*اثير واعيه للبتقولي فيه دا انا قُصي
_يعني شنو لو انت قُصي حيتغير او حيصل شنو؟!
*اثير انا قُصي ما اي زول فاهمه انتي؟!
_وانا اثير يا قُصي ..انا البت الانت ظلمتها وكسرتها وجرحتها ودخلتها دوامه عبارة عن الم وعذاب...انا اثير الوثقت فيك فيوم بس شووف انت عملت شنو؟...عارف ما بلومك لكن بلوم نفسي انا اديتك اكتر من قيمتك ..وعلي فكره زي ما المحب بحب بعرف يكره ولما يكره بكون كعب فانا ما عايزة اي علاقة تربطني بيك يا قُصي 🙂
*دا كلو بتقولي عشان بتحبي قصوره؟!
_ههه طلعت واحد مريض لكن ما مشكله اي يا قُصي انا بحب قصوره ومن اول مره لاقيتو وبحبو اكتر منك كمان ...اهاا عندك كلام تاني؟!
* بتعذبي نفسك وبتعذبيني معاك لي..تعالي يا اثير نفتح صفحة جديدة واعتبريها اخر فرصه لي عليك الله 💔
_سمعت بالكرامه يا قُصي؟!
*اي سمعت بيها..لكن تقصدي شنو؟
_اقصد انو كرامتي ما بتسمح لي ارجع ليك دي كرامة انثي يا استاذ قصي ...وما اي انثي دي اثير بذاتها طيب؟...واتفضل تاني ما تتصل علي 🙂
* ما تفتكري اني حاقنع بسهولة 😁
_حتندم صدقني ...☺👏
وبعدها اغلقت الهاتف في وجهه وارادت التوجهه نحو المطبخ لكن اوقفها صوته
-تصدقي ما عرفتك يا اثير
* كيف يا قصوره😅
-من غير قصد كنت ماري وسمعت مكالمتك كلامك قوي ومؤلم شديد معاه ...تقريبا دا قُصي عبدالقادر مش؟
*اي هو والله ..ما عايز يسيني بحالي بس ختيت حد ليه..ماشه انوم تصبح علي خير 🌸
-وانتي من اهل الخير😅🌸
توجهت نحو السلم ولكن امسك بيدها وحدق نظره نحو عينيها وقام بسؤالها
-اثير انتي كنتي جاده؟!
*ممم جاده في شنو يعني 😅
-حتعملي مستهبله؟!
*واستهبل لي؟!
-اثير
*عيوني
_واقسم بالله بحبك وبحب كل حاجه فيك ❤ ..وانتي هل كلامك مع قُصي لما قلتي ليه انك بتحبني جدا؟
*امممم..قصوره فكني يااخ نعسانهه انا نتكلم بكرا ...(قامت بفك يديها وهرولت نحو غرفتها هي وشهد و وقفت خلف الباب وتكاد نبضات قلبها تسمع بالخارج وكانت تشهق )
_اثير مالك زي الشفتي ليك شبح جاريه كدا
* شهد
_مالك؟!
*قصي ضرب لي و.... ، قصوره سمع المكالمه
_والحصل شنو
*قصوره طلع بحبني 😶
_وااي يااخ انتي جااده ..طيب انتي بتحبه؟!
*ما عارفه بس تلقائيا لما اشوفو بتوتر وقلبي بدق سرعه ..لكن ما عايزه اتسرعى المره دي ولو هو دايرني بجد يكلم بابا خلاص تعبت من العلاقات الواهيه دي والحاجات الرسميه دي افضل
_خير ما فعلتي طيب وقُصي...حتعملي فيه شنو؟
*شهد انتي عارفه كويس اني ما بحبه بس لو تاني اتعرض لي حاكلم بابا ..ويلا ننوم الزمن اتاخر
____
الصافيه
*قُصي ...مالك يا ولدي قاعد كدا؟!
-طلعت ما بتحبني ههه تخيلي يا امي بس💔
*منو دي يا ولدي الما بتحبك
_اثير يا امي الانا ضيعتها من يدي ..الكانت بتحبني رغم كل عيوبي بس خلاص انا دمرت الحب الكان موجود في قلبها تجاهي وجاء واحد خطفها مني 💔 اعمل شنو يا امي اي حاجه بحبها تضيع من 😪💔
*يا ولدي لو في نصيب حتكون ليك ولو ماف نصيب بنات حواء راقدات وباشارة منك بجوك☺
_كلهم ما زي اثير...انا عايز اثير وبس يا امييي غيرها ما عايز وحده تكون مرتي غيرها 💔
*قوم يا ولدي استغفر ربنا وصلي ركعتين البكي كدا ما بفيدك في شي قوم
_حاضر يا امي ..انا طالعه زاتو يلا سلام
____
اشرقت الشمس معلنة قدوم يوم جديد نهضت من علي فراشهت باريحيه قامت بتبديل ملابسها وارتدت بنطال جينز ازرق اللون مع تشيرت ابيض نصف كم مكتوب عليه بالخط الاسود كلمة Fox وحذاء عليه فرو باللون الاسود وقامت بترك شعرها كعكه غير مهذبه في وسط راسها وقامت بالنزول
_صباح الخير
ردت عليه بابتسامة اظهرت الغمازة في خدها الايسر
* صباح النور
_كيفك ؟!
*الحمدلله وانت؟!
_تماام...اهاا قلتي شنو في موضوع امس؟!
*امم اكون معاك صريحه يا قصوره؟
_احسن شي...نتحرك علي الاستراحه هناك ونتكلم قلتي شنو؟
*اوكك يلا
تحركا سويا كان هو يرتدي برمودا باللون الرمادي وتشيرت مخطط بالابيض والاسود ويرتدي حذاء جلد اسود اللون
_ابدي احكي
*انا عن نفسي زولة جربت علاقة الحب والحمدلله ما اتوفقت فيها وحاليا ما حمل اي انهيارات او الم زيادة ولو انت بجد بتحبني وعايزني اواصل معاك اصل كلم بابا ☺ افضل انه يكون في رسميه واذا بابا وافق انا كمان موافقه
_اثير انتي بتحبيني؟!
*انا ؟!.... ما عارفه والله
_طيب نفترض انك ما بتحبيني حتكوني عايشه معاي بتعاسه ...انا ما عايز اجبرك علي حاجه ولو ما بتحبيني عادي نكون اصحاب وفي النهايه احنا بينا دم بربطنا...وكمان مستعد انتظرك كل عمري بس ما بتزوجك وانتي ما بتحبيني...وعلي فكره انا كمان كنت بحب واتخذلت عشان كدا ملتمس ليك العذر ...اسيبك براحتك❤
ذهب وتركها غارقه في افكارها لم تعد تدري بماذا تفكر قامت برفع ارجلها وضمها عليها وفقط جلست هكذا الي ان قطع عليه قدوم حسام وجلوسه بجوارها وصار ينده عليها
*وين سرحانه من قبيل بناديك
_ولا حته بس موضوع شاغل بالي
*ممكن تحكي لي لو بتعتبرني اخوك وكدا
_طيب يا حسام حصل امس و....؛ بس
*انتي بتحبي منو؟
_انا ........
أنت تقرأ
كرامة أنثى
Romanceهِي ذَاتُها التي ثّغُر حُبهَا لكَ فِي وجهها...هي التي تِبعثَرت بِخَاطِرهَا مِن اجلكَ ...بِذَاتِهَا التي تَحَمَلت جَميع خّيبَاتِكَ واهَانَتِكَ وخُذلاَنِك....هي التي سَانِدتك في كل خُطواتِ حَياتِكَ...مُعتَركَاتُكَ...هزائِمُكَ .. انتِصّارتُکَ...بِذَاته...
