Kabeh wes dak pecaki
Dalan-dalan peteng kutho iki
Sak dawane "JALAN AHMAD YANI" lan "KARTINI"
Ugo "REKSODIPUTRO" lan "GATOT SUBROTO"
Kabeh wes dak enggoki
Papan-papan endah kutho iki
Gumebyar "TAMAN SARBINI"
Lan sepine "TIRTONADI"
Nuruti kembang kasmaran ?
Apa bisike setan ?
Aku ora ngerti
Kabeh wes dak ampiri
Papan-papan ireng kutho iki,
STASIUN MATI, PASAR PON lan KAMPUNG BARU
Ngupadi panglipur ati ?
Apa ndeder dosa ?
Kabeh wes dak incipi
Pahit getire WHISKY
Gincu abange Nastiti !
Endi dununge penglipur ati..???
Udan wengi-wengi
Nggawa lakuku menggok ing omah-Mu
Swara Muadzin ngagungna asma-Mu
Ana dzikir nyebut welas asih-Mu
Gusthi..
Apa wong nistha kaya aku iki,
Pareng mlebu omah-Mu..??
Opo wong kebak dosa kaya aku
Pareng sujud ing jogan-Mu ?
