كفاح ( روايات ليبية )

حلقة 1

رواية #كفاح
( خيال ممزوج بلواقع )
للكاتبة #اروي_شعبان
الرواية بلهجة الليبية
حلقة  1

مقدمة صغيرة 🔥

الرواية تتكلم طبعا ع بنت كافحت وتعبت هلبا باش تحقق حلمها البنت هادي تقرا قانون وحلمها من هي صغيرة تولي محامية وفعلا حققت حلمها بس واجهتها هلبا صعوبات ف حياتها وحنعرفو تفاصيلها ف الرواية😋 اسم الرواية الكفاح ملينا من روايات الحب والقتل والخ....المهم خلوني نعرفكم ع الشخصيات الي ف الرواية💁‍♀️
طبعا بطلة الرواية اسمها اريج😋
اريج م٩٥❤بابا م٦٩ وماما م٧٠ وعندها اربعة خوت هما احمد لكبير م٨٩وبهاء ال٩٣وفراس م٩٦وادهم م٩٧ واخت اسمها اميرة م٩٨  🌚وحنتعرفو ع باقي الشخصيات ف الرواية❤
..
..
خلي نوصفلكم روحي اني متوسطة ف الطول ومش سمينة ومش ضعيفة وعيوني بنيات وبيضاء وشعري طويل وعسلي
..
البارت الاول
انا:ماما اني بنخش نرقد لانه تعبت هلبا اليوم محاضرتين ف جرت بعضهم وراسي صداع فيقيني الساعة ٦باش انوض نقرا لانه بكرا عندي امتحان😑
ماما:حاضر يابنتي تو انوضك ☺
احمد:السلام عليكم
ماما:وعليكم السلام ورحمة الله وبركاتو
احمد:شنو وين خواتي مش مبينين ع الشاشة🙄
ماما:اريج كيف جت وخشت رقدت واميرة ماروحتش لتوا☺
احمد:اهاا به شنو مافيش غدي ولاكيف
ماما:لافيه تو نحطلك غداك شوية بس😁
عند أميرة🙂
اميرة طبعا عكس اريج تماما ماتحبش لقراايا حياتها كلها هياجة وبس المهم خلونا ف الرواية😋
أميرة:اسمعي سوسن😉
سوسن طبعا هادي صاحبة أميرة هلبا😋
سوسن:نعم أميرة
اميرة:اكيد حليتي الواجب الي عطاهولنا الاستاذ صح🙂
سوسن:اي حليته
اميرة به خلاص اعطيهولي نبي ننقله منك
سوسن:وعلاش انتي ماحليتيش يافالحة ولا فالحة كان ف النت ال٢٤ساعة وانتي اونلاين🙂
اميرة:ياودي خلاص معاش نبيه منك خليه عندك وشكرا🙂ومشت وخلتها😋
عند بهاء طبعا هذا يكون خوهم وهذا طبعه صعب هلبا وهو الي مايبيش خواته يقرو المهم
اميرة روحت وخشت للحوش وبهاء كان مقعمز ف الصالة😃
بهاء:وين كنتي لتوا يافالحة
اميرة:كنت ف الثانوية وين بنكون يعني😏
بهاء :لتوا ف الثانوية معاش نبوها احني لقرايا الي تخليك تقعدي لساعة ٢برا الحوش
اميرة:مش كيف ماتبي هو
بهاء:ياكلبة وليك اللسان والله وتردي وضربها كف
وع خشت بابا
بابا:شن فيه شن صاير😡
بهاء:شوف بنتك الصايعة الي قاعدة تنسرف لتوا
اميرة:ماكنتش انسرف اني كنت نقرا مش زيك من لمكان لمكان
بهاء:وقاعدة تتكلمي تبيني نقتلك انتي😠
بابا:صكر فمك يابهاء واحترم اختك
بهاء:غير هي تحترمني الاولى تو نحترمها اني بعدين مش قتلك يابوي لقرايا مافيش منها غير تضيع وقت واالله كان تبطلهم خير وتعطيهم لتريس
بابا:مش كيف ماتبي انت هو طول مااني عايش مافي حد يتحكم فيهم خواتك غير ولا انت ولاغيرك ليك دخل بيهم😋
عند اريج
انا:اححححي وقت هذا ع شوي قلت لماما تنوضني😑ماااااااامماااااا
ماما:خيرك شن فيه تعيطي😨
انا:مش قتلك نوضيني علاش مانوضتينيش هكي توا راح عليا الوقت امته بنقرا اني😭
ماما:غير وسعي بالك نوضي اغسلي وجهك وتوضي وصلي وتعودي من الشيطان
انا:به هي
ونضت وصليت وكليت وبعدها قعمزت نقرا لساعة١٢ف اليل شوية نسمع ف صوت حركة ف الحوش وكلهم كانو راقدين طلعت وخديت عصا ف ايدي وقعدت نمشي بشوية شفت واحد ف المطبخ والضي مطفي مشيت وراه وضربته ع راسة وطلع ادهم😲
ادهم:اه ياعنشكلك خيرك انتي من تحسابي روحك جاية وتضربي
انا:وووه هو انت 😑نحسابه واحد جاي يسرق🤣😂😂😂😂بس حصلت خبطة مليحة ع راسك😂😂
ادهم:تضحكي تو نعطيك كف ره🙂
انا:به خلاص خلاص سكتت ها😶
وخشيت بعدها ارقدت ونضت الساعة٦انراجع راجعت وكملت ونضت وتيت لفطور ونوضت بابا وماما
بابا:صباح الخير ياناشطة🤩
انا:صباح الورد يابابا😘😂هي قعمز افطر باش توصلني ع طريقك
بابا:تمام
وصلني بابا للكلية وطول للمحاضرات طبعا
وكملت محاضراتي طلعت فطرت وكانت السيدة ابتسام غايبة لذلك اتصلت ببهاء وجي روح بيا
بهاء معروفة فرخ زهاق ويحبش يتكلم طول الطريق ساكتين نين اوصلنا للحوش
انا:ماما شن لغدي
ماما:كسكسي
انا:خلي نبدل ونجي نعاونك هي
بدلت وصليت ونزلتلها

..
...
......
....
يتبع
و رأيكم في المقدمة