كفاح ( روايات ليبية )

حلقة 2

رواية #كفاح
( خيال ممزوج بلواقع )
للكاتبة #اروي_شعبان
الرواية بلهجة الليبية
حلقة  2
🔥
.
.
اني وتيت لغدي مع ماما وتغدينا وغسلت الماعين وركبت لداري واتكيت شوية
...
بعد العصر فقت وطلعت انا وماما واميرة بناخدو حاجات ناقصتنا😁
وطلعنا وخشينا لاول محل
أميرة:ححي محلاه القفطان هذا😍
ماما:فرقت حاله مش حلو بكل🙂
أميرة:وحق ربي يهبل ماما خوديهولي بالله عليك😦
ماما:به به تو ناخدهولك😶
خشينا خدينا القفطان لاميرة وطلعنا
ماما:وانتي اريج ماعجبك شي
انا:اي ماعجبني شي خلي نمشو لمحل تاني😁
خشينا لمحل تاني واول ماخشيت شفت قفطان الفت انتباهي
انا:عفوا بكم هذا
صاحب المحل:٢٠٠ياأبلة
انا:واااك شن هذا علاش هذا كله معقولة ٢٠٠قصدي اكتر شي يوصل ل٩٢
..
صاحب المحل:هذا الموجود ياأبلة ف محلات اخرى كان مش عاجبك تقدري تاخدي منهم

انا:اووف والله حلو مش حنضيعه وخديته 🌚
خلي نوصفهولكم كيف شكله
طبعا هو قفطان قصير من القدام وطويل من لوراء ولونه ازرق ملكي وفيه وردة دهبية من لوراء تحت الظهر بالزبط❤👗
ادهورنا خدينا هلبا حاجات
اميرة:وااك رجليا معاش نقدر نوقف
انا:احرف منك هي خلو نروحو خير
ماما:هي وقت اصلا
واحني مروحين ف ولد ماشي وراء اميرة
الولد:باسمحة انتي
ماما:طيحسعدك امشي روح لخواتك ياكلب
االولد:ليك الطرف هذا ياحاجة
ماما:حاجة ف عينك اقلب وجهك
اميرة:تحشم ع وجهك ماعندكش خوات انت ولاكيف
الولد:عندي اي بس انتي عجبتيني يابنت
اميرة:روح خير ماتروح لاهلك اعور اليوم
الولد:او طرف ودريه وواعرة هلبا هكي 🤤
انا واقفة ونتفرج ونستنا فيهم يكملو
ماما:امشي سحيقة ولاد اخر زمن
الولد:تي مش متحرك من هنا نين ناخد رقم بنتك ياحاجة ولانعرف حوشكم تي بنتك طرف ماتتعوضش
نوصفلكم اميرة🌚
اميرة قصيرة وبيضاء وعيونها عسليات وشعرها طويل واسود
..
اميرة:ربي يلطف بحالك
وقعد يلاحق فينا زي الكلب ورانا
وصلنا للحوش وكل وحدة جربت الي خداته وقعمزنا مع بعض وقعدنا نهدرزو
بابا:ها شنو حصلتو الي تبوه ولالا
ماما:اي حصلو الي يبوه واني ماخديت شي
بابا:علاش ماخديتيش
بهاء:يلا ترضي بناتها يابوي🙂
انا وأميرة وماما قعدنا نشوفوله ونفنصو فيه
بهاء:اي هذا الحق علاش تفنصو🙂
ماما:صكر فمك لاحق ولاباطل اني الي ماعجبني شي وان شاءالله بنطلع اني وبوك غدوة🤗
شوية وخش احمد
احمد:السلام عليكم
الكل:وعليكم السلام❤
احمد:شن فيه العيلة كلها ملتمة
أميرة:شنو كان قعمزنا مع بعض وملتمين معناها بتكون ف حاجة
احمد:انتي صكري فمك ماحد كلمك
اميرة🌚به
انا:هي اني نستأذنكم بنمشي نقرا شوي😶
وركبت لداري وكانت دار ادهم قريبة من داري نسمع فيه يتكلم ودايب الولد🤤😂
اوقفت ع الباب وقعدت نسمع فيه كلام رومنسي وجو قميل واني طبعا نسمع وسرحانة ووشوية وفتح عليا الباب وجيت طايحة ع وجهي😦
ادهم:مممم من امته هنا انتي
انا:ءءها توا تو بس كيف جيت
ادهم:كذابة وحق ربي الا من امبكري انتي هنا😑
انا:اي من امبكري هنا وبتقربني بنخبر بابا🌚
ادهم:اوووف الزفت الواحد ماياخدش راحته ف هالحوش بكل
وسمعتنا ماما نتعايطو اني وياها وركبتلنا
ماما:خيركم العفو شن فيه
انا:ماما هذا ولدك🙄وقص عليا ادهم
ادهم:لا مافي شي غير نبصرو مع بعض بس😁
ماما:هكي لبصارة هي ربي يهديكم وبس
ونزلت ماما وقعدت اني وياه نتعاركو وبعدها خشيت قريت شوية وارقدت
ف الصبح
ماما:نوضو وقت عليكم انتو اتنين
انا:صباح الخير
اميرة:مانبيش نمشي خليني راقدة😑
ماما:تي نوضي ماتبيش عازتك
اميرة:وووه ان شاءالله تتفجر تانويتنا ياارب🌚
ماما:به كان تفجرت هذاك الوقت معاش تمشي هي نوضي امشي اقري قبل لاتتفجر
اميرة:ماما دمك خفيف هلبا تعرفي😶
ماما:😒
انا نضت دوشت وصليت وانزلت مستعجلة طبعا ومن كتر الاستعجال انا وبابا انسينا اميرة😂😂
أميرة:وين بابا واريج
ماما:نهارك اسود ان شاءالله قاعدة انتي😱
اميرة:لالا هادي غولتي🙂
ماما:برادة ع الصبح بوك واريج فاتو من امبكري
اميرة:الله😍خلي نولي نرقد مالا😋😂
ماما:تي وربي مش حنخليك ترقدي نوضي ضمي معاي نوريك كيف اني ماتمشيش للمدرسة
أميرة:حاضر نبدل بس ونجيك☺
ماما:خلاص نستنا فيك🙄
كالعادة اميرة كدبت ع امها وولت رقدت🙂
عند احمد
احمد دكتور اطفال
الدكتورة:عفوا دكتور احمد
احمد:تفضلي
الدكتورة:ف وحدة  من امبكري تستنا فيك
احمد:تمام ابعتيهالي بعد 5دقايق
الدكتورة:تمام
شوية وجي لأحمد اتصال
احمد:ايوا
المجهولة:كيف حالك
احمد:الحمدالله من معاي
المجهولة:معجبة😋
احمد:هههه والله
المجهولة:وحق ربي🤗
احمد:يه كويس هي سلام
وصكر ف وجهه🤭
شوية وخشتله البنت الي تستنا فيه والغريب انها مش معاها طفل لانه احمد دكتور اطفال
احمد استغرب
هي:السلام عليكم
احمد:وعليكم السلام
هي:كيف حالك يادكتور
احمد:حس الصوت مش غريب عليه تمام الحمدالله وانتي
هي:ماذامك بخير حتى انا بخير المهم اكيدة عرفتني صح
احمد:مش اكيد بس شاك فيك
..
...
..يتبع