طلعته ووصلته بيت ناس رندا 💕 ضربت الجرس فتحت لي ليزا 'الشغاله' دخلته طوالي طلعته عبايتي في اقرب كرسي ومشيت علي المطبخ 😹😹💛 كنته متوقعه الاقيها في المطبخ دخلته لبعتها في ضهرها😹😹 بقت تعاين لي وساكته قلته ليها مالك يابت !! قالت لي جيتي بالبجامه دي من بيتكم ولا كالعاده جدعتي عبايتك في اقرب كرسي ثعدت اضحك وقلته ليها كالعاده يستي 😹😹 المهم بعدها خالتو إلهام "ام رندا" جات سلمته عليها ومشت انا طوالي فتحته الثلاجه شلته علبه النوتيلا ومعلقه وهي نفس الفهم شالت علبه ومعلقه وطلعنا غرفتها اترمينا في السرير وبقينا نتونس ونقطع😹😹 لمن ندهو لينا للفطور قلنا م دايرين اسه وبقينا نتونس تاني😹😹♥ "يااه سمحه كيف رندتي دي💛" احنا بنحكي لما العصر اذن طبعا صلينا وجينا نزلنا تحت عملنا سندوتشات وخلطته عصير وقعدنا بنحضر التلفزيون بعدها جوال رندا رن عاينت للشاشه وابتسمت 😹😹♥ عاينته ليها كده😒 ردت وبقت تتعولق مع حبيب القلب "طبعا حبيبها اسمو حسام هو خريج هندسه السنه دي 💜😔 وانا سنقل بائس زهجت بقيت اتصفح في جوالي لم تلفوني انا كمان رن 😹😹🙌 طبعا طوالي عاينت لرندا وبقيت اضحك😹😹💛 صرحته في التلفون ريااادو ♥ "اخو رندا😹😹" قال لي اريجو💛 الشوق يابتي💛 بقيت اضحك قلته ليه كتير يااه اللهم اتونسنت كده وبعدها قال قولي ل رندا افتحي الداتا داير اتكلم معي امي 💛 عاينته لرندا وقلته العب شويه بيها قلته ليه ااااه رندا عديل كده وااي طبعا يا رياد عليك الله م تتسرع كده 😹😹♥ طبعا هي اللحظه دي قفلت الخط في وش حسام ودموعها دي شويه وتجري😹😹 وانا قلته ليه خلاص تمام انا اسه في بيتكم بخليها تفتح الشبكه عشان تتكلم مع خالتو إلهام قفلته كده جاني مسند طاير في وشي وبعدها هي زاتها جاتني ناطه يمعفنه قفلته الخط في وشو تف عليك 😹😹♥ المهم بعدها شالت جوالها رسلت لحسام وكده وبعدها ادت التلفون لامها عشان تتكلم مع خالتو إلهام بعديها قلته ليه يلا وصليني البيت فعلا وصلتني وبعدها دخلته البيت لقيت ماما جات وراسمه وعامله ميج بقت مزه 💛😹 سلمته عليها وقالت لي كان تبيتي معاهم عك الله بقيت اضحك ودخلته المطبخ شلته عصير وطلعته غرفتي💜 المغرب اذن صليت ووصلته جوالي ونمته طوالي😹💛 طنته مرهقه والله😔💜... صحيت تاني يوم كالعاده اخدته دش وصليت وجيت نازله سلمته علي ماما وطبعا بابا جاي الليله بليل💛جهزنا البيت وجهزنا الاكل وكده 💕 لم العصر اذن مشيت عرفتي اخدته نومه حلوه💕 وصحيت لما ماما قالت لي يلا ابوك تحت نزلنا ليه بيكينا بكاء وبعدها سلمنا علي عمي محمد وولدو رماح "جابوا ابوي من المطار💕" وضيفناهم عصير وبعدها جهزنا ليهم اكل💜 اكلو وبعدها طلعوا قالوا بكره بجتمعوا في بيت حبوبه💕"طبعا احنا لم زول من عيله ابوي يجي من السفر او كده بنضبح في بيت حبوبه "البيت الكبير" وبنجتمع كلنا احنا وعمي محمد واولادو وعمتي نفيسه و أولادها وكده♥" انا طوالي مشيت غرفتي قلته افضي الجو ليهم😹😹💛 نمته صحيت تاني يوم الصباح شربنا الشاي وكده وبعدها جرينا نجهز عشان نطلع لبيت حبوبه💕 انا لبسته اسكيرتي زرعي وتشيرت ابيض وطرحه بطيخي💕 وعملته مكياج خفيف كده وماما لبست توب اوف وايت راقي وبابا كان لابس جلابيه💛 وعشان الليله الجمعه يحلقو يصلو هناك♥
يتبع......
