" ပုံစံမမှန်တဲ့ ချစ်ခြင်းတွေက.. "
ကိုရီးယား စကားလုံးတွေ အထပ်ထပ်ဖြစ်နေတဲ့ စာရွက်ကို ကြည့်ရင်း စိတ်ပျက်လက်ပျက်ဖြစ်မိသွားသော ရုပ်သွင်ကို ထိမ်းကာ.. စိတ်၀င်စားဟန်.. ခါးမတ်မတ်ပြန်ပြင်ထိုင်လိုက်မိသည်..။
မျက်နှာပြင်တစ်လျှောက်ပြေးလွှားနေသော လက်ချောင်းတို့ကို အာရုံမစိုက်မိအောင်လည်း သတိထားနေရခြင်းကြောင့်ဂျုံဒယ်အဖို့ တစ်မျက်နှာကျော်ကျော်သာ ရှိသော စာပိုဒ်လေးကို အလွတ်မမှတ်နိုင်ပဲ ရှိနေလေသည်..။
'ဒီလိုပုံစံကနေ့တိုင်းပဲလား..။ သူ ဘယ်လိုများနေထိုင်လေသလဲ' လို့ ခပ်အူအူတွေးမိလိုက်ကာ မှန်ချပ်ပေါ်က ကိုယ့်ပုံရိပ်ကို ပြန်ငေးရင်း စိတ်တွေ ရှုပ်ထွေးနောက်ကျိလာလေသည်..။
ခပ်ပါးပါးရနေသည့်မိတ်ကပ်နံ့က.. ဂျုံဒယ်နှင့်သိပ်သဟဇာတ ဖြစ်ပုံတော့မရ..သေသေသပ်သပ်ဖိပြင်ပေးနေသည့်stylelist ကိုပါ မဆီမဆိုင်ဒေါသထွက်ချင်လာလေပြီ..
" ပုံစံမမှန်တဲ့ ချစ်ခြင်းတွေက.. ဒါနဲ့ .. အွန်နူနာ.. ကျတော်တို့ မပြီးသေးဘူးလားဟင်.. "
စာကြောင်းကို ပြန်ဖတ်ရင်းနဲ့မှ .. မခံရပ်နိုင်တော့စွာ.. စကားဖြတ်ပြောကာမိလေသည်.. အနည်းငယ်အထိမခံနိုင်တော့သော အသံကြောင့်လားမသိ ..ခေါင်းတဆတ်ဆတ်နဲ့ နူနာက..
'ချန်းကတော့..ယောရှိ့ (တကယ့်) ချန်းပါပဲလား' လုိ့ ခပ်တိုးတိုးရွတ်ရင်း.. အပြီးသတ်.. တို့ပတ်ရိုက်ကာ.. အမျိုးမျိုး အစုံစုံ ခင်းကျင်းထားသော မိတ်ကပ်ဘောက်ကို တစ်ခုချင်းစီ.. ပြန်ကောက်သိမ်းလေသည်..။
လှည့်သွားသည့်နူနာရဲ့ကျောပြင်ကို ဖျတ်ခနဲအကြည့်ပို့လိုက်မိတော့.. မှန်ပေါ်မှာပေါ်နေသည့်ကိုယ့်ပုံရိပ်ကို မမြင်ချင်ပါလျက်.. ထပ်မြင်ရလေသည်..။
ဒီနှုတ်ခမ်းတွေ.. ဒီမျက်လုံးတွေ.. ပြီးတော့.. ဒီမျက်နှာပြင်..။
![](https://img.wattpad.com/cover/201993023-288-k801283.jpg)
YOU ARE READING
~.. ချန်း ..~ (unicode)
Fanfictionအမေးအမြန်းမရှိပဲ.. ကိုယ့်ကို တဖွဖွ ချစ်သွားပေးပါ.. ချန်း .. ~