#لااعلم من #اغتصبني
الجزء 7
اني بتسمت ابتسامة استهزاء ودرت وجهي ..
بقيت كاعدة يم ام ناصر افرك رجليها وهي تونسني بسوالفها عن حياتها كبل ونسمع ضحك سهام بصوت عالي ..
شوفيها هاي سهيمة تره هي تضحك بصوت عالي حتى تخليج تضوجين ...
لا يمه ماضوج اني خليها بس الشخصيتها ضعيفة هيج تسوي ...
بقيت اسبوعين بين الشغل وبين ام ناصر وتاصر اشوفه خطف من يطلع لو من
نقيب امير
يجي ابد ماحاول يحجي وياي ولا يشوفني يمكن صدك جايبيني خدامة ومرات اكول احسن ماريد اشوفه ولا اريد احلم مثل كل وحدة متزوجة خلي بعيد احسن ...
العصر اجتي امي هي ويوسف تلكيتها من الباب دخلتها لغرفتي الي كاعدة بيها امي ضلت صافنة ..
هي هاي غرفتج ولج ..
اي يمه شبيها وامي ام ناصر محليتها والله ..
امي نقهرت حيل واشوف الضوجة بعيونها بس ماتكدر تحجي ..
كعدت وكمنه نسولف شوية جتي سهام سلمت على امي وشون تحجي وياها عبالك مو سهام السوالف والضحك والضيافة شكد حقيرة تريد
تبين للناس هي زينة وماكو منها هسه عرفت معنى كل حجي ام ناصر عنها ..
مشت امي لليل اجه ناصر سمعت صياح بينه وبين سهام وصوت بجي سهام واسمعها تكوله هسه توديني لاهلي مابقه ولادقيقة هنا ..
سألت ام ناصر شنو شبيها سهام ؟؟؟
بعدج ماتعرفيها زين هاي جنها حية كل يوم تتعارك وي ناصر مشوفته المر وكل اسبوع زعلانة ورايحة يم اهلها ويروح يجيبها مدري شمسويتله حتى زواج ماقبل يتزوج عليها..
شوية اجه اخوها اخذها جنها مخابرته واجاها ...
اني طلعت للمطبخ اريد اسوي جاي لم ناصر رادت جاي طلعت اني فالة شعري على طوله لاني اريد انام واله افله يلا انام كمت اسوي جاي واتثاوب لان حيل نعسانة حسيت بواحد واكف بباب المطبخ التفت شفته واكف بالباب ارتبكت حيل ضل يباوع عليه واني صافنة عليه طوله حلوو حنطاوي مائل للسمار جسمه حلو عيونه سود سوادهن كلش قوي شوية نتبهت على نفسي كتله
نعم اكو شي تريد شي ؟؟؟
شجاي تسوين ؟؟
اسوي جاي لامي ..
ليش امج هنا ؟؟!!!
لا امك هي امي ...
من كتله هيج كام يضحك بصوت عالي ورد عليه..
حلوة منج هاي ههههههاي صبلي جاي لعد ويه امج وجيبي لغرفتي ..
اي هسه اصبلك ...
صار الجاي اخذت بالبداية لام ناصر وكتلها راح اروح لغرفة ناصر اوديله جاي ..
ردت اخلي شال على راسي شافتني ام ناصر..
خايبة ولج ذبي لاتحطي على راسج خلي ينعجب بيج حطيلج حميرة كحيلة جا مو رجلج هذا ليش تخلين ذيج المكروهة تاخذه منج ...
بكلبي كلت والله عليج سوالف وانتي بهالعمر ..
اي يمه صار ..
ماخلتني اروح اله خليت حمرة رحت اخذت الجاي دكيت الباب صاح فوتي ..
دخلت الغرفة ضلمة واختنكت حيل من دخلت مدري شصارلي هو جان ممدد عالجرباية كتله ماشوف امشي وين الضوه خل اشغله ..
تعاي تعاي ماكو شي كدامج ماتعثرين امشي كبل ..
يتبع
أنت تقرأ
لااعلم م̷ـــِْن اغتصبني
ChickLitقصة قصيرة ورائعه وهوايه طلبو مني نشرها واتمنى لكم قراءة ممتعه حقيقيه بلسان حال صاحبتهاالقصه حقيقيه من أحد الزميلات ملاحضه القصه فوق فوق 🔞🔞🔞🔞🔞🔞🔞🔞🔞 💓سوو متابعه 💓لحسابي💓 ليصلكم اشعار 💓نشر كل قصصيي💓💓((لا اعلم) 🔞🔞🔞🔞🔞🔞🔞🔞🔞🔞🔞🔞🔞...
