دكتورة بالصدفة 💜🌸
-٦-
رونق عثمان
عمرو خلاص اهدي يا اثو ما كان في داعي تتكلم مع امك كدي ليه تقول ليها كدي ما في ام بتفكر كدي انا كنت ببكي و بهزا في رجولي و عمرو ماسك يدي امشي اعتذر ليها و بعدين امك عايزة مصلحتك اكتر مننا كلنا بنحبك و بنخاف عليك بس هي اكتر مننا كمان قلت ليها انها ما فرحت لمن زاعوك تتزكري لمن فطرت الطلبة بالطعمية و حلوياتتها لمدة تلاتةيوم طيب ما شفتي دموعها يوم نجاحك قبل يتم كلامو بقيت اقول امي امي طالعة كدي بس امي جات داخلة اثو حبيبتي انا اسفة امي لا لا ما تعتزري انا اعتذر انا انانية بفكر في نفسي بس اسفة حضنا بعض و فضلنا نبكى 😭😭 دخلوا مؤيد و ابرار مؤيد كفاية شنو حركات الهنود الما بتنتهي دي كفاية يا بت🌚👊🏻 ابرار كفاية من قبيل بنعاين للدراما الحزينة دي تخلص 🐸🔪 اثوو برو و ميدو و حضنتهم😘 مؤيد علي فكرة قولتي ميدو انتي😒👋🏻 انا اي قلت ليه عندك اعتراض👊🏻 مؤيد طبعا عندي 🐸👊🏻 اسمي مؤيد علي محمد احمد فهمتي اياك من الاسم دا و ضربني في راسي🐸🔪 عمرو بس كان واقف بعيد مننا وبعاين لينا و نحن حاضنين بعض بعدها عمرو طيب يا جماعة خلونا في المهم اثو وافقت ترجع احياء و قالت عندها مشكلة في الانجليزي و الاحياء يلا انا كتبت ليك الجدول دا ( طلع ورقة من جيبو) امشي بيهو في المذاكر انا حاضر😍 و كمان مؤيد ح يقرا معاك انجليزي لمدة شهر و انا تاني ح اجي راجع و نراجع مع بعض تمام يا عثل💜💕 انا اكيد تمام❤ و الجدول بدا من اليوم و مؤيد ح يشرف عليها🐸👋🏻 عمرو فات و انا لسة بفكر فيهو و كيف طالع بملابس البيت و الفريم السمح احيي انا بس🤤💜 ،؛،؛،؛،؛ الجدول كالاتي ح اصحى تلاتة صباحا و 6 اجهز للمدرسة 7:00 اطلع من البيت 7:10 ح انتظر الترحيل (يعني تاني ما في نوم لي 7🐸) اعدي باقي اليوم في المدرسة برجع 3:30 نوم ساعة بس و مؤيد يزن لي في راسي😭 يقريني حدي المغرب اصلى عندي ساعة اعمل فيها العايزاهو و تاني ارجع حدي بين 10 و 10:30 انوم و نفس الشيء اليوم البعدو في المدرسة بعد كلام المدير فرقنا من بعض انا و شهد قعدنا قدام و اروي و اسراء قعدوا مع بعض بس برضو لسه ما خلينا القطيعة و التعليق في الناس 🐸👊🏻 عدت الشهر القالوا عمرو حبيبي🙈 و جاء راجع و بقيت كل يوم امشي ليهو يقرني يوم انجليزي و يوم احياء احيانا اسرح فيهو و احيانا اركز معاها طبعا في المدرسة انا و البنات شوي هدينا من الجن و بت خالي المايعة ديك بقت من الشلة و خلت مياعتها الكتيرة ديك و بقت تتكلم معانا عادي عملنا قروب مراجعة في المدرسة في الحصص الفاضية و كدي انا ركزت شديد و في الرياضيات اصلا فل و حسي بقيت فيها ماشاءالله 😌🖐🏻 بشرح لي الفصل كلو و الاستاذ اب كرش داك بقى يتعامل معاي بذوق و يخليني اشرح جنب السبورة للفصل كللو هو زاتو شاطر اب جلحات بس لو خلا ردودو البايخة دي بكون ما قصر استمريت مع عمرو شهرين و تاني شديت حيلي براي لحدي ما جاء التجربيي عملت 90 😌🖐🏻 و الانحليزي جبت فيهو80 و الاحياء90 كيف ما اجيب فيهم كدي و شرحهم لي حبيبي 🙈❤ البنات نسبهم كويسة كلهم من 70+ ماشاءالله دارين يطيروا من الفرح بس كلو عشان انا ضغطت عليهم معاي و شبه ماشين بالجدول خلاص التجريبي و ادونا اسبوع في البيت و بعدها نزلنا اولى و تانية كانوا نازلين امتحانات النهائية جابوا لي استائذة من برا و كلهم يسووا كدي😍👋🏻 اللبس و العطر و الساعات كلو واحد احلى من التاني صراحة كلنا انبرشنا فيهم🌚💔 ما نحن برانا المدرسة كلها حتى ناس اولى و تانية بس بما انو خلاص بقينا شاطرين و كدي😌 ف في التركيز رجعنا ورا للشمارات و التعليقات و كدي🌚💔 كنا نحن الاربعة بتاعين المشاكل و معانا ريناد اما اينار ف قدام طبعا بقينا خمسة و ادراجنا اخر شيء في الفصل و قاعدين جنب الشباك و كدي🙈 جاء الاستاذ بتاع الرياضيات يا يمة حلاتا الدنيا عليهو؛؛؛ 🤤💜؛؛؛اللبس كيف و الحالة كيف من دخل نحن نعلق فيهو بقول في شنو زاتو ما عارفين معدنها ضحك بس😂👊🏻 كتب مسألة في السبورة و قال خمسة دقائق و تحلوها عاد البنات يشيلن و يتخاففن و نحن نضحك فيهن بس ولا في سوال ما حاولنا نجاوب بس نعلق في المياعة حقتهن دي🌚👊🏻 الراجل يقول كدي الخمسة الورا قوموا حلوا المسألة دي والا تاني ما تحضروا معاي حصة تركيز في باقي الاسبوعين ديل😳😳 شهد وجععع💔
انا شييتت ياااه🐸👋🏻 اروي ابرد يا ود امي🙄
وقفنا علي حيلنا دخل يديهو في جيببوا و بعاين فينا و نحن المسألة زاتها مكتوبة وين ما عارفين طبعا باقي الفصل عارفين اننا طاشين شبكة ف اينار عاينت لي ريناد و وصفت ليها المسألة في اي جزء من السبورة طبعا المعلومة وصلتنا و هو لسه بعاين فينا انا لسه بضحك و ما ناوية اسكت لانو في واحدة بتتمايع لسه و عاملة نفسها عارفة المهم المسألة تفاضل و الفصل كلو اشتغلها تكامل اثناء ما انا بضحك قال للبنات اقعدوا و اللبسة نظارة تقيف 😳😳 كووور يا يمة الراجل مالو معاي قال لي يلا حليها انا عرفت مكانها بحل فيها في راسي بس😌👋🏻 و الفصل كلو برفع في يدو نظام يحلها و كدي طلع يديهو من جيبوا و ربع يديهو و قال لي يلا حلي انا دايرة اشوفو بسوي شنو سكتة مع اني حليتها زي قبل يومين رسلها لي مؤيد اخوي في صورة من ورق امتحانات و فتشت زيها و حليتهن🙈 الا بس ركوب راس فضلت ساكتة قال لي يلا اطلعي برا 😒 قلت ليهو بس انا ما فتحت خشمي😏 قال لي علي اساس ح تحليها 😒 قلت هاك حليتها الفصل كلو و هو عملوا كدي😳 اروي طوالي ضحك قالت دي بت حرام ما تخافوا عليها😂😂 مشيت مديت ليهو الورقة عاين ليها قال لي واثقة قلت ليهو مئة في المئة😌🖐🏻 قال يلا اشرحيها ليهم اول ما قلت المسألة تفاضل قعدوا يعترضوا قربت اقول ليهو طلع لي قاشك دا امعط بيهو الرمم ديل 😒👋🏻 طوالي نهرهم احيييينا انا قربت ازغرد عاينت للبنات ورا لقيتهم يضحكوا فاهمين بعض نحن المهم شرحتها في السبورة و قبلت عليهو مديت ليهو الطبشيرة و قلت ليهو انتهيت😊 قال لي اسمك منو قلت ايثار قال لي ايثار يا ايثار الراجل خلعني وقت قال اسمي مرتين عاين لي كدي و قال صفقوا ليها🙈💃🏻 وي عاد دايرة اطير من الفرح تقول قال لي عمرو عقد عليك 💃🏻💃🏻🐸👊🏻 البنات بقوا عاملين كدي😳😳 هو لمن قال صفقوا كان مبتسم و كدي عاد من اليوم داك عرفه شديدة و حتى الشلة عرفها يا ود يا خطير بتلعب مع مين انت يا ود🐸👊🏻
