شرقي

١٧

#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
~ ■ ﺷﺮﻗﮯ ■ ~
ﺍﻟﺤﻠﻘﻬﻪ ﺍﻟﺴﺎﺑﻌﻬﻪ ﻋﺸﺮ ~
ﻳﻮﺳﻒ : ﺭﺍﺟﻲ ﺑﺲ ﻧﺮﻥ ﻋﻠﻴﻪ ﻣﻦ ﻋﻨﺪﻱ
ﻣﻼﻙ : ﺃﺳﻔﻪ ﻳﺎ ﻳﻮﺳﻒ ﺑﺲ ﻻﻻ
ﻫﻨﺎﺩﻱ : ﻭ ﺍﻟﻠﻪ ﺍﻭﻝ ﻣﺮﻩ ﻣﻌﺘﺰ ﻳﺘﻐﻴﺮ ﻫﻜﻲ ﻭ ﻛﻠﻨﺎ ﺷﻔﻄﻨﺎ ﻉ ﺍﻟﻬﺪﻳﻪ ﻭ ﻗﺎﻝ ﻫﺬﻩ ﺷﻮﺭ ﺍﻟﺤﺐ
ﺭﺣﻤﻪ : ﻣﺶ ﻩ ﺗﺨﺴﺮﻱ ﺷﻲ ﺍﺳﻤﻌﻲ ﻣﻨﻪ ﺑﺲ
ﻣﻼﻙ : ﺑﺎﻩ ﻋﺸﺎﻧﻜﻦ ﺑﺲ
ﻳﻮﺳﻒ : ﺍﻫﻮ ﻳﻀﺮﺏ ﺍﻟﺨﻂ
ﺭﺣﻤﻪ : ﺧﻮﺫﻱ ﻫﻲ
-
-
ﺍﻧﺎ : ﻫﺎ ﻳﺎ ﻳﻮﺳﻒ ﻃﻤﻨﻲ ﺷﻦ ﺻﺎﺭ ﻣﻌﺎﻙ
ﻣﻼﻙ : ﻣﻌﺘﺰ
ﺍﻧﺎ : ﻣﻮﻭﻭﻭﻭﻭﻭﻛﺎ
ﻣﻼﻙ : ﻳﺲ
ﺍﻧﺎ : ﺗﻲ ﻛﻴﻒ ﺻﺎﺭ
ﻣﻼﻙ : ﻗﺎﻟﻲ ﻳﻮﺳﻒ ﺗﺒﻴﻨﻲ ﺗﻔﻀﻞ ﻫﻲ !
ﺃﻧﺎ : ﻫﻜﻲ ﻣﺶ ﻩ ﻧﻘﺪﺭ ﻧﺤﻜﻲ ﺿﺮﻭﺭﻱ ﺗﻔﺘﺤﻲ ﻧﻘﺎﻟﻚ
ﻣﻼﻙ : ﻻﻻ ﻧﺒﻴﺶ
ﺍﻧﺎ : ﻏﻴﺮ ﻧﻔﻬﻤﻚ ﻭ ﺑﻌﺪﻫﺎ ﺳﻜﺮﻳﻪ
ﻣﻼﻙ : ﻭ ﻟﻴﺶ ﻣﺎ ﺗﺤﻜﻲ ﺗﻮﺍ ؟
ﺍﻧﺎ : ﺧﺎﻳﻒ ﻉ ﺭﺻﻴﺪ ﺧﻮﻳﺂ
ﻣﻼﻙ : ﻫﻬﻬﻬﻪ ﺑﺎﻩ ﺗﻤﺎﻡ ﺑﻌﺪ ﻧﺮﻭﺡ ﻧﺮﻥ ﻋﻠﻴﻚ
ﺍﻧﺎ : ﺗﻤﺎﻡ ﻭ ﻋﻴﻨﻚ ﻣﻦ ﺭﻭﺣﻚ ﻳﺎﻟﺤﺐ
ﻣﻼﻙ : ﺣﺎﺿﺮ
ﺳﻜﺮﺕ ﻣﻨﻬﺎ ﻭ ﻣﺶ ﻣﺼﺪﻕ ﺗﻲ ﻧﻌﻠﻴﺎ ﻣﻨﻬﺎ ﻭ ﺧﻼﺹ ﻭ ﻣﺶ ﻗﺎﺩﺭ ﻛﻴﻒ ﻧﻮﺻﻒ ﻓﺮﺣﺘﻲ ﻭ ﺭﻧﻴﺖ ﻉ ﺃﺣﻤﺪ ﻭ ﻗﺘﻠﻪ ﺗﻌﺎﻝ ﻟﻠﻤﺤﻞ "
ﺭﺣﻤﻪ : ﺷﻦ ﺻﺎﺭ
ﻣﻼﻙ : ﺑﻌﺪﻳﻦ ﻧﺤﻜﻲ ﻣﻌﺎﻩ
ﻳﻮﺳﻒ : ﻭ ﺍﻟﻠﻪ ﻣﺶ ﻫﺘﻼﻗﻲ ﻧﻔﺴﻪ ﺭﺍ
ﻫﻨﺎﺩﻱ : ﺷﻜﺎﺭ ﺧﻮﻩ ﺧﻄﻢ ﻣﻦ ﺟﻨﺒﻨﺎ
ﺭﺣﻤﻪ : ﻫﻬﻬﻬﻬﻪ ﺧﻄﻴﺮﻩ
ﻣﻼﻙ : ﺟﺪﻳﺪﺓ ﻫﺬﻩ
ﻳﻮﺳﻒ : ﻋﻠﻴﻚ ﺟﻮ ﻣﺶ ﻋﺪﻝ ﻫﻜﻲ
ﻫﻨﺎﺩﻱ : ﺑﺎﻫﻲ ﻣﺶ ﺗﺎﺧﺮﻧﺎ ﻭ ﻻ ﻛﻴﻒ
ﺭﺣﻤﻪ : ﺗﻲ ﺍﻗﻌﺪﻭ
ﻳﻮﺳﻒ : ﺑﻌﺪ ﺧﻄﺮﻫﺎ ﻉ ﺍﻟﻌﺮﺱ ﻣﺎ ﺗﺠﻴﺒﻲ ﺷﻲ ﻣﻌﺎﻙ ﻏﻴﺮ ﺩﺑﺸﻚ
ﺭﺣﻤﻪ : ﻟﻴﺶ
ﻣﻼﻙ : ﺣﻲ ﺑﻌﺪﻙ ﻟﻬﺎ ﺃﺳﺒﻮﻉ ﺗﺸﺮﻱ
ﻳﻮﺳﻒ : ﻋﻨﺪ ﻧﻜﻤﻞ ﻓﻮﻕ ﻭ ﻧﻄﻠﻌﻮ ﻧﺸﺮﻭ ﺍﻻﺛﺎﺙ ﻣﻊ ﺑﻌﻀﻨﺎ
ﺭﺣﻤﻪ : ﺑﺎﻩ ﺗﻤﺎﻡ ﺗﻮ ﻧﻘﻮﻝ ﻟﻬﻠﻲ
ﻫﻨﺎﺩﻱ : ﻭ ﺩﺍﺭ ﺍﻟﻨﻮﻡ ﺣﺠﺰﻫﺎ ﻣﻦ ﺗﺮﻛﻴﺎ
ﻣﻼﻙ : ﻣﺎ ﺷﺎﺀ ﺍﻟﻠﻪ
ﻳﻮﺳﻒ : ﻋﻘﺒﺎﻝ ﺩﺍﺭﻙ ﻳﺎ ﻣﻮﻛﺎ
ﻣﻼﻙ : ﻫﻬﻬﻪ ﺗﺴﻠﻢ
ﻳﻮﺳﻒ : ﻫﻴﺎ ﻋﺎﺩ
ﻫﻨﺎﺩﻱ : ﻫﻴﺎ ﻫﻲ
ﺭﺣﻤﻪ : ﺳﻠﻤﻲ ﻉ ﺍﻣﻚ ﻳﺎ ﻫﻨﻮﺩﺍ
ﻳﻮﺳﻒ : ﻗﺼﺪﻙ ﻋﻤﺘﻚ
ﺭﺣﻤﻪ : ﺃﻫﺎ ﺃﺳﻔﻪ ﻋﻤﺘﻲ
ﻣﻼﻙ : ﻣﺎﺯﺍﻟﺖ ﻣﺶ ﻣﺘﻌﻮﺩﻩ ﺑﺲ
ﻳﻮﺳﻒ : ﻣﺎ ﺻﺎﺭ ﺷﻲ
ﻫﻨﺎﺩﻱ : ﻳﻮﺻﻞ ﻳﺎ ﺧﻴﺎ
ﻭ ﻃﻠﻌﻮ ﻫﻨﺎﺩﻱ ﻭ ﻳﻮﺳﻒ
ﻳﻮﺳﻒ : ﻫﺎ ﺷﻦ ﺭﺃﻳﻚ ﻓﻴﻬﺎ
ﻫﻨﺎﺩﻱ : ﻣﺎ ﺷﺎﺀ ﺍﻟﻠﻪ
ﻳﻮﺳﻒ : ﻛﺎﻥ ﻣﻌﺘﺰ ﻳﺮﺯﻥ ﺑﺲ ﻭ ﻳﺨﻄﺒﻬﺎ ﺭﺳﻤﻲ
ﻫﻨﺎﺩﻱ : ﺑﺲ ﺿﺮﻭﺭﻱ ﻳﻔﻬﻤﻬﺎ ﻗﺼﺔ ﺗﺎﻣﻲ ﻗﺒﻞ
ﻳﻮﺳﻒ : ﻳﺴﺘﺮ ﺍﻟﻠﻪ
ﻫﻨﺎﺩﻱ : ﻋﻨﺪ ﺃﻣﺲ ﺗﺴﺄﻝ ﻓﻴﺎ ﻋﻠﻴﻪ
ﻳﻮﺳﻒ : ﻣﻦ ﻫﺬﻩ ؟
ﻫﻨﺎﺩﻱ : ﺗﺎﻣﻲ
ﻳﻮﺳﻒ : ﺗﻲ ﻛﻨﻬﺎ ﻃﻠﻌﺘﻠﻪ ﻓﺠﺄﻩ ﻭ ﺳﻜﻨﺖ
ﻫﻨﺎﺩﻱ : ﻭ ﺍﻟﻠﻪ ﻣﺴﻜﻴﻨﻪ ﺗﻲ ﺍﻧﺖ ﻋﺎﺭﻑ ﺍﻧﻪ ﻭﻟﺪﻫﺎ ﺍﺳﻤﻪ ﻣﻌﺘﺰ
ﻳﻮﺳﻒ : ﺍﺣﻠﻔﻲ ؟
ﻫﻨﺎﺩﻱ : ﻭ ﺣﻖ ﺭﺑﻲ
ﻳﻮﺳﻒ : ﻫﺬﺍ ﻧﺼﻴﺒﻬﻢ ﺍﻟﻠﻪ ﻏﺎﻟﺐ
ﻫﻨﺎﺩﻱ : ﺑﺲ ﻫﻴﺎ ﻣﺎﺯﺍﻟﺖ ﺗﺤﺒﻪ ﺣﺮﺍﻡ
ﻳﻮﺳﻒ : ﺭﺩﻱ ﺑﺎﻟﻚ ﺗﺤﻜﻲ ﻗﺪﺍﻡ ﻣﻌﺘﺰ ﺗﻲ ﻧﻘﺘﻠﻚ ﺭﺍ
ﻫﻨﺎﺩﻱ : ﺧﻒ ﻋﻠﻴﻨﺎ ﻱ ﺃﻧﺼﺎﺭ ﺍﻟﺸﺮﻳﻌﻪ
ﻳﻮﺳﻒ : ﻣﺘﻌﻠﻤﻪ ﺍﻟﺒﺮﺍﺩﻩ ﻣﻦ ﻣﻌﺘﺰ
ﻫﻨﺎﺩﻱ : ﺻﻘﻊ ﻋﻠﻴﻚ ﻣﻘﻬﻮﺭ ﻣﻦ ﺧﻔﺔ ﺩﻣﻲ
ﻳﻮﺳﻒ : ﺑﺎﻩ ﻳﺎ ﺍﻣﺮﻳﻘﻠﻪ
ﻫﻨﺎﺩﻱ : ﺷﻦ ﻫﺬﺍ
ﻳﻮﺳﻒ : ﺃﻛﺒﺮ ﺷﻔﺎﻁ ﻓﻲ ﺑﻨﻐﺎﺯﻱ
ﻫﻨﺎﺩﻱ : ﺷﻔﺎﻁ ﻻ ﺳﺖ ﺍﻟﺒﻴﺖ
ﻳﻮﺳﻒ : ﻟﻪ ﻟﻪ ﻗﻮﻳﻪ
ﻫﻨﺎﺩﻱ : ﻫﻬﻬﻬﻬﻪ ﻗﺘﻠﻚ ﺻﻘﻊ ﻋﻠﻴﻚ
ﻳﻮﺳﻒ : ﻗﺮﻳﺐ ﻧﺨﻄﻤﻮ ﻣﻦ ﻣﺤﻞ ﻣﻌﺘﺰ ﺑﺤﺘﻲ ﺑﺴﺮﻋﻪ
ﻫﻨﺎﺩﻱ : ﺑﺎﻫﻲ ﻭﻗﻒ ﻭ ﺧﻠﻴﻨﺎ ﻧﻨﺰﻟﻮ
ﻳﻮﺳﻒ : ﺭﺍﺟﻲ ﻧﺮﻥ ﻋﻠﻴﻪ ﻛﺎﻥ ﻣﻌﺎﻩ ﺣﺪ ﻭ ﻻ ﻻ
~
~
ﻳﻮﺳﻒ : ﻫﺎ ﻳﺎ ﻓﺮﺥ ﻗﺎﻋﺪ ﻓﻲ ﺍﻟﻤﺤﻞ ؟
ﺍﻧﺎ : ﺃﻫﺎ ﻛﻨﻚ
ﻳﻮﺳﻒ : ﻋﻨﺪﻙ ﺯﺑﺎﺋﻦ !
ﺃﻧﺎ : ﻻﻻ ﻗﺎﻋﺪ ﺍﻧﺎ ﻭ ﺃﺣﻤﺪ ﺑﺲ
ﻳﻮﺳﻒ : ﺑﺎﻩ
ﺍﻧﺎ : ﺷﻦ ﻓﻲ
ﻳﻮﺳﻒ : ﻻ ﻏﻴﺮ ﻧﺒﻲ ﻧﺪﺭﺱ ﻉ ﺍﻟﻤﺤﻞ
ﺍﻧﺎ : ﺑﺎﻩ ﺗﻤﺎﻡ
~
~
ﻫﻨﺎﺩﻱ : ﻫﺎ ﻣﻦ ﻋﻨﺪﻩ !
ﻳﻮﺳﻒ : ﺧﻄﻴﺒﻚ
ﻫﻨﺎﺩﻱ : ﺃﻫﺎ ♡_♡
ﻳﻮﺳﻒ : ﺗﺤﺒﻴﻪ ﻳﺎ ﻗﺮﺩﻩ
ﻫﻨﺎﺩﻱ : ﻻ ﻣﺶ ﻗﺼﺔ ﻧﺤﺒﻪ
ﻳﻮﺳﻒ : ﺍﻣﺎﻻ ﺷﻦ
ﻫﻨﺎﺩﻱ : ﻋﺸﺎﻥ ﻣﻌﺮﻓﺔ ﻣﻌﺘﺰ ﻭ ﻫﻜﻲ ﻭ ﺍﻟﻤﻮﻗﻒ ﺍﻟﻠﻲ ﺻﺎﺭ ﻓﻲ ﺍﻷﻭﻝ ﻭ ﻉ ﻃﻮﻝ ﺟﺎﺏ ﺃﻣﻪ ﺗﺮﺣﻴﺘﻠﻪ
ﻳﻮﺳﻒ : ﻛﺬﺍﺑﻪ ﻓﻲ ﻧﺺ ﻭﺟﻚ
ﻫﻨﺎﺩﻱ : ﻳﺎ ﺳﺎﻣﻂ ﻧﺤﻜﻲ ﺟﺪ
ﻳﻮﺳﻒ : ﺃﺣﻤﺪ ﻳﺤﺒﻚ ﻣﻦ ﻗﺒﻞ ﻭ ﺣﺘﻲ ﺍﻧﺘﻲ ﺗﺒﻴﻪ
ﻫﻨﺎﺩﻱ : ﻓﻬﻤﻨﻲ ﻟﻴﺶ ﻓﺮﺣﺎﻥ ﺑﺎﻩ
ﻳﻮﺳﻒ : ﺍﻫﻮ ﻭﺻﻠﻨﺎ ﻫﻴﺎ ﺍﻧﺰﻟﻲ
ﻫﻨﺎﺩﻱ : ﺑﺎﻩ
ﻭ ﻧﺰﻟﻮ ﻫﻤﺎ ﺍﻻﺗﻨﻴﻦ ﻭ ﻳﻮﺳﻒ ﻗﻌﺪ ﻗﺪﺍﻡ ﺍﻟﺒﺎﺏ ﻳﺴﻠﻢ ﻉ ﺣﻤﺪ ﻭ ﻫﻨﺎﺩﻱ ﻗﻌﺪﺕ ﻣﺼﺒﻴﻪ ﺗﺮﺍﺟﻲ ﻓﻲ ﻳﻮﺳﻒ ﻳﺨﺶ
ﺍﻧﺎ : ﻫﻨﺎﺩﻱ ﻣﻌﺎﻩ
ﺃﺣﻤﺪ : ﻛﻨﻬﺎ ﻣﺼﺒﻴﻪ ﺑﺮﺍ
ﺍﻧﺎ : ﺭﺍﺟﻲ
ﺃﺣﻤﺪ : ﺗﻲ ﻳﻮﺳﻒ ﻫﺬﺍ ﻫﺒﻞ ﻭ ﻻ ﺷﻦ ﺟﺎﻳﺒﻬﺎ ﻟﻤﺤﻞ ﺷﺒﺎﺏ " ﻳﺎ ﻳﻮﺳﻒ ﺧﺶ ﺃﺯﻓﺖ ﻭ ﻳﻨﺎﺩﻱ ﺑﺼﻮﺕ ﻋﺎﻟﻲ "
ﺍﻧﺎ : ﺗﻮ ﻧﻄﻠﻊ ﻧﻜﻠﻤﻬﺎ
ﺃﺣﻤﺪ : ﻭ ﺣﻤﺪ ﻛﻨﻪ ﻳﺒﺤﺖ ﻓﻴﻬﺎ
ﻭ ﻃﻠﻌﺖ ﺍﻧﺎ ﻭ ﺃﺣﻤﺪ ﻗﺪﺍﻡ ﺍﻟﺒﺎﺏ
ﺣﻤﺪ : ﺭﺑﻲ ﻳﺼﻮﻥ ﺍﻟﺴﻤﻮﺣﻪ
ﻳﻮﺳﻒ : ﺗﺴﻠﻢ ﻳﺎ ﺃﺻﻠﻲ
ﺃﺣﻤﺪ : ﺧﺸﻲ ﺟﻮﺍ
ﻫﻨﺎﺩﻱ : ﺣﺎﺿﺮ ﻫﻲ
ﺍﻧﺎ : ﻳﺎ ﻣﺘﻮﺣﺶ
ﺣﻤﺪ : ﺃﺣﻤﺪ ﻛﻨﻚ ﻋﺼﺒﻲ ﺗﻲ ﻣﺶ ﺧﺎﻃﺐ ﻣﺎﻟﻚ ﻭ ﻣﺎﻝ ﺍﻟﺒﻨﺖ
ﺍﻧﺎ : ﻣﺎﻩ ﺍﻟﺒﻨﺖ ﻫﺬﻩ ﺧﻄﻴﺒﺘﻪ
ﺣﻤﺪ : ﺍﻭﻭﻭ ﻗﺼﺪﻙ ﻧﺴﻴﺒﻚ
ﺍﻧﺎ : ﺗﻲ ﻫﺎ ﺍﻣﺎﻻ
ﺃﺣﻤﺪ : ﺍﻧﺎ ﺧﺎﺵ ﺟﻮﺍ ﺩﻗﻴﻘﻪ
ﺣﺴﻴﺖ ﺃﺣﻤﺪ ﺗﻨﺮﻓﺰ ﻭ ﺃﻧﻪ ﻛﻴﻒ ﻫﻨﺎﺩﻱ ﺟﺎﻳﻪ ﻟﻠﻤﺤﻞ ﻓﻲ ﺍﻷﻭﻝ ﻧﺒﻲ ﻧﻨﻔﺼﻞ ﻭ ﺑﻌﺪﻫﺎ ﻗﻠﺖ ﺩﻭﺑﻨﻲ ﻣﺘﻌﺎﺭﻙ ﻣﻌﺎﻩ ﺧﻠﻴﻪ ﻳﺨﺶ ﻳﻔﻬﻢ ﻣﻨﻬﺎ ﻭ ﻗﻌﺪﺕ ﺍﻧﺎ ﻭ ﻳﻮﺳﻒ ﺑﺮﺍ ﺑﺲ ﻋﻴﻨﻲ ﻋﻠﻴﻬﻢ
ﺃﺣﻤﺪ : ﻟﻤﺎ ﻧﺤﻜﻲ ﻣﻌﺎﻙ ﺑﺤﺘﻲ ﻓﻴﺎ
ﻫﻨﺎﺩﻱ : ﻭﻃﻲ ﺻﻮﺗﻚ ﺑﺎﻫﻲ
ﺃﺣﻤﺪ : ﺗﻮﺍ ﻧﺒﻲ ﺗﻤﺴﻚ ﻓﻲ ﻭﻃﻲ ﺻﻮﺗﻚ ﻭ ﻧﻢ
ﻫﻨﺎﺩﻱ : ﺑﺎﻫﻲ ﻧﺒﻲ ﻧﻔﻬﻢ ﺍﻧﺎ ﺷﻦ ﺩﺭﺕ
ﺃﺣﻤﺪ : ﺟﺎﻳﻪ ﻣﺤﻞ ﺷﺒﺎﺏ ﻭ ﺗﻄﻠﻌﻲ ﻭ ﺟﻮ ﻭ ﺗﻘﻮﻝ ﻣﺎ ﻋﻨﺪﻛﺶ ﺭﺍﺟﻞ
ﻫﻨﺎﺩﻱ : ﻳﻮﺳﻒ ﻗﺎﻝ ﻧﺨﻄﻤﻮ ﻣﻦ ﺍﻟﻤﺤﻞ ﻗﺘﻠﻪ ﺧﻠﻴﻨﻲ ﻧﻨﺰﻝ ﻧﺘﻔﺮﺝ ﺑﺲ
ﺃﺣﻤﺪ : ﺗﻲ ﺣﻼﻝ ﻓﻴﻚ ﻛﻒ ﺍﺯﺡ
ﻫﻨﺎﺩﻱ : ﻗﺼﺪﻱ ﻛﺎﻥ ﺍﻧﺖ ﻣﻦ ﺗﻮﺍ ﻫﻜﻲ ﺍﻣﺎﻻ ﺑﻌﺪﻳﻦ ﻛﻴﻒ
ﺃﺣﻤﺪ : ﻣﺶ ﻋﺎﺟﺒﻚ ﻳﻌﻨﻲ !!
ﻫﻨﺎﺩﻱ : ﻧﺒﻲ ﻧﻄﻠﻊ ﺍﻧﺎ
ﺃﺣﻤﺪ : ﺗﺒﻲ ﺗﻄﻠﻌﻲ ﻋﺸﺎﻥ ﺗﺸﻮﻓﻲ ﺣﻤﺪ ﺁﺧﺮﻩ ‏)
ﻫﻨﺎﺩﻱ : ﺷﻦ ﺗﺸﻮﻑ ﻓﻴﺎ ﻗﺪﺍﻣﻚ " ﻭ ﻋﻴﻮﻧﻬﺎ ﺩﻣﻮﻉ "
ﺃﺣﻤﺪ : ﻫﻨﻮﺩﺍ ﻭ ﺍﻟﻠﻪ ﻣﺶ ﻗﺼﺪﻱ
ﻳﻮﺳﻒ : ﻫﻲ ﻫﻲ ﺷﻦ ﻓﻲ ؟
ﺍﻧﺎ : ﻛﻨﻚ ﺗﺒﻜﻲ
ﻫﻨﺎﺩﻱ : ﻣﺎ ﻓﻲ ﺷﻲ ﻧﺒﻲ ﻧﺮﻭﺡ ﺑﺲ
ﺍﻧﺎ : ﻣﺎ ﺍﺗﻔﻘﻨﺶ ﻉ ﻫﻜﻲ ﻳﺎ ﺃﺣﻤﺪ
ﻳﻮﺳﻒ : ﻣﻦ ﺃﻭﻟﻬﺎ ﺗﺨﻠﻲ ﻓﻴﻬﺎ ﺗﺒﻜﻲ !!
ﺃﺣﻤﺪ : ﺳﻼﻡ ﺑﺎﻩ ﺧﻴﺮ ﻣﺎ ﻧﻔﻠﻢ
ﻃﻠﻊ ﺃﺣﻤﺪ ﻭ ﺍﻧﺎ ﺳﻜﺮﺕ ﺍﻟﻤﺤﻞ ﻭ ﺭﻭﺣﻨﺎ ﻟﻠﺤﻮﺵ ﻭ ﻣﺶ ﻓﺎﻫﻢ ﺷﻦ ﺻﺎﺭ ﺑﻴﻨﺎﺗﻬﻢ
ﻭ ﻫﻨﺎﺩﻱ ﻃﻮﻝ ﺍﻟﻄﺮﻳﻖ ﻛﺎﻧﺖ ﺳﺎﻛﺘﻪ ﻭ ﺃﻭﻝ ﻣﺎ ﺧﺸﻴﻨﺎ ﻟﻠﺤﻮﺵ ﺧﺸﺖ ﻭ ﺳﻜﺮﺕ ﻉ ﺭﻭﺣﻬﺎ ﻓﻲ ﺩﺍﺭﻫﺎ
ﺍﻣﻲ : ﻛﻨﻬﺎ ﺍﺧﺘﻜﻢ ؟
ﺍﻧﺎ : ﻣﺶ ﻋﺎﺭﻑ ﺃﺯﻓﺖ
ﻳﻮﺳﻒ : ﺷﻜﻠﻬﺎ ﺗﻌﺎﺭﻛﺖ ﻣﻊ ﺃﺣﻤﺪ
ﺍﻣﻲ : ﺣﻲ ﻋﻠﻴﺎ ﺷﻦ ﻓﻲ
ﺍﻧﺎ : ﻋﺪﻱ ﺍﺳﺎﻟﻴﻬﺎ - ، -
ﻳﻮﺳﻒ : ﻣﻌﺘﺰ ﺗﻌﺎﻝ ﻧﺒﻴﻚ ﻓﻲ ﺍﻟﺪﺍﺭ
ﺍﻧﺎ : ﺑﺎﻩ ﻧﺸﺮﺏ ﺍﻣﻴﻪ ﻭ ﻧﺠﻴﻚ
ﻣﺸﻴﺖ ﻟﻠﻜﻮﺟﻴﻨﻪ ﻭ ﺷﻔﺖ ﺍﻣﻲ ﺃﺩﻕ ﻉ ﺩﺍﺭ ﻫﻨﺎﺩﻱ
ﺟﻮﺭﻱ : ﻋﻤﻮ ﻧﺒﻴﻚ
ﺍﻧﺎ : ﺷﻦ ﺗﺒﻲ ﻳﺎ ﻋﻴﻮﻥ ﻋﻤﻮ
ﺟﻮﺭﻱ : ﻣﺎﻣﺎ ﺗﺒﻴﺶ ﺗﺸﺮﻳﻠﻲ ﺩﺑﺶ
ﺍﻧﺎ : ﻏﻴﺮ ﺷﻦ ﺗﺒﻲ ﺑﺲ ﻭ ﺗﻮ ﻧﺠﻴﺒﻠﻚ ﺍﻧﺎ
ﺟﻮﺭﻱ : ﻗﻔﻄﺎﻥ
ﺍﻧﺎ : ﺣﺎﺿﺮ ﻳﺎ ﻋﻮﻳﻨﺎﺗﻲ
ﺟﻮﺭﻱ : ﺷﻜﺮﺍ ﻳﺎ ﺍﺣﻠﻰ ﻋﻤﻮ
ﺍﻧﺎ : ﺗﻲ ﻧﺠﻜﻠﻲ ﻭ ﺧﻼﺹ
ﻳﻮﺳﻒ : ﻳﺎ ﺧﺮﺍ ﻭﻳﻨﻚ
ﺍﻧﺎ : ﻫﺎ ﺟﻴﺖ
ﻳﻮﺳﻒ : ﺗﻌﺎﻝ ﻧﺤﻜﻴﻠﻚ ﺷﻦ ﺻﺎﺭ
ﺍﻧﺎ : ﻏﻴﺮ ﺧﻠﻴﻨﺎ ﻧﻔﻬﻤﻮ ﺷﻦ ﺻﺎﺭ ﻣﻊ ﻫﻨﺎﺩﻱ ﻭ ﺃﺣﻤﺪ
ﻳﻮﺳﻒ : ﺣﺴﻴﺘﻪ ﺯﻱ ﺍﻟﻠﻲ ﻳﻐﺎﺭ ﻋﻠﻴﻬﺎ
ﺍﻧﺎ : ﻣﺶ ﻫﻜﻲ ﺍﻟﻐﻴﺮﻩ ﻳﻌﻨﻲ ﻣﻊ ﺧﻮﺗﻪ ﺑﺲ ﻣﺶ ﻋﺎﺭﻑ ﻛﻴﻒ ﻳﻔﻜﺮ
ﻳﻮﺳﻒ : ﻭ ﻋﻨﺪﻫﺎ ﺑﻜﺮﺍ ﺍﻣﺘﺤﺎﻥ ﻣﺶ ﻩ ﺗﺮﻛﺰ
ﺍﻧﺎ : ﺗﻮ ﻧﺤﻜﻲ ﻣﻌﺎﻫﺎ ﺑﻌﺪﻳﻦ
ﻳﻮﺳﻒ : ﺑﺎﻩ ﻭ ﺷﻦ ﺗﺒﻲ ﺍﺩﻳﺮ ﻓﻲ ﻗﺼﺔ ﻣﻼﻙ
ﺍﻧﺎ : ﻧﺒﻲ ﻧﺤﻜﻴﻠﻬﺎ ﻉ ﻗﺼﺔ ﻓﺎﻃﻤﻪ ﺑﻜﻞ ﺻﺮﺍﺣﻪ
ﻳﻮﺳﻒ : ﺗﻤﺎﻡ ﺑﺎﻩ
ﺍﻧﺎ : ﺍﻫﻲ ﺗﺮﻥ D:
ﻳﻮﺳﻒ : ﺍﻳﺎﻣﻚ ﻳﺎ ﻣﻌﻠﻢ D:
ﺍﻧﺎ : ﺑﺎﻩ ﺍﻗﻠﺐ ﻭﺟﻚ ﻫﻲ D:
ﺣﻔﻈﺘﻮ ﻃﺒﻌﺎ - ، - ﻋﻄﻴﺘﻬﺎ ﻣﺸﻐﻮﻝ ﻭ ﻋﺎﻭﺩﺗﻠﻬﺎ v:
ﻣﻼﻙ : ﻫﻠﻮ
ﺍﻧﺎ : ﺍﻫﻠﻴﻦ
ﻣﻼﻙ : ﺷﻨﺠﻮﻙ ﺗﻮﺍ
ﺃﻧﺎ : ﻟﻮﺯ ﺍﻟﻠﻮﺯ v:
ﻣﻼﻙ : ﺭﺑﻲ ﻳﺪﻭﻡ
ﺍﻧﺎ : ﻳﺪﻭﻣﻚ ﻟﻴﺎ
ﻣﻼﻙ : ﺑﺎﻩ ﺗﻔﻀﻞ ﺍﺣﻜﻲ ﺍﻟﻠﻲ ﻋﻨﺪﻙ
ﺍﻧﺎ : ﻩ ﻧﺤﻜﻴﻠﻚ ﻗﺼﺘﻲ ﻣﻦ ﺍﻷﻭﻝ
ﻣﻼﻙ : ﺗﻤﺎﻡ
ﺍﻧﺎ : ﻣﻦ ﺳﻨﻴﻦ ﺃﻳﺎﻡ ﻣﺎ ﻛﻨﺖ ﻓﻲ ﺃﻭﻟﻰ ﺛﺎﻧﻮﻱ " ﻭ ﺣﻜﻴﺘﻠﻬﺎ ﺍﻟﻘﺼﻪ ﻣﻦ ﺑﺪﺍﻳﺘﻬﺎ ﻋﻨﺪ ﻣﺎ ﺟﺖ ﻓﺎﻃﻤﻪ ﻟﻠﻤﺤﻞ ﻭ ﺷﺎﻓﺘﻬﺎ ﻣﻼﻙ ﻭ ﻛﻴﻒ ﺍﻧﻲ ﺟﺎﻳﺐ ﺍﻟﻬﺪﻳﻪ ﻟﻤﻼﻙ ﺑﺲ ﻣﺶ ﻋﺎﺭﻑ ﻛﻴﻒ ﻏﻠﻄﺖ ﻭ ﻛﺘﺒﺖ ﻓﺎﻃﻤﻪ "
ﻣﻼﻙ : ﻭ ﺗﻮﺍ ﻧﺒﻲ ﺗﻘﻨﻌﻨﻲ ﺍﻧﻚ ﻣﻌﺶ ﺗﺤﺒﻬﺎ ﻣﺜﻼ !
ﺃﻧﺎ : ﻣﺶ ﻗﺼﺔ ﻣﻌﺶ ﻧﺤﺒﻬﺎ ﺍﻟﻤﻮﺿﻮﻉ ﺍﻧﻲ ﻣﻦ ﻗﺒﻞ ﻣﺎ ﻛﻨﺘﺶ ﻧﺎﻭﻱ ﻧﺤﻮﻟﻬﺎ ﻣﻦ ﺭﺃﺳﻲ ﺑﺲ ﻣﻦ ﺃﻭﻝ ﻣﺎ ﺑﺪﻳﺖ ﻧﺘﻌﺮﻑ ﻋﻠﻴﻚ ﺧﻼﺹ ﻗﺮﺭﺕ ﻧﺨﻄﺒﻚ ﻭ ﻧﻜﻤﻞ ﺣﻴﺎﺗﻲ ﻣﻌﺎﻙ
ﻣﻼﻙ : ﻣﺶ ﻋﺎﺭﻓﻪ ﺷﻦ ﻧﻘﻮﻟﻚ
ﺍﻧﺎ : ﻣﻼﻙ ﺍﻧﺎ ﻛﻴﻔﻲ ﻛﻴﻒ ﺑﺎﻗﻲ ﺍﻟﺸﺒﺎﺏ ﻭ ﻣﺶ ﻩ ﻧﻜﺬﺏ ﻭ ﻧﻘﻮﻟﻚ ﺍﻧﺘﻲ ﺍﻭﻝ ﺑﻨﺖ ﻓﻲ ﺣﻴﺎﺗﻲ ﻭ ﻗﺘﻠﻚ ﻣﻦ ﻗﺒﻞ ﮔﻨﺖ ﻧﺤﻜﻲ ﻣﻊ ﺑﻨﺎﺕ ﻭﺍﺟﺪ
ﻣﻼﻙ : ﻣﺶ ﻋﺎﺟﺒﺘﻨﻲ ﻏﻴﺮ ﺻﺮﺍﺣﺘﻚ
ﺍﻧﺎ : ﻃﺎﻟﻤﺎ ﻧﺒﻲ ﻧﻜﻤﻞ ﺣﻴﺎﺗﻲ ﻣﻌﺎﻙ ﺿﺮﻭﺭﻱ ﻛﻞ ﺣﺎﺟﻪ ﺗﻜﻮﻥ ﺻﺮﻳﺤﻪ
ﻣﻼﻙ : ﻧﺒﻲ ﻧﻔﻜﺮ ﺑﺎﻫﻲ
ﺍﻧﺎ : ﺗﻔﮕﺮﻱ ﻓﻲ ﺷﻦ ؟
ﻣﻼﻙ : ﻣﺶ ﻋﺎﺭﻓﻪ
ﺍﻧﺎ : ﺣﺎﺳﻚ ﺍﻧﻚ ﻣﺘﻠﺨﺒﻄﻪ
ﻣﻼﻙ : ﺑﻜﻞ ﺑﺲ
ﺍﻧﺎ : ﺑﺲ ﺷﻦ !
ﻣﻼﻙ : ﺑﺲ ﺑﺪﻳﺖ ﻧﺤﺤﺤﺒﻚ ﻭ ﺧﺎﻳﻔﻪ
ﺍﻧﺎ : ﻣﻦ ﺷﻦ ﺧﺎﻳﻔﻪ ﺑﺲ
ﻣﻼﻙ : ﺧﺎﻳﻔﻪ ﺗﺠﺮﺣﻨﻲ ﻭ ﻻ ﺗﺴﻴﺒﻨﻲ
ﺍﻧﺎ : ﻛﺎﻥ ﻋﻨﺪﻱ ﻧﺼﻴﺐ ﻓﻴﻚ ﻭ ﺍﻟﻠﻪ ﻣﺎﻧﻲ ﻣﺴﻴﺒﻚ ﻭ ﺧﻮﺫﻱ ﻣﻨﻲ ﻛﻠﻤﺔ ﺭﺍﺟﻞ
ﻣﻼﻙ : ﺗﻤﻤﻤﺎﻣﻤﻢ ﺑﻜﻞ
ﺍﻧﺎ : ﻣﻮﻛﺎ ﻭ ﺍﻟﻠﻪ ﻣﺘﺮﻳﺤﻠﻚ ﻭ ﻣﺎﻧﺒﻴﺶ ﻧﺨﺴﺮﻙ
ﻣﻼﻙ : ﺧﻼﺹ ﺗﻢ
ﺍﻧﺎ : ﻳﻌﻨﻲ ﺻﺎﻓﻴﻪ ﻳﺎ ﻟﺒﻦ
ﻣﻼﻙ : ﺣﻠﻴﺐ ﺑﺎﻟﻌﺴﻞ
ﺍﻧﺎ : ﻓﺘﺮﺷﻲ D:
ﻣﻼﻙ : ﻫﻬﻬﻪ ﻋﺎﺩﻱ ﺑﻌﺪ ﺧﻄﺮﻫﺎ ﺍﺧﺘﻚ ﺗﻬﺒﻞ ﺑﻜﻞ
ﺍﻧﺎ : ﺗﺴﻠﻤﻲ ﻃﺎﻟﻌﺘﻠﻲ ﺍﺻﻼ v:
ﻣﻼﻙ : ﻫﻬﻬﻬﻪ ﺣﺘﻲ ﻳﻮﺳﻒ ﻣﺎ ﺷﺎﺀ ﺍﻟﻠﻪ ﻋﻠﻴﻪ
ﺍﻧﺎ : ﻭ ﺣﺘﻲ ﺍﻧﺘﻲ ﻣﺎ ﺷﺎﺀ ﺍﻟﻠﻪ ﻋﻠﻴﻚ ﻭ ﻧﻌﻠﻴﺎ ﻣﻨﻚ
ﻣﻼﻙ : ﻋﻴﺐ ﺑﺎﻩ
ﺍﻧﺎ : ﻻ ﻣﺶ ﻋﻴﺐ ﻫﺘﻘﻌﺪﻱ ﻣﺮﺍﺗﻲ ﺍﻧﺘﻲ
ﻣﻼﻙ : ﺍﻣﻤﻢ ﻣﺮﺍﺗﻚ !
ﺃﻧﺎ : ﺑﺎﻟﻚ ﻣﺶ ﻋﺎﺟﺒﻚ ﺭﺍ ﻣﺶ ﻫﺘﻼﻗﻲ ﻧﻔﺴﻲ
ﻣﻼﻙ : ﻫﻬﻬﻬﻬﻬﻬﻬﻬﻪ D:
ﺍﻧﺎ : ﻛﻨﻚ ﺗﻀﺤﻜﻲ
ﻣﻼﻙ : ﺧﻮﻙ ﻳﻮﺳﻒ ﻗﺎﻟﻬﺎ ﻟﻴﺎ D:
ﺍﻧﺎ : ﺗﻲ ﻧﺼﻲ ﻫﺬﺍ D:
ﻣﻼﻙ : ﺭﺑﻲ ﻳﺤﻔﻈﻜﻢ
ﺍﻧﺎ : ﺷﻴﻠﻲ ﺍﻟﺨﺠﻞ ﻗﻮﻟﻴﻬﺎ ﻛﻠﻤﻪ ﺣﻨﻮﻧﻪ ﻉ ﺍﻟﻠﺴﺎﻥ ﺍﺣﻜﻴﻬﺎ
ﻣﻼﻙ : ﺣﻲ ﻉ ﺍﻟﻔﻨﺎﻥ D:
ﺍﻧﺎ : ﻧﻌﺠﺒﻚ D:
ﻣﻼﻙ : ﺷﻦ ﺍﺳﻤﻪ ﺍﻟﻤﻐﻨﻲ
ﺍﻧﺎ : ﻣﻬﺪﻱ ﺍﻧﺼﻴﺺ
ﻣﻼﻙ : ﻧﻌﺮﻓﺎﺵ
ﺍﻧﺎ : ﺍﻧﺘﻮ ﺑﺘﺎﻉ ﺍﻹﻧﺠﻠﻴﺰﻱ ﺟﻮ ﺟﺴﺘﻦ ﻭ ﻣﺎﻳﻠﻲ /:
ﻣﻼﻙ : ﺗﻌﺮﻓﻬﻢ ﻗﺼﺪﻙ
ﺍﻧﺎ : ﺗﺸﻮﻓﻲ ﻓﻴﺎ ﺟﺎﻫﻞ D:
ﻣﻼﻙ : ﻻ ﻣﺶ ﻗﺼﺪﻱ
ﺍﻧﺎ : ﻭ ﻻ ﻗﺼﺪﻙ ﻋﺎﺩﻱ ﻋﺎﺩﻱ
ﻣﻼﻙ : ﻧﺠﻚ ﻟﻴﺎ
ﺍﻧﺎ : ﻭ ﻟﻴﺎ ﻳﺎ ﺑﻌﺪ ﻋﻤﺮﻱ
ﻣﻼﻙ : ﻋﻠﻴﻚ ﻛﻼﻡ ﻳﻬﺒﻞ D:
ﺍﻧﺎ : ﻣﺎﻩ ﺍﻧﺘﻲ ﻣﻬﺒﻠﺘﻴﻨﻲ D:
ﻣﻼﻙ : ﺑﻴﺒﻲ ﻣﺎﻣﺎ ﺗﻨﺎﺩﻱ
ﺍﻧﺎ : ﺗﻢ ﻳﺎ ﻋﻮﻳﻨﺎﺗﻲ ﻋﺪﻱ ﺷﻮﻓﻴﻬﺎ ﻭ ﺑﻜﺮﺍ ﻧﺤﻜﻮ
ﻣﻼﻙ : ﺗﺼﺒﺢ ﻉ ﺧﻴﺮ
ﺍﻧﺎ : ﻭ ﺍﻧﺘﻲ ﻣﻦ ﺃﻫﻠﻲ
ﺳﻜﺮﺕ ﻣﻨﻬﺎ ﻭ ﺟﻮﻱ ﻣﺶ ﻟﻀﻲ v: ﻭ ﻃﻠﻌﺖ ﻟﺼﺎﻟﻪ ﻭ ﻛﺎﻥ ﺧﻠﻴﻞ ﻗﺎﻋﺪ
ﺧﻠﻴﻞ : ﺍﻧﺖ ﻗﺎﻋﺪ
ﺍﻧﺎ : ﺷﻦ ﺭﺃﻳﻚ D:
ﺧﻠﻴﻞ : ﻣﺎﻟﻜﺶ ﺣﺲ ﻳﺎ ﻓﺴﺘﺮﻱ ﻧﺤﺴﺎﺑﻚ ﺑﺮﺍ
ﺍﻧﺎ : ﻣﻌﺶ ﺗﺤﺴﺎﺏ ﻣﺮﻩ ﺁﺧﺮﻩ ﺑﺎﻩ D:
ﺟﻮﺭﻱ : ﺑﺎﺑﺎ ﻋﻤﻮ ﻳﺒﻲ ﻳﺠﻴﺒﻠﻲ ﻗﻔﻄﺎﻥ
ﺍﻧﺎ : ﺑﻜﺮﺍ ﻧﻄﻠﻌﻚ ﻳﺎ ﻋﺴﻞ ﻭ ﺗﺨﺘﺎﺭﻱ ﺍﻟﻠﻲ ﺗﺒﻴﻪ
ﺧﻠﻴﻞ : ﻻﻻ ﺧﻠﻴﻬﺎ
ﺍﻧﺎ : ﻟﻴﺶ
ﺧﻠﻴﻞ : ﺑﺎﺗﻬﺎ ﻣﺎﺯﺍﻝ ﻋﺎﻳﺶ
ﺍﻧﺎ : ﻭ ﺍﻧﺎ ﻋﻤﻬﺎ !!
ﺧﻠﻴﻞ : ﺑﻨﺘﻲ ﻭ ﺍﻧﺎ ﺣﺮ ﻓﻴﻬﺎ
ﺍﻧﺎ : ﻭ ﺑﺎﻩ
ﻳﻮﺳﻒ : ﻫﺎ ﺷﻦ ﺻﺎﺭ ﻣﻌﺎﻙ
ﺍﻧﺎ : ﺗﻤﺎﻡ ﺑﻜﻞ
ﺧﻠﻴﻞ : ﺷﻦ ﺻﺎﺭ ﻓﻲ ﺷﻦ
ﺍﻧﺎ : ﻣﺶ ﺷﻮﺭﻙ ﺍﻧﺖ ﻣﻮﺿﻮﻉ ﺑﻴﻨﻲ ﻭ ﺑﻴﻦ ﺧﻮﻳﺂ
ﻳﻮﺳﻒ : ﻛﻨﻜﻢ ﺷﻦ ﻓﻲ
ﺍﻧﺎ : ﻓﻮﺕ ﻧﺎﺻﺮ ﻭﻳﻦ
ﻳﻮﺳﻒ : ﻳﻘﺮﺃ
ﺍﻧﺎ : ﺍﻧﺼﻮﻭﻭﻭﻭﺭﻩ ﺗﻌﺎﺍﺍﺍﺍﺍﻝ
ﻧﺎﺻﺮ : ﻧﻌﻢ
ﻳﻮﺳﻒ : ﻋﻠﻴﻚ ﺻﻮﺕ ﺗﻘﻮﻝ
ﺍﻧﺎ : ﺗﻘﻮﻝ ﺷﻦ ﻳﺎ ﻣﺴﺦ D:
ﻧﺎﺻﺮ : ﻫﺎ ﺷﻦ ﺗﺒﻲ
ﺍﻧﺎ : ﻗﻠﺖ ﻧﺸﻮﻓﻚ ﺑﺲ ﺣﺴﻴﺘﻚ ﻣﺨﺘﻔﻲ
ﻧﺎﺻﺮ : ﻋﻠﻴﻚ ﺣﺐ ﻧﺰﻝ ﻋﻠﻴﻚ D:
ﻭ ﻓﺠﺄﻩ ﻧﺰﻟﺖ ﻟﻴﻠﻲ ﺗﺠﺮﻱ ﻭ ﺻﻮﺗﻬﺎ ﻋﺎﻟﻲ
ﻟﻴﻠﻲ : ﻭﻳﻨﻬﺎ ﺍﻟﺤﻴﻮﺍﻧﻪ
ﺧﻠﻴﻞ : ﺷﻦ ﻓﻲ
ﻟﻴﻠﻲ : ﺑﻨﺘﻚ ﻫﻨﺎ ﻭ ﺍﻧﺎ ﻧﺪﻭﺭ ﻓﻴﻬﺎ ﺩﻣﻲ ﻧﺸﻒ
ﺟﻮﺭﻱ : ﻋﻤﻮ ﻗﻮﻟﻠﻬﺎ ﺗﻀﺮﺑﻨﻴﺶ
ﻟﻴﻠﻲ : ﻭ ﺍﻟﻠﻪ ﻧﻮﺭﻳﻚ
ﺍﻧﺎ : ﻫﻲ ﻫﻲ ﺍﺳﻜﺘﻲ
ﻟﻴﻠﻲ : ﻣﻌﺘﺰ ﻫﺎﺕ ﺍﻟﺒﻨﺖ
ﻳﻮﺳﻒ : ﺧﻼﺹ ﻣﺎ ﺻﺎﺭ ﺷﻲ
ﻟﻴﻠﻲ : ﻣﻴﻪ ﻣﺮﻩ ﻗﺘﻠﻬﺎ ﺗﺒﻲ ﺗﻨﺰﻟﻲ ﺗﻌﺎﻟﻲ ﻗﻮﻟﻴﻠﻲ
ﺧﻠﻴﻞ : ﺧﻼﺹ ﻭﻃﻲ ﺻﻮﺗﻚ
ﻟﻴﻠﻲ : ﺍﻧﺎ ﻧﺮﺑﻲ ﻓﻴﻬﺎ ﻓﻮﻕ ﻭ ﺗﻨﺰﻝ ﻟﻮﻃﺎ ﻳﺨﺮﺑﻮ ﻓﻴﻬﺎ
ﻧﺎﺻﺮ : ﻟﻤﻲ ﻟﺴﺎﻧﻚ ﺑﺎﻩ
ﺧﻠﻴﻞ : ﺷﻦ ﻗﺼﺪﻙ ﻫﻠﻲ ﻳﺨﺮﺑﻮ ﻓﻲ ﺍﻟﺒﻨﺖ
ﻟﻴﻠﻲ : ﻣﺶ ﻫﻜﻲ ﻗﺼﺪﻱ
ﺧﻠﻴﻞ : ﺍﺭﻛﺒﻲ ﻟﻤﻲ ﺩﺑﺸﻚ ﻫﻲ
ﻟﻴﻠﻲ : ﺧﻠﻴﻞ ﻃﻠﻌﺖ ﻣﻨﻲ ﺏ ﺍﻟﻐﻠﻂ
ﺍﻧﺎ : ﺗﻐﻠﻂ ﻭ ﺑﻌﺪﻫﺎ ﺍﺩﻳﺮ ﻓﻲ ﺩﺭﺍﻣﺎ
ﺧﻠﻴﻞ : ﻛﻠﻤﻪ ﻭﺣﺪﻩ ﻫﻴﺎ
ﻟﻴﻠﻲ : ﻭﻳﻦ ﻋﻤﺘﻲ
ﻳﻮﺳﻒ : ﻋﻤﺘﻚ ﻋﻨﺪ ﺟﺎﺭﺗﻬﺎ v:
ﺧﻠﻴﻞ : ﺃﻗﺴﻢ ﺑﺎﻟﻠﻪ ﻛﺎﻥ ﻣﺎ ﺗﻠﻤﻲ ﺩﺑﺸﻚ ﺗﺸﻮﻓﻲ ﺣﺎﺟﻪ ﻣﺶ ﻩ ﺗﻌﺠﺒﻚ
ﻭ ﺭﻛﺒﺖ ﺍﻟﻤﻬﺰﺑﻪ ﻓﻮﻕ ﻭ ﻟﻤﺖ ﺩﺑﺸﻬﺎ ﻭ ﺷﺎﻟﻬﺎ ﻋﻨﺪ ﻫﻠﻬﺎ ﻭ ﻃﺒﻌﺎ ﺟﻮﺭﻱ ﻗﻌﺪﺕ ﻣﻌﺎﻧﺎ
ﻭ ﻗﻌﺪﺕ ﺍﻧﺎ ﻭ ﻧﺎﺻﺮ ﻭ ﻳﻮﺳﻒ ﻧﺒﺼﺮﻭ ﻭ ﺟﻮﻧﺎ ﺧﻄﻴﺮ
ﻭ ﺭﻭﺣﺖ ﺍﻣﻲ ﻭ ﻗﺘﻠﻬﺎ ﺍﻧﺎ ﺷﻦ ﺻﺎﺭ ﻭ ﺩﺭﺕ ﺷﻮﻳﺔ ﺑﻬﺎﺭﺍﺕ D:
ﻭ ﻃﺒﻌﺎ ﺍﻣﻲ ﻭﺟﻌﺘﻬﺎ ﻛﻠﻤﺔ ﻟﻴﻠﻲ ﺭﻏﻢ ﺃﻧﻬﺎ ﺩﻳﻤﺎ ﺗﺠﻲ ﻓﻲ ﺻﻔﻬﺎ
ﻉ ﺍﻟﻌﻤﻮﻡ ﺗﻌﺸﻴﻨﺎ ﻭ ﻫﻨﺎﺩﻱ ﻣﺎ ﻃﻠﻌﺘﺶ ﻭ ﻗﺎﻟﺖ ﺍﻣﻲ ﺧﻠﻮﻫﺎ ﺗﻘﺮﺃ
ﺧﺸﻴﺖ ﻟﺪﺍﺭﻱ ﻭ ﻭﻟﻌﺖ ﺳﺒﺴﻲ ﻭ ﻧﺴﻤﻊ ﻓﻲ ﺍﻏﺎﻧﻲ ﻭ ﻓﺘﺤﺖ ﺍﻟﻔﻴﺲ
ﻟﻘﻴﺖ ﻛﻢ ﺍﺿﺎﻓﻪ ﻣﻦ ﺑﻨﺖ ﻭ ﻷﻭﻝ ﻣﺮﻩ ﻣﺎ ﻧﻘﺒﻠﺶ D:
ﺣﺴﻴﺖ ﺭﻭﺣﻲ ﺧﻼﺹ ﻋﻨﺪﻱ ﻭﺣﺪﻩ ﻭ ﻣﺎﻟﻴﻪ ﻋﻴﻨﻲ ﻭ ﺩﺭﺕ ﺑﺮﻣﻪ ﻉ ﺍﻟﺒﻨﺎﺕ ﻭ ﺑﺪﻳﺖ ﻧﺤﺬﻑ ﻓﻴﻬﻦ ﺇﻻ ﺍﻟﻠﻲ ﻧﻌﺮﻓﻬﻦ ﻣﻌﺮﻓﻪ ﺷﺨﺼﻴﻪ
ﻛﺴﺪﺕ ﺷﻮﻳﻪ ﻭ ﺑﻌﺪﻫﺎ ﺭﻗﺪﺕ ﻭ ﻧﻀﺖ ﺗﺎﻧﻲ ﻳﻮﻡ ﻭ ﻧﻔﺲ ﺍﻟﺮﻭﺗﻴﻦ
ﺭﻧﻴﺖ ﻉ ﺃﺣﻤﺪ ﻣﺎ ﺭﺩﺵ ﻭ ﺑﻌﺪﻫﺎ ﺭﻧﻴﺖ ﻉ ﺍﻟﻜﺒﻴﺪﻩ ﻭ ﺻﺒﺤﺖ ﻋﻠﻴﻬﺎ v:
ﺩﺭﺕ ﺩﻭﺵ ﻭ ﺻﻠﻴﺖ ﻭ ﻃﻠﻌﺖ ﺷﻮﺭ ﺍﻟﻤﺤﻞ
ﻣﺸﻰ ﻧﺺ ﻳﻮﻣﻲ ﻋﺎﺩﻱ ﻭ ﺭﻭﺣﺖ ﻟﻠﺤﻮﺵ ﻉ ﺍﻟﻐﺪﺍﺀ
ﺧﺸﻴﺖ ﻭ ﻧﺴﻤﻊ ﻓﻲ ﺻﻮﺕ ﻫﻨﺎﺩﻱ ﺗﺒﻜﻲ ﻭ ﺍﻣﻲ ﺗﺴﻜﺖ ﻓﻴﻬﺎ
ﺍﻣﻲ : ﺧﻼﺹ ﺍﺱ ﺻﻮﺕ ﺣﺪ ﺟﺎ
ﺍﻧﺎ : ﺷﻦ ﻓﻲ
ﺍﻣﻲ : ﻻ ﻣﺎ ﻓﻲ ﺷﻲ
ﺍﻧﺎ : ﻭ ﺑﻨﺘﻚ ﻣﻨﻬﺎ ﺗﺒﻜﻲ
ﺍﻣﻲ : ﻏﻴﺮ ﻣﺎ ﺟﺎﻭﺑﺘﺶ ﻓﻲ ﺍﻻﻣﺘﺤﺎﻥ
ﺍﻧﺎ : ﺳﺎﻫﻠﻪ ﺳﺎﻫﻠﻪ
ﻫﻨﺎﺩﻱ : ﻻﻻ ﻣﺶ ﻉ ﺍﻻﻣﺘﺤﺎﻥ )':
ﺍﻧﺎ : ﺗﻲ ﺷﻦ ﻭ ﺑﻄﻠﻲ ﺑﻜﺎﺀ
ﻫﻨﺎﺩﻱ : ﻫﺬﻩ ﺩﺑﻠﺔ ﺻﺎﺣﺒﻚ ﻭ ﻗﻮﻟﻪ ﻣﺎ ﻓﺶ ﻧﺼﻴﺐ
ﻳﺘﺒﻊ . . .
# ﺷﺮﻗﻴﺔﻩ