كفاح ( روايات ليبية )

حلقة 17

البارت السابع عشر
..
..
ادهم:انتي الي ماسكتيش
انا:ننننن
احمد:هي نوضو معاي انت وياه
ادهم وبهاء:باهي امشي انتو تو نلحقوك احني
احمد:نوض توا قدامي
انا:احمد بالله اعطيه٣٠٠دينار الراجل
احمد:علاش
انا:لانه هو خدالي لملاية
احمد:خيره ب٣٠٠هي
انا:لا بس يستاهل اعطيهوله
احمد:حاضر
خلينا نسرعو الاحداث فاتت الايام واحمد عرفهم الي خطفوني هو من قبل يعرفهم بس دار روحه انه توا بس عرفهم وفتحنا فيهم محضر وحبسوهم هما والكلبة الي معاهم
..
..
ف الكلية
انا:ابتسام
ابتسام:ارررريج ياعمري استاحشتك
انا:ياقهرتك مش عمرك
ابتسام:ياكلبة😹😹😹😹
انا:عيون الكلبة😍😹😹
وكالعادة اني وياها ضروري لما نغيبو ع بعض نحضنو بعض لساعه🌚
انا:حولي سادك
ابتسام:ووواك مشناك
انا:نعرف
ابتسام:واخيرا بنفتكو م لقرايا😃😂
انا:وبنفتك من خليقتك
ابتسام:اتفو عليك ياواطية
...
..
عند امتنان
امتنان:يابنات تو هي حتمشي للكافي واني حنجي قدامها باهي وحنستفزها ونبي وحدة منكم ادير رجلها باش نعتر فيها ونطيح ونمشي نشكي فيها الادارة
افنان:ياخطيرة وربي اخطر منك مافي
امتنان:باش تعرفي بس
عبير:عجبتني الفكرة والله وصدقيني حتنطرد بسببها
امتنان:واني هذا الي نبيه😌
..
..
عندي انا
ابتسام:هي نوضي خلي نفطرو
انا:اي والله استاحشت ماكلة االكافي 😹😹
واحني ماشين جت ف طريقنا لخرا
انا:اياه علينا🙂
امتنان:شنو خفتي مني هذا علاش كنتي غايبة
انا:واااك متت بنخاف منك انتي🙂
امتنان:اي ممكن
انا:لا نطمنك مانخافش من الحيوانات اني
وعادتها انها ديما بتمد يدها وبتضرب كف واني نشد فيها
جت بتمشي وحطت صاحبتها رجلها وطاحت وبدت تبكي ع اساس انها ايدها انكسرت وجو
..
امشت للادارة وشكتلهم
انا:ياأستاذ اني مادرتلها شي واسأل حتى صاحبتي واسأل كل من شافنا برا
امتنان:والله هي طيحتني حطت رجلها بلعاني باش نطيح
الاستاذ:انتي مش صغيرة يأريج باش اديري تصرف زي هذا
انا:والله يأستاذ ماطيحتها
استاذ: خلاص ولا حرف انتي مطرودة
انا:غير ءءسمعني يأستاذ
الاستاذ:زي ماقتلك انتي مطرودة
وطلعت واني منهارة وجتني االفرخة امتنان
امتنان وبضحكة شماته:قتلك اني حتشوفي وله يلا باي ياحلوة باي لاحلامك وطموحك شوفي كيف خليتهم يطردوك
انا:..مارديتش ولا بحرف
الي درته اني روحت وطول الطريق واني نبكي اوصلت للحوش القتني ماما طول ارتميت ف حضنها وقعدت نبكي وحكيتلها كل شي
ماما:غير اهدي يابنتي مش حيصير الا كل خير
انا:ماما خلاص حطمولي احلامي كلها
ماما:لا ابنتي مافي شي تحطم كل شي حيرجع زي قبل واحسن
انا حسيت روحي هديت شوية
ماما:امشي غيري حوايجك وصلي وتعالي تغدي سلم بنتي
انا:ان شاءالله تو انوض هي
اركبت لداري وكل ماندكر كل شي صار معاي ننهار ونقعد نبكي
فات الوقت واني مشيتها بكي وصكرت عليا داري وقعدت ع الحال هذا
...
..
تعرفو شن معناه هذا يعني اني سهرت وتعبت روحي وماخليت مادرت باش نوصل للمكان هذا وف الاخير تجي وحدة تافهه ماتسوى شي وبسببها ننطرد انتو مش حتعرفو الي نحس فيه بس حسبي الله ونعم الوكيل فيها
..
عند اهلي
ماما:البنت حالتها تسخف شوفلها حل ياراجل
بابا:والله ماخليت مادرت ومافيش فايدة
اميرة:باهي معقولة يطردوها بسبب انها طيحت بنت
ماما:المشكله هي ماطيحتهاش
اميرة:قصدي حتى لو طيحتها يعاقبوها مش يطردوها
ماما:حسبي الله ونعم الوكيل فيهم ربي ياخد فيهم الحق
بابا:مسكينة هالبنت عانت هلبا والمشاكل كلها تجيها ف جرت بعضها
...
..
انتهى البارت