Mung awujud sela
Sumandhing sendang duda
Tanpa juru kunci, tanpa pandhita
Atiku kemlewa,
Para kawula, tanpa diaba
Gumilir teka.
Uba rumpe sepele cangkringane
Aku ora nggape,
Patang warsa, lakon uripku tak gelar
Dalan peteng, ndonyo ireng
Aku wis mubeng.
Ringkih, perih atiku gubras getih
( ngundhuh wohing pakarti ?)
Ing swunging pandulu,
Ana rasa kapang kang ngreridhu
Nyawuk weninge sendang duda
Nyelehake sayah ing sangga buwana
( ing kraton ketrenteman, dak dhudhah ati lungkrah, dak leremake jiwa kelunta-lunta.. )
