نيسان

.3

باليوم الثاني بعد ما رجع نيسان البيت وجلس يفكر لين الصبح كيف بيسوي الاتفاق  كونه اتفق على روح والروح صعب يتحكم فيها الشخص ..

غسل فيسه ونزل يفطر مع امه وابوه باس راس امه بعدين ابوه واستأذن منه يروح لعلياء كون اجازه ولحاله..

سمحوله يروح وكما العاده مشى لين البيت لان ما يحتاج سياره لين بيتها دخل كون الباب مفتوح خلاه ابو علياء مفتوح بعد ما شاف نيسان جاي ..بعد ما دق الباب  دخل  نادا ام علياء وسلم عليها وجلس معها شوي وبعدين طلع لعلياء .

علياء شافت نيسان داخل : لو اني مفكره بمليون.

نيسان قعد جنبها : شنو صار معك؟.

علياء : ما تقرب لها بس من نفس العرق.

نيسان بأحباط : يعني ما استفدنا شيء.

علياء : بس عرفت شي عندنا وحده كانت باول ثنوي من نفس القبيله جلست انحبش وسوي طقوسي من امس لين عرفت ان عندها اخت اسمها هبى لو  صحت استفساراتي اضنها هي .

نيسان: طيب مين البنت؟.

علياء : جنان.

نيسان بصدمه : لا تقولي البنت يلي قاصه وفيسها كانه ارنوبه.

علياء قلبت عيونهاا: بجلدها وعضمها من وين تعرفها اعترف.

نيسان :عندي طقوسي بعد يلا اذلفي برجع بيتنا.

علياء ضيقت عيونها : والله انك ما تنعطى وجه تصدق.

نيسان وهو طالع : اعرف.

راح نيسان بيته اخذ لابتوبه يتفرج لين وقت قومت هند صاحبته من المدرسه تقريبا تعرف عليها من سنتين تعرف تفكير نيسان وتفهمه بأيش يفكر ساعدته بكم شي من قبل وكانت صاحبه مفيده لحد ما بالنسبه له.. ينتظرها  بيستفسر منها عن كم شي..

علياء سكرت الباب حق غرفتها وهي تفكر نيسان حيل متغير ومو هادي زي قبل وتحس بيجيب لهم مشاكل استغربت انه امس نام كل ذاك الوقت مو عادته ابدا جلست على السرير وفتحت اللابتوب تتفرج باليوتيوب عشوائي كون الانميات الجديده يلي حبتهم ما ينزلو الا الجمعه والسبت .

هند وهي تتثاوب ومغطيه وجهها بيدها : اه انا شمسويه بحياتي عشان اصحى على اتصال نيسان .

نيسان على الخط: تتشرفين ادق عليك هذا بدل ما تموتي من الفرح.

هند سحبت الغطى عليها اكثر : منت داق عشان وجهي ولا تبسطني اخلص شنو تبغى ؟.

نيسان : كذا انتي عيني ..تذكري البنت يلي سألتك عنها لما كنا ايام مدرسه البنت.. بوي ارنوب..

هند عقدت حواجبها وحكت جبينها وهي تحاول تتذكر : تقصد جنان؟.

نيسان : ايوااااه عليك نور.

هند : شنو تبيبها نقلت  هي خلاص.

نيسان : شنو ابي بنقلت او ما نقلت ابي رقمها او اي شي يخصها.