حمامة سلام

الفصل الأول

نسمع صوت زعيق في احدي المنازل انت يا زفته يلي نايمه جوه قومي كل ده نوم ارحميني تعالي شوفي البنات بتصحي من النجمة مش زيك.

ريموندا:ايه نعم ارحميني يا قلبي ده انا تعبانه سبيني انام شويه انا نايمه بعد ما صليت الفجر ومصدقت اني راحه اليومين دول ما انت عارفه شغلي والتعب الي انا فيه وما أصدق ارتاح شويه دول يدوب ٣ساعات.
حنان: قومي ما انا قولتلك مش لازمنا شغل وانت الي مصممه غير كده طول الاسبوع بره و لما تيجي تنامي اقعد مع مين انا اتكلم مع مين قوليلي ده انا قربت اتجنن من كتر القاعدة لوحدي .
ريموندا: يا ماما في ايه هو لازم كل ما اجي ارتاح اسمع الشريحة ده ارحميني شويه و سبيني انام واول ما اصحي حتلاقيني شعلة نشاط.

حنان (ام ريموندا): قومي صحابك الموكسين بره مش عارفه جايين من بدري يعملوا ايه ده انا مش بشوف وشهم الا لما انت تيجي لا و بيخبطوا علي الباب كأنهم داخلين ديسكو.

ريموندا : معلش يا ماما اسفه حطلع ليهم و انا كمان معرفاهم أن ميجوش بدري و الله ما انا سيباهم.

تلبس ريموندا و تطلع بغضب انت يا زفت انت و الزفته انتوا مش مصليين الفجر و قولتوا حتناموا ايه الي جيبكم بدري متكونش طالعين رحلة ارحموني منك لله أنت و هي.

هادي :اصل قولنا نلحق اليوم من اوله يعني فطار و غذاء و عشاء و نحاول نروح بدري علي النوم .

ساره : ما كنت قومتي من بدري اه خدنا شتيمه بسببك علي الصبح امك مسكت فين و بهدلتنا مش عارفه صحاب ايه الي بيجيبوا الشتيمه لبعض دول.

هادي: هو كل ما نيجي هنا حناخد موشح امك علي الصبح ده لو حد شافنا كده هيبتنا حتروح وهيا ماسكه فينا كأنها مسكت حرامي والنبي فهميها تهدي شوية علينا.
ريموندا: ما انا لسه واخده أخوه جوه في الأوضه بسببكم .

فجأه يلاقوا شبشب في دماغهم.

حنان : بتقول حاجه انت وهي شكلكم مش عجبكم كلامي ما اكيد الي يصاحب الموكوسه بنتي يبقي زيها هي بنتي حتصاحب ايه غير زيها ربنا يعوض عليا عوض الصابرين يا رب ان مستحملاها.

ساره: يا حنون بنتك بمركزها ده و موكوسه امال احنا نبقي ايه غير كده الف ام نفسها بنتها تكون زيها ده امي طول النهار تقول يا ريت تكوني زي صحبتك.

حنان: يا ساتر انت حتحسدي البنت انت و امك ده انا حبخرها ده انا مليش غيرها الناس مستكترها عليا ليه كده حسبي الله ونعم الوكيل فيهم.

ريموندا بمنظر طفولي : اه و النبي يا ماما شكلي حاخد عين علي الصبح بخريني يا حبيبتي بخريني و تطلع لسانها لساره وهادي.

حنان: عين مين يا روح مامي مين ده الي حيبص لحد شبهك وانت لابسه لبس الرجاله امتي يجي الي حياخدك و ارتاح منك بس شكله مش حييجي.