اعشق من لا يعشقني ..للكاتبة نور مهني

12

☆12☆

الفصل 12

♡ اعشق لا من يعشقنى ♡

تركتها ودلفت الغرفة مرة أخرى وشرعت فى تجهيزات اللازمة للزفاف مع سامية وخبيرة التجميل ابتسمت لمياء للسامية على جمالها بفستان الأبيض الرائع ذات أكمام شفافة ومتزينة بعض من لولى وضيق من الصدر ويتسع من الوسط للقدمها وله ذيل مثل ذيل فساتين الملكة التقطت لمياء التاج به فصوص من الماس وله تصميم مميز نوعا ما من منضدة خاصة بمرايا ثم ووضعت برفق على رأسها ثم وضعت الطرحة الخاص بالفستان مصنوع من الشيفون وطويل يصل للأرض ووضعت لها اللمسات الأخيرة وطبعت قبلة على وجنتاها بسعادة وقالت لها

-.......... انا دلوقتى مش صحبتك لا انا هكلمك بنيابة عن والدتك يعنى انا ماما اسمعى ياسامية النهاردة احلى ليلة ليكى ليلة العمر مش بتجى غير مرة واحدة فى العمر حتى لو واحدة اتجوزت اكتر من مرة بس مافيش احلى من اول مرة المهم بدر دا شخص قوي وعنيد بس متفاهم جدا ومش بيحب الكذب خاالص ياقلبي لو جي يوم وكدبتي عليه سعتها هتخسريه للابد بدر دا رزق ليكى فى الدنيا أي حاجه تحصل بينك وبينه تفضل سر اى حاجه حتى لو قالك نكتة تكون سر وسرك دا متقولهوش لحد حتى لو انا بدر شخصيته كتومة وغامضة وخلى بالك هو ذكي جدا بيفهم بسرعة خليكى مطيعة معاه بس بردو حافظى على كرامتك فى نفس الوقت حاولى تخلقي السعادة والبهجة فى بيتك وامنعي النكد السعادة احنا اللى بنعملها واحنا اللى بنضيعها بردو سامية حافظى على بيتك من الكل حوالى ابنى حصون واسوار بين بيتك وبين الناس وكمان والدته ست طيبة جدا وهتجبك اووى لو شافت السعادة على وش ابنها اعتبريها والدتك لان هى هتقولك أسرار بدر بيحب ايه وبيكره ايه

عارفة ياسامية لو لقيت جوزك مبسوط وسعيد اعرفي أنك هتعيش احلى ايام بينكم وهتكونى ملكة فى نظره

كانت تتحدث بحنون لها حتى رسمت ابتسامة على وجهها ثم قبلت بغضب مصطنع وقائلة لها

-........الكلام اخد مننا وقت كتير اووى جهزي نفسك قبل مايجي العريس

ابتسمت سامية وعانقت صديقتها بشدة حتى سمعت صوت بكاؤها فى ذات الوقت دلف بدر عبس وجهه وقال

-.......دا عزا ولا فرح دا فى ايه ياسامية بتعيطي ليه

أجابت له بضحكة

-...... دى دموع فرح انا فرحانة ان لمياء صديقتى واختى وروحى

ابتسموا الجميع وقالت لمياء موجه نظرها لبدر

-.......بدر

التفت إليها وقال تلقائية

-.......نعم

قالت بثبات

-........ لو سامية عاشت سعيدة معاك ولقيت الفرحة فى عينها تبقي انت شخص عظيم راجل راجل بجد لا زعلتها وخلتها تعيسة تبقي لو مؤاخذة راجل بشكل بس