نجوم تسقط إلى الجحيم

نجوم تسقط إلى الجحيم ... الجزء الثامن عشر

نجوم تسقط إلى الجحيم .....

الجزء الثامن عشر ...

.......... 

طلعت راما من العملية ..

بس للأسف النتائج ما كانت مسرة ..

طلعت راما من العملية وكانت ناجحة .. وام راما فرحانة ..

بعد ما دخلت عالغرفة .. فجأة القلب صار نبضه يضعف .. واتجمع الممرضات واجى الدكتور المسؤول ..

وحاولوا معها يرجعوا نبضها بس كان مصر قلبها أن يوقف ..
وصوت الجهاز عم يصفر .. مع لمعة الدكتور عينه بالأسى ..
وهوة عم يقول : الله يرحمها ..

نزل خبر موتها على امها متل الصاعقة .. مامون كان مصدوم ..
وقعت ام راما .. من الصدمة ..  ومامون .. كمل إجراءات المشفى للخروج ..

............

وصلت حور عالمشفى نزلت بسرعة .. وقصي لحقها . 

قصي : الطابق التاني . 

حور : شكرا ..

كانت غصون بغرفة جود عم تتطمن عليها ..

الممرضة : رح طالعك هلا عغرفتك ..

غصون بكرسي متحرك اسهل لحركتها وهزت براسها موافقة للمرضة ..

وقت طلعت من غرفتها كانت حور بدها تدخل وقصي وراها ..

غصون رفعت راسها : حور ! .. الحمدلله عسلامتك ايمت طلعتي ..

حور : الله يسلمك من شوي .. هي غرفتك .. مو غرفة جود ..

غصون : اي غرفة جود كنت عندها .. عليها العافية . 

حور : امين .. انا برجع لعندك .. بس اطمن على جود ..

غصون مبتسمة : ماشي ..
( انتبهت على شخص ورا حور داير ظهرو .. ومبين أن واقف معها فأشرت بعيونها لحور أن مين هاد )

حور قلبت وجها وهية عم تأشرلها أن بكون زوج جود ..

طلعت غصون عغرفتها .. ودخلت حور عغرفة جود ..

قصي : انا رح استناكي برا ..

حور : اي ومأحلاك تدخل يعني ..

قصي دفشها بإيده لجوات الغرفة وسكر الباب ..
ضروري اتحمل كلامها .. شوي بس ..

كانت جود نايمة بتختها حالتها طبيعية .. كأنها نايمة ..

حور : مو كأن طولتي لتفيقي .. خلص بقا قومي .. لو تعرفي وقت شفت وجهك ازرق وبطنك عم تنزف .. فقد عقلي .. مشتهية يشوفني ابن خالتك مازن .. كان صفقلي .. كان هلا هوة فخور فيني .. عطول كان يقلي رح خليكي تصيري قوية .. انا كنت عم موت معهن ..

انتي يا جود انقذتيني .. ضحكتك .. ورقتك .. ولطافتك .. اكسبتيني .. خليتيني اتعلق فيكي وشوفك قدوتي  ..