عشق :؛فتت جوه شفت كومه نسوان وبنات بكدنه يمه صايره لخه 😦وستلمنه تبوس حتى خذي راح من وراهن جتي بنيه بكدي سلمت عليه عرفت اسمه ليان وهي اخت فهد 😍
:؛ليان :؛العصر اجوي بيت عمي واحنه بيتنه هوسه فطبت مريه جبيرة حلوه ونوب فاتت بنيه تموت ضليت مصدومه من جمالها فعرفتها هاي عشق رحت سلمت عليها واخذتها ورحنه لجده
عشق :؛جتي ليان ودتني يم مريه جبيرة عرفت هاي بيبي سلمت عليها وضلت تصلي على محمد وال. محمد ههههه وتقره معوذات ضليت كاعده يمها فصحت ليان كتلها اريد ابدل كالت اوك امشي
طبعن غرفتي بالطابق الثالث اني وليان وغرفت فهد كدام غرفتنه
دخلنه للغرفه حلوه تخبل كالت ليان اني راح انزل انتي بدلي وتعالي زين
كتلها اوك
عشق :؛راحت ليان طلعت دشداشه حلوه مخصره رياضيه اديداس ماروني وحضرت وياها شال بيجي وتكرمون شحاطه بيجي رحت سبحت وطلعت عفت مكياج بس كحله ومسكاره وشوي حمره😂😂
نزلت لكيتهم بالمطبخ كلت ليان ؛:ليان اساعدج
:؛ليان ...لاحبيبتي مشكورة كومه احنه هسه نحضر العشه
جان وحده من بنات عمي اسمها حوراء :؛كالت ليش عيوني هي حالها حالنه قابل احنه خدامات عدها نسويلها العشه وهي على الحاضر تكعد تتعشه وتكوم
عشق :؛صدك نهضمت منها حيل بس مابينت فرديتها كتلها اني ماكلت شي طلبت اساعدكم وانتوا ماقبلتوا واني ماجابرتج توكفين على الطباخ زين عفتهم ورحت كعدت يم بيبي
كالتلي بيبي شبيج حبيبتي ضايجه كتلها مابيه شي بيبي
كملوا العشه وكلها اجت تتعشه ماضل مكان ردت اكوم اطب للمطبخ جان ابويه يصيحني كالي تعالي عشوقه اكعدي يمي اباوع للمكان عزه 😨هذا فهد كاعد يمه اذا رحت اصير بين بابا وفهد صاحني ثاني مرة رحت كعدت اباوع ليان فاطسه من الضحك وتباوع لفهد وفهد همين يبتسم وياشرلها بيده بمعنى بسيطه هههه ضحكت عليهم بس ماعرف ليش همه يضحكون كملت عشه وكمت كالوا شبساع مااكلتي شي كتلها مااحب اكل هواي فكال كيان اكيد اذا اكلت علبتين نوتله شلون تاكل اني راسن عصبت منه باوعلي كتله بسيطه اني اعلمك طلعت ضايجه رحت للمطبخ سويت جاي مهيل وحضرت الاستكانات كامن البنات ينكلون بالمواعين فاني صبيت جاي وديته وزعتلهم و كعدت يم بابا جان جدو يكول هاي منو مسوي الجاي كتله اني جدو ليش كال عاشت ايدج على هذا الجاي ابد ماشارب هيج جاي فرحت من جدو مدح بيه وكل عمامي كملوا وكلها راحت ضلينه نسولف اني والبنات ونكرز حب دخلوا الولد علينه جان كيان يكول شبي الحلو ضايج باوعتله صفح😒
جان يكول حبيبي جنت اشاقه ولله شبيج
عشق :؛كيان يحجي واني مطنشته وكلساع يكرصني من خدودي ولا اردله
بعدين كال عشق حبيبي والله اسف سامحيني
باوعتله كتله بشرط 😒
كيان ؛؛عرفت شرطج وجبته الج قبل ماتكولين
عشق :؛😍كول والله
كيان :؛وداعتج حبيبي 😘😘
فهد :؛كيان اشاقه ويا عشق وزعلت راحت للمطبخ وسوت جاي صدك هذا اسمي جاي
الكاتبه ((اكيد اذا من ايد الحبيب 😉))
فهد 😂😂😂 متكعدين راحه كاتبتنه 😁
الكاتبه /.كمل كلامك يله لو بالطاوه اجي 🍳🍳🍳
فهد //😂😂😂لا كلشي ولا الطاوه اوك راح اكمل
بعدين طلعنه احنه الشباب فكيان نزل جاب نوتله واني همين اخذت ليان لان تحبه
دخلنه للبيت كاعدات بس البنات والباقي يم جديتي كاعدات فكيانحاول يصالح عشق بس هي قافله وهو كلساع يكللها حبيبي واني شبت بيه النار
😣😣
بعدين صالحها بالنوتله مثل ليان نفس الطينه الا نوتله يله يقبلن فكتله ليان حضريلي الحمام واهدومي وياج
ليان :؛حاضر خويه
رحت حضرت لفهد الحمام وطلعت هدومه ورحت نمت
عشق :؛صعدت للغرفه حجينه اني وليان انوب نمنه 😴😴😴
اتمنى يعجبكم البارت 😊
