نور ..الليل

الفصل الاول

مكان مظلم ملئ بالدماء  يقف هو وأمامه عديد من الاشخاص يضرب فيهم بسوطه ومن العجيب هو سكونهم وجمودهم التام رغم الدماء التي تخرج منهم والأعجب انه هو الذي يبكي مع كل ضربه من سوطه يصرخ هو وكأنه يعاني من الألم بدل منهم
يأتي نور ساطع من بعيد يشوش له الرؤية يمد يده لكن لايستطيع الإمساك بها لان بمجرد لمسه لليدين يلتف السوط حوله ليقيده
......................................................................
يستيقظ من هذا الحلم بل الكابوس وهو يتصبب عرقا وتفكير في هذا الضوء
.......................................
وفي صباح اليوم التالي
في المنصوره مدينه وعاصمه الدقهليه تحديدا في كليه التجارة تقف نور بطلتنا مع صديقتها المقربة يثرثرون كالعاده.
نور :رقيه هو ورق المحاسبه نزل ولا لسه

رقيه وهي تأكل بشراهه:لا منزلش

نور بضجر:يابنتي بطلي اكل بقا

رقيه بإستفزاز:لا بحبه الله
يقاطع حديثهم رنه هاتف رقيه وهو خطيبها احمد

رقيه بسرحان:احمد بيتصل

نور وهي تنظر لها بقرف واشمئزاز

رقيه:ايه ياحبيبتي بتبصي كده  ليه

نور:مفيش يااختي مش هتردي دي تاني رنه

رقيه بثقه:لا لازم اتقل شويه

نور بضحك:تتقلي لاحد مايطفش

رقيه بعنف:علشان ادبحه كده قال يطفش قال وبعدين مالك كده
متغاظه مسيرك يا ملوخيه تيجي تحت المخرطة

نور بنفاذ صبر :طب يلا علشان المحاضرة

رقيه :يلا وهبقي ابعتله ماسدج
ثم ذهبوا الي محاضراتهم
......................................................................
في مكان اخر في مقر شركه الديب
يجلس بثقه  وهو يتابع عمله بكل برود ثم يدخل عليه صديقه المقرب
...............
سليم السيوفي عمره ٣٠عاما ضابط في القوات المسلحة المصرية حاصل علي رتبة رائد في هذه المهنة ويعتبره ليل ذراع اليمني .

سليم بمرحه المعتاد:بوم يوم ادخل ولا ايه

ليل ببرود:ماانت دخلت خلاص

سليم:ياساتر عليك

ليل وهو يرفع حاجبه :فيه حاجه 

سليم بخوف:لا ياباشا مفيش حاجه
ثم تابع بجديه:عملت ايه في الصفقه بتاعت طارق الشناوي

ليل بثقه:كسبتها طبعا ومتأكد انه بيلف حوالين نفسه دلوقتي وهيموت ويعرف ازاي

سليم بمرح :لا احنا نحتفل بقا ونقضي السهره للصبح يا معلم

ليل ببرود:ده منظر ضابط طول بعرض الكل بيخاف منه

سليم بغرور:ايوه مالي يعني
نظر له الآخر نظره مرعبه سليم:ااااستأذن انا بقا

ليل ببرود :اقعد اشرب قهوه وأمشي

سليم:لو مكنتش تحلف بس
ليقلب ليل عينيه
......................................................................بعد انتهاء المحاضرات ذهبت نور مع رقيه الي المكان اللتان تعملان فيه محل ملابس في مول كبير مشهور بالمنصورة حيث تعمل رقيه في كي وتنظيم الملابس
وتعمل نور محاسبه في هذا المحل
تدخل فتاه في مقتبل العمر وتبحث عن ملابسها حتي اختارت الذي يناسبها من هذا الكم وذهبت لنور لتدفع الحساب

الفتاه:فيه دفع فيزا لو سمحت

نور:اه طبعا يا فندم

الفتاه:اتفضلي

نور :لو سمحت الباسورد
كتبت  الفتاه الباسورد الخاص بها ويبعث رساله لنور عن عدم وجود رصيد كافي في الفيزا

نور:معلش يافندم مفيش رصيد كافي فيها بس  ممكن تدفعي كاش

الفتاه بهمس لنفسها لكن سمعته نور :يانهار ابيض عليك يا ليل انا كلمتك الصبح وقولتلك
ثم تابعت بصوت واضح :طب معلش ثواني هعمل مكالمه بس وادفع لحضرتك

نور:اتفضلي طبعا
...........................................
ليل:الو
يسمع منها .....مممم نسيت خلاص هبعتلك سليم بالفلوس .....ثم اغلق الخط

سليم بفضول :فيه ايه ها

ليل ببرود:هتروح دلوقتي مول.....هتلاقي تسنيم هناك في محل مش فاكر اسمه اوي اديلها الفلوس دي

أما الآخر لم يسمع شئ من بعد اسمها تسنيم معذبه قلبه وعقله يالله سوف يراها اليوم بل الان

سليم بسرعه:ماشي ماشي سلام
وتابع ليل عمله مره اخري
...........

الفتاه :معلش ثواني وتكون الفلوس عندك

نور:ولا يهمك يا فندم

الفتاه:متعرفناش بقا انا ياستي تسنيم

نور:وانا نور

تسنيم :ماشاءلله انتي فعلا نور خجلت نور ولم تعلق
اتي سليم ودفع الحساب ثم قامت تسنيم بتوديع نور ورحلا....
                     ......................................
ايه رائيكوا في الفصل ؟!
توقعاتكوا عن الأشخاص؟!
ان شاءلله المواعيد الاتنين والجمعة ❤️