كفاح ( روايات ليبية )

حلقة 3

رواية #كفاح
( خيال ممزوج بلواقع )
للكاتبة #اروي_شعبان
الرواية بلهجة الليبية
حلقة  3
🔥

هي:اكيدة عرفتني
احمد:مش اكيد بس شاك فيك
هي:ههههه لالا هي اني كون متأكد
احمد:🙂به تفضلي المطلوب مني
هي:نبيك تفهم انه نحبك ومانقدرش من غيرك
احمد:به شن بنديرلك اني كان تحبيني مش بالسيف هي باش حتى اني نحبك🌚
هي:طول عمرك قاسي واناني ومغرور مايهمك حد غير نفسك
احمد معاش عرف شن يرد وتعصب منها ومن كلامها
احمد:اطلعي اقلبي وجهك معاش تجي هنا ولا عاد تتصلي فاهمه وله🙂
هي:هئه طالعة اصلا من دون ماتلز
طلعت واحمد كسر كل شي قدامه
تعالو نحكيلكم ع احمد هو طويل واسمر وعيونه بنيات ومغرور وقاسي فعلا مايحبش لبنات حتى خواته مايعاملش فيهم كويس المهم خلونا ف الرواية توا😂
عندي اني  كلمت بابا وقتله يجي يروح بيا وكان مشغول  واتصلت بخوتي وماحد فاضي فتوكلت ع الله وروحت ع رجليا واني مروحة ف واحد يلحق فيا من اول ماطلعت من الكلية وقعد ماشي جاي نين اوصلت للحوش وكنت خايفة طبعا😁😂
اول ماففتحت الباب القيت ادهم قدامي😑
ادهم:خيرك يابنت تقول اشبح من يجري وراك
انا:لا مافي حد مافي حد
ادهم:ف حد ضايقك وانتي مروحة
انا:لالا مافي حد غير اني قعدت سريعة ف المشي بروحي وانت تعرف يعني كيف الجو برا
ادهم:اها به به
اميرة:روحتي انتي😂
انا:لالا قاعدة غادي🌚
اميرة:ووه مبردك
انا:طالعتلك سلم وخيتي 🌚حقا شن صار فيك من رفعك للمدرسة ولا مامشيتيش😶
اميرة:هههه مامشيتش القيتكم ماشين وليت ارقدت😂😂
انا:سلمها ياربي اختي البايرة الفاشلة الي مافي منها فايدة🌚
اميرة:سلمك سلمك عندي علم🙂
خشت علينا ماما
ماما:هي نوضو تغدو بنطلعو ره
انا:وين ان شاءالله
ماما:لحوش جدك
اميرة:اياه علينا اني مانبيش نمشي فوتوني🙂
ماما:امشي قوليها لبوك مش ليا
ونزلنا تغدينا وطلعنا🌚
خشينا لحوش جدي وسلمنا وقعمزنا وطبعا كانو العيلة كلها ملتمة غادي
طبعا اني عندي ثلاثة عمام وعمة  لكبير فيهم بابا والي بعد اسمه وحيد والوسطي محمد والصغير خليفة وعمتي حليمة
مرت عمي لكبير اسمها عفاف ومرت الوسطي اسمها خديجة ومرت الصغير اسمها هناء
وباقي الشخصيات تعرفوهم ف الرواية
عفاف:كيف حالكم وينكم مغطسين مادوروش🌚
ماما:هذذا هو لبنات قرايا ولولاد ف الي يخدم وف الي يقرا وراجلي خدمة مايفضاش وكل مايفضى نجو هنا☺
عفاف:به به
انا:اميرة
اميرة:نعم
انا:شوفي خديجة مرت عمك كيف تضحك😂😂😂
اميرة:ووووووه عنشكلك😂😂😂😂
هناء:ضحكونا معاكم اريج واميرة🙂
انا:واضحكي معانا من شادك 🌚
هناء:ماشاءالله ع قلة الادب
اميرة:اي كترت الادب مش كويسة عرفتي كيف
ماما:اميرة اريج خلاص انتي وياها صكري فمك
اميرة وشوشت لامها ف ودنها وقتلها
اميرة:قتلك اني مانبيش نمشي وله لذلك تحملي الي يجي مني🌚
ماما:😒😑
وطلعت اني واميرة برا وشوية وجو بنات عمي🙂
ارين:هاي بنات
انا:وعليكم الهايات🙂
اميرة:اهلين🌚
الاء:شن جوكم
اميرة:كويسين الحمدالله
انا:وانتو شن جوكم وشن مدايرين ووين باقي لبنات
ارين:اهو شوية وبيلحقونا
انا:به
كانو طول الوقت ماسكين الهاتف ويتجكترو وجو وفجأة اميرة قالتلهم
اميرة:ارين اعطيني هاتفك شوية
ارين:شن تبي فيه
اميرة:شوية بنشوفه وبنردهولك
ارين:هاك
اميرة ع اساس بتردهولها وطيحاته وتكسر😂😂😂
ارين:تي خيرك انتي علاش كسرتيهولي
اميرة:اوو سوري مش قصدي الحق
الاء:لا واضح مش قصدك🙂
انا واميرة نضنا وسيبناهم ونحنا اتنين ميتين ضحك عليهم😂😂😂😂وهما قريب يطربقو😂
جي اليل وجي وقت لعشي ووتينتا لعشي وحطينا لينا احني لبنات بروحنا وقعمزنا وهدرزنا وضحكنا وهادوكا اتنين حاقدات ع اميرة طبعا🌚😂واميرة ضاربتهم ايزي مش مدورتهم😂😁كملنا عشانا وغسلنا لماعين وكل وحدة مشت ف مكان انا حبيت نطلع برا ونبي نكون بروحي🤭
واني طالعة تلاقيت مع ولد عمي لكبير اسمه امير مواليد ال٩٣
امير:اوو اريج شن الجو عاش من شافك يابنت
انا:الحمدالله وانت🌚
امير:ماشاءالله كبرتي ووليتي حلوة
انا:اي نعرف
امير:وخيرك تتكلمي هكي انتي
انا:لانتكلم عادي☺هي نستاذن بنخش لداخل
امير:ههه غير اصبري قديش لينا معاش تلاقينا خلي نهدرزو شوية وخشي
انا:به🙂شن تبي تهدرز
امير:اي شن مدايرة وشن جديدك
انا:اهو قرايا بس لاعندي لاجديد لاقديم
امير:شنو مافيش كبيدة لاشي
انا:لا كله دوة فاضية وماتهمنيش🌚
امير:احسن بكل
انا:نعم
امير:لاشي عادي تعطيني رقمك
انا:علاش شن تبي في
اميى:لاشي غير مرة مرة نهدرز عليك
انا: امممبه هاك092#######
امير:تمام بينا اتصال ان شاءالله
انا:ان شاءالله وخشيت داخل
رفيف:ماشاءالله هذا كله مع امير هدرزة وتاخدي حتى ف رقمه🌚
انا:اي شفتي بالله🙂
رفيف:شنو شكلك مكبدة يافالحة
انا:هئه شنو تحسابيني فاضية زيك ماعندي ماندير
رفيف انصدمت:شن قصدك انتي
انا:قصدي انتي تعرفيه مانبيش نوضح اكتر😋
رفيف:😶😶
هادي رفيف بنت عمي الصغير وهي مواليد ال٩٦ زي امها هادي شريرة وفتانة🌚ومش مخليه ولد ف حاله
شوية وخشو عمامي وسلمت عليهم وهدرزنا وكان جو حلو وبعدها بابا جي وروحنا واحني ف السيارة قعد يهدرز مع ماما
بابا:ها شن الجو غادي مافي حد ضايقكم ولاكلمكم
ماما:لالا الحمدالله كان الجو حلو وحتى لبنات غيرو جوهم
انا واميرة شفنا لبعض وضحكنا😂😂😂😂😂
ماما:خيركم تضحكو
انا:لاشي بس حقا قديش ليا معاش حصلت تغيرت جو زي هادي😂😂
بابا:خلاض معناها نمشولهم ديما حوش جدك
اميرة:هذا ماناقص🌚
بابا فنص فيها 😒
ووصلنا للحوش القيت بهاء راقد ف االصالة فيقته وركب لداره وضميت وخشيت ارقدت حتني
ف الصبح
انا:ووخ واخيرا عطلة مافيش قراية😶
ماما:صباح الخير امشي نوضي اميرة باش تمشي للمدرسة
انا:صباح الفل ❤حاضر هي
اركبت انوض فيها
انا:اميرة نوضي وقت
اميرة:حولي فكيني مانبيش نمشي
انا:تعرفي ماتنوضيش توا وله وربي الا مانبزع عليك امية مسقعة🌚
اميرة:هئه جربي بس
انا:تتحدي فيا قصدك🙄
اميرة:لانتحداك لاشي لكن جربي وربي الا ماتندمي
اني حسيتها زي الي تتحدى فيا وبزعت امية عليها😂😂
اميرة:ههييي😰ياعنشكلك وربي ماني راحماتك
وقعدت تجري وراي
ماما:سمعت صوت عياط
..
..
..
..
يتبع