آسِيرَةْ اْلنَّمْرٌودْ .. هاجر محمد 🌸 حبيبة

الفصل 🌸 السادس 🌸

آسِيرَةْ اْلنَّمْرٌودْ 🌸

     هاجر محمد 🌸 حبيبة 🌸

                         الفصل 🌸 السادس 🌸

.........................................................................

جلست رحيق في غرفتها غير مصدقه ما وقع علي مسامعها بعد أن طلب منها والدها الخروج لمقابلة ذلك الضيف الذي سلمت عليه وهي تناديه بعمي لتتفجأ بصدمه من العيار الثقيل بأن هذا العجوز الذي يكبر والدها يتقدم للزواج بها

_فتح والدها الباب ودخل خلفها وهو غاضب :- إنتي اتجننتي يابت إنتي إزاي تسيبي عزيز بيه  وتقومي كده

وقفت رحيق وهي تنظر إلي أبيها بعدم تصديق :- أنا اللي اتجننت يابابا  و و واللي انت بتعمله ده إسمه إيه  عقل!! ده الجنان بعينه

_ضربها كفا وهو يهدر بها بحده :- إنتي اتجننتي أبت إنتي ولا إيه. اخرجي علشان تقعدي مع عريسك

ضحكت بتحسر واستخفاف و:- إنت شكلك بعتني وقبصت التمن زي ما عملت في عمتو قبل كده  صح

أمسكها بكفيه من رقبتها وهو يضغط عليها و:-  إنتي بتردي عليه .. أنا هعملك الأدب من الأول وجديد  وياتتجوزي اللي أنا أقول عليه أو موتك يبقي علي ايدي

دخلت والدتها بلهفه وهي ترتجف وهرعت إليه لتبعده عنها :- سيبها ياسماعيل البت هتموت في إيدك  حرام عليك

زاد من ضغطه علي رقبتها وهو يقول بغل :- أومال استني لما تجيبلي العار  بعد ما خلت سيرتنا علي لسان الحي كله   وجاي دلوقتي عايزه تكسر كلمتي

هزت رأسها وهي تحاول ابعاده و:- لا ياخويا وهي تقدر تكسر لك كلمه ه ه هتتجوزه لو عايزها من الصبح حتي

تركها إسماعيل وهو ينظر إليها بتحذير بعد أن وقعت علي الفراش وهي تتنفس بصعوبه :- هحدد ميعاد الفرح مع عزيز بيه علشان هو عايزه بأسرع وقت عقلي بنتك علشان موتها ما يبقاش علي إيدي

خرج إسماعيل وضمتها ولدتها وهي تدمع لآجلها وتواسيها بحنانها و:- علشان خاطري يابنتي اسمعي كلامه واعملي اللي هو عايزه

ابتعدت رحيق عنها ببطئ و:- أعمل إيه ياماما؟؟ أموت نفسي بالحيا مع الراجل ده لا أنا الموت أهون عندي من إني اتجوز الراجل ده

..................................................................     

في قصر النمرود في الجزء الخلفي تجلس صبا  شاحبة الوجه فذاك الوغد منذ أن أتي بها إلي هذا البيت وهو لم يسأل عنها سوي ببعض الطاعم الذي يرسله مع الحارس حتي أنها أيقنت أنها ستموت وتتعفن في هذا المكان

_سمعت صوت فتاه من الخارج وكأنها تنادي علي قطه أو ما شابه لتنهض سريعا وهي تفتح النافذه المطله علي الخارج وتصرخ باستغاثه :- ل لو سمحت ف فيه حد بره هنا يساعدني.... أنا هنا