كفاح ( روايات ليبية )

حلقة 5

رواية #كفاح
( خيال ممزوج بلواقع )
للكاتبة #اروي_شعبان
الرواية بلهجة الليبية
حلقة  5
🔥
 
هدرزتلي ملاك كل شي بالتفاصيل🙂تخافي مني طبعا ضروري تحكي بالتفاصيل ولا ناكلها😂😂
انا:هييييي هذا كله واني مانعلمش ياتافهه ياحيوانة معقولة تخبي عليا اني واني الي ديما نجي نحيكلك ف كل كبيرة وصغيرة😑😒
ملاك:هههههه والله كل مابنحكيلك مانحصلش ف فرصة عرفتي كيف ماهو انتو ديما عندنا ماشاءالله 🙂
انا:والله انتي تعرفي يعني اني وقت لقرايا مانحبش ننطلع
ملاك:اي اي نعلم نعلم🙃وشنو انتي مافيش لاحب لاشي
انا:😂😂😂😂😂😂تعرفيني متاع حب اني بكل اني يالا نركز ف قرايتي بنلحق حتى نحب🙄
ملاك:اي تو نشوفو بعد ايام نلقوك مكبدة
انا:تلقيني عازتك مش مكبدة الجو هذا كله مايمشيش معاي اني😶
ملاك:نقولو باهي وخلاص😂
جتنا اميرة
اميرة:خير شباب😚
انا وملاك :اهلين ياطيري😂
اميرة:تي مش كان جينا ولاد مش خير😑
انا:اي صح😂😂
ملاك:هي خلي نخشو نهدرزو حداهم داخل خير مايحرجو
اميرة:اي كان لما جيت اني بس تبو تخشو انتلفي انتي وياها تو نقعد بروحي😒
وخشيت اني وملاك وخلينا اميرة بروحها
شوية وجاها مروان😍😂
مروان:السلام عليكم
اميرة:وعليكم السلام
مروان:كيف حالك وخيرك مقعمزة بروحك🙂
اميرة:تمام الحمدالله☺كيف كنت اني واريج وملاك وهما خشو وسيبوني بروحي
مروان:اهاا كويس حتى انتي الحقيهم لداخل يل🙂
اميرة:والله حوش بوك نقعمز وين مانبي اني🙂
مروان:قعمزي وين ماتبي بس مكان تعرفي انه حيخشوله ولاد ماتقعمزيش فيه
اميرة:متت🙂من انت باش تتحكم فيا بالك قاري فاتحتي واني مانعلمش
مروان تعصب منها وعيط ف وجها
مروان:قتلك خشي داخل اني وله🙂
اميرة خافت وخشت
مروان هذا ولد خالها م٩٦واكيدة عرفتو طبعا انه هو مكبد عليها😂😍
وهي خاشة تلاقت مع اريج
انا:خيرك يابنت تقول اشبح من يجري وراك🤨
اميرة:لا شي بس ولد خالك هذا لخرا عيط ف وجهي😑
انا:ووووه تستاهلي😂😂😂😂😂
اميرة:زيدي عليا غادي انتي التانية
الهام:اريج تعالي شوية
انا:حاضر هي
الهام:بالله عليك تعالي قيمي معاي هذا
انا:من عيوني☺
الهام:سلمهم ياربي😍
الهام هادي مرت خالي نبيل تهبل عسل طيبة وقنية 😍تي ع قد مانحكي مش حنعطيها حقها☺❤نرجعو لرواية😁
ضمينا وكملنا الحوسة ودرنا شاهي ومعاه حلويات وقعمزنا هدرزنا لساعة٢وبعدها روحنا
انا:هي تصبحو ع خير ❤
هما:تلاقي الخير
ملاك:تعالي مش تقعدي بالشهور ماتجيش😒
انا:ههههههه من عيوني
اميرة:هي اطلعي وانتي مكتر دوتك ماتكلمش بكل
انا:وووك حسد الزفت
اميرة:علاش بنحسدك بالله😶
انا:ع كل شي😌
اميرة:لا يا🙂
انا:اي يا😌😂😂😂😂
اميرة:😒😒😒
ماما:زي الفار والقطوس😑
انا واميرة:ومع هذا نقدروش من دون بعض 😍😂
ماما:هههه خيتي سلمهم ان شاءالله ديما مع بعض وربي مايفرق بينكم❤
انا واميرة:ويخليك لينا ياارب ويطولنا ف عمرك😍😚
بابا:وخيرني اني 🤨
انا واماما واميرة:😂😂😂😂😂😂😂😂😂ححي انت معانا
بابا:لالا ف المريخ😒
انا:انت بابا وحبيبي وفرحتي انت كل شي ربي مايحرمنا منك ياارب😍😚
بابا:لا خلاص زعلت توا😪
اميرة:الزعل لصغار يابابا مش ليك🙄
بابا:من يقدرك انتي ياأم للسان😂😂
كلنا:هههههههه😂😂😂
اريج:بابا
بابا:نعم يابنتي
اريج:خاطري ف نمشو للمنتزه😁
بابا:حاضر اتفقو ع يوم وان شااءلله نمشو فيه
اريج:ربي مايحرمنا منك😍
اميرة:به حتني نبيك ترفعنا لمكان🙃
بابا:وين
اميرة:للبحر🙂
بابا:لالا مافيش مشي للبحر
اميرة:اي صح نسيت اني مش اريج باش تقولي حاضر😶
بابا:ههههههه نبصر حاضر كم عندي اريج واميرة اني❤
انا واميرة:حليلنا😍ربي يطولنا ف عمرك ياغالي❤
ماما:به حتني نطلب ولاخلاص كلمو الطلبات🙄
بابا:لا عادي انتي الكل ف الكل ياست الكل😍😂
اريج:اضرب هي شن مزال تبي اكتر من هكي😂
اميرة:وين تبي تنسرفي انتي
ماما:انسرف صار انديدتك اني باش تقوليلي انسرف😑
اميرة:انبصرو يابرو خيرنا عاد😂😂😂
ماما:انتي كان جيتي ولد خير😒
اميرة:يااريت بالله لكن يلا تمشي
اريج:😂😂😂😂😂😂
.
.
.
..
يتبع
البارت السادس حنبدا ف الرواية بجد😂😂😂هذا فيكم تعتبروة كبداية👌
طبعا رايكم يهمني وهذا اكتر شي يشجعني اني ماعمريش كتبت روايات ومش عارفة هل حتعجبكم او لا ☺يلا كل وحدة تعطينا رايها