كرامة أنثى

١٦

-هو الكان لما يجيبو سيرة الحب بقولو ما حصل لاقانا زي حب قُصي لاثير وحب اثير لقصي لكن
*لكن شنو يا اثير كملي
-انفصلنا يا قصوره عارف كيف ..هه انا تعبت منه بالرغم من انه بحبني بس كان بخوني عارف يعني شنو خيانه وكمان لا مره لا اتنين كتييير وكل مره انا بعرف بس عشان بحبو بنسي الحاصل😪💔 لكن ما قدرت اتحمل في يوم ضربت ليه وقلت ليه قُصي انسا اي حاجه بينا ممكن تنسي انك بتعرف وحده اسمها اثير واي شي كان بربطنا اعتبرو انتهي واعتبرني انا مُت
*بس يا اثير انتي ما غلطانه
-بس انا للان بحبو وما قادره انسا
*طيب شوفي يا ستي ..احنا الاولاد ديل كدا رمم وعواليق خلاص لما البت تكون بتحب ليها واحد وحسستو بكدا انو هي ما بتقدر تستغني عنه عادي يفتري ويتقل فيها لييه عشان هو ضامن انها بتحبو وحتسامحو ..بس يا اثير انا اوريك حاجه انتي ما بتحبي بس ممكن تقولي لسه مخذولة منه ومنكسره ما قادره تتجاوزي النقطه دي وما عايزه تتخطيها بس انتي قويه وحتقدري
-تفتكر حاقدر؟!
*ولي ما تقدري زوله دكتوره بعد سنه وكمان جميله المانع شنو تتجاوزي الحاصل وعلي فكره حياتنا كلها مشاكل...انا كمان قمت لقيت ابوي متوفي فبقيت سند لاخوي واختي وامي ...عايز منك تكون قويه والناس البتحبك كتييرة شدييد ..وانا اولهم علي فكره اعتبريني اخوك وصحبك واي شي بتلقيني قدامك اتفقنا ؟!
قام بالنظر اليها مطولا ومد يديه اما هي فقد ثغرت ابتسامتها بين نثرات دموعها وصافحته
*يلا نقوم نرجع عشان النوم
-طيب يلاا
_________
الحلفايه(سيزر)
_هااااي قُصي
*دندش مشتاقيين شدييد يااخخ
_لو مشتاق بتسال😑
*والله مشغول فووق رااسي اخبارك شنو وعمتي كيفها وكدا؟
_والله يا قُصي كلهم كويسيين وبسلمو عليك انت وين مختفي كدا واخبار خالو شنو؟!
*انتي عارفهه يا دانه انا ما قاعد في البيت ومؤجر لي شقه براي عشان كدا خلينا من سيرة البيت
_ والله يا قُصي حيرتنا معاكك...اها العرس بتين 😉
*راجيك انتي😉😂
_بررري ما بعرسك انا 😂
*هو انتي لاقيه يا جزمه😑
_لاقيه ونص وعشرهه 😂😂😂
*صح اخبار حبيبك شنو؟
_ما تذكرني يا قُصي انفصلنا قبل سنه وقلبي واجعنيي شدييد وانا الغلطانه 😪
*لي مالكم يا بت؟
_انت عارف بما انه هو دكتور فبكون اغلب الوقت في المستشفي وكلام كتيير يلا انا الفتره ديك كنت زهجانه شدييد وطبيعي بتنرفز فيه وبقول ليه انت ما عايزني وكلام كدا يلاا هو قال لي انا طبيعة شغلي كدا افهمي الحاجه دي قلت ليه خلاص يا قصوره ننفصل قال لي قلتي كدا قلت ليه اي قال لي جدا يا دانه ...ومن اليوم داك ما رسل لي 😪💔
*دقيقه اسموو منو؟
_قصوره ..لي بتعرفو؟
*اخو صحبي اسمو قصوره ..ما بتعرفي اخوان قصوره اسماءهم منو؟
_اممم هو اكبر البيت عندو حسام وريتال بس تقريبا
* جاااااده يا دانه؟ اقسم بالله خدمتيني خدمة العمر..قومي اوصلك
_لي مالك
*بحكي ليك مره تانيه لكن ارح اوصلك عشان عمتي ما تقلق عليك يلاا
_اوكك يلا
________
المزرعه
جلست وهي شاردة الذهن اثناء تفكيرها فيما حدث ووجدت ان جزء منها تناساه ولكن رن هاتفها وقامت بحمله لم ترا من هو المتصل مع انشغالها نزلت الي السفل وقام بفتح الخط
_الووو
*اثير
_منو معاي؟!
*معقوله ما عرفتيني؟!
_لا ممكن تتفضل توريني منو؟
*انا قُصي
_هه اهلين قُصي ☺
*مالك بتضحكي ؟!
_ولا شي ..بس اتفضل احكي لي متصل علي زي المواعيد دي؟ ما اظن في علاقه حب او صحبهه بتربطنا عشان تتصل علي في وقت متاخر زي دا ☺
*عايزة تقنعيني انك ما موجعه وزعلانه علي فراقنا؟
_ههه وازعل لي ؟ فاونديشن ماك وقعت واتكسرت عشان ازعل عليك ولا خط ايلاينر ما عرفت اظبطو في النهايه☺
*اثير انا جادي معاك بطلي امورك دي...وانا عايز اتكلم معاك ؟
_تتكلم معاي بصفتك شنو وريني اخوي ولا صحبي؟!
*بصفتك حقتي 😑
_ههههه O.M.G حقت منو ؟ ما تضحكني يا قُصي حقتك بي وين ؟ معليش يعني انت عاقد علي ولا حاجه ؟!
*بطلي برودك دا وانا جادي اثير انا لسه بحبك💔
_ههه بتحبني ؟ ما حاسي نفسك متاخر؟ دي 3 سنوات يا قُصي ما 3 ايام وعلي فكره حبك دا انا اعمل بيه شنو اسي؟ وين كنت لما انا بنوم وانت بتخون فيني وبتتكلم مع چيهان او اي وحده تانيه ؟ وين كنت لما انا مرضت ورقدت مستشفي ويوم اطلع اتصل عليك وانت ما جايب لي خبر ..دقيقه وين كنت لما انا احتجت ليك لما اتكسرت واتخذلت وين انت كنت؟وجاي بكل بساطه تقول لي يا اثير انا لسه بحبك 😂😂 ضحكتني ياقُصي عبدالقادر شديييد يااخخ خليك زول جادي شويه واتذكر انك ما بتكلم مع وحده من بناتك الفلتانات لا يا بيبي معاك اثير محمد عمر الكناني او قول دكتوره اثير ممكن باشارة اصبع من اغطس حجرك بس انا ما كعبه عشان ابوظ عليك دنيتك واخر حاااجه كدا يا بيبي امشي لي چيهان لانها بتحبك وحتصونك اما انا الفلتانخ لا بحبك لا بصونك وبليييز don't call for me طييب ولو ما فهمتني عادي اعمل ليك ترانسليشنن واهم شي كدا انساني يا قُصي وما تتجاوز حدودك معاي طيب؟
*اثير واعيه للبتقولي فيه دا انا قُصي
_يعني شنو لو انت قُصي ح..................