جلست تتذكر ما قالته والدتها لها
Flash back
في الصباح الباكر لليوم التالي
طرقت بابا الغرفة لتجدها تؤدي فرضها في مكانها
لتنظر لها بحنان انتظرتها حتي انتهت
الحاجة فاطمة:ساكتة ليه
نور بحب :طبعا مش هسالك انتي عرفتي منين
لانك زهقتي من السؤال ده
الحاجة فاطمة بضحك:من ريحتك وكل مرة بتتفاجئي
ثم سالت بترقب:مالك فيكي ايه يابنتي
نور بتنهيدة :تعبانه اوي يا امي اوي اوي
الحاجة فاطمة بخوف علي ابنتها:مالك ياضنايا
نور وهي تضع رأسها علي قدم والدتها :هكيلك يا امي
ثم قصت لها ما حدث من صالح وعرض ليل
الحاجة فاطمة بترقب وحذر:عايزة رأي
نور بسرعة:اكيد طبعا
الحاجة فاطمة:توافقي
نور بتفاجئ:نعم!!!!
الحاجة فاطمة:اه توافقي علشان سمعتك يابنتي دي مصلحتك اولآ كله الا السمعة وانتي عارفة اننا في زمن الف من يتمنوا يتكلموا عنك وعن غيرك وأنتي محترمة والعين عليكي كتير اوي يابنتي
نور ببكاء :بس مش عايزة اتجوز ده يا ماما ده ظالم ياماما وقاسي اوي اوي مش هقدر علي قسوته دي
الحاجة فاطمة وهي ترتب علي شعرها برفق:غيريه
نور :اغيره!!
الحاجة فاطمة بذكاء انثي:اه غيريه للأحسن مفيش إنسان اتولد كده يابنتي اكيد في سبب تربية
مش لازم أم ولا اب ممكن القرايب
ممكن الصحاب
الشر مباح في كل حته الفرق بينه وبين الخير شعرة واحدة بس يااما تهتمي بانها متتقطعش
او تسيبها تتقطع وتروحي للشر
ثم تابعت بحزن :او الاوحش انك تتولدي بيه
متظلمهوش يانور
نور بحيرة:مش عارفة اعمل ايه شكله مش من النوع ده ده نمرود ومتكبر شايف نفسه يا ماما شايف اني اقل منه
ثم قالت بإستهزاء:مش زي الأفلام هعرف أغيره بسهولة
الحاجة فاطمة:انا مقولتش انه هيبقى بسهولة خالص بس علي الأقل فيه أمل
شكله مشافش حب في حياته ولا رحمة وريهاله وانتي وشطارتك بقا
نور :حاضر ياماما ربنا يخليكي ليا يارب
احتضنتها والدتها ثم قالت بمكر:انت حبيتيه؟!!
نور بصدمة وبتلعثم:لا...حبييته ايه بس ياماما بقولك مش عايزة اتجوزه
الحاجة فاطمة بذكاء:لو كنتي بتكرهيه مكنتيش وافقتي ولو واحد في المية بس وانتي فضحتي الدنيا بنتي وانا فهماها
نور لا ترد ولا تعقب
الحاجة فاطمة:إعجاب؟!
نور نظرت لها بترقب وأومأت لها بخجل وكأنها تراها ولكن عرفت إجابتها لانها تضع يدها علي وجه ابنتها
أنت تقرأ
نور ..الليل
Romanceظالم..قاهر..جلاد..كل هذا وأكثر ينطبق عليه عاني كثيرا في حياته والمقابل يجعل كل من يقف أمامه يعاني أيضا فهل يأتي ذالك النور الذي يغير هذا الجلاد الغير رحيم الي عاشق الي حد النخاع #نور#الليل ممنوع النشر او الاقتباس الا بإذن الكاتبة❤️✋
