نجوم تسقط إلى الجحيم ..
الجزء الاول ..
بقلمي .. قمر ..
جود : يزهق أنفسنا الماضي ونشعر كأنه كشوكة مغروسة في قلبنا .. لكنني اعتدت ألمها وأصبحت أنساها شيئا فشيئا ولكن هل يعقل أن تكبر الشوكة أكثر لتقول لي أنا الآن حاضرك .. ولن تستطيعي نسياني .. وكأن غرستها تضرب أوتار قلبي لتشكل به جوفا عميقا ......
غصون : يرسم خيالي حلما أراه صعبا لكنه ليس بمستحيل .. لأستيقظ أمام واقعي الذي يجبرني أن أخضع رأسي موافقا لكل ما يمليه اخي .. وكيف لقلبي أن يجمع بين أن أحبه وأهابه !!!..
حور : بين الماضي والحاضر .. أرسم شخصية خاصة لي وقد تفننت في رسمها .. لا تشبه أحدا أبدا .. لا تشبه شخصيتي في الماضي .. ولكنها قد تكون ناجحة في رسم الحاضر ..
خلود : رغم ابتسامتي المشرقة إلا أن قلبي كأنه زجاج شفاف رقيق .. واليأس يعلم طريقه نحوي مسرعا ..
رغم قوتي الظاهرة .. ولكن حصونها تنهار عند أول مطب لي !
....... .......
صوت الإسعاف توقف إدام المشفى ونزلت النقالة فيها بنت كلها دم ..
دكتور : خير شو حالتها ..
مسعف : أخوها طعنها ب٣ سكاكين ببطنها .. وضعها كتير صعب وفقدت دم كتير وبجوز ما نلحقها ..
دكتور : بسرعة على غرفة العمليات ..
....
بعد يومين
بنفس المشفى بغير طابق ..
ممرض : الحمدلله أجى الدكتور ..
دكتور : شو الدواء الي ٠اخدته ..
ممرض : اسمه ..... ..
دكتور: عملتولها غسيل معدة .
ممرض : لا لسا لان الدوا انتشر ..
دكتور : لا حول ولا قوة إلا بالله شو دفع هالصبية لتنتحر بهيك دواء .. لك شو صاير لهلبشر ..
.....
بغير مكان بقضبان حديد ومكان معتم .. انفتح الباب وطلع الحارس ..
حارس السجن : قومي هلا صار وقت المحاكمة ..
رفعت راسها بقهر : حاضر ..
مشيت معه لوصلت للقاعة ..
عيون أمها وابوها عليها .. والحزن باين بعيونهم .. وبالجهة المقابلة .. منا بنفس سجن الإتهام .. عم يطلع عليها بعيون .. متل الثعلب إلي بيمكر بفريسته ..
نزلت راسها بخيبة امل عم تصارع عذاب الضمير الي ما فارقها من وقت دخولها السجن ..
......
بسجن تاني بنت قاعدة ودموعها ما عم يوقفوا مقهورة على كل شي ..
ليش وصلنا لهون .. ليش هيك صار فينا .. لك شو هالأنانية إلي كانت موجودة حتى هيك صارت النهاية ..
بس انا ما بعرف انتقم غير من حالي ما بعرف انتقم من غيري .. مبسوطة هلا .. مو انت بدك تحرقي قلبه .. هي حرقتي قلبك كمان
هي احترق وانكوى كمان .. بستاهل .. أنا أغبى إنسانة بالدنيا كلها ..
..................
قبل سنة ..
......................
اربع بنات بمرحلة الثانوية صوت ضحكاتهن عم ترن بالمدرسة ..
حور : هههههه لك خلود والله حاج لك فرطنا ..
خلود : لسا هدول النكت جبتهم من النت احلى من الي قبلن .. اسمعوا ..
غصون : لا خلص بكرى بتقولين .. انا طقو خواصري ..
