إغتصبو اخي

اغتصبو اخي

#إغتصبو أخي8
فاضل ف ريحه معفنه ف الدار وقعد يدور عليها والريحه كل شوي تزيد ووصله مسج شميت ريحة العار الى درتوه ولامازال
فاضل اتصل بالرقم إنت مني وشن تبي
المجهول انا الى قتلك أرحمني وبعد عني أنا الى قتلك ماتقربني وأنا الى قعدت نبكي زي العيل وانت رابطني وتضرب فيا أفتح دولابك
فاضل فتح دولابه وقعد يوخر وطلع من الحوش وهوا يرعش
أنا نراقب فيه وبعتت رسالة لأدهم
أدهم هيا ياطيري بيبدا الشغل توا
سند صاحب أدهم والله إنت ف جرت الصداقة بتودي روحك ف داهية
أنا خشيت لدار وفتحت دولاب فاضل وخديت منه الدبش نرجعو شوي للخلف
من يومين مشيت للسوق وخديت جمبري وحطيته ف السطح بحكم ماحد يرقى الفوق وكانت ريحته قوية بعد ماتحلل وحطيته داخل الحديدة متع الستار يعني يطيرو يجنحو مش حايجيبو مكانها وجبت معايا دبش احمد الى اغتصبوه بيه وكان معبي دم وحطيته ليه ف دولابه
فؤاد وينها هادي مش عاجبتني بكل
انا كنت طالعه من الدار وكنت خايفه يشوفني حد طالعه من دار فاضل
فؤاد رهف شن ديري هنا
أنا خشيت ف بعضي وقعدت فاتحة فمي ساعه فاضل عطاني دبشه وقالي أغسليهم
فؤاد وينه هوا فاضل
انا طلع
فؤاد وكيف مدهملك وهوا طالع
أنا لاهو قبل مايطلع قالي تلقيهم ع السرير
فؤاد باهي شن تفاهمنا أمس
أنا باهي شوية ونجيك
عند أدهم
فاضل شن تبو مني أنتو مني
أدهم نحنا الى حطينا السبيدرو الابيض ع سريرك ونحنا الى كنا نتصلو بيك ونحنا الى بنقتلوك
فاضل سيبوني أنا مادرت شي
أدهم ايه تغتصب ف الولاد بس ياحقير
فاضل لامش انا مش أنا هذا سامح صاحبي انا نشدله فيهم بس
ادهم ايوا هكي نبيك توا قولي سامح صاحبك وين نلقوه ومكانكم وين وليش ديرو هكي ياحشرات
فاضل قعد يعترف بكل شي
نرجع بيكم للخلف ف اليوم الى خشيت فيه لدار فاضل ولقيت الممري تدكرو ف ردة فعله كيف
انا قعدت نربط ف الأحداث صور الصغار ورجوعه ف الصبح ولقطه الممري ف يوم من الأيام خشيت لدراه وهوا كان يدوش قعدت نفتش لعند لقيت الممري ولقيت فيه فيديوات لواحد مش مصور وجهه جسمه بس وكان يغتصب ف ولد ومش مقطع واحد أكثر من مقطع وقتها عرفت ان فاضل هوا المغتصب وكنت نخوف فيهم الزوز باش نعرف هل فؤاد مشارك معاه او لا
أنا مشيت لفؤاد
فؤاد يابنت خيرك اليوم خاشة ف بعضك وخايفه
انا طبيعية أنا انت خيرك اليوم تسأل هلبة
فؤاد نسألك سؤال وتجاوبي بصراحه
أنا تفضل
فؤاد انتي مستحيل تفكري ضريني صح ولاضري عيلتي
انا ليش السؤال هذا
فؤاد جاوبي يارهف
أنا لو فكرت نضرك فاحنضر نفسي حتى أنا
فؤاد رغم انتي ماقتنعت بكلامك بس نحبك وحضني
أنا حول توا يجي حد
فؤاد نحبك ونبيك تسامحيني
أنا ليش
فؤاد هكي بدون سبب
مانكدبش عليكم انا حبيت فؤاد حبيته من كل قلبي بس مستحيل ننسى إنهم العيلة الى دمرت خويا
عمي منصور طمنا يادكتور شن وضعه
الدكتور للأسف المريض عنده مرض السرطان
عمي منصور لاحول ولاقوة الا بالله
فات اليوم وروحت للبيت
سامية خوك وين فؤاد
فؤاد والله ماني عارف نتصل بيه مقفل
ريماس ماما ماما
سامية خيرك
ريماس ف ريحة طالعه من دار فاضل
سامية تي شن هذا أفتحي الروشن وجيبي البخور
فؤاد قعد يدور ف مكان الريحه ويتبع فيها
ماما لاحول الله ربي يشفيه
أنا غيرت دبشي خشت عليا أمي ف الدار
ماما بوك
انا ماعنديش بو
ماما بوك فيه المرض العافن وبيبدا ف جلسات الكيماوي
أنا وشن دخلنا بيه خلي مرته التانية تخاف عليه وداويه
ماما عيب عليك الشماته مش باهية خيرك وليتي هكي إنتي
أنا ياماما وقتنا هذا كان ماكنتي ذيب يأكلوك الذياب ياسر من المذلة والمجاملة والطيبة والسداجة مليت أنا وكان ع الشايب خليه يتعذب باش تعرفي ربك ماينسى حد
ماما كان نعرف شن مصيبتك بس انا ماربيتك هكي وعمره ماكانت هدي أخلاقنا
أنا ياماما ولانقولك مش حاتفهمي خليني ف حالي خليني بالله عليك وردبالك تفكري انك تقولي لخواتي برو لبوكم وحق ربي وقتها معاش تشوفي وجهي ليوم الدين
ماما لاحول الله وخلاص ربي يهديك وخلاص
انا سكرت الدار بالمفتاح وقعدت نبكي دكرت لما كنت صغيرة وبابا قاعد يلعب فيا ويرفع فيا فوق كتافه بس هوا الى كرهني فيه
اسراء اسمعني انى مش مستعدة نربط روحي معاك كيماوي و مرض نبي ورقتي توصلني
بابا قعد يبكي نستاهل هذا كله خطية سميحه وصغاري
أدهم الو كبيدتي
انا أهلين حبي
أدهم راهو شدينا صاحب فاضل يعني شريكه ف الجريمه
انا نحبك والله نحبك
أدهم نموت فيك قوليلي
انا شن
أدهم صوتك متغير ياقلبي شكلك باكية
أنا بابا فيه المرض العافن ومش قادرة نسامحه
أدهم ياعمري إنتي ادعيله وادعي ربي يحنن قلبك عليه
انا ان شاء الله
أدهم شن الخطوة الجاية
انا بنكمل هاليومين بس وهكي نكون كملت الشهر ونتحجج ان ماما مريضة ومعاش تقدر تتحمل مسؤولية الحوش باش نبعد الشبهة عني
أدهم باهي ياحبي وبعدين
أنا وبعدين نجيب أحمد للمكان الى فيه فاضل ونخليه يقرر نهايته هو والكلب الى معاه
أدهم وفؤاد
انا حانكسر قلبه ونقوله اني نخطبت وانت حاتكون خطيبي وحاتكلمه باش يصدق
أدهم وموضوع اختهم
انا الحق فكرت هلبة مش حانضر البنات لأنهم وثقو فيا وكانو كويسات معايا
فاتو اليومين
سامية فاضل ليه يومين يافؤاد مختفي
فؤاد ماقتلك كلمني وقال ف تونس مع صاحبه
سامية وليش ماكلمني
فؤاد قالي عطيني أمي نكلمها قتله بعيدة توا يكلمك بعدين
سامية باهي الى قتلي والله قلبي نار عليه
أنا ابلة سامية ممكن نحكي معاك ف موضوع
سامية تفضلي يابنتي تعالي قعمزي
أنا الصراحة اليوم أخرلي يوم عندكم
البنات لا ليش
انا تبو الحق ماما مريضه هلبة ومعاش عندها جهد انا لازم نقابلها
سامية ربي يشفيها وبما أن الموضوع فيه أمك مانقدرش نقولك لا
انا بارك الله فيك
البنات تعودنا عليك الحق
انا حتى انا لكن الله غالب حانزوركم بين فترة وفترة
البنات ان شاء الله
خشيت لدار فيصل وحولت الجمبري هذي اخر حاجه باهيه حانديرها ف الحوش هذا
بس فؤاد مهناش وينه نبي نودعه الوداع الأخير وانا طالعه بعد ماودعت البنات رن تلفوني
انا ألو
المتصل أحمد..... موجود عندي لو تبيه تعالي توا ف المكان .......
انا يتبع