واحنا ماشين كده نزلنا في سوبر ماركت اشترينا شويه حاجات كده😹💛 وانا اخدته شوكولاته 💕 وبعدها واصلا لم وصلنا ونزلنا وطبعا انتو عارفين بيت الحبوبات بكون حلو وحنين كيف💕 سلمت علي سلام حلو حلاه💛 وقال ليه هياا بتي مالك م بتدوري تجي الا مع ابوك وامك 💕 ضحكته وقلته ليها لالا م كده والله يا حبوبه لكن قاطعتني بلا لكن بلا بتاع يلا ادخلي دخلنا وكان يوم بالجد حلو حلا💛 طبعا عارفين لمه الاهل بتكون كيف العصريه كده كلهم طلعوا بره واحنا بقينا نغسل العده انا وبت عمي اسمها ميسون م ارتحته ليها خالص حسيتها مفتريه كيف 😒لكن الحمد لله كان معانا بت عمتي اسمها أماني ظريفه ظرافه 💛 ووناسه يلا غسلنا العده انا واماني وميسون بس قاعده في المطبخ بتعاين لينا بعد خلصنا أماني عملت قهوهةة💛 مظبوطه شديد وانا عملته ليهم كيكه ظريفه💛 وطلعنا بره بقينا احنا الشباب قاعدين والاهل قاعدين براهم ويلا في الشباب انا وميسون اصغر ناس " في واحد اسمو عمر وواحد اسمو عمرو ديل توأم لكن م بتشابهو واولاد عمتو نفيسه اخر سنه ليهم بدرسو طب اسنان وعندهم اختهم أماني ♥ " "وتاني في واحد اسمو رماح ده ود عمو محمد وبرضو اكبر مننا اخو ميسون♥ " قاعدين كده قام عمرو جاب قزازه قال نلعب "صراحه وجرئة" طوالي مسيون قامت وبقت ماشه قام عمرو قال ليها نلعب عاينت ليه وقالت لي انا م طفله عشان ألعب ولا م كده يا عمر!! "طبعا هي مكسره فيه😹😹♥" عمر قال ليها م كده طبعا انا واماني عاينا لبعض وفي نفس الوقت فكيناها ضحكه😹😹😹😹💛 المهم م اشتغلنا بيها وبقينا كده لما الواطه بقت بليل بعدها عمتو نفيسه واولادها طلعوا وبعدها عمو محمد واولادو طلعو "طبعا قبل يطلعوا اتونست مع رماح واخد رقمي😹💛" وفضلنا احنا كنا دايرين نمشي كده حبوبه قالت لي بيتي معاي الليله يا بتي وبكره العصر ابوك بجي ياخدك رفضته بقت تحنس فيني وقالت لي يا بتي عشان نفضي الجو لابوك وامك وبعدين يرضيك انا بعد عمري ده كلو اقعد احنس فيك كده قلته ليها بمشي غرفتي وم بنزل نهائي😭😭 قالت لي لالا بطلي حركات الاطفال دي انتي بعد ده داخله الجامعه بعد تحنيس وافقته😔💔 لكن م كنته مرتاحه ماما وبابا طلعو وانا فعلا بيته معاهم طبعا في البيت كلو بس انا وحبوبه والشغاله😭😭♥ قالت لي اماني كانت بتبيت هنا وخلت ليها كم بجامه وعباييتين قلته ليها طيب ودتني الاوضه وفعلا سلته لي بجامه ودخلته اخدته دش وجيت طالعه صليت العشاء وعملته شعري كعكتين وجدعت جوالي في الشحن ورقدته لكن فجاه قلبي وجعني قمته رنيت في تلفون بابا م ردا رنيت في تلفون ماما جاني مغلق قريت كم سوره كده من الحافظاهم ورقدته نمته 💔' وياريتني مشيت معاهم علي الاقل م كان فارقتهم💔 لكن ده قضاء وقدر ربنا💔' صحيت بعد ساعه امكن لقيت تلفوني برن شلته لقيتو بابا استغربته لكن فتحته وياريت م فتحته 💔 رد لي راجل قال لي انتي بت سيد التلفون ده قلته ليه ايوا منو انت!! قال لي سيد التلفون ده عمل حادث ومعاه مرت وربنا استلمهم عندو💔💔 واحسن الله عزائكم 💔احنا في مستشفي كده ممكن تجو تاخدو💔 الجثامين💔 ..وبعدها بقا يقول كلام كتير لكن اضاني صنت وبقيت شايفه طشاش💔💔 كل العملتو اني صرخته صرخه وحده واظن لو في زول قريب من البيت ح يكون سمع صوتي💔💔 بس فجاه بقيت ماشايفه حاجه وماعارفه بعمل في شنو💔 وفجاه البيت اتملا والناس بقو يبكو يصرخو وانا بس ساكته وبعاين ليهم 💔💔
يتبع.......
