نجوم تسقط إلى الجحيم ....
الجزء السادس عشر ..
............
بقضبان حديد ومكان معتم .. انفتح الباب وطلع الحارس ..
حارس السجن : قومي هلا صار وقت المحاكمة ..
رفعت راسها بقهر : حاضر ..
مشيت معه لوصلت للقاعة ..
عيون أمها وابوها عليها .. والحزن باين بعيونهم .. وبالجهة المقابلة .. منا بنفس سجن الإتهام .. عم يطلع عليها بعيون .. متل الثعلب إلي بيمكر بفريسته ..
نزلت راسها بخيبة امل عم تصارع عذاب الضمير الي ما فارقها من وقت دخولها السجن لانها حست إنها ورا قتل إختها وهية الي تركتها وراحت ..
حور بتهمة القتل .. جلال كان بتهمة فاتح بيت للدعارة .. بشهادة حور .. وكتير ..
القاضي لحور .. شو كانت نيتك من قتل المدعو جلال .. الي بتكون بينكم صلة قرابة ..
حور رفعت راسها وكأنها عم تفتخر : لان واحد كلب وحقير .. قتل اختي وحاول يغتصبها .. ورفيقتي . ودمر عيلتي .... هاد ششطان وما لازم يضل على هالدنيا .. لان متل الوباء عم ينشر وسخه وقرفه ..
القاضي : رجاءً احترمي المحكمة واحكي غير الالفاظ السوقية .. وجاء عندي بالتقرير . اختك انتحرت ..
حور : لا ما انتحرت هوة. قتلها..
كانت اجوبة حور بتعتمد عالعاطفة اكتر .. وقهرها . بس جلال كانت بتعتمد عدلائل .
صدر حكم المؤبد لحور وبراءة لجلال .. باعتبار ما كان في دليل .
حور عم تصرخ : ورح يصير اعدام .. بس استنوا لحتى اقتله لجلال والله رح اقتلك يا جلال .. وافش كل قهري .. وحتى لو بدي اهرب ميت مرة .. بدي اموتك .. انا ما رح ارتاح لاشوفك فطسان متل الكلب ..
مسكوها العساكر .. بقوة وهية تصرخ تهدد .. حتى ما انتبهت غير عجلال .. ما كانت شايفة لا امها ولا ابوها ...
....
دخلت خلود السجن .. وحققوا معها .. وتم فحصها بالمشفى بسبب الكدمات والضرب المبرح الي تعرضت الو ..
وتحولت عالمحكمة .. وكان اللقاء بين حور وخلود .. وحدة طالعة ووحدة داخلة ..
وحدة عيون باردة ما في مشاعر ..
وحدة عيون حمر من الغضب .. ومشاعر الغضب رح تحرقها ..
ما قدروا حتى يمسكوا ايدين بعض .. دخلت خلود عالسجن المحكمة لبين ما تبلش محاكمتها ..
اجت امها : الله لا يوفقك يا خلود .. الله يوطي راسك . وطيتي راسي .. فضحتيني .. الله ينتقم منك ..
...........
كان فارس وابوه وامه .. عم ....
ابوه : قلتلك لاء .. وبس رحت صدقني يا فارس لحتى اتبرى منك .. ولا انت ابني ولا رح اعرفك ..
