كرامة أنثى

٧

-حتي شنو يا اثير؟ كملي
* شوف يا قُصي كرامتي فوقك انت والجابوك كلهم ولو لسه انت عامل روحك بتحبني بالله ابعد من طريقي والا قسما بالله اكلم ليك رماح ولو رماح ما عمل شي انا بكلم بابا باي شي وبوري تهديدك لي وما غالبني اغكس حجرك بس لسه صاينه العشره البينا بس انتت شكلك نسيتها وبديت تتمادي ولو انت عندك كرامه ما اشوفك وشك تاني لانو اهون علي الموت ولا اشوفك انتت
-بس اهون عليك تشوفي قصورة صح؟! بعتيني عشانو؟
*علي فكره تفكيرك عقيم و وسخ جدا زيك كدا..ولو علي قصورة وفهمك الانت فيهو داا اقلاهاا هو دكتور مش واحد صايع للان ما عندو شهادة سودانيه واخر تحذير مني ليك ما اشوفك تاني
لم تنتظر منه ان يجيبها بل فقط تحركا نحو خارج الصالة واخرجت هاتفها واجرت اتصالا
-الوو رماح انت وين؟!
* في عرس يا اثير مالك في حاجه؟!
-عرسك دا وين؟
*صالة الاحلام لي؟!
-انا كمان عرس سبا في صالة الاحلام معناها انت هنا بالله تعال لي في باركت العربات براا ضروري 💔
*طيب اقفلي جاييك
اغلقت الهاتف وصارت تبكي لم تكن تدري انها كبت كل الم لها طوال هذه الاعوام الي ان شعرت بيد تربت عليها وكان رماح قد اخرج جكت البدله وجعلها ترتديه واخبرها بان يذهبو نحو اقرب مكان لكن هي اختارت الجلوس في السيارة
*اثير مالك بتبكي؟!  شفتی قُصي ؟!
-اي شفتو واتكلم معاي..للان تفكيرو القذر ما قادر يخلي ولا عايز يخليني في حالي💔 رماح والله اذا ما وقف في حد انا بكلم بابا والبحصل بحصلل 😭😭 كفااي انا تعبت والله شلت الهم من زمان واي شي كتمتو بس هو كرهتو بكل تفاصيلو وكرهت روحي لاني ف يوم من الايام حبيتو😭😭 ما استاهل كل دا💔💔
*معليش يا اثير وعشان خاطري وقفي بكاا وانا حارجعك البيت وبكلم خالتو سلمي طيب؟
-لالا ما حامشي عشان اثبت ليه اني اقوي منه بكتيير
*طيب اخليك تصلحي مصايبك الفي وشك دي😂 وبعدين انا معاك😉
-الله لا يحرمني منك💙
قامت بتعديل هياتها وتوجها داخل الصاله عندها التقو باخ العريس قصوره وقام رماح بمباركة الزفاف له ومن ثم تركهما وحدهما
-شكلو اليوم حنتقابل كتير يا دكتورة😉
*باين كداا
-طيب ارح معاي لي خالتك ابارك ليها بالمره
*اوك..علي ما اعتقد امك كمان مع ماما وخالاتي في طاولة وحده مش؟!
-ياهوو وصلناا
قام بمباركه الزفاف لكل منهم ومن بعد توجها وجلسا وحدهما وصارا يتحدثان كانت هنالك اعين تراقبهما احدي العينين ودت ان تقوم بقتل قصورة والاخري دعت بان يكونوا نصيب بعضهما البعض ...
-يا سلمي
*ااي يا سلوي
-عليك الله عايني لي قصورة واثير ديل سمحين كيف؟
*اي والله ماشاء الله عليهم حتي الصالة كلها علقت فيهم ربنا يغطيهم من عين الحسود يا رب💙
-امييين.. لو تسمحي ليي احجز بتك دي لي ولدي اصلي من يوم الشيله علقت معاي وعجبتني وحبيتهاا
*هو احنا لاقيين يا سلوي؟ دكتور قصورة بحالو حيعرس بتي بسس في النهايه الراي راي البت وحتي ابوها حيقول ليكم كداا وزي ما عارفه هي وحيدة عندنا
-انا عارفه اي شي بس قلت اكلمك في البدايه وكداا
*علي بركة الله
انتهي الزفاف بكل مراسمه ومن ثم توجه اي شخص نحو منزله ...عند اثير كانت احاسيسها متلخبطه هي تعلم جيدا مقدار ذاك الالم الذي وخز قلبها من شخص احبته وظنت ان نسيانه صعبب ولكن فجا خطر علي بالها قصورة واتصلت علي شهد
*اثيير مالك في حاجه حاصله؟
-لا يا سجم بس عايزة احكي لييك
*زفتتته يااخ خوفتيني انا قلت في شي ..علي فكرة دا منو الكنتي واقفه معاه قبييل؟
-لي مالو؟
*كسرررنيي ودشدشني شودييييد😭 وااي من سماحتووو وااي بسس اللهم الثبات بسس ...يحردوو ليه الكحلليي
-هههه دا كلو انبراش يا شهد؟...عموما دا دكتور قصورة اخو حسام راجل سبأ
*احيي وكمان اسمو قصورة صحي اسد😭😭😭انتي النوع دا بتقعي فيه براك ليي ..لكن كنتي نجمة الحفله وعايني لي خواطركم مطقمين كمان😉
-خليك منو اتخيلي لاقيت قُصي في العرس واتشاكلت معاه
*انتي الزول دا كلمي ليه ابوك في اي مكان لاحقك بلاا يخموو
-كرهني البلد دي اوفف منوو ..شودي دقيقه في رقم داخل لي ف الويتينق ارد وارجع لييك
*اشي اشي علي مكالماتك بليل وريني حبيب القلب
-تافه اقفلي
....
*دكتوره اثير ما اكون ازعجتك!
-سورري بس انت منو ما عرفتك!
*هه ركزي في صوتي شويه
-حتلخص  ولا اقفل الخط؟!
*روقي روقي معاك قصورة
-اهاا دكتور قصورة☺ طيب كان تقول من البدايه الحركات دي ما حبابها ويا ريت قبل م تاخد رقمي من زول غريب كان تطلبو مني لاني اولي ويا ريت ما تتصل تاني
اغلقت الهاتف في وجهه واشمازت مما حدث وقامت بالخلود للنوم حينهاا اما هو ظل تفكيره متعلق بهت فهي اول فتاة تجعله يركض خلفها وكان قد اوشك علي ان يقع في غرامها او انه وقع فعلا
____
صباح اليوم التالي في مستشفي رويال كيير
-اوو اخو العريس الحنه عامله شغل والجكس كلو مكسر فيك 😉
*هاشمم ما حتبطل حركاتك دي 😑
-امس دي منو الكنت واقف معاها الحفله كلها
*ياتها دي؟!
-ما تعمل روحك راايح ههه ياخ كنتو مطقمين مع بعض الناس علقت عليكم
*ممكن تقول دي اثيري الحلو و....