شٍلَوِنِګمَ شٍخَبِأّرګمَ مَتّأّبِعٌيِّنِيِّ
أأّتّمَنِئ تّعٌذّروِنِيِّ لَأّنِ جٌِأّنِ عنِدِيِّ ضّروِفِّ
نِزِّلَتّ بِأّرتّ لَعٌيِّوِنِګمَ أّتّمَنِئ يِّعٌجِبِګمَ تّحٌيِّأّتّيِّ
أّلَګأّتّبِهِ شٍوِشٍهِ😊
أّلََّسعٌأّدِهِ هِيِّ
أّنِ تّخَرجِ بِأّقِلَ أّلَأّشٍيِّأّء لَدِيِّګ
فِّګنِ َّبَِّسيِّطّأّ تّګنِ َّسعٌيِّدِأّ
🎶🎶🎶🎶🎶🎶🎶🎶🎶🎶
عشق /كاعده بالغرفه ومتوترة
احس گلبي يريد يطلع من مكانه
بين الفرحانه والمتوترة واحجي
ويانفسي واباوع على روحي بالمرايه
اهدئ عشق لاتتوترين شبيج هو بس
يلبسج الذهب ويطلع اخذي نفس
يله شهيق وزفير ااااه يمه
ضليت احجي ويانفسي جان تندك الباب
اصلن لو تذبحوني متلكون نقطه دم بيه (هسه تكولون شدعوه هلكد خايف
بالعكس ماخايفه بس توتر )
انفتح الباب فهد هو وامه كالتله تفضل وليدي هاي الذهب
اني راح اطلع باركتله وهو باس راسها واجه عليه
فهد //اليوم العقد عقدنه وكملنه واني كاعد على نار
بس اريد اشوف عشقي شلونه طالعه
كتلهم اريد وحدنه لان ماشاء الله كومه نسوان
دخلت اني وامي واشوف ملاك واكف كدامي
امي انطتني الذهب وباركتلي وطلعت
تقدمت يمها عفت الذهب على الميز
لزمت ايدها شفتها ترجف بستها من راسها
وكتلها مبروك يعشقي يبنيتي انشالله اكدر
اصونج واعوضج يمريتي هههه شفتها
خجلت يمه فدوه مال كرط (احم احم 😉)
فهد //حبيبي رفعي راسج لزمتها من حنجها ورفعت راسها
كتلها شلون اني اليوم وين اضمج كليلي شلون
هي خجلت تقربت بستها من شفتها وبتعدت
كتلها خلي البسج احسن خلي استر على حالي
لبستها الذهب وبست راسها وطلعت
نروح لليان وكيان
ليان //جنت متوتره وخايفه بس فرحانه
شوي ودخل كيان وعمتي انطته الذهب وطلعت
اجه يمي باس راسي كالي مبروك مريتي
كتله الله يبارك بيك
كيان //هههه شبيج راح توكعين تعالي هنا
كعدنه على الجربايه ولبستها الذهب كتلها
الله يقدرني انشالله واسعدج واحافض عليج
حبيبي
ليان //ضل يحجي واني وجهي من الخجل احس
راح ينفجر من الحراره رفع راسي وتقرب باسني
وطلع
طلعنه وكبت الهلاهل والتبريكات رحت للكوشه
ورى شوي اجتي عشق وضلينه نسولف اني وياها
كتلها كومي خلي نركص بس شلون استحي هههه
عشق //اوكفي لحضه
شفت تقوى هاي بت عمي ماذكرتها هي بنيه حبابه
وفقيره صحتها كتلها تقوئ كالت هاي عشوقه
انطيتها تليفوني طلعت اغنيه اني وليان ادربنه عليها
كتلها علكيها وتعالي كومينه ترى راح اطك
تقوى//هههه هسه رحت علكتها
وجيت جريتهن ثنينهن وضلينه نركص شوي وكالت راح يدخلون عمام العروسات
عشق //عفت شال على جتفي وليان همين
دخلو ابويه وجدي وعمامي وولد عمامي
ضلو يركصون بالنص ويهوسون وجديتي
بالنص وياهم
تقرب جدي باركلنه وسلمنه عليه اجه ابويه
اني شفته اختنكت بعبرتي اتقرب باس راسي
اني حضنته وضليت ابجي وكلها تضحك عليه
وهو يكول الهم لاتخلوني الزملكم العكال
هههه بعدين اجوي خواني وباركولي وطبعا مسوين مفاجاه
خلوا الساحه ولزمو المايك وكيان يكول هاي لبنيتي
وعلكوا اغنيه وشوي وجان يكوموني بالنص ويركصون بالتركي
واني وياهم كلها ضلت فاتحه حلكها علينه شلون نركص
طبعا خوان فهد غاروا ودخلو ويانه وكومو ليان همين بس فهد مدخل وياهم
كملنه من العقد والهوسه طلعنه سبحنه ونزلنه سوينه عشه
وتعشينه وكملنه تنضيف اجتي ليان كالت فهد يريدج
كمت رحت لماما كتلها ماما
الام //ها بنيتي
عشق //ماما فهد يريدني اروح لو لا
الام //بضحكه اي روحي جا هو مو رجلج صار
عشق //اي ماما بس غير اخذ اذنكم ((اذنكم لو خشمكم 😂😂😂))،
رحت لغرفت فهد دكيت الباب
كال تفضل
دخلت لكيت فهد متمدد ولازم الفون شافني عدل كعدته
كالي تعالي هنا كعدي وياشر بصفه
عشق //اي احم ردتني
فهد //ههه شبيج اي شلونج
عشق //بخير الحمدلله
فهد //عشق احم اريد اكلج شغله
عشف //بخوف شنو فهد خوفتني اكو شي
فهد //لاشبيج بس اني عندي مهمه وهاي المهمه
خطيره شوي ويمكن اني مااكدر اشوفج شهر
شهرين الله اليعلم اريدج لاتخافين عليه وها
ابوج اشترالكم بيت هنا وكيان راح ينقل شغلكم
هنا اريدج من اداومين لبس قصير ماكوا مكياج طوخ ماكو
كعده ويالشباب هاي كروبات مادري شنو ماكو
فهمتي بنيتي اريد اروح واني مطمن عليج
عشق //فهد يحجي واني دموعي ماكدرت اسيطر عليهم
كمت ابجي بحركه كتله هئ هئ فهد هئ لاتروح حباي هئ هئ هئ
فهد //شفته تبجي بحركه اخذتها بحضني
وكمت امسد على راسها كتله بنيتي الكاتبه
الله يصير كافي بجي يله
عشق //مجلبه بلفانيله مالته وابجي وهو حاضني
ردت اكوم
فهد //كتلها عشق تمددي يمي حبابه اريد اشبع من عطرج
عشق //بس فهد اهلي
فهد //انتي مرتي بس اغفه وروحي
عشق //تمام
فهد //اتمددت وعفتها على ايدي وحطيت راسها بصدري
بست راسها احبج والله
عشق //واني هم
ضلينه نحجي ولما شفته غفه كمت غطيته
وسديت البردات وبسته من راسه وطلعت
رحت لغرفتي سبحت ونمت واني افكر بفهد
شلون راح يغيب عني مااكدر اتحمل والله
تسريع الاحداث
عشق //فهد راح لدوامه واني بده دوامي
التزمت بكل تعليمات فهد هو صارله سبوع من راح
واني كلبي نار عليه مشتاقتله
ليان //راح كيان لبغداد علمود النقل مالتهم
راح يصيرله ٣ايام بغداد واني مشتاقتله
طبعا بديت دوام ويا عشق
فهد بدوامه والباقين كل واحد بشغله
ودراسته ماكو احداث مهمه
لهنا وينتهي البارت اتمنى يعجبكم
😊 أّلَګأّتّبِهِ شٍوِشٍهِ 😊
أّحٌبِګ بِقِدِر أّمَرأّهِ عٌقِيِّمَهِ😊
أّنِجِبِتّ بِعٌدِ عٌأّمَهِأّ أّلَخَمََّسوِنِ 💝💝💝💝
