ذات العيون السوداء

الفصل الاول

مع اقتراب ليله رأس السنه فى احدى الليالى قارصه البروده بينما تتساقط الثلوج فى معظم دول القاره الاوروبيه وخاصه النمسا تحديدا فى فيينا بلد السحر والجمال ...
ترجلت فتاه من احدى سيارات الاجره وهى تحكم اغلاق معطفها الاسود حول جسدها بينما يغطى معظم وجهها ورقبتها كوفيه صوفيه سوداء تحميها من بروده الطقس .. حيث لا يظهر منها سوى عينيها السوداويين المرتسمتين باتساع كعيون المها بتلك الرموش الطويله السوداء والغير مألوفه فى تلك البلاد بل فى تلك القاره بأكملها ..
اخيرا وصلت سوما الى منزل احدى صديقاتها والتى كانت فى انتظارها منذ مايقارب الساعه بعدما لم تتمكن من استقبالها فى المطار نظرا الى ذلك الجو قارص البروده والامطار الثلجيه التى لم توقف منذ الصباح ..
اقتربت ببطىء من ذلك المنزل والذى تحاوطه الثلوج من كل ناحيه .. لدرجه انه كان يغطى معظم السيارات المتراصه امام المنازل وكذلك قمم الاشجار مما جعلها تبدو كأشجار الكريسماس بخضارها الذى يعلوه الثلج الابيض ..
كانت مظاهر العيد واضحه منذ وصولها الى المدينه حتى فى ذلك الصقيع ..حيث بدأت معظم المنازل فى تزيين اعلاها وامامها بالانوار المضيئه والزينه الخاصه بالكريسماس والذى لم يتبق الكثير لقدومه احتفالا ببدأ سنه جديده ..
صعدت سوما درجات المنزل حتى وصلت الى الباب فقامت برن الجرس على استحياء ولكن سرعان مافتحت لها صديقتها كريستين ..
كريستين بلهفه وهى تحتضنها بشوق : هااااااى سوما حبيبتى اى ميس يو اتفضلى ادخلى
سوما محاوله تدفئه يديها : ايه الجو ده انا تلجت
جذبتها كريستين الى الداخل وهى تجر حقيبتها بدلا عنها : طب يلا خشى بسرعه الدفايه قدامك اهى خشى اتدفى وسيبى الشنطه
توجهت سوما مباشره الى المدفأه تحاول تدفئه يديها ووجهها امام تلك النيران المتأججه .. وبعد مده قصيره شعرت بالدفىء يسيطر على جسدها فقامت بخلع معطفها وكوفيتها الصوفيه تاركه شعرها الاسود ينسدل حول وجهها بفوضويه جذابه ..
بعد عده دقائق كانت كريستين تقف امامها حامله بيدها كوبا ابيض يتصاعد منه الكثير من الابخره الساخنه قدمته الى سوما قائله : عملتلك حاجه سخنه تشربيها عشان تدفى .. هاتى الجاكت والكوفيه حشيلهوملك عندى فى الاوضه احسن جينا لو شافت حاجه فى الصاله حتطلع زرابينها علينا ..
سوما بخجل وهى تتناول ذلك المشروب منها : معلش بقى ياكريستين عذبتك معايا بس اول ماالاقى شغل حشوف شقه انقل فيها انتى عارفه معرفش حد غيرك هنا
كريستين مربته على كتفيها بحنان : يابنتى متقوليش كده انا مش عاوزاكى تحملى هم تيد .. ماى بوى فريند..  بيشتغل فى فندق وقالى محتاجين ناس وانا وصيته عليكى روحى قدمى فيه بكره على طول ..
سوما بامتنان : بجد مش عارفه اقولك ايه مرسى خالص ياكريستين طيب بالمره بقى شوفيلى شقه اقعد فيها
كريستين : بصى ياسوما الشقق كلها هنا شير صعب اوى تقعدى لوحدك لان الايجار غالى فبيبقى فى ٢ او ٣ فى الشقه
ارتشفت سوما اول رشفه من فنجانها قبل ان تقول : طب مينفعش اعمل شير معاكوا هنا
كريستين : للاسف احنا ٣ بس سمعت ان فى شقه قريبه مننا ومحتاجين حد تالت معاهم انا حروح بكره اشوفها ولو تمام حظبطلك الامور فيها وحدفعلك اول شهر ياستى على ماامورك تتظبط
تركت سوما فنجانها اعلى المنضده وقامت لاحتضان كريستين بحراره معبره لها عن شكرها وامتنانها لها : مش عارفه اقولك ايه بس عارفه انى تقلت عليكى
كريستين بمرح : متقوليش حاجه ويلا بسرعه على اوضتى قبل ما جينا العقربه توصل .. تعالى عملالك سندوتشات فى السريع كده عشان تتعشى وتنامى زمانك مرهقه من السفر ..
اتجهت سوما الى غرفه كريستين تجر قدميها جرا فهى لاتقوى على الوقوف من ارهاق السفر و ذلك البرد القارص الذى استنزف طاقتها بأكملها ..
اراحت جسدها المتعب فوق فراش كريستين الوثير تستمتع بدفئه قبل ان تقوم بتغير ملابسها .. لم تصمد كثيرا فبعد اقل من دقيقتان كانت تغط فى نوم عميق لم تستيقظ منه سوى فى اليوم التالى على صوت كريستين تقوم بايقاظها والتى باتت ليلتها على الاريكه بالخارج تاركه فراشها لصديقتها كى تنعم ببعض الدفىء و النوم الهادىء ..