لااعلم م̷ـــِْن اغتصبني

بارت اول

#قصه حقيقيه بلسان حال #صاحبتها #عنوانها
# لااعلم من #اغتصبني
القصه حقيقيه من أحد الزميلات💓💝💓💝💓

💓سوو متابعه 💓لحسابي💓 ليصلكم اشعار 💓نشر كل قصصي💓

البارت الآۆلْ
اسمي صبا اني بنية طولي متوسط وجهي حنطاوي وعيوني كبار شعري طويل واتميز بشفايف ممتلئة وجسم حلوو اليوم راح احجيلكم قصتي بدت قصتي من جان عمري 13 سنة بوكتها صارت عركة بينه وبين ولد حجي حمدان علمود الكاع على اساس احنا متجاوزين على كاعهم وصارت سالفة جبيرة وره شهر الابن الجبير للمرحوم ابن حجي حمدان نقتل واتهمو ابوي وعمامي بقتله وهم مالهم ذنب ..
ابوي يشتغل موظف بمعمل يوميه يروح ويجي وماله دخل بالعالم رجال طيب ..
فديوم انقتل ابوي وهو راجع من دوامه قتلو ولد محمود ع اساس ياخذون ثارهم ..احنه كلنه نهارينه بمقتل ابوي بوقتها امي جانت حامل امي عدها ضعف وتتاخر بالحمل يعني جابت اخوي الجبير عمر ووره خمس سنين يلا جابتني وبعد ماحبلت لحد لمن صار عمري 13سنة ..امي حيل نهارت بوفاة ابوي والفاتحة كلها هي تبجي وتصرخ وكلساع ماخذيها للمستشفى تتخربط وتوكع ...وره الفاتحة عمر كام يشتغل عمالة بالنهار وحارس لمعمل بالليل لان ماعدنه معيل غيره واني البيت كله صار على راسي لان امي متكدر ..
صرنه اني واخوي عمر مسؤؤلين عن كولشي اخوي يشتغل عمالة يوميه علمود نكدر نسوي ثوابات ابوي كل خميس واني شغل البيت كله على راسي ...
بعد شهر امي شوية تحسنت عمر كام يشتغل عمالة بالنهار وبين يوم ويوم يشتغل حارس ليلي لمصنع ..
دخلت امي بشهر التاسع الها يومين بس جان بيومها عمر عنده دوام بالمصنع بس احنه بالبيت راحت امي تريد تنام اني ضليت اصلي واقره قرآن واهدي لابوي شوية سمعت صياح امي ركضت عليه شفتها نايمة عالسرير وايدها على بطنها وتصيح من الالم ركضت عليها ..
يمه شبيج شنو راح تولدين لو شنو ...
اي ولج راح اولد اركضي اتصلي على خوالج بساع ..
ركضت للموبايل اريد ادك على خالي لان التلفون مابي رصيد رجعت لامي .
يمه التلفون مابي ولا ترميشة شون هسه اروح احاجي الجيران ...
لا ولج جيرانه ماعدهم سيارة شيسوولي اركضي صيحي خالج ....    

كلتلهاا هااا لعد شون اروح هسه اصيح لخالي ..
اي يمه روحي بسرعة مادام بعد وكت والعالم بعدها كاعدة ..
بيت خالي مسافة عنه عشر دقايق مشي لبست عباتي وطلعت اركض عالشارع واتلفت واباوع شفت طريق عالبساتين كلت هذا طريق مختصر خلي افوت بي اسرع نزلت امشي بنص البستان واني اتلفت وكاتلني الخوف باوعت عالبستان بي بيوت ثنين طين مفلشات نصهن ..
الدنيه جانت كمرايه يعني اشوف مو ضلمة حيل اسمع اصوات بزازين من البيت واني كلبي وكف كمت اركض بكل سرعتي  واني اركض عثرت بحفرة ووكعت على وجهي حسيت خشمي نكسر اله شوية رفعت راسي وكمت اجتني عيني على رجلين واحد واكف يم راسي اني عبالي جني صحت يمه ..    
باوعت عليه رجال لابس دشداشة ولاف وجهه بالشماغ بس مبين شاب من جسمه وصوته ..
صاح بيه شسوين هنا نص الليل وين رايحة...
خويه والله موقصدي افوت منا بس امي حامل وهسه صارت عدها ولادة وماعدنه احد بالبيت اريد اروح لبيت خالي يجي يوديها للمستشفى وفتت منا طريق مختصر لان مستعجلة

اريد اروح لبيت خالي يجيب السيارة يأخذها للمستشفى ..
هاا جاا روحي استعجلي واذا تردين شي اني بالخدمة ...
لا مشكور خويه ..
تشكرت منه وردت امشي فتت من يمه من الخوف طخيت بيه بجتفه ماحس اله ايده تلزم ايدي بقوة باوعت عليه شفت نظرة بعيونه تخوف كتله خويه شبيك اسفة طخيت بيك بلامقصد جان يحط ايد على حلكي بعد ماكدر اصيح تقرب عليه نزغ الشماغ الجان لابسة وشد حلكي بي ونزعني عباتي شد ايديه وجسمي بيها وشالني ماكدر اصيح بس الدموع تجري ضربته برجلي على بطنه بس عبالك ضربت حايط مو بشر من الصلابة مال جسمه  ولاتأثر لزم رجليه كمت اضرب ظهره براسي دخلني لواحد من ذني البيوت من الظلمة ماشفت كلشي بالبيت دخلني وشمرني عالكاع ويأشرلي بيده ..
اذا تحجين كلمة وحدة لو تصيحين اذبحج وادفنج هنا اسكتي ولا كلمة ..
كمت اضرب برجليه عالكاع واسحل بجسمي اريد اطلع هو صاد وجه مدري شيسوي شوية التفت عليه وشايل بيده سجينة اني الخوف كتلني وكلبي وكف غمضت عيوني كلت هاي نهايتي هذا اكيد راح يكتلني فتحت عيني شفته دخل ليجوه طلع واحد مجتف ويصيح بس مشدود حلكه مايكدر يصيح بس يون ضليت اباوع عليه واني الخوف كاتلني بس ماشوف ملامحه لان ظلمة بس على ضوه الكمر اشوفه شوية لزم هذا المجتف من شعره وشال راسه خلكه السجينة على ركبته اني غمضت عيني واسمع صوت الونين وصوت رجليه من يرفسن بالكاع شوية وانشمر شي يمي فتحت عيني شفت هذا الرجال المجتف مشمور يمي يمكن ذبحه لان الدم وصل يم ايدي اريد اصيح اريد اشرد ماكدر باوعت عليه واكف كدامي ويباوع عليه اجه ليمي دنك عليه فل حلكي كتله عفية عوفني الله يخليك عوفني والله ممسوية شي واني بس هالبنية لامي دنك عليه جرني من شعري كلي باعي بعيوني باوعت بعيوني بس مو عيون رعب للحظة حسيته جن مو بشر عيون كبار يلمعن ضليت صافنة على عيونه حسيت بايده تقربت لركبتي لزم دشداشتي شكها  اني اغمه عليه  حسيت عليه مرة ثانية لازم وجهي بيده ويعض بشفتي  اني نفسي لعبت واريد من اتقيأ اريد اوخره عني ماكدر مو جسم عبالك حايط وكع عليه ضلت ادور بيدي اي شي قريب عليه عليه حسيت بالسجينة صارت بيدي جريتها وضربته بيها صارت الضربه بيده صاح
بصوه عالي من الظربة وخر السجينة من ايده ووشالني من شعري ظربني بالحايط اغمه عليه بعد ماحسيت بشي ماحسيت غير على صوت بزونة تشرب من دم هذا الي انكتل من الخوف كمت صحت بصوت عالي شردت البزونة من يمي تلمست هدومي كلها مشككة دورت عباتي بالظلمة اريد استر جسمي ادور عليها ودموعي تجري والخوف كاتلني كلساع اباوع عالميت اليمي منو هذا ياربي ومنو الي كتله لكيت عباتي لفيت جسمي بيها طلعت اركض واعثر بالخمس مرات اني وكعت وابجي لحد ماوصلت قريب على بيتنه كمت امشي بطيء ماريد احد يحس عليه وصلت البيت دخلت لكيت جيرانه ام توفيق بالبيت مرة عجوز كوه تشوف جاية هي وجنتها سألتها...                                                                 خالة  وين امي ؟؟؟
كالتلي امج جوه بالغرفة سمعنا صوتها تصيح واجينه لكينها تطلك جبناها القابلة ام غسان انتي وين جنتي بنيتي ...  
خالة رحت اصيح خالي علمود امي ..
جا بنيتي هذا الدم الي ع خدج شنو ؟؟؟

لاتنسو متابعه