دكتورة بالصدفة 💜🌸
-٤-
رونق عثمان
طبعا بتدأ بناس قدام و نحن اخر ناس جلدتهم كلهم و بت خالي دي تشيل و تبكى و تتراجف خوفنا عليها بس الصراحة ضحكن فيها دا كلو من صوت (رحيق و ملاذ عاد بت شهادة عربية بالغت بوليغ 🐸💔) المهم انجلدنا زي كل مرة و بنسمع في حصة الصباح بتاعت الادب و الاخلاق ( انا اخر الزمن واحدة بايرة تدينا درس في الاخلاق🐸💔) الشلة كلها ضحكت و فضلنا نحن هاك يا الكلام الكتير ووووواي بس اللهم وووواي فقع مرارة بس المرا بتخليني امشي الموت و اجي راجعة😪 عشان شافتنا بنضحك بعد الجلدة طبعا البنات كلهن او اغلبهن مايعة و بكاء و دموع الا نحن عاد شغل رجالة بس 😌افووووو نحن نبكى من صوت البايرة دي🌚❤ البايرة يلا يا سجمانات انتوا امشي الحمامات الشلة كلها كل زول شال شنطتو و مشينا علي الحمامات طبعا هي طوالي بتعمل كدي و هي زاتها حيوانة ما عارفة انو نحن حصتنا الاولى انجليزي 😂💔 يعني كدي كدي ما بتفرق الموضوع ايزي🌚💃🏻( بت خالي دخلوها)
مشينا و قعدنا في مكان طوالي بنقعد فيهو عشان يقولوا بنضف و يلا قعدنا و وقعوا فينا احضان و سلام و ضحك و ونسة و دخلنا الحصة التانية😂💔 في الفصل كلنا قاعدين ورا طبعا و ادراجنا مشهورة بالاكل و الونسة و الطرد من الحصص ( طبعا من صف اول مع بعض حدي ما وصلنا تالت و الاعادة نفس الموال🌚) عندي مرت عمي استاذة في المدرسة و انا بكرها عمى مرة لمن كنت في اولى في استاذة التربية الاسلامية ما بكتب ليها و الاستاذة ودتني الادارة و معاي شلتي و معانا بنات من الفصل طوالي مرت عمي مشت كلمت عمي و قالت ليهو بت اخوك جابوهو المكتب و عاملة مشكلة و عمي جاء ضربني و كذلك امي...💔 انا من الوقت داك بكرهها و كل الشلة بتكرهها افتكرنا اليوم انعدل بس للاسف رجع انقلب بعد فطرنا جاءت بت دقت الباب للاستاذة و قالت ليها المدير عايزة ايثار علي و معاها البنات القالوا ليهن الصباح نضفن الحمامات ...😪💔 شهد لو ما كانت مرت عمك الكريهه ورا المشية لي الادارة دي تفي لي في وشي اسراء موكد ما فيها اتنين تلاتة غيرها منو و البايرة دي شايلها فينا في المدرسة ( وصلنا المكتب و دخلنا استنانا استاذ الكيمياء و دا بكرهنا انا و شهد عمى و كل ما يجي الفصل بفرقنا من بعض) انا اهااا كملت يا شهد حتى هووو ح يسمعنا كلام طالع نازل الله يازاها البايرة دي كرهتنا المدرسة دي رحيق عاينو ليهو بحمر في ايثار و شهد كيف مسوي وشو التقول طربيزة لحام دا (بدون ما نشعر لقينا نفسنا بنضحك علي كلام رحيق) فجاة سمعنا البايرة جاءت جنك ضحك نحن عملنا كدي😳😳 جاءت داخلة و معاها الوكيلة الله وكيلكم دي انا لو خلوني ليها بقتلو و بشرب من دمها🐸🔪 جنها مواعظ قرت تربية اسلامية تحلف تقول خريجة من الزيتونة علوم اسلامية👊🏻(بس النصيحة شاطرة لكن كان مرقت تاني الا يرجعها الجرس) و معاهن المدير و مرت عمي شهد مش قلت ليك مرت عمك عندها يد في الموضوع انا و بعاين ليهو جوووا عيونا المرة دي لو حكت لي امي ما تلوم الا نفسها المدير اهااا خلاص خلصتو نبدأ ( مشى قعد و نحن واقفين و منزلين رسين تحت احترام وكدي🐸) طبعا اينار و ريناد ما معانا انا و شهد و اروي و رحيق و اسراء و ملاذ المدير طبعا الاستاذة امنة جات شكت منكن (امنة دي البايرة😂) عاينت لي شهد😳 بمعني امنة دي منو نحن ما بنعرف اسمها منو من يوم جاءت بنقول ليها البايرة او استاذة الاحياء طبعا اسراء كانت مركزة معاي لانو عارفة انا ما عارفة اسمها ضحكت لمن اتشرقت😂😂👊🏻 كلنا ضحكنا بس كتمناها المدير كمل انتوا بتجوا متاخرين و كمان بتقلوا ادبكم و بتعدوها ضحك وقت هي تتكلم معاكم الوكيلة قاطعتو بس قبل تتم كلامها المدير عاين ليها و قال ليها انا لسه ما خلصت و عاين علينا و نحن تركيزنا بقى مع الوكيلة قربت تدخل تحت الدرج و كتمنا الضحكة بالعافية كل واحدة قرصت التانية عشان ما نضحك و طبعا المدير بعرفنا من دخلنا و باسماينا كلنا المدير كمل يا اما تعتزوا من الاستاذة و تلتزموا يا اما كل واحدة تجيب ولي امرها و نعمل ليكم جلسة😳😳 اروي يا استاذ ااااكيد الخيار الاول و مستحيل نتاخر ( طبعا ولي الامر دي سبق و انفصلنا اسبوع و اكلت اكلة من امها من عمي الا وديني المستشفى) طبعا اعتزرنا من الاستاذة بالدور و مرسومة علي وشوشنا الابتسامة لي الضرس الاخير و بدت الوكيلة الله مرقنا منها بي انو المدير مشى و جاء راجع قال ليها دخليهم لي الحصة حقتي واااي بس الحمدلله الله سترنا منها 😪😪 بعد طلعنا المدير نادني يا ايثار تعالي كنا واقفين برا و الشلة دخلت طبعا امك ضربت لي وقت قال كدي قربت اجن😳😳😳
