دكتورة بالصدفة 💜🌸
-١١-
رونق عثمان
في يوم بعد جيت من هبة بعد الفطور كدي لقيت اريج مجهزة نفسها قالت لي حماها تعبان في المستشفى و لازم تمشي و انا اقعد مع الاولاد هي مشت و انا قعدت مع الاولاد في البيت زهرة ( دي الحبشية) كان ليها يومين ما بتجي لانها عيانة انا نضفت البيت كلو و رتبتو و في ملابس عايزة غسيل غسلتهم و اصلا الاولاد ما غلبوني كانوا في غرفهم عملت لي لارين الحليب بعد صحت اديتو ليهو حدي العصر اريج ما جاءت اتصلت عليها و قالت لي انو هو تعبان و ح تقعد و انا لازم اعمل شاي و قهوة و اجيب الاولاد بعد المغرب المستشفى يشوفوا عمهم و ح تجيبوا لينا العربية في البيت قلت لها كويس و قفلت منها اتصلت علي هبة و قلت ليها تجيني في البيت و تشتغل معاي خمسة دقائق و جاتني عملنا شاي لبن و شاي احمر و قهوة عملت تلج في الحفاظة و مليتها موية و عملت كيكة مع الشاي و هبة جهزت لي الاولاد و اتصلت كلمت امها و لبسنا عبايتنا و مرقنا الشارع وقفنا كدي العربية وصلت كان واحد من اعمام الاولاد سلم علينا و مشينا ليهم في المستشفى كانوا كترت خلق كلهم سمعوا بالتعب و جوا كويس انو عملنا شاي و قهوة كتير سلمنا علي جزء منهم قعدنا معاهم حدي العشاء بعدين الدكاترة قالوا تمشوا البيت بعد دا ما في زول يقعد في غصون نص ساعة العالمين دي كلها فاتتة فضلنا انا و هبة و اريج و الاولاد و معانا ابوهم و عمهم بس قالوا لينا نمشي و طالعين كدي من المستشفى نسمع الشرطة و الاسعاف و الناس تكورك حادث حادث 💔💔 بقينا بين ندخل و بين نطلع في النص واقفين جابوا ناس بحالات ما بتقدر تعاين فيهم مرتين هبة قعدت تبكى بس و اريج تستغفر و انا اهدي في هبة لمن اغمى عليها دخلنا غرفة جاءت الممرضة ادتها درب و طلعنا برا اصريت علي اريج تمشي( لانو الاولاد زهجوا و الجو ما جو اطفال) و مشت ادتني قروش قالت لي ديل ارجعوا بيهن البيت خليت هبة و مشيت مكان الحوداث و اشوف في الناس كان في نقص بتاع دكاترة بصورة ما عادية💔💔 يعني الناس ديل ختوهم في السراير و ما في زول واقف عليهم في زي تلاتة دكاترة بس يسووا شنو لي الناس الكتير دي ما بكفوا طوالي اتزكرت شرح عمرو كلوو لي كيف نخيط الجروح و ننضفها و نوقف النزيف طوالي مشيت علي واحد من الدكاترة و قلت ليهو انا ح اساعدكم نادى واحد من الممرضين ديل و قال ليهو اديها كمامة و تعقم يديها و تبدا تشتغل ( يعني في اللحظة ديك هو وثق فيني كيف ولا شنو المهم كان متاكد انو لو بقدر اساعد ما في مشكلة ان شاءالله اهدي الناس بس) لبست و بديت معاهم كانوا لي سنين دكتورة انضف لي دا و اودي دا الاشعة و اساعد الدكتور دا المهم قريب ال 3 ساعات علي الحالة دي في واحد من الناس حديدة دخلت ليهو في بطنو و لازم يدخل عميلة بدون ما اخاف دخلت معاهم العميلة انتهت قريب صلاة الصبح و الحمدلله نحجت كانت اول عميلة ادخلها علي اساس اني دكتورة و انا تراب خشمي ما ناقشة 🐸💔 الا في العميلة كانوا نزل علي وحي اداني شجاعة و الهام اني اساعد الدكاترة ديل في العميلة كان موجود مدير المستشفى معانا في العميلة بعد خلصنا طلعنا و لفيت مع الدكاترة و انا لابسة اللابكت كاني دكتورة يا دنيا ما فيك الا انا😌👊🏻 في ناس ماتو قبل يصلوا المستشفى الله يرحمهم و واحد من الناس الوضعهم صعب كان الداخلة ليهو الحديدة دا و الحمدلله اتعدى مرحلة الخطر ما عليهو خوف و الباقين كسور و جروحات خفيفة و مضت علي خير الحمدلله (الناس بقول لي وجودك في المستشفى كان صدفة بس انا بقول قدري 😴💜💕) مشيت الاستراحة صليت و قريت قران رجعت لي هبة في الغرفة لقيت صاحية بقت تسال فيني انتي وين و الحصل شنو و تلفونك مخليهو هنا و و حكيت ليها الحصل كلووو زاتها ما صدقت بس تاني صدقتني😂💜 قبل ما نطلع الممرضة نادتني انو مدير المستشفى دكتور علي قال عايزك مشيت ليهو في المكتب كان راجل كبير كدي وشو بشوش سلم علي اتفضلي اتفضلي يا دكتورة يا اهلا قعدت و ؤدربدا يسال فيني انتي دكتورة شنو و و حكيت ليهو انو انا يا داب ممتحنة و اديتو فكرة عن انا اتعلمت من وين الدكتور معقولة انتي بتعرفي دا كلو ولا لسه ما دخلتي الجامعة و انكلم كتير مدحني و طلعت منو مشيت لي هبة و رجعنا البيت حكيت لي اريج الحصل و دخلت الغرفة ما قومت الا الظهر قومت صليت و فطرت ههه غداء دا بعد دا ناس البيت كانوا نامين يمكن لانو صحوا بدري و كدي انا اشتغلت في تلفوني و تاني رجعت نومت🐸👊🏻 المساء اريج رجعت المستشفى و انا قعدت في البيت مع الاولاد بعد تلاتة يوم انا يا داب دخلت البيت اريج اتصلت علي انو حماها مسفرنو الخرطوم و دايراني اجيب الاولاد و اجي المستشفى بهدومي ديلك غيرت للاولاد و خليت زهرة في البيت و مشيت المستشفى عمهم عندو مشاكل ف القلب و لازم يودهو الخرطوم هناك في دكتور ح يستلم حالتو و بالفعل وصلنا المستشفى سلمنا عليهم و قعدنا شوي كدي و تاني ساقوهو و فاتو مشت معاهو امو و مرتو و عثمان راجل اريج الناس كلها رجعت و تدعي ليهو بالعافية و فاتوا نحن راجعين كدي سمعت زول بنادي يا دكتورة يا دكتورة..... اتلفت عليهو😳
