دكتورة بالصدفة 💜🌸
بقلم : رونق عثمان
-٢٠-
و حسي يلا من هنا 😒👊🏻 ما اشوفك هنا مجاهد ك ك كيف يعني امشي انا مستحيل امشي اخليها فكر زي ما عايز بس انا ما فكرت اذيها و كنت ناوي اكسر غرورها معاي و مستحيل امشي اخليها الا اشوفها خالد ههه(ضحكة ساخرة) فاكر ح تقبل تشوفك ولا تتكلم معاك مجاهد ما بهمني بس لازم اكون معاها و ما اخليها و لازم تفهم انو انا بحبها اكتر من اربعة سنوات لا الليلة ولا امبارح و انا من وقت شفتها متمني تكون هي زوجتي و ام اولادي و ما حد غيرها و ح افضل اعتذر منها حدي ما تسامحني كنت فاكر انها عنيدة بس تطلعت عنيدة بسيطة عليها (خلى خالد و دخل المستشفى) اول ما فتحت كانت الدنيا صباح اتذكرت الحصل و بديت ابكى من اول و جديد و انا بعاين في سقف الغرفة بعد مسافة حسيت نفسي عشطانة حاولت اشرب من الكأسة الجنبي بس ما قدرت في حد كان في الغرفة و نايم علي الكرسي اول ما شوفتو بديت اصرخ كان مجاهد صحي و هو مخلوع اثو انتي كويسة في شنو و انا لسه بصرخ دخلوا الدكاترة و طلعوها و ادوني مهدى شوي و نومت عديت الصباحية كلها نايمة لمن صحيت كانت الساعة حوالي 1 ظهر صحيت و بقيت اعاين في الغرفة اذ كان موجود ولا لا بس كان ما في شوي و دخلت الممرضة لبستني و بعدها جاء داخل و معاهو روان و هبة و رهف خالد وصلنا الداخلية و فات خلانا وشو كان باين عليهو الندم من غلطة اخوهو عديت اسبوع في الداخلية و انا بهلوس و خايفة مرة اكون كويسة و مرة لا مجاهد كان كل يوم يجي قدام الداخلية و يتكلم مع المشرفات و كل البنات عرفوهو الداخلية كلها علي سيرة مجاهد و خطيبتو ايثار الزعلانة منو و هو براضي فيها مجاهد ما فقد الامل و كان بحاول يتصل علي اكتر من مرة بحظرو و برجع لي برقم تاني بعد الاسبوع خلص مشرفات الداخلية قالوا كلام زي دا ما بجي و الا بنطرد منها كلمت خالد و خالد اتكلم مع مجاهد شبه اقتنع يومين ما جاء بس انا لسه ما مشيت الجامعة ولا حتى المستشفى بس في الغرفة البنات كل يوم تقعد معاي واحد و اتنين يمشوا يحضروا عشان يجيبوا لي القاعدة معاي و لي حدي ما هبة قالت ليهم مدام ما اقتنعت معانا خلي نكلم صحبتها ال في الثانوي (قصدهم شهد) شالوا الرقم من تلفوني و اتصلوا عليها و حكوا ليها الحاصل شهد كلمت اسراء و اروي و في نفس اليوم جوني في الداخلية ما صدقت انهم جوا و نسيت كل حاجة و بقيت اتونس و اضحك معاهم و حتى ما سالوني ليه هم هنا انا وقت سالتهم قال انهم حولوا الداخلية حقتي و ح يقعد في الغرفة الجنبي صراحة ما صدقت من الفرحة بقينا نتونس و نضحك و جابوا العشاء اكلنا و اكلت معاهم زاتو ما صدقت نفسي قومت حكيت ليهم الحصل معاي كلو من الاول و هم عملوا نفسهم ما عارفين حتى هبة و رهف اتفقوا مع بعض ارؤي دا حيوان كيف يعمل كدي😠 اسراء لا دا عايز تربية من اول و جديد شهد دا داير تربية كاربة دا كلام و فعلة ما بنسكت ليهو عليها😒👊🏻 فضلوا طول الليل ينبذوا فيهو و انا مرة انبذوا معاهم و مرة اقعد ابكى لحدي ما نومت من الصباح لقيتهم مجهزين لي ملابسي و اصروا اني امشي اروي ظبتطني تمام و طلعت مزة لمن عجبت نفسي😘 مشيت مع البنات و ناس شهد مشوا معاي تلاتة يوم انا يمكن شبه نسيت الحصل معاي (و كلو بفضل صحباتي😴💙) وقفوا معاي خلال التلات ايام دي مجاهد كان كل يوم يجي و يشوفني من بعيد و حتى بجي الجامعة و بفضل طول اليوم يراغب فيني البنات مشوا جامعتهم و انا بقيت مع روان و ديدا و رهف اليوم الرابع مجاهد جاء الجامعة كلنا قاعدين مع بعض اول ما شفتو تاني الخوف راجع من اول و جديد بقيت ماسكة في ديدا و هي بتقول لي مالك يا اثو البنات لاحظو انو انا متوترة لحد جاء قعد معانا في نفس الطاولة بكل وقاحة و قوة عين ولا سلم علي زول و اول كلمة قالها اثو لازم نحكى مع بعض البنات بقوا مستغربين دا منو انا لسه ماسكة في ديدا و اول كلمة قلته مجاهد نحن ما بينا كلام اول ما قلت مجاهد قاموا فيهو هبة و ديدا و روان و رهف فرجوا الناس كلها الاولاد قاعدين و ما فاهمين حاجة كل ما يهدوهم يرجعوا يبدوا من جديد لمنا ما عرفوا حاجة ساقوا مجاهد و طلعوا بيهو و بقوا يسالوا فيهو الا ابدا ما قال ليهم حاجة الموقف دا بقى بيحصل كل يوم لمدة اسبوعين مجاهد بجي و بسمعوا فارغ حتى ناس شهد كانوا بجوا معاي الجامعة كلها عرفت انو خطيبي و انا زعلانة منو زهجت من الوضع في يوم قلت ليهم بكرة الا اتكلم معاهو اصروا انو ما اتكلم معاهو بس انا اصريت و بالفعل تاني يوم مشيت الجامعة و طلبت من ناس اروي يمشوا جامعتهم و تاني يوم مشيت الجامعة و كالعادة كان موجود بقى زي الطالب كل يوم مداوم وقفت قدامو و قلت ليهو مجاهد خلينا نقعد نحكى ما كان مصدق انو انا اقعد معاهو ماشين مع بعض و الناس دي كلها الليلة ح يرجعوا ح يرجعوا(كنا حديث الموسم🌚💔) انا مجاهد لمتى ح تفضل تعمل كدي فاكر ح انسي انت عملت شنو مجاهد اثو انا عارف نفسي غلطت و ح افضل اعمل كدي حتى تسامحيني انا ماشي سامحتك مجاهد انا ما عايزاك تسامحيني و بس انتي بتعرفي انو انا بحبك و كل الحصل انو انا ما قدرت اتقبل فكرة انو انتي ما بتحبيني و كنت بتتصرف معاي ببرود و بتتجاهليني و انا ماكنت متعود علي كدي متعود انو اي بت هي التجي لحد عندي ما انا ال امشي وارها انا ههه(ضحكة سخرية) انت و بتحبني انا انت اكيد ما واعي و بطل البتعمل فيهو دا ما في حاجة اسمها حب كلو تخريف و كلام فارغ و لو علي المسامحة سامحتك بس انت ابعد عن طريقي و ما عاد اشوف وشك دا هنا مجاهد لا يا اثو انا لي اكتر من اربعة سنة بحبك من يوم شوفتك و مشينا المركز مع بعض انا ما نسيت شيء من الليلة ديك حتى كل كلامك متذكرو بالحرف و ما في واحدة دخلت قلبي و نستي الحصل معاي غيرك بالرغم من انو انا ما اتكلمت معاك في الليلة ديك بس ما قدرت انسى ولا شيء منها و حتى تفاصيل وشك ما نسيتها برغم انو بس شوفتك بضوء القمر انا بحبك يا اثو و ح افضل اعتذر و احاول اصلح غلطتي معاك و ما ح اتراجع انا كل الوقت دا كنت ساكتة و مصدومة في كلامو بس مستحيل اصدقو لانو انا حبيت قلبي كدي و قلبي انكسر و ما بثق في حاجة اسمها حب انا مجاهد انا لا بحبك و لا ح افكر احبك لانو ما في وجود لي حاجة اسمها حب و قمت خليتو قبل امشي ناداني و جاء وقف قدامي و قال اثورتي يا دكتورتي انا بحبك و ح تحبيني و ح اثبت ليك كلامي انا مستحيل و فت خليتو نوعا ما كلامو هزاني بس اتزكرت حبي لي عمرو و كيف انكسرت من الحصل خالد سامحو لي مجاهد لانو بثق فيهو و واثق من حبو لي و كان بساعد فيهو و وقف معاهو لانو مجاهد بعد جاء البلد و اتقابل مع ايثار اتغير و بدأ ينسى الحصل معاهو و فتح قلبو مرة تانية😴💔
