احبك بلقدر الجميل الذي يجعلني اصحو كل يوم
وابتسم لمجرد وجودك في حياتي 😍
عشق /كعدت الصبح كلي نشاط رحت غسلت وبدلت
لبست دشداشه زيتوني وشال ماروني وحطيت مرطب ونزلت
لكيت الكل موجود جاي يتريكون كتلهم صباح الخير
الكل //صباح النور
كنان //صباح العسل تعالي كعدي يمي
عشق //رحت كعدت يم كنان ضليت اكل رفعت عيني جان اشوف كنان
يباوع لليان ويبتسم وذيجي خجلانه جان عسيته برجله
كالي ها شبيج عشق
كتله فضحتونه كافي يمعودين ههههه
كناان///هههه يحجي بهمس ويا عشق ولج احبها
عشق //كنان كالي احب ليان غصيت بلكمه وضليت اكح وهو
يطبطب على ضهري ويكلي سمالله وكوه حابس الضحكه
وليان همين كتله جان متت من وراكم هههه
فهد //كعدت الصبح غسلت ورحت ادرب رجعت الساعه ب١٢تغديت ونمت كعدت ب٣اتصلت عليهم سلمت وانوب سديته رحت اشوف التدريبات ووضع الجنود /دز عليه القائد رحتله
فهد //دكيت الباب وكتله سيدي ردتني كالي
القائد //ضابط فهد اني قريت ملفك واعرف انته شيخ وابن شيوخ ومينخاف عليك فراح ادزك بمهمه وهي ......وهسه فهد شنو رائيك
فهد //سيدي بس انطيني وكت افكر
القائد//اوك امامك اسبوع لااكثر حتى اذا ماتكدر تستلمها اسلمها لغير ضابط لان هاي مهمه كلش خطيره
فهد //حاضر سيدي
رحت للغرفه وضليت افكر بالمهمه وهي انو اقبظ على مجرم خطير يبيع اعضاء ضليت افكر واتوصلت بخطه ناجحه حتى اوكع هذا التاجر انوب اتصلت على صكر ضلينه نحجي وكتله باجر تعال حتى اقدم ملفك كال اوك
سديته من صكر رحت تمددت ضليته افكر بعشق بعدين كلت خلي اخابرهت
عشق //كملنه عشه وغسلنه امواعين وتونسنه ورحت للغرفه مالتي اتددت ضليت افكر بفهد جان يدك تليفوني فهد
عشق //الله يساعدك هلا فهد شلونك
فهد//ويساعدج هلا شلونج شخبارج اني بخير وانتي
عشق //تمام شكو ماكو
فهد //غيرج بالگلب ماكو
عشق //😳😳😳
فهد //ههههه شبيج ماكو شي سلامتج شلون صرتي
عشق /تمام
فهد //اي يعشق فكرتي بالموضوع لو لا ترى اني يومين واجي
عشق //هااا هو اي يعني لا ااووو فهد بعدين اي صدك بعد يومين وتجي
فهد //هههههه شبيك على كيفج اي صدك وداعت عيونج
عشق //😳😳اممم
فهد //فديت امممم
عشق //يلا فهد مع السلامه
فهد //ههه الله وياج تصبحيت على خير حبيبتي
عشق //حبيبتك
فهد //وبنيتي ونشالله ام زعاطيطي ههههه
عشق //هههه يله تصبح على خير
فهد //وانتي بالف خير بنيتي باي
عشق //باي
ضليت افكر معقوله يحبني اي يحبني واني همين احبه بس بعدني مامقرره شنو جوابي وكدامي يومين اففف ضليت افكر لحد مانمت 😴😴😴
فهد //خربت ضحك على عشق من كتلها فكرتي ههههه يله همنه يومين واشوفها خرب بيج يعشق اسم على مسمئ صدك وكعت بعشقج ضليت افكر لحد مانمت
لهنا وينتهي البارت اتمنى يعجبكم
البارت قصير لان معندي مجال
عندي شغل اتمنى بس اخلص شغلي ومن عيوني تدللون
تصبحون على خير 😊
