#لااعلم من #اغتصبني
الجزء 11
وصلنه البيت رحت للغرفة بقيت ابجي مانمت الليل كله حسبة تجيبني وحسبة توديني معقولة ناصر هو نفسي ذاك الشخص الي معذبني سبع سنين كل يوم اشوفه بالحلم معقولة ..
الصبح كعدت سويت ريوك لام ناصر سألتها ..
يمه ناصر هم عده مشاكل وي ولد اخو محمود ؟؟؟
والله يابتي مادري شكلج كله من وره هالسعلوة مرته كرهته بيهم..
شون يعني ...
اني اكلج اتهمتهم بكتل ابنها الله يرحمه وهم مالهم ذنب ابنها بعرس بكر ابن محمود طاحت طلقة تايهة براسه ومات وهي حشت براسه هم عن قصد كاتلي وخلته مايحاجيهم وهو ضاج لان بس
هالواحد عنده وصارت احقاد بينهم ..
زين يمه سؤال هم عن قصد كتلو لو طلقة تايهة..
والله يابتي مادري بس هم يحلفون يكولون طلقة تايهة وسهام تكول كتلو مايردون احد يشاركهم بالكاع ...
اهااا قررت اروح احجي وي صهيب الابن الثالث لمحمود ابن حجي حمدان طلعت الظهر جان ناصر ماموجود طلعت رحت لبيتهم دكيت الباب طلعتلي بنية زغيرة كلتلها روحي صيحيلي عمج صهيب طلع صهيب سلمت عليه كتله اريد احجي وياك بس مو بالبيت طلعنه شوية عن البيت سألته ....
صدك انتو قاصدين تقتلون ابن ناصر..
لا والله الطلقة جتي تايهة ومو قاصدين نقتله ليش نقتل طفل بريئ تعقليها انتي بس هاي سهام هي الي حشت براس عمنه هالسالفة هاي ولو احنه نعرف هو مو ابنه ..
شنووو مو ابنه ؟؟؟ شنو قصدك ؟؟؟
اكلج ويبقه سر بينه تره سهام مرت عمي ماتخلف ومرة زعلت هي وعمي وراحت لبيت خالتها بالنجف وهناك سمعنه بيها حامل ومارجعت اله لمن جابت بس روحي لهناك لمنطقته خالتها وشوفي الحجي يكولون الطفل مبيوك بايكته هي ولو تشوفين من مات ابنها كوه تنزل دمعتها ولا جنه ابنها الوحيد هذا ...
متأكد من هالحجي انت ..
اتأكدي انتي احسلج ..
رجعت للبيت وقررت اتأكد بنفسي حاجيت ناصر وكتله اريد اروح لاهلي قبل ورحت لاهلي وهناك كلت لامي اريد اروح للنجف نزور ابوي امي وافقت رحنه اني وياها ويوسف عمر مايكدر يعوف البيت وهبة مرته حامل متكدر تجي ..
وصلنه لهناك صهيب دلاني عالمنطقة مال خالتها حجيت لامي السالفة ورحنه اني وياها نريد نسأل كمنه نسأل لحد موصلنه لمحل بي مرة تبيع ملابس دخلنه شترينه كم شغله سألنها كلنالها تعرفين ام جنان هي كرايبنه ومانندل بيتها وصفتلنه بيتها ضليت اسولف وياها شوية جان تكلي انتي مبينة خوش بنية منين تعرفين هالساحرة ام جنان كلتلها معرفة من بعيد ليش تكولين عليها سحارة كامت تسولفلي عليها وبقيت يمها بالساعتين لحد ماجبت طاري سهام كلتلها خطية ابنها الوحيد مات باوعت عليه تستاهل كلتلها ليش هيج تكولين ردت عليه وج عيني منين اجاها ابنها هاي بايكته مدري منين واكيد كلب امه احترك عليه والله ماقصر وياها مات الولد فتهمت السالفة كلها وعرفت هي ماتخلف وخالتها تسويلها سحورة للعالم ...
رجعنه للبيت والطريق كله افكر شون راح اتصرف وشحجي وي ناصر ..
وصلت للبيت ناصر مجان موجود اني من التعب نمت محسيت بشي ..
نص الليل حسيت بالباب الخارجية تنفتح فزيت من نومي وطفرت شفت ناصر طلع
يتبع
أنت تقرأ
لااعلم م̷ـــِْن اغتصبني
Chick-Litقصة قصيرة ورائعه وهوايه طلبو مني نشرها واتمنى لكم قراءة ممتعه حقيقيه بلسان حال صاحبتهاالقصه حقيقيه من أحد الزميلات ملاحضه القصه فوق فوق 🔞🔞🔞🔞🔞🔞🔞🔞🔞 💓سوو متابعه 💓لحسابي💓 ليصلكم اشعار 💓نشر كل قصصيي💓💓((لا اعلم) 🔞🔞🔞🔞🔞🔞🔞🔞🔞🔞🔞🔞🔞...
