﺘﻚ
ﻣﻼﻙ : ﺍﻣﻤﻢ ﻋﺎﺭﻓﺘﻚ ﺍﻧﻚ ﻛﻮﻳﺲ ﻭ ﺃﻱ ﺑﻨﺖ ﺗﺘﻤﻨﺎﻙ ﺑﺲ ﻣﺎﺯﻟﺖ ﺧﺎﻳﻔﻪ ﻣﻦ ﻛﻢ ﺣﺎﺟﻪ
ﺍﻧﺎ : ﺯﻱ ﺷﻦ !
ﻣﻼﻙ : ﺍﻧﺖ ﺑﺎﻳﻦ ﺍﻧﻚ ﺗﺤﺐ ﻭﺣﺪﻩ ﺃﻭ ﻛﻨﺖ ﺗﺤﺐ ﻣﺶ ﻋﺎﺭﻓﻪ
ﺍﻧﺎ : ﺗﺒﻴﻨﻲ ﻧﻜﻤﻞ ﻣﻌﺎﻙ ﻭ ﺑﺼﺪﻕ !
ﻣﻼﻙ : ﻳﺎ ﺭﻳﺖ
ﺍﻧﺎ : ﻣﻌﻨﺎﻫﺎ ﺍﻟﻘﺼﻪ ﻫﺬﻩ ﻓﻮﺗﻴﻬﺎ ﻭ ﺍﻧﺎ ﻣﻌﺎﻙ ﻣﺴﺘﺤﻴﻠﻪ ﻧﺨﻮﻧﻚ ، ﺗﻤﺎﻡ ﻫﻜﻲ !
ﻣﻼﻙ : ﺗﻤﺎﻡ
ﺍﻧﺎ : ﺑﺎﻫﻲ ﺷﻦ ﻛﻨﺘﻲ ﺍﺩﻳﺮﻱ
ﻣﻼﻙ : ﻛﻨﺖ ﻧﺴﺎﻋﺪ ﻓﻲ ﻣﺎﻣﺎ
ﺍﻧﺎ : ﻓﺘﺤﺘﻲ ﺍﻟﻤﻮﺿﻮﻉ ﻣﻊ ﺍﻣﻚ
ﻣﻼﻙ : ﻻﻻ ﺍﺻﻼ ﻣﺶ ﻋﺎﺭﻓﻪ ﻛﻴﻒ ﻧﻘﻮﻟﻬﺎ ﻟﻬﺎ
ﺍﻧﺎ : ﺗﻤﺎﻡ ﻣﺎ ﺗﺤﻜﻲ ﺷﻲ ﻋﻨﺪ ﻧﺮﻭﺡ ﻣﻦ ﺗﺮﻛﻴﺎ
ﻣﻼﻙ : ﻛﻴﻒ ﺗﺒﻲ ﺗﺴﺎﻓﺮ ﺍﻧﺖ !
ﺃﻧﺎ : ﺃﻫﺎ ﻛﻢ ﻳﻮﻡ ﻉ ﺍﻟﺴﺮﻳﻊ
ﻣﻼﻙ : ﺗﻤﺸﻲ ﻭ ﺗﺮﺟﻊ ﻃﻴﺐ
ﺍﻧﺎ : ﻧﺠﻚ
ﻣﻼﻙ : ﻭ ﻧﺠﻚ
" ﺃﺣﻤﺪ : ﺍﻧﺘﻮ ﻳﺎ ﻋﻴﺖ ﺣﺐ ﻋﻄﻮﻧﺎ ﺷﻮﻳﻪ
ﺍﻧﺎ : ﺳﻜﺮ ﻓﻤﻚ ﻳﺎ ﺣﻴﻮﺍﻥ
ﺍﺣﻤﺪ : ﺑﺮﺳﺘﻴﺠﻚ ﺭﺍﺡ ﻳﺎ ﻧﺼﻲ
ﺍﻧﺎ : ﻣﺎﻩ ﻣﻨﻚ ﻳﺎ ﻣﻌﻔﻦ "
ﻣﻼﻙ : ﻫﻬﻬﻬﻬﻪ ﻫﺬﺍ ﺻﺎﺣﺒﻚ ﺇﻻ ﺩﻳﻤﺎ ﻣﻌﺎﻙ
ﺍﻧﺎ : ﺃﻫﺎ ﻫﺬﺍ ﻃﻴﺮﻱ ﻭ ﺧﻄﻴﺐ ﺍﺧﺘﻲ
ﻣﻼﻙ : ﺃﻫﺎ ﻋﻠﻴﻚ ﺟﻮ
ﺍﻧﺎ : ﺟﻮ ﺷﻦ
ﻣﻼﻙ : ﺻﺎﺣﺒﻚ ﺧﺎﻃﺐ ﺍﺧﺘﻚ ﻭ ﻫﻜﻲ
ﺍﻧﺎ : ﻫﻬﻬﻬﻪ ﺃﻫﺎ ﺟﻮ
ﻣﻼﻙ : ﺍﻣﻤﻤﻢ ﻣﻌﺘﺰ ﻋﻨﺪﻱ ﺳﺆﺍﻝ
ﺍﻧﺎ : ﺗﻔﻀﻠﻲ
ﻣﻼﻙ : ﻣﺶ ﺩﺍﻳﺮ ﺟﻮ ﻣﻊ ﻭﺣﺪﻩ ﻣﻦ ﺍﻟﻌﻴﻠﻪ !
ﺃﻧﺎ : ﻻ ﺩﺭﺕ ﻭ ﻻ ﻩ ﻧﺪﻳﺮ ، ﺑﻨﺎﺕ ﺍﻟﻌﻴﻠﻪ ﻛﻴﻒ ﺧﻮﺍﺗﻲ
ﻣﻼﻙ : ﺗﻤﺎﻡ
ﺍﻧﺎ : ﻭ ﺍﻧﺘﻲ ﺍﻛﻴﺪﻩ ﺷﺒﺎﺏ ﺍﻟﻌﻴﻠﻪ ﻳﺪﺣﻨﺴﻮ
ﻣﻼﻙ : ﺃﻫﺎ ﻛﺎﻥ ﻭﻟﺪ ﻋﻤﻮ ﺑﺲ ﻧﺤﺲ ﻓﻴﻪ ﻛﻴﻒ ﺧﻮﻳﺂ
ﺍﻧﺎ : ﺭﺩﻱ ﺑﺎﻟﻚ ﻳﺎ ﻣﻮﻛﺎ
ﻣﻼﻙ : ﻻﻻ ﻣﺎ ﺗﺨﻔﺶ ﺍﺻﻼ ﺑﺪﻳﺖ ﺗﺘﻌﻠﻖ ﺏ ﻭﺍﺣﺪ
ﺍﻧﺎ : ﻫﻬﻬﻬﻪ ﻣﻦ ﻫﺬﺍ
ﻣﻼﻙ : ﻫﻬﻬﻬﻬﻪ ﻣﺶ ﻩ ﻧﻘﻮﻝ ﻋﻨﺪ ﻧﺘﺄﻛﺪ
ﺍﻧﺎ : ﺑﺎﻫﻲ ﺑﺎﻩ
ﻣﻼﻙ : ﺍﻛﻴﺪﻩ ﻋﻄﻠﺘﻚ ﻋﻦ ﺍﻟﻌﻤﻞ
ﺍﻧﺎ : ﻻ ﻣﻌﻘﻮﻟﻪ ﻳﺎ ﻫﺒﻠﻪ
ﻣﻼﻙ : ﺍﻭﻝ ﻣﺮﻩ ﺣﺪ ﻳﻘﻮﻟﻲ ﻫﺒﻠﻪ
ﺍﻧﺎ : ﻫﻬﻬﻬﻪ ﻧﻌﻠﻴﺎ ﺍﻧﺎ
ﻣﻼﻙ : ﺍﻣﻤﻤﻢ ﻋﺴﻮﻟﻲ ﻣﺎﻣﺎ ﺗﻨﺎﺩﻱ ﺑﻌﺪﻳﻦ ﻧﺤﻜﻮ
ﺍﻧﺎ : ﺗﻤﺎﻡ ﻋﻴﻨﻚ ﻣﻦ ﺭﻭﺣﻚ
ﻣﻼﻙ : ﺣﺎﺿﺮ ﺑﺎﻱ
ﺍﻧﺎ : ﺳﻼﻡ
~
~
~
ﺳﻜﺮﺕ ﻣﻨﻬﺎ ﻭ ﻧﻔﻜﺮ ﻓﻲ ﻛﻼﻣﻬﺎ ﻭ ﺃﺳﻠﻮﺑﻬﺎ ﺗﻲ ﺑﻨﻮﺗﻪ ﺗﻬﺒﻞ ﻭ ﻋﺴﻞ ﻭ ﺣﺴﻴﺘﻬﺎ ﺣﺎﻃﻪ ﻓﻴﺎ ﺛﻘﻪ ﻭ ﻣﺎ ﻧﺒﻴﺶ ﻧﺨﺬﻟﻬﺎ ، ﻋﺎﺭﻑ ﺭﻭﺣﻲ ﻋﺎﺟﺒﻬﺎ ﻛﻴﻒ ﻣﺎ ﻫﻲ ﻋﺎﺟﺒﺘﻨﻲ
ﺑﺲ ﻣﺎ ﺗﺒﻴﺶ ﺗﻘﻮﻝ ﺍﻧﻬﺎ ﺗﺤﺒﻨﻲ ﻏﻴﺮ ﻟﻤﺎ ﺗﺘﺄﻛﺪ ﺍﻧﻲ ﺣﺘﻲ ﺍﻧﺎ ﻧﺤﺒﻬﺎ "
ﺃﺣﻤﺪ : ﺭﺻﻴﺪﻙ ﻭﺍﺣﺪ ﺷﻜﻠﻬﺎ
ﺍﻧﺎ : ﺗﺒﻲ ﻧﺪﺯﻟﻚ ﻏﻴﺮ ﻓﻜﻨﺎ ﻣﻦ ﺍﻟﻨﻘﺎﺭﻩ
ﺍﺣﻤﺪ : ﻻ ﻋﻨﺪﻱ
ﺍﻧﺎ : ﺑﺎﻩ ﺷﻜﻠﻲ ﺑﺪﻳﺖ ﻧﻤﻴﻞ ﻝ ﺍﻟﺒﻨﺖ ﺃﺯﻓﺖ
ﺃﺣﻤﺪ : ﺗﻲ ﺗﻤﺎﻡ ﺑﻜﻞ ﻫﻜﻲ
ﺍﻧﺎ : ﻭ ﻓﺎﻃﻤﻪ
ﺃﺣﻤﺪ : ﻻ ﻓﺎﻃﻤﻪ ﻻ ﻋﻴﻨﻚ
ﺍﻧﺎ : ﺑﺎﻩ ﻣﺎﺷﻲ ﺷﻮﺭ ﺣﻤﺪ ﺷﻮﻳﻪ
ﺃﺣﻤﺪ : ﻭﺟﻚ ﺑﺎﻩ
ﻣﺸﻴﺖ ﻫﺪﺭﺯﺕ ﻣﻊ ﺣﻤﺪ ﻭ ﻋﻄﺎﻧﻲ ﺭﻗﻢ ﻭﺍﺣﺪ ﻳﻌﺮﻓﻪ ﻏﺎﺩﻱ ﻓﻲ ﺗﺮﻛﻴﺎ ﻭ ﺭﺩﻳﺖ ﻟﻠﻤﺤﻞ ﻭ ﻣﺸﻰ ﺍﻟﺠﻮ ﻋﻨﺪ ﺍﻟﻠﻴﻞ ﻭ ﺭﻭﺣﺖ ﻟﻠﺤﻮﺵ ، ﻗﻌﻤﺰﺕ ﻗﺮﻳﺖ ﺷﻮﻳﻪ ﻭ ﺗﺎﻧﻲ ﻳﻮﻡ ﻣﺸﻴﺖ ﻟﻠﺠﺎﻣﻌﻪ ﻭ ﺍﻻﻣﺘﺤﺎﻥ ﺟﺎ ﻋﺒﻴﻂ ﻧﻔﺲ ﻭﺟﻪ ﺍﻟﺪﻛﺘﻮﺭﻩ ﺑﺘﺎﻋﻪ
ﻭ ﺑﻌﺪ ﺭﻭﺣﺖ ﻟﻠﺤﻮﺵ ﻭﺗﻴﺖ ﺩﺑﺸﻲ ﻭ ﺃﺣﻤﺪ ﺣﺠﺰﻟﻲ ﻭ ﻛﺎﻧﺖ ﻃﻴﺎﺭﺗﻲ ﻓﻲ ﺍﻟﻠﻴﻞ
ﺳﻠﻤﺖ ﻉ ﻫﻠﻲ ﻭ ﺍﻟﺸﺒﺎﺏ ﻭ ﻭﺻﻠﻨﻲ ﻳﻮﺳﻒ ﻭ ﺃﺣﻤﺪ ﻟﻠﻤﻄﺎﺭ
ﻭ ﺭﻛﺒﺖ ﻟﻄﻴﺎﺭﻩ ﻭ ﻃﻠﻌﺖ ﺷﻮﺭ ﺗﺮﻛﻴﺎ ﻧﺴﻴﺖ ﻧﻜﺘﺐ ﻉ ﺍﻟﻔﻴﺲ ﻣﺴﺎﻓﺮ ﻟﺘﺮﻛﻴﺎ ﻫﻬﻬﻪ ﻛﻴﻒ ﻋﻴﺖ ﺣﻨﻪ
ﻭ ﻭﺻﻠﺖ ﻏﺎﺩﻱ ﻭ ﻛﺎﻥ ﻣﻌﺎﻳﺎ ﺷﻔﺮﻩ ﺗﺮﻛﻴﻪ ﻣﻦ ﺣﻤﺪ ﻭ ﺭﻧﻴﺖ ﻉ ﺍﻟﺸﺂﺏ ﺻﺎﺣﺐ ﺣﻤﺪ
ﻭ ﺟﺎﻧﻲ ﻭ ﺧﺬﺍﻧﻲ ﻣﻌﺎﻩ ﻟﻠﺤﻮﺵ ﺇﻻ ﺳﺎﻛﻦ ﻓﻴﻪ ، ﻃﺒﻌﺎ ﻛﺎﻥ ﺷﺎﺏ ﻟﻴﺒﻲ ﺑﺲ ﻣﺶ ﻣﻦ ﺑﻨﻐﺎﺯﻱ ، ﻛﺎﻥ ﻣﻦ ﺍﻟﺒﻴﻀﺎﺀ
ﻫﺪﺭﺯﻧﺎ ﺷﻮﻳﻪ ﻭ ﻋﺮﻑ ﻋﻴﺖ ﻋﻤﺘﻲ ﺇﻻ ﻓﻲ ﺍﻟﺒﻴﻀﺎﺀ ﻭ ﻃﻠﻌﺖ ﻧﺪﻫﻮﺭ ﺍﻧﺎ ﻭ ﻳﺎﻩ ﻭ ﺟﻮﻱ ﻟﻮﺯ ﺍﻟﻠﻮﺯ
ﻋﺮﻓﻨﻲ ﻉ ﻛﻢ ﻭﺍﺣﺪ ﻳﺘﻌﺎﻣﻞ ﻣﻌﺎﻫﻢ ﻭ ﺗﻔﺮﺟﺖ ﻉ ﺑﻀﺎﻋﻪ ﻭ ﺍﺧﺘﺮﺕ ﺷﻦ ﻧﺒﻲ ﻭ ﻋﻄﻴﺘﻪ ﺩﻓﻌﻪ ﻣﻦ ﺍﻟﻔﻠﻮﺱ
ﻭ ﺭﻭﺣﻨﺎ ﻟﻠﺤﻮﺵ ﻭ ﺭﻧﻴﺖ ﻉ ﻫﻠﻲ ﻭ ﻛﻠﻤﺖ ﺃﺣﻤﺪ ﻭ ﺗﺎﻧﻲ ﻳﻮﻡ ﻧﻔﺲ ﺍﻟﺠﻮ ﺑﺮﻣﻨﺎ ﻭﺍﺟﺪ
ﻋﻠﻴﻚ ﺟﻮ ﻭ ﻋﻠﻴﻚ ﺣﻴﺎﻩ ﻃﺎﻟﻘﻪ ﺷﻌﺮﻫﺎ
ﻭ ﺷﺮﻳﺖ ﺍﻟﺤﺎﺟﺎﺕ ﺇﻻ ﺗﺒﻴﻬﻦ ﻫﻨﺎﺩﻱ ﻭ ﺷﺮﻳﺖ ﺍﻟﻌﺎﺏ ﻝ ﺟﻮﺭﻱ ﻭ ﺩﺑﺶ ﻻﻣﻲ ، ﻭ ﺧﻄﺮﺕ ﻋﻠﻴﺎ ﻣﻮﻛﺎ ﻭ ﺷﺮﻳﺘﻠﻬﺎ ﻫﺪﻳﻪ ﻭ ﺑﺎﻟﻨﺴﺒﻪ ﻟﺸﺒﺎﺏ ﻳﺨﺘﺎﺭﻭ ﻣﻦ ﺍﻟﺪﺑﺶ ﺑﺪﻭﻥ ﺍﺳﺘﺎﺫﺍﻥ
ﻭ ﻣﺸﻰ ﻳﻮﻡ ﻭ ﺟﺎ ﻳﻮﻡ ، ﻋﻨﺪ ﻛﻤﻠﺖ ﺣﺎﺟﺘﻲ ﻛﻠﻬﺎ ﻭ ﺣﺠﺰﺕ ﻝ ﺑﻨﻐﺎﺯﻱ ﻭ ﺍﻟﺒﻀﺎﻋﻪ ﺗﻮﺻﻠﻨﻲ ﺑﻌﺪ ﺃﺳﺒﻮﻉ
ﻟﻘﻴﺖ ﻧﺎﺻﺮ ﻭ ﺃﺣﻤﺪ ﻭ ﻳﻮﺳﻒ ﻳﺮﺍﺟﻮ ﻓﻴﺎ ﻓﻲ ﺍﻟﻤﻄﺎﺭ ﺗﻘﻮﻝ ﻣﺮﻭﺡ ﻣﻦ ﺍﻟﺤﺞ
ﺳﻠﻤﺖ ﻋﻠﻴﻬﻢ ﻭ ﺧﺬﻭ ﻣﻨﻲ ﺍﻟﺤﺎﺟﺎﺕ ﻭ ﺭﻛﺒﻨﺎ ﻓﻲ ﺳﻴﺎﺭﺓ ﻳﻮﺳﻒ
ﻭ ﺃﻭﻝ ﻣﺎ ﺧﺸﻴﺖ ﻟﻠﺤﻮﺵ ﺩ ﺍﻣﻲ ﺗﺰﻏﺮﺕ ﻭ ﻓﺮﺣﺎﻧﻪ ﺭﺳﻤﻲ ﻣﺮﻭﺡ ﻣﻦ ﺍﻟﺤﺞ
ﻗﻌﻤﺰﺕ ﻭ ﺣﻜﻴﺘﻠﻬﻢ ﻉ ﺗﺮﻛﻴﺎ ﻭ ﺟﻮﻫﺎ ﻭ ﻭﺭﺗﻴﻬﻢ ﺷﻨﻄﺔ ﺍﻟﻬﺪﺍﻳﺎ ﻭ ﻓﺘﺤﻬﺎ ﻧﺎﺻﺮ
ﻫﻨﺎﺩﻱ : ﺣﻲ ﻫﺬﻳﻦ ﺣﺎﺟﺎﺗﻲ
ﺍﻣﻲ : ﻣﺎ ﺗﺴﻌﻤﻠﻴﺶ ﻛﻞ ﺣﺎﺟﻪ ﺧﻠﻲ ﻝ ﻋﺮﺳﻚ
ﺍﻧﺎ : ﺍﺣﻤﻢ ﺁﺣﻤﻤﻢ
ﻳﻮﺳﻒ : ﺧﻠﻴﻬﺎ ﺗﻔﺮﺡ ﻭ ﺗﺒﻲ ﺃﻱ ﺣﺎﺟﻪ ﺑﻌﺪﻳﻦ ﻧﺠﻴﺒﻮﻟﻬﺎ
ﻧﺎﺻﺮ : ﻭ ﺍﻧﺎ ﺷﻦ ﺟﺒﺘﻠﻲ
ﺍﻧﺎ : ﺗﻮ ﺗﺨﺘﺎﺭ ﻣﻦ ﺍﻟﺪﺑﺶ ﺇﻻ ﺟﺎﻱ ﺍﻧﺖ ﻭ ﻳﻮﺳﻒ ﻭ ﺧﻠﻴﻞ
ﻳﻮﺳﻒ : ﺍﻻﻟﻌﺎﺏ ﻫﺬﻳﻦ ﺍﻛﻴﺪﻩ ﻝ ﺟﻮﺭﻱ
ﺍﻧﺎ : ﻻﻻ ﻟﻚ ﺍﻧﺖ
ﻳﻮﺳﻒ : ﺣﻴﻮﺍﻥ ﺧﺰﻱ
ﺍﻧﺎ : ﻭ ﺍﻟﻜﻴﺲ ﻫﺬﺍ ﻻﻣﻲ
ﺍﻣﻲ : ﻟﻴﺶ ﻣﺘﻌﺐ ﺭﻭﺣﻚ
ﺃﻧﺎ : ﺗﻲ ﺗﻌﺐ ﺷﻦ
ﻧﺎﺻﺮ : ﻋﻠﻴﻚ ﺩﺑﺶ ﺇﻻ ﻧﺤﻦ ﻋﻠﻴﻚ ﺑﺨﺖ
ﻳﻮﺳﻒ : ﺍﻭﻭ ﺍﻟﻌﻠﺒﻪ ﻫﺬﻩ ﺷﻮﺭ ﻣﻦ
ﻧﺎﺻﺮ : ﺷﻮﺭ ﻟﻴﻠﻲ ﺍﻛﻴﺪﻩ
ﺍﻧﺎ : ﺷﻮﺭ ﻭﺫﻧﻚ ﻋﺪﻱ ﺗﻞ D:
ﻳﻮﺳﻒ : ﺑﻌﺪ ﺧﻄﺮﻫﺎ ﻟﻴﻠﻲ ﻭﻳﻦ
ﺍﻣﻲ : ﻋﻨﺪ ﻫﻠﻬﺎ
ﺍﻧﺎ : ﻣﺎﻻ ﻓﻜﺎ 3:
ﻳﻮﺳﻒ : ﺑﺎﻩ ﺷﻮﺭ ﻣﻦ ﺍﻟﻌﻠﺒﻪ
ﻫﻨﺎﺩﻱ : ﻋﺎﺩﻱ ﻧﻔﺘﺤﻬﺎ
ﺍﻧﺎ : ﻻﻻ ﺧﻠﻮ ﺻﺎﺣﺒﺘﻬﺎ ﺗﻔﺘﺤﻬﺎ ﻗﺒﻞ -.-
ﻧﺎﺻﺮ : ﺷﻜﻠﻬﺎ ﺷﻮﺭ ﺍﻟﺤﺐ
ﺍﻧﺎ : ﻣﺶ ﺷﻮﺭﻙ ﻳﺎ ﻓﺮﺥ D:
ﻳﻮﺳﻒ : ﻋﺮﻓﺘﻬﺎ ﺍﻧﺎ D:
ﺍﻧﺎ : ﺍﺑﺮﺩ ﻣﻨﻜﻢ ﻣﺎ ﻓﺶ ﺭﺁ D:
ﺍﻣﻲ : ﺧﻼﺹ ﺧﻠﻮﻩ ﺑﺮﺍﺣﺘﻪ
ﺍﻧﺎ : ﻧﻤﺸﻲ ﻧﺄﺧﺬ ﺩﻭﺵ ﻭ ﻧﺪﻳﺮ ﻃﻠﻪ ﻉ ﺍﻟﻤﺤﻞ
ﻳﻮﺳﻒ : ﺣﻲ ﻉ ﺃﻣﻪ ﻧﺴﻴﺖ ﺃﺣﻤﺪ ﻓﻲ ﺍﻟﻤﺮﺑﻮﻋﻪ
ﻫﻨﺎﺩﻱ : ﺣﻲ ﺗﻮ ﻧﺼﺒﻲ ﻧﺪﻳﺮ ﻗﻬﻮﻩ
ﺍﻧﺎ : ﻏﻴﺮ ﺟﻮﻱ ﺗﻤﺎﻡ ﻛﺎﻥ ﻫﺬﺍ ﺭﺍ ﻛﻒ ﻳﺎ ﻓﺮﺧﻪ D:
ﺍﻣﻲ : ﺧﻄﻴﺒﻬﺎ ﻋﺎﺩ
ﺍﻧﺎ : ﺑﺎﻫﻲ ﺑﺎﻫﻲ
ﻣﺸﻴﺖ ﺩﺭﺕ ﺩﻭﺵ ﻉ ﺍﻟﺴﺮﻳﻊ ﻭ ﻃﻠﻌﺖ ﻗﻌﻤﺰﺕ ﻣﻊ ﺃﺣﻤﺪ ﻭ ﻳﻮﺳﻒ ﻓﻲ ﺍﻟﻤﺮﺑﻮﻋﻪ
ﻳﻮﺳﻒ : ﻣﻌﺘﺰ ﺷﻮﺭ ﻣﻦ ﺍﻟﻬﺪﻳﻪ
ﺃﺣﻤﺪ : ﺍﻭﻭﻭ ﻓﻲ ﻫﺪﻳﻪ
ﺍﻧﺎ : ﺷﻮﺭ ﻣﻼﻙ ﺧﻼﺹ ﺗﺮﻳﺢ
ﻳﻮﺳﻒ : ﺣﺘﻲ ﺍﻧﺎ ﻗﻠﺘﻬﺎ D:
ﺍﻧﺎ : ﺑﺎﻩ D:
ﺍﺣﻤﺪ : ﺟﺎﻳﺒﻠﻬﺎ ﻫﺪﻳﻪ ﻭ ﺍﻧﺎ ﻻ ﻳﺎ ﻣﻌﻔﻦ
ﺍﻧﺎ : ﻳﺎ ﺣﻴﻮﺍﻥ ﺍﻧﺖ ﻭ ﺍﻟﺸﺒﺎﺏ ﺗﻮ ﺗﺨﺘﺎﺭﻭ ﻣﻦ ﺍﻟﺪﺑﺶ
ﺃﺣﻤﺪ : ﻧﺒﻲ ﺩﺑﺶ ﺍﻟﻌﺮﺱ ﻛﻠﻪ ﻣﻨﻚ
ﺍﻧﺎ : ﺍﻧﺒﺎﻩ D:
ﻳﻮﺳﻒ : ﺣﺘﻲ ﺍﻧﺎ
ﺍﻧﺎ : ﺍﺻﻼ ﺩﺍﻳﺮ ﺍﻟﻤﺤﻞ ﻋﺸﺎﻧﻜﻢ ﺍﻧﺘﻮ ﻭ ﻻ ﻛﻴﻒ 3:
ﻳﻮﺳﻒ : ﻋﺎﺩﻱ ﺷﻦ ﻓﻴﻬﺎ D:
ﺍﻧﺎ : ﺍﻗﻠﺐ ﻭﺟﻚ ﺑﺎﻩ D:
ﺍﺣﻤﺪ : ﻣﺎﺯﻟﺖ ﺗﻜﻠﻢ ﻓﻴﻬﺎ ﻣﻼﻙ !
ﺃﻧﺎ : ﻻﻻ ﺑﺲ ﺫﻛﺮﺗﻨﻲ ﻧﺮﻥ ﻋﻠﻴﻬﺎ
ﻭ ﺻﺒﻴﺖ ﺧﺸﻴﺖ ﻟﺪﺍﺭﻱ ﻭ ﺭﻧﻴﺖ ﻋﻠﻴﻬﺎ ﻭ ﺍﻟﺤﻖ ﻛﻨﺖ ﻣﺮﺍﻳﻒ ﻋﻠﻴﻬﺎ 3:
ﻣﻼﻙ : ﺁﻟﻮ
ﺍﻧﺎ : ﻧﻌﻠﻴﺎ ﻋﻠﻴﻚ ﺁﻟﻮ
ﻣﻼﻙ : ﻫﻬﻬﻬﻪ ﻣﻌﺘﺰ ﻭ ﺃﺧﻴﺮﺍ ﺭﻭﺣﺖ
ﺍﻧﺎ : ﻗﻮﻟﻲ ﺍﻟﺤﻖ ﺑﺎﻩ ﺭﺍﻳﻔﺘﻲ ﻋﻠﻴﺎ v:
ﻣﻼﻙ : ﻭﺍﺟﺪ ﺁﺧﺮﻩ
ﺍﻧﺎ : ﻧﺠﻜﻠﻲ ﻭ ﺧﻼﺹ
ﻣﻼﻙ : ﺷﻦ ﺟﻮﻙ ﻭ ﺷﻦ ﺩﺭﺕ
ﺍﻧﺎ : ﻣﺎ ﻳﺼﻴﺮﺵ ﻣﻨﻬﺎ ﻉ ﺍﻟﻨﻘﺎﻝ
ﻣﻼﻙ : ﻭﻳﻦ ﺍﻣﺎﻻ
ﺍﻧﺎ : ﺗﻘﺪﺭﻱ ﺗﺠﻲ ﻟﻠﺤﺪﺍﺋﻖ !
ﻣﻼﻙ : ﻭ ﺍﻟﻠﻪ ﻣﺶ ﻋﺎﺭﻓﻪ
ﺍﻧﺎ : ﺩﺑﺮﻱ ﺭﺃﺳﻚ ﺍﻃﻠﻌﻲ ﻉ ﺃﺳﺎﺱ ﺗﺒﻲ ﺩﺑﺶ
ﻣﻼﻙ : ﻫﻬﻬﻬﻪ ﻫﻮﺍ ﺍﻧﺎ ﺍﺻﻼ ﻧﺒﻲ ﺩﺑﺶ ﻋﻨﺪﻧﺎ ﻋﺮﺱ
ﺍﻧﺎ : ﺧﻼﺹ ﻣﻌﻨﺎﻫﺎ ﺗﻌﺎﻟﻲ
ﻣﻼﻙ : ﺑﺲ ﺑﺎﺑﺎ ﻣﺶ ﻗﺎﻋﺪ
ﺍﻧﺎ : ﻋﻠﻴﻚ ﻗﺼﻪ
ﻣﻼﻙ : ﺍﻣﻤﻢ ﺗﻮ ﻧﺮﻥ ﻉ ﺑﻨﺖ ﺧﺎﻟﻮ ﻭ ﺗﺠﻲ ﻧﻄﻠﻊ ﻣﻌﺎﻫﺎ
ﺍﻧﺎ : ﺑﻨﺖ ﺧﺎﻟﻚ ﺗﺴﻮﻕ !
ﻣﻼﻙ : ﺃﻫﺎ ﺃﻛﺒﺮ ﻣﻨﻲ ﺍﺻﻼ
ﺍﻧﺎ : ﺑﺎﻩ ﺗﻤﺎﻡ ﺍﻧﺎ ﺗﻮﺍ ﻃﺎﻟﻊ ﻟﻠﻤﺤﻞ
ﻣﻼﻙ : ﺗﻢ ﺗﻮ ﻧﻜﻠﻤﻬﺎ ﻭ ﻧﺠﻲ
ﺍﻧﺎ : ﻋﻴﻨﻚ ﻣﻦ ﺭﻭﺣﻚ
ﻣﻼﻙ : ﺣﺘﻲ ﺍﻧﺖ ﻋﻴﻨﻚ ﻣﻦ ﺭﻭﺣﻚ
~
~
ﺳﻜﺮﺕ ﻣﻨﻬﺎ ﻭ ﻃﻠﻌﺖ ﻟﻠﻤﺤﻞ ﻭ ﻗﻠﺖ ﻝ ﺃﺣﻤﺪ ﻣﺎ ﻳﺠﻴﺶ ﻏﺎﺩﻱ
ﺧﺬﻳﺖ ﻣﻌﺎﻳﺎ ﺍﻟﻬﺪﻳﻪ ﻭ ﻧﺮﺍﺟﻲ ﻓﻴﻬﺎ ﺗﺮﻥ ، ﻗﻌﺪﺕ ﻣﻘﻌﻤﺰ ﻣﻊ ﺣﻤﺪ ﺑﺮﺍ
ﻭ ﺑﻌﺪ ﺳﺎﻋﻪ ﻫﻜﻲ ﻛﻨﺖ ﻓﻲ ﺍﻟﻤﺤﻞ ﺟﻮﺍ ﻭ ﺳﻤﻌﺖ ﺻﻮﺕ ﻭﺣﺪﻩ ﺗﺴﺄﻝ ﻉ ﻟﺒﺴﻪ
ﺑﺮﻣﺖ ﻧﺒﻲ ﻧﺸﻮﻑ ﺃﻱ ﻟﺒﺴﻪ ﺗﺤﻜﻲ ﻋﻠﻴﻬﺎ
ﻭ ﻟﻘﻴﺘﻬﺎ ﻓﺎﻃﻤﻪ O.o
ﻳﺘﺒﻊ . . .
#ﺷﺮﻗﻴﺔﻩ
#روآيات أنثى شرقيةه 💚