فى الصباح حملها بجولة مميزة فى السوق ولكنها ابعد من ان تستمتع بأي شئ في طريق العودة قال
#جدتى هتقتلنى لو شفتك كدا هتعرف انك مش مبسوطه
اشاحت وجهها لتنظر من خلال الزجاج
#لاء بالعكس انا مبسوطه جدا
قال بمشاكسه #كذابه بشكاااال
نظرت اليه بغيض لدغ خدها
#احسن للناس اللي وشهم بيحمر لما بيكذبوا انهم يقولوا الحقيقة للاسف كل خططها باظت
قطبت #تقصد ايه
رمقها بنظرة سريعة
#هى مش بعتتك تتجسسي عليا
اتسعت عيناها #انت فكرنى جيت معاك عشان كدا
لدغ خدها وقال
#متنكريش دا سبب من الاسباب
ظلت تحدقة لثوانى مالبثت ان انفجرت ضاحكة أوقف السيارة امام المدخل الرئيسي ليترجلا معا
قابلتهم زهرة عند الدرجات المؤدية للبوابة اسرعت نحوهم وجهها المكفهر يدل علي حدوث كارثه سليم بقلق
#فى ايه يا زهرة جدتى جرالها حاجة
هزت رأسها نفيا فقال يستوضح. علامة الزعر المرتسمة على وجهها
#امال ايه الرعب اللي على وشك في ايه يازهره انطقي
قالت زهرة بارتباك
#سيدي ابراهيم جوا وعاوزك
#وايه المشكله فى كدا
سالت الدموع من عيناها وقالت باختناق
#احب على يدك يا سيدي سامحنى هو سالنى وانا قلت اللى اعرفه
لمعت عيناه بعصبية ولكنه قال بهدوء
#زهرة انا مش فاهم حاجة
صوت ابراهيم يقف على البوابة ويقول بغضب
#انا هفهمك يا شيخ العرب ،،ياكبير هواره
للحظات لم تفهم شئ وهو يسير بجوار خاله الي المكتب ويصفع الاخير الباب خلفة بقوة وقفت فى منتصف الصالة حائرة ستذهب للجدة لتفهم ماذا حدث ولكن صوت إبراهيم الراعد صم اذنها لم تكن تحتاج حتى إيضاحات تسمرت قدماها فى الارض- وهى تستمع اتهامات العجوز له
#كنت فين يا سليم
#كنت فى البلد ياخالى ليه
#وضيفتك كانت معاك مش كدا
#ايه الموضوع انا مش فاهم حاجة
#ايه اللى انت مش فاهمة بالظبط الاول عرضت حياتك للخطر عشان تجبها وبعدين تعد فى بيتك وتلف بيها الواحة عادى وتروح معاك فى كل حته عادى هى مراتك بحلال ربنا .... ولارفيئتك فى الحرام
صرخ بغضب
#حاسب ياخال .. انا مسمحش لحد يشكك فى اخلاقي-
#يشكك.... انت حطيت شرفنا فى الطين معنتش عارف ارفع عيني فى حد .... و طيت روس الهواره كلهم يا كبير هم ....... الواحة كلها بتتكلم فى شرفك يا كبير بس لحد كده وقف الحكم طلع ضدك امبارح
خر على المقعد وقال بصدمة
#ايه حكمتونى من غير ماتسمعوا منى هو دا العدل اللى بنحكم بيه
#وهيسمعوا منك ايه..... دا حتى خدمك شهدوا ضدك وقالوا انهم شافوك بتخرج من قوضتها اكتر من مرة
دفن راسه بين ذراعيه وقال
#والحكم
#الجلد ياسليم،،،،،،.او
هب واقفا وقال بغضب
#عوزين تطبقوا علينا حد الزنا ومن غير بينه مش هيحصل ...ولو فيها موتى عشان انا معملتش حاجة
#حتى لو معملتش ..هتثبت ازاي ..وكل الشواهد ضدك مفيش قدامك الاالحل التانى
#اللى هو
#اخرص اللسنه- وخلى وجودها رسمي اتجوزها
قال بحنق
#اتجوز مين ...انا مش هاجوز واحدة بتكرهني
قطب العجوز مفكرا
#بتكرهك ..... على العموم الجواز منك مش ماساه .......وافتكر هي مديونالك بحياتها
قال بسخرية مريرة
#اه تدفع التمن اتجوزها غصب بالعافية انت بتقول ايه ياخالى
جلس الرجل على المقعد وقال
#اسمع يا سليم ..شرفك وشرف العيله كلها واقف على الجوازة دى ..انت غلطت بيوت الهوارة مليانه حريم كان ممكن تتحاشي دا كله لو نزلتها فى اي بيت منهم
قال بحنق#دا على أساس انى عايش لوحدى
#الواحة كلها عارفة ان جدتك مبتسبش فرشتها ....مش هنشيل عار زى دا الموضوع خلص الفرح بعد تلت ايام
صعدت نورين ركضا الى غرفتها على ماذا حصل سليم من انقاذه لها جلبت عليه عار يوصم به وتذكرت ضحكات الفتيات فى زفاف عائشة كانوا يتغامزون عليهالم تكن متوهمة
