نجوم تسقط إلى الجحيم

نجوم تسقط إلى الجحيم ... الجزء الثامن

الجزء الثامن ...

نجوم تسقط إلى الجحيم .....

........

حور كانت بتختها عم تبكي ..

جود : دي قومي عالمدرسة ..

حور : مالي قايمة .. ومالي رايحة .. لك شوفي وجهي معلم.. بدك المدرسة كلها هيك تشوفني ..

دخل عبدالله على الغرفة ووقف قدام تختها وحط اجره عالتخت : من ناقص ما تروحي .. خليكي لكن بالبيت .. بتلميه وبتخلصي طبخ ..

حور : فشرت ..

قرب عبدالله ادنه : شوو قلته ..

حور : عم قلك فشرت ..( علت صوتها ) .

رجع عبدالله ضربها كف ..
: خليكي هيك .. مقبورة بالتخت .. وخلي لسانك الطويل ينفعك ..

حور : تنكسر ايدك . يا حقير يا كلب .. عم تعمل علي مراجل ..

عبدالله : جود تاعي وصلك عالمدرسة ..

طلع عبدالله من البيت وقفل الباب على حور .. واخد جود معه وصلها عالمدرسة ..

جود : حرام عليك .. خف عليها شوي ..

عبدالله : هي وحدة مو مرباي .. وانتي جود اطلعي منها .. لان الكيل طفح منها .. عاملة مشكلة بالمدرسة والانسة حكت كلام عليها بسود الوجه ما بتحترم الانسة .. ووقحة .. لك مستفزة بشكل كبير .. خليها تتربى .. شوي ..

جود : نفخت بمعنى مو مقتنعة بطريقة تعامله معها : طيب .. مع السلامة وصلت ..

....... ..
اجى مامون عالمدرسة وحكى مع المديرة ..

مامون : يعني اختي بتجي عالبيت وجها هيك .. ولسا بدكم تفصلوها ..

المديرة : يا استاذ مامون .. البنتين عاملين خناقة سوا ..

مامون : ورجيني البنت .. هيك متل وجها ..

سكتت المديرة شوي بعدين حكت : نحن خبرنا اهل البنت وعطيناها إنذار اذا رح يجيها شكاوي رح تنفصل ..

مامون : المهم البنت تجي تعتذر ..

مديرة : والله ما داومت اليوم ..

طلع مامون من غرفة المديرة .. ودخلت غصون عالمدرسة .. ورافعة راسها الطالبات كلن تجمعوا ليشوفوا اخوها كيف دافع عنا ..

مامون باس غصون من راسها : ديري بالك عحالك .. وانتبهي عالسوا .. انا عندي شغل ..

حضنته غصون لمامون .. وراح ...

البنات كانوا غيرانين ..

جود وخلود تاخروا شوي وما شافوا اخوها ..

....
طلعت جود من مدرستها ..
( بدي روح لعند قصي .. ما عم يحكي معي الو مدة .. )

راحت جود على مكتب قصي ..