خالو مشي وانا بقيت قاعده مع د/ ندي بقت تتكلم عن نفسها وتحكي لي عرفتني علي نفسها وانا طيله الساعتين ديل يا اما سرحانه وم سامعه كلامها اصلا يا إما برد عليها ب إبتسامه💕بس بعد ساعتين جاء خالو ساقني البيت ومشيت طوالي علي غرفتي💕 صليت وبقيت كالعاده اقرا وابكي لكن الحمد لله حالتي اتصلحت بقيت انوم لكن الا في المصلايه 💕 وبنوم قريب الساعه ثلاثه صباحا جات حبوبه قالت لي صاحيه يابتي جيت عشان اشوفك لو صاحيه اخت ليك الاكل احنا ختينا الاكل هزيت ليها براسي بمعني ايوا ومسكته يدها ومشيت معاها للصاله مكان الاكل قعدته معاهم طبعا حبوبه دي لمن بكت 💔 وبقت تاكل فيني ومبسوطه 💕 بعد خلاص اكلته مشيت غرفتي رقدته في المصلايه ونمته💕 صحيت بليل صليت العشاء ومشيت المطبخ شلته جك المويه ومشيت غرفتي شربته ومسكته كتابي وبقيت اقرا وبعديها نمته 💛 صحتني تاني يوم حبوبه قالت لي اعفي لي يا حبيبتي لكن مواعيد المقابله حقتك جات دايره تمشي !! هزيت ليها راسي بمعني ايوا 💕 م عارفه لكن انا حاسه نفسي جد محتاجه لي دكتوره نفسيه 💕 مشيت اخدته دش وجيت لقيت حبوبه مطلعه لي فستان هزيت ليها راسي بمعني لا 💔 ومشيت طلعته عبايه 💕 سودا وطرحه سودا لبسته العبايه واتحجبته 💕 وطلعته معاها مشيت مع خالو علي بيتها سلمت علي💕 وخالو طلع قال بيجي بعد ساعتين قعدته معاها قالت لي يلا انا م بعرف عنك اي حاجه ولا في زول كلمني انتي حصل ليك شنو وانا رفضته انو اعرف منك انتي عشان كده دايراك تثقي فيني حبيبتي زي م قلته ليك سكته وم رديت ليها قالت لي م قادره تتكلمي صاح!!؟ هزيت ليها راسي بمعني ايوا 💕 طوالي مشت علي جهت المكتب وجابت دفتر وقلم قالت لي طيب ابدي اكتبي لي حتي ولو م دايره تحكي لي من اسي م مشكله اسه نتونس ساي انتي اكتبي وانا برد عليك بالكتابه برضو 💕 ابتسمته ليها ضحكت وقالت لي ابتسامتك حلوه زيك وادتني الدفتر كتبته ليها لكن اقول شنو !! رد لي اي شي امم مثلا عرفي لي عنك وعن عيلتك وكده شلته منها سرحته مسافه في كلمه عيلتك دي ونزلت دموعي💔 مسحتهم وقلته ليها انا أريج وحيده ماما وبابا وبقيت احكي ليها هامشية حياتي لانو م قادره 💔 بعدها هي كتبت لي انتي م جبتي لي سيره امك وابوك وانو هم اسه وين وم اعتقد عماد ده يكون ابوك لانو هو م عندو بت قدرك عندو ولدين بس "طبعا عماد ده خالي " سكته مسافه وبعدها قلته ليها ماتو انا كنته قاصده اكتب ليها كلمت "ماتو " دي لانها الكلمه اوجع من كلمه اتوفو💔💔 ... جات الشغاله قالت للدكتوره الراجل الجاء مع البت دي بره في الصاله عاينت للساعه وقالت لي اااوه الوقت مرا سريع م مشكله حبيبتي المره الجايه نكمل 💕 طلعت معاي للصاله وقالت لعماد ممكن اتكلم معاك شويه في المكتب ساقت خالو وم عارفه قالت ليه شنو لكن بعد مسافه كده جاء ساقني وطلعنا 💕 واول م وصلنا البيت دخلته غيرته ملابسي واتوضيت وبقيت اصلي وادعي ربنا كتير 💕وبعدها كشيت علي المطبخ سمعته حبوبه وخالو بتكلمو 💔
يتبع.......
