عشقتك كما ينبغي

الفصل الواحد والثلاثون

عند جابر عندما وصل للعنوان الذي قاله شريف رأي طفل صغير يجري عليه بخوف ودموع ويلتصق بيه فنزل لمستواه وأخذه في حضنه وحس احساس جميل أووي وغريب بس معرفش يفسر الإحساس ده وفضل حضنه لحد ما هدي فبعده قليلا وقال بحنان وهو يمسح دموعه :مالك يأحبيبي خايف من ايه

شاور الطفل علي كلب بعيد وقال بخوف:كلب كان هيجلي ولايا وعاوز يعضني

جابر وهو يطمنه:متخفش ياحبيبي خلاص هو بعيد أهو ومش هيقدر يعضك
قولي بقي اسمك ايه

تيم باطمئنان قليلا:اثمي تيم

سرح جابر عندما قال الطفل اسمه فهذا هو الاسم الذي اتفق مع حبيبه علي تسميته لأبنهم فهم اتفقوا إنه سيسمي الولد وهي ستسمى البنت وكان اسم تيم هو الاسم الذي اختاره ووافقت حبيبه عليه وكان الاسم الذي اخترته حبيبه لبنوتتها هو تالين ووافق هو عليه

فاق جابر من شروده على جملة الطفل المتزمره:يوووه بقى لد عليا ياعمو بدل ما اثيبك وامسي

ضحك جابر علي جملته وقال:لا خلاص هرد اهو بس معلشي ياحبيبي سرحت شويه

تيم:ماثي

جابر:انت عارف اسمك جميل أووي مين اللي اختاره ليك

تيم:ثكرا ياعمو
مامي ديما بتقولي ان بابي هو اللي اختاره
وانت اثمك ايه

جابر:اسمي جابر

تيم:الله ياعمو اسمك حلو وعلى اسم بابي كمان

جابر باستغراب:بجد

تيم:اها

قبله جابر وقال:ماشي ياحبيبي ممكن تقولي بقي تعرف واحده عايشه هنا عند دكتوره اسمها حور واسمها حبيبه

تيم:انت بتسأل على مامي

جابر بصدمه:مامي

تيم:ايوه تعالى معايا وانا أوديك لمامي

مشي جابر معاه وهو علي صدمته وفي باله:اكيد مش هي حبيبه مراتي اكيد ده تشابه أسماء بس أزاي والطفل اسمه تيم وباباه على اسمي انا مبقتش فاهم حاجه شريف قالي إنها عارفه أنها على زمتي لسه يعني اكيد متجوزتش يبقى مين الطفل ده مش معقول يكون ابني اه انا حاسس ناحيته بإحساس غريب وجميل ولما كان بيعيط حسيت كأن خنجر طعن قلبي بس لو ابني أزاي شريف ميقوليش

وفاق من شروده على صوت تيم وهو يضرب الجرس ويقول:هو ده بيتنا ياعمو

بعد ثواني فتحت الباب بنوته جميله جدا ولكنه لا يرى اجمل من زوجته وحبيبته وقالت:مين ده ياتيمو

تيم:ده عمو عاوز مامي ياخالتو حول

حور:مين حضرتك

جابر:انا جابر

حور بصدمه:جابر

جابر:ايوه ممكن اقابلها بس متقوليش لها انا مين