شلونكم متابعيني اني اعتذر جدا
لان ماعندي وكت حتى انزل بارت بس انشالله
انزللكم بارت بين يوم ويوم لان عندي شغل واتمنى يعجبكم البارت
ولعيونكم كلشي يهون
الكاتبه شوشه
في الصباح
فهد..كعدت اليوم كلي نشاط رحت
غسلت وبدلت لبست دشداشه سوده
وغتره بيجي ولبست محابسي
وساعتي ورشيت عطر ونزلت جوه
رحت للمطبخ
لكيتهم كاعدين كلهم صبحت عليهم
وكعدت ضليت اتلفت اريد اشوف
عشقي بس ماهي ماكو اليوم ندست
ليان كاعده يمي كتلها لولي
ليان .كعدت الصبح رحت سبحت
لبست دشداشه ماروني وشال بيجي
وحطيت عطر وعفت كحله ومرطب
ونزلت صبحت عليهم وكعدت بعدين
اجه فهد كعد بصفي اشوفه يتلفت مناومنا
جنه بزون واني بالكوه ضامه ضحكتي
بعدين ندسني كتله ها فهد
فهد..اكلج لولي وين عشقي شو ماهي وينها
ليان ..بعدها نايمه
فهد ..امممم ماشي
ضليت مدنك واكل جان اسمع صوتها تصبح علينه
عشق ..كعدت الصبح غسلت ولبست دشداشه
بيجي وشال اسود وعفت كحله ومرطب
وحطيت عطر ونزلت رحت للمطبخ شفتهم
كاعدين يتريكون صبحت عليهم جان اشوف
فهد كاعد ياكل كتلهم اكوووول
شنو هالخيانه ليش تاكلون من دوني ها
الجد ...ههههه بنيتي تعالي كعدي يمي
عوفيهم خلي يولون ههههه يمه فدوه
اليوم طالعه حلوه
عشق ..بخجل عيون الحلوه جدو
كعدت اكل وكلما ارفع عيوني اشوف
فهد يباوع عليه والله حتى ماعرفت شلون
اكل كملت وكمت طلعت للحديقه كعدت على المرجوحه واني ادفع بيها حست واحد وراي يدفع بالمرجوحه لتفتت شفته فهد يباوعلي ويبتسم
فهد ..كعدت عشقي وفعلن اليوم طالعه تخبل
ضلت تاكل واني صافن عليها هي ارتبكت حتى عافت الاكل كمت وراها شفتها بالحديقه كاعده
وكفت وراها وضليت ادفع بيها شافتني بتسمت
كتلها صباح العسل حبيبي
عشق ..صباح الورد
فهد ..شلونج
عشق ..تمام انته
فهد ..تمام اكول اليوم مو تتاخرن
ورئ الغده نطلع لبغداد زين
عشق ..تمام
فهد ..ومن هسه ماريد لبس ضيك
زين من هسه اذا اشوفج لابسه ضيك
ابطل مااروح مفهوم
عشق ..وهي تبرطم شفايفها مفهوم
وكمت رحت دخلت شفتهم يشتغلون
كتلهم اساعدكم كالو لا
صعدت للغرفه ضليت اختار ملابس
طلعت فستان اسود وبي ورد ناعم
لون ماروني وشال ماروني وجنطه ماروني
حذاء ((((ادري كله ماروني شكو )))
رحت على ليان شفتها تحضر بالهدوم ونافشه الغرفه هههه كتلها يولي شبيج صاير هجوم بالغرفه ههههه
ليان ...ههه لابس جاي اطلع هدوم ومحتاره شالبس
كتها اختارلج كالت اي عفيه ساعديني حايره
شفت عدها نفس فستاني بس هي لون نيلي والورد لون وردي طلعته وشال وردي وجنطه سوده وجذاء وردي كتلها ها حلوات
ليان ..اي عاشت ايدج حبي
ضلينه نسولف وسالفه تجر سالفه بخصوص
الملابس والتحضيرات يبوووووو شفت الساعه ب12ونص كتلها كومي ولج تاخرنه كومي نصلي ونروح نتغده حتى نبدل
ليان ..اوك
رحنه صلينه ونزلنه جوه لكينه الشباب جايين
ومكملين صلاه صبوه غده وتغدينه كمت كتلها يله
ترى مانلحك
ليان ..اي اي يله على السريع
كمنه والكل يضحك علينه
وابوي يكلي ولج على كيفج بنيتي
راح تطيحين
كتله واني اصعد على الدرج لالا ميصير شي
رحت للغرفه سبحت وطلعت لبست فستاني ومشطت
شعري وضليت اعوف مكياج رسمت عيوني خط رفيع
ايلاينر وحطيت مورد لخدودي وعفت حمره لون ماروني بس خفيفه هههههه ولبست شالي على النت سويته بطريقه تركيه ولبست كلاده ذهب طويله اسمي
وشلت جنطتي وتليفوني والهتفون ورحت على ليان لكيتها مكمله وصدك طلعنه توم هههههه ضلينه نضحك
ليان ..كملت واندكت الباب شفت عشق نفس لبسي بس غير لون طلعنه توم هههههه
نزلنه جوه وامي وعمتي ضلن يهلهلن واحنه نسكت بيهن اجوي الشباب كالولهن ها سالمين بعدنه مامسوين شي شكو هاي الهلاهل
ام فهد ..ولك وليدي شوف عشق شطالعه هي واختك
فهد ..كاعدين بالديوان اني وكيان ننتضر عشق وليان
طبعا اني لبست بنطرون اسود وقميص اسود وحذاء بيضه اديداس وساعه سوده ومحابسي والمناضر طلعت صاك ...ههههه سمعنه حس هلاهل طلعنه نشوف شكو لكينه امي وعمتي يهلهلن كتلهن الكلام الفوك |لتفتت شفت عشقي تجنن وليان همين ولابسان نفس الفساتين بس غير الوان يجنن ضليت مصدوم ضليت اصلى على محمد وال محمد يجنن وكيان همين فاتح حلكه هههههه هنه خجلن نزلن راسهن يبووو راح اموووت لحكولي ..........طلعنه لبغداد واني مشغل اغاني وكيان يركص هههههه ذب لحم وصلنه رحنه للمطعم تعشينه ورحنه للفندق حجزت غرفتين النه وللبنات ......
ولهنا وينتهي البارت واتمنى يعجبكم وينال رضاكم
تحياتي شوشه
تصبحوووووووووون على الف خيررررررر
